Opinione

Presidenti Ilir Meta reagon lidhur me raportin e Departamentit Amerikan të Shtetit, për klimën e investimeve në vend.

Kreu i shtetit thotë se Shqipëria perceptohet në raportin vjetor të Departamentit Amerikan të Shtetit si vendi me korrupsionin më të lartë në Ballkanin Perëndimor, ku klima mbytëse e të bërit biznes është përkeqësuar nga vendimet arbitrare e politikat fiskale jo transparente dhe klienteliste që cenojnë konkurrencën dhe sipërmarrjen e lirë.

Meta thotë se sipas konkluzioneve tronditëse të DASH “investitorët e huaj përmendin korrupsionin, veçanërisht në gjyqësor, mungesën e transparencës në prokurimin publik dhe zbatimin e dobët të kontratave si probleme të vazhdueshme në Shqipëri. Përdorimi në rritje i kontratave të Partneritetit Publik Privat (PPP) ka ulur mundësitë e konkurrencës, përfshirë investitorët e huaj, në infrastrukturë dhe sektorë të tjerë. Investitorët amerikanë sfidohen nga korrupsioni dhe vazhdimi i praktikave informale të biznesi. Të drejtat e pronës vazhdojnë të jenë një sfidë sepse titulli i qartë është i vështirë për t’u fituar. Ka pasur raste që individë dyshohet se manipulojnë sistemin gjyqësor për të marrë tituj të paligjshëm të tokës”.

Në vijim shprehet se ky raport vjen në një kohë kur shoqatat e biznesit, Dhomat e Tregtisë, përfshi dhe atë Amerikane, kanë ngritur në mënyrë të përsëritur shqetësimin në lidhje me përkeqësimin e klimës së biznesit dhe të investimeve.

Presidenti nënvizon se edhe Banka Botërore në raportin e saj të ‘Doing Business’ ka ngritur me shqetësim rritjen e barrës fiskale dhe ndryshimet e shpeshta në aktet ligjore dhe nënligjore.

Ndërsa sipas tij, Fondi Monetar më herët ka ngritur me shqetësim rrezikun nga rritja e numrit dhe të kostos së PPP-ve, si dhe rritjen e borxhit publik si pasojë e tyre.

“Sjell në vëmendje se shumë dekrete për kthimin e ligjeve që denoncojnë antikushtetutshmërinë e tyre, cenimin e interesit publik e kombëtar, si dhe cenimin e financave të shtetit me ligje speciale me efekt favorizues për një grup të caktuar individësh janë rrëzuar nga Kuvendi i Shqipërisë. Procesi ligjbërës po shpërdorohet haptazi, në mënyrën më flagrante të mundshme, ku tashmë nuk po shkelet ligji për të kryer favore, por po bëhen ligje të posaçme për t`i realizuar ato”, shkruan Presidenti.

Ai shton se në këtë klime mbytëse për investitorët e brendshëm dhe të huaj, kur PPP-të dhe tenderat janë përqendruar vetëm në një grusht oligarkësh, në kushtet e tentativave për amnisti fiskale korruptive, si dhe të mungesës së transparencës në sistemin e prokurimeve, është domosdoshmëri kthimi i ekonomisë në normalitet në funksion të zhvillimit të qëndrueshëm.

Meta thotë se i ka bërë thirrje publike prej muajsh Prokurorisë së Posaçme Antikorrupsion (SPAK) të nisë hetimet për të gjitha procedurat e propozimit dhe shqyrtimit të këtyre ligjeve për të vënë përpara përgjegjësisë autorët, të cilët përmes ligjit duan të përmbushin qëllimet e tyre favorizuese klienteliste, por se ende nuk ka marrë asnjë përgjigje dhe ende nuk ka asnjë hetim.

Presidenti deklaron se procesi ligjbërës dhe interesat klienteliste nuk mund të fusin në qorrsokak procesin e integrimit dhe të ardhmen europiane të Shqipërisë.

“Është koha që shqiptarët të marrin në dorë fatet e tyre!”, thotë në mbyllje kreu i shtetit. /noa.al

Kryetarja e Lëvizjes Socialiste për Integrim, Monika Kryemadhi ka folur lidhur me zgjedhjet parlamentare të 25 prillit. Në fjalën e saj, Kryemadhi foli edhe për fenomenin e vjed hjes së votave.

Ajo u shpreh se askush nuk i ka marrë votën partisë së saj, duke u shprehur e bindur se do të fitojnë bindshëm ndaj socialistëve të udhëhequr nga Edi Rama.
“Ne do hyjmë në zgjedhje, jo vetëm që do të hyjmë në zgjedhje. Po do ta th yejmë në mes Edi Ramën. S’kam fr ikë unë. Të guxojë ndonjëri t’i prekë votat e LSI. Çdo parti t’i mbrojë vetë votat e veta. Se kanë edhe komisionerë në zgjedhje. Për ça i kanë?,”-tha Kryemadhi.

Ish-ministri socialist i Financave, Arben Malaj, e sheh shumë të gabuar për të rinjtë mesazhin e dhënë nga ministrja e Arsimit, Besa Shahini, se nuk do të kontribuojë në fushatën e ardhshme zgjedhore dhe se do të largohet nga Shqipëria pas mbarimit të detyrës si ministre.

Në një intervistë për gazetën “Panorama”, Malaj vlerëson si të drejtë normale të ministres Shahini që të zgjedhë çfarë është më e mira për të dhe familjen e saj, por ai mendon se Besa i ka prerë në besë aspiratat dhe ambiciet e të rinjve që duan të angazhohen në politikë, sidomos grave dhe vajzave.

Deklarata e ministres Shahini se do të largohet nga Shqipëria pas mbarimit të mandatit qeverisës, sipas Malajt tregon mënyrën e papërgjegjshme se si Kryeministri Rama ka ndërtuar kabinetin e tij qeverisës “me përzgjedhjet e tij spontane dhe “individë që betoheshin” publikisht apo në heshtje se do të absolutizonin modelin e tij të lidershipit”.

Malaj shprehet se ndryshe nga socialistët e thjeshtë, të cilët bëjnë fushatë dhe japin votën për PS-në, “besnikë deri në vdekje”, njerëzit që Rama ka ofruar në qeveri dhe në Parlament janë klonuar nga Mjaft-istë në Rilindas dhe zotërojnë 80 për qind të pushtetit të PS-së në të gjitha përfaqësimet, duke i shërbyer Ramës pa asnjë përgjegjësi shtetërore dhe pa asnjë përgjegjësi politike, por thjesht për promovim të pamerituar.

Ministrja e Arsimit, Besa Shahini, deklaroi se nuk do të marrë pjesë në fushatën zgjedhore të PS-së sepse kërkon t’i bashkohet familjes në Kosovë. Si e vlerësoni politikisht një qëndrim të tillë nga një anëtare e kabinetit qeverisës?

Besoj se znj. Shahini gëzon lirinë e plotë për të bërë zgjidhjet më të mira për familjen e saj dhe për angazhimet e ardhshme shkencore apo politike në Kosovë dhe jashtë saj. Si anëtare kabineti, ajo kishte një karrierë politike pa angazhime partiake, gjë që është normale në demokracitë funksionale, pasi individë të ndryshëm edhe në qeveritë e vendeve perëndimore marrin mandate politike edhe pa qenë anëtarë të partive politike. Por ata duhet të gëzojnë një avantazh publik të spikatur në fushën përkatëse ku shërbejnë, si ministër ose në jetën publike. Në këtë kontekst, znj. Shahini i ka “krahët e lirë” të bëjë zgjedhjen e saj, pa ndierë detyrime ndaj socialistëve apo ndaj opinionit publik në Shqipëri, sepse ndoshta kjo ka qenë kontrata informale me Kryeministrin: “Do të shërbej në qeverinë tuaj deri sa të jem ministër, pas asaj gjithçka kthehet në pikënisje zero”.

Cila është përgjegjësia e Kryeministrit nga një deklaratë e tillë?

Kryeministri nuk ka asnjë përgjegjësi, as morale, as politike dhe as ligjore, të paktën deri në auditimin e Ministrisë së Arsimit pas zgjedhjeve 2021, sepse ai e bazoi përzgjedhjen e ministrave, kryetarëve të bashkive dhe titullarëve në institucione dhe agjenci të rëndësishme të qeverisjes së vendit, te përzgjedhjet spontane dhe thellësisht personale të pushtetit të tij absolut dhe abuziv. Rama e ndërtoi hierarkinë e tij qeverisëse nga qeliza më e vogël përfaqësuese në nivel vendor e qendror deri te mandatet më të larta politike te “kandidatë parafabrikatë”, me përzgjedhjet e tij spontane dhe “individë që betoheshin” publikisht apo në heshtje se do të absolutizonin modelin e tij të lidershipit. I keni parë disa ministra, që sa herë hapin gojën në publik thonë se këtë “dhuratë nga qielli” apo këtë të mirë e ke vetëm nga Kryeministri Rama? Rama nuk ka asnjë përgjegjësi, gjithashtu, sepse shqiptarët e kanë votuar dhe rivotuar edhe pas këtij keqshpërdorimi të pushtetit në përzgjedhjen dhe promovimin e përfaqësuesve politikë të PS-së. Kjo “mbështetje” në parti, në Parlament, në publik e ka bërë Ramën mospërfillës, arrogant dhe abuzues me postin e rëndësishëm të Kryeministrit të një vendi që po varfërohet akoma më shumë edhe nga keqqeverisja e tij dhe po mbetet i bllokuar në perspektivën e tij europiane.

Si duhet të ndihet një socialist, i cili mund të mos e ketë gjetur një vend pune gjatë qeverisjes socialiste dhe përsëri angazhohet në fushatat zgjedhore për ta bërë përsëri fituese PS-në?

Ju lutem, ndani rilindasit nga socialistët e thjeshtë, të cilët janë 99 për qind e PS-së. Ata janë me mijëra njerëz të mirë, shumë prej tyre janë “besnikë deri në vdekje”, të cilët pranojnë të japin votën thjesht dhe vetëm për besnikëri, pa kërkuar asnjë shpërblim personal apo familjar. Ndërsa pjesa prej 0.67 % e G99-ës, që ka sot mbi 80 % të pushtetit real të socialistëve në çdo nivel përfaqësimi, janë klonuar nga Mjaft-istë në Rilindas, duke i shërbyer Ramës pa asnjë përgjegjësi shtetërore dhe pa asnjë përgjegjësi politike, por thjesht për promovim të pamerituar. Por siç thotë me ironinë labe një mik i përhershëm i Ramës në Vlorë, këta nuk janë “gurë themeli të socialistëve”, por janë “gurë të hedhur” në oborrin e PS-së, të cilën e keqpërdorën deri në dhimbje PS-në për pushtetin e tyre të paditur, të papërgjegjshëm, deri edhe të lidhur me krimin.

Cili mund të jetë mësimi që del nga një qëndrim i tillë i një ministreje?

Kjo është pyetja thelbësore e kësaj interviste. Ministrja Shahini, përpara se ta (keq)përdorë lirinë saj për çdo zgjedhje të saj personale, duhet të qartësojë trashëgiminë e saj politike në politikën shqiptare dhe në Ministrinë e Arsimit. Trashëgimia e saj në politikë është një model jopozitiv. Me këtë deklaratë, akoma në postin e ministrit të Arsimit – ajo u jep një mesazh zhgënjyes dhe negativ brezave të të rinjve, të rinjve shqiptarë dhe në veçanti mijëra vajzave dhe grave që kanë ambicie të natyrshme politike. Mesazhi i Besës është mungesa e besës ndaj tyre.

Sepse Besa me veprimin e saj edhe pa folur, u jep mesazhin: Mos u përpiqni të shërbeni, mos u lodhni të sfidoni, thjesht gjeni njeriun e duhur, në vendin e duhur, në kohën e duhur dhe mund të fluturoni në karrierë nga një profil modest, në ministre të Arsimit të një vendi, ku treguesit e arsimit u përkeqësuan akoma më shumë gjatë drejtimit të saj. Mësimi, nga rastet e promovimeve spontane dhe prodhimi i “liderëve parafabrikatë”, është i qartë: partitë politike u shërbejnë mirë interesave të popullit dhe vendit të tyre, i plotësojnë më mirë sfidat ndaj vendit të tyre në pozitë dhe opozitë, në varësi nga cilësitë e liderëve në çdo mandat politik. Rruga më e mirë e identifikimit, promovimit, përmirësimit të cilësisë së liderëve politikë dhe qeverisës duhet të jetë investimi afatgjatë nëpërmjet programeve të lidershipit, intershipet dhe akademitë politike. Në rast të kundërt, cilësia e lidershipit politik do të përkeqësohet dhe për pasojë, edhe qeverisja e vendit do të përkeqësohet, ndërsa Shqipëria rrezikohet të vazhdojë krizën e tejzgjatur të liderëve parafabrikatë, spontanë, të babëzitur dhe arrogantë.

Ish-nënkryetarja e PD Jozefina Topalli akuzon Partinë Demokratike nën drejtimin e kreut aktual Lulzim Basha se ka vepruar me dy standarde, në procesin që ka nisur për përzgjedhjen e kandidatëve për deputetë.

“Atë e kam në postën time elektronike dhe jam habitur shumë. Por më shumë jam habitur nga qëndrime të ndryshme nga ata që vendosin për të tilla gjëra. Ndoshta në fakt nuk është fjala e duhur “çuditur”, pasi nuk duhet të çuditesh kur ka disa standarde në procese të caktuara që për mua nuk janë thelbësore, por formale”, tha Jozefina Topalli.

Ajo akuzon personalisht edhe kryedemokratin Lulzim Basha se ka dobësuar opozitën dhe shtron nevojën e një lëvizje të shqiptarëve për të sjellë ndryshim.

Por lëvizje, nuk do të thotë për Topallin krijimi i një partie te re politike?

“Nuk kam dëshirë të hyj apo të krijoj parti politike. Dëshira ime është të krijohet një lëvizje për ndryshim pasi ka një të vërtetë të madhe. Nëse gjërat shkojnë keq duhen ndryshuar”, – shtoi ish kryetarja e Kuvendit.

Ndryshim, sipas saj, nuk sjell as rotacioni politik.

“Rotacioni mes tre personave që bashkëpunojmë me njëri-tjetrin nuk kanë sjellë ndryshim. Është riciklim”, nënvizoi Topalli.

Gjatë intervistës sot në studion e A2, ajo u shpreh e fyer, që i është kërkuar të plotësonte formularin e fazës së parë edhe pse një udhëzim i PD e përjashtonte nga ky detyrim.

Topalli përsëriti disa herë se kryedemokrati ka bashkëpunuar me kryeministrin për interesa personale përkundër kauzave të opozitës dhe paralajmëroi se nuk do kthehet në PD, sa kohë Lulzim Basha do të jetë në krye të saj.

/NOA.al

Kryetarja e LSI-së, Monika Kryemadhi është shprehur se nuk ka pranuar që të bëjë kontratë bashkëqeverisje parazgjedhore me Partinë Demokratike, pasi sipas saj, kjo gjë do ta shkatërronte Partinë Soicaliste.

E ftuar në “5 pyetjet nga Babaramo”, Kryemadhi u shpreh se ata do të vijnë në pushtet si një maxhorancë e fortë, por që gjithashtu do të kenë nevojë, edhe për një Opozitë të fortë. Teksa u pyet nëse ndjen keqardhje për PS-në, me të cilën ka qenë në koalicion në vitin 2013, Kryemadhi e pranoi këtë gjë, duke shtuar se kanë kaluar shumë gjëra bashkë dhe nuk mund të lërë kryeministrin Edi Rama që ta çojë me 2%.
Pjesë nga Intervista

Kryemadhi: Nëse do të kishim një dalje të tillë, do të dëmtohej PS, do të binte nën 40 mandate. Do të krijoheshin disa rrjedha nënujore, nënrrjedha që do ta dëmtonin shumë.

Ilir Babaramo: A do t’i leverdiste shoqërisë shqiptare rrënimi në përfundim me 5 përqind si PASOK në Greqi?
Monika Kryemadhi: Pavarësisht inateve politike me njëri-tjetrin për momentin ne kemi nevojë për një opozitë, ne pavarësisht ku është katandisur PS, ne do të kishim nevojë për një opozitë të fortë… Edhe ne ndonjë dhimbje të vogël e kemi për PS, nuk do e lejmë Ed Ramën ta cojë në 2 përqind.

Në një postimi në Facebook, ish-kryeparlamentarja Jozefina Topalli komenton datën e zgjedhjeve të reja.

Për Topallin, KQZ nuk është gati dhe as ligji për zgjedhje nuk është gati.
Topalli shton se vendi rrezikon që të shkojë drejt zgjedhjeve të reja, pa përmbushur as minimumin e gjërave.

Topalli: Presidenti Meta dekretoi që zgjedhjet për Kuvendin të mbahen më 25 prillin e ardhshëm, pothuaj 8 muaj përpara. Por ligji per zgjedhjet nuk eshte gati. kQZ nuk eshte gati; pergatitjet per digitalizimin e procesit nuk eshte kerkund. Marrja e pushimeve nga politikanet ka shtyre punen per votimin e ndryshimeve te nevojshme ne kodin zgjedhor. Per shkak te pushimeve ende nuk ka filluar puna per ndertimin e KQZ, e cila duhet ndertuar nga e para me nje organizim e strukture krejt tjeter. Nderkohe pergatitjet per identifikimin e zgjedhesve si nje nder kerkesat e “opozites” jashte parlamentit ende s ka filluar. Edhe keta me pushime… per Keshillin Politik eshte e tepert te pretendosh te mblidhet… si nje strukture e cuditshme qe eshte , natyrisht edhe ajo vazhdon vakancat.. Ne fakt per shkak te vacancave te gjata te politikaneve; per shkak te mos mbledhjes se Keshillit Politik, vendi rrezikon te shkoje drejt zgjdhjeve te ardhshme pa permbushur as minumumin e gjerave. Qe qeveria nuk shqetesohet per standarte kjo eshte e kuptueshme, por qe opozita te jete aq e rahatuar sa te vazhdoje vacancat dhe te mos shtyje procesin kjo eshte e çuditshme.

Për Topallin kjo sjellje, si nga opozita dhe mazhoranca është një hipokrizi e atyre që bërtasin për zgjedhje të lira.
Topalli: Heshtja per sa me lart nga te gjitha anet flet per hipokrizine e atyre qe bertasin per zgjedhje te lira ose lajmeron per nje linje konflikti ne muajt e ardhshme. Qytetaret qe ndjekin politiken nga ekrani kane nje koment… Prap keta? Prap Edi Rama, Ilir Meta e Lulzim Basha? Ne fakt vendi eshte pa alternative. Tre emrat me lart jane bashke. Ata grinden vetem per pjeset tek koncesionet e tenderat. Nderkohe Vendi ka nevoje deshperuese per ndryshim. Qytetaret duan shprese. Protestat ne Minsk jane nje frymezim edhe per shqiptaret kundra nje klase politike te korruptuar e te deshtuar si kjo e jona. Shpresa nuk do jete kurre e heshtur. Me vote, me proteste apo me te dyja bashke qytetaret do clirojne vendin nga 3-4 vete ( kryetare partish)qe e mbajne peng ate.