Opinione

Presidenti Ilir Meta mban fjalën e dhënë një ditë më parë, për publikimin e emrave të deputetëve të cilat votuan dje në parlament pro ndryshimeve në Kodin Zgjedhor.

“Kjo është lista e 97 emrave që kanë ngritur dorën për të bllokuar integrimin dhe të ardhmen europiane të Shqipërisë”, shkruan ai teksa ndan emrat e socialistëve dhe deputetëve të opozitës së re parlamentare, të cilët i quan me mandate antikushtetuese.

Ai ndan edhe reagimin e PPE, “pas këtij akti të turpshëm”: “Duke votuar shkeljen e Marrëveshjes së 5 Qershorit të negociuar nga Bashkimi Europian me opozitën, kryeministri shqiptar Edi Rama hodhi një hije të errët mbi zgjedhjet e ardhshme të prillit, të cilat duhet të ishin të lira e të ndershme, dhe më të mira se të mëparshmet.

Me këtë veprim Rama qartësisht pengon integrimin europian të Shqipërisë. Më saktësisht, shkelja e marrëveshjes së 5 Qershorit rrezikon të bllokojë dhe të shtyjë Konferencën e parë Ndërqeveritare si hapin e parë për fillimin e negociatave të pranimit në BE. Shqipëria meriton shumë më mirë se kaq. Ne i bëjmë thirrje Presidentit t’i kthejë ligjin e sotëm parlamentit. Ne i bëjmë thirrje Kryeministrit Rama të rishikojë pozicionin e tij për hir të së ardhmes europiane të popullit shqiptar”.

Në mbyllje të qëndrimit të tij Meta shkruan, “Koha për reflektim! Thellohuni para se të jetë shumë vonë!”.

Abazi Sadri Ahmetaj Arben Angjeli Anastas Balla Taulant Baraj Besnik Bello Vilma Beqaj Ilir Beqiraj Ismet Bici Dritan Bitri Robert Bode Edlira Braçe Erion Braho Spartak Bushaj Xhevit Bushati Ditmir Bushati Ervin Bushka Klotilda Çela Bujar Çuçi Bledar Çyrbja Jurgis Doshi Tom Dralo (Malo) Artemis Duzha Luan Dhima Antoneta Ekonomi Milva Fino Bashkim Gjermeni Eglantina Gjiknuri Damian Gjylameti Blerina Harusha Luan Hoxha Elona Hyseni Alket Hysi Vasilika Hysko Eljo Jaku Ardiana Kamami Arben Klosi Blendi Kodheli Mimi Koka Lefter Konomi Ardit Kumbaro (Furxhi) Mirela Kushi Evis Lala Reme Leka Edmond Majko Pandeli Manastirliu Ogerta Manja Ulsi Marto Andrea Meço Ervis Mesi Senida Nasufi Fadil Ndraxhi Ilir Nikolla Lindita Peleshi Niko Pendavinji Ilirian Pëllumbi Arben Piro (Nurçe) Tatiana Qefalia Xhemal Rama Edi Rista Adelina Roshi Enver Ruçi Gramoz Rraja Rrahman Sinaj Vullnet Spahiu Klodiana Spaho Florenc Spiropali Elisa Sterkaj Paulin Shalsi Eduard Shameti Adnor Ulqini Musa Valikaj (Felaj) Ermonela Velaj Fatmir Vorpsi Sadi Xhaçka Olta Xhafaj Fatmir Xhelilaj Rolant Xhembulla Almira Xhina Elena Xhindi Anduel Ylli Fidel

ME MANDATE ANTIKUSHTETUESE

1.Klajdi Qama

2.Majlinda Halilaj

3.Selami Jenishehri

4.Nimet Musaj

5.Aurora Mara

6.Edmond Rrushi

7.Krenar Rryçi

8.Nikolin Staka

9.Vasil Sterjovski

10.Edmond Stojku

11.Ylli Shehu

12.Ramazan Gjuzi

13.Eugen Bojaxhiu

14.Ediola Braha

15.Arlind Çaçani

16.Arben Elezi

Ish-deputeti i PD-së që u la jashtë listës së Beratit për kandidatët për deputetë në zgjedhjet e 2021, Astrit Veliaj, ka thënë se është i zhgënjyer nga ky vendim, pasi ai e cilëson veten si një nga kontribuesit më të mëdhenj të PD ndër vite.

Veliaj gjatë një interviste për gazetarin Besart Jacaj, tha se Basha është njeri i formuar dhe me parime perëndimore, por nuk ka vullnet të ndëshkojë pandershmërinë, si fillim brenda partisë.
Ai më tej tha se Berisha është lideri historik i PD, dhe se pa të partia blu nuk vjen kurrë në pushtet.

Pyetje: A ndiheni i zhgënjyer nga vendimi i përjashtimit nga lista në qytetin e Beratit?

Veliaj: Nuk jam i zhgënjyer vetëm unë, por të gjithë demokratët e Beratit, të gjithë ata që kanë shpresë se vendi do të bëhet më mirë. Megjithatë, unë gjithmonë jam ndjerë deputetë, nuk më ka bërë karrigia deputetë. Më herët si biznesmen kam ndimuar persona me aftësi ndryshi, persona në nevojë. Më bën zemra dhe ndjenja ime të jem deputetë, jo karrigia. Unë jam kontribues në PD gjithë këto vite.
Pyetje: A keni pasur kontakte me Bashën para dhe pas kësaj?

Veliaj: Unë me Bashën nuk kam pasur kontakt as para as mbrapa. Raportohet kanë qenë herë të afërta herë të largëta. Kam qenë gjithmonë kritik ndaj tij, kur shkelte parimet. Kam qenë pjesë e debatit ne grupin parlamentar. Kam qenë kritik për kapjen e bazës nga njerës meskinë. Dhe Basha më thoshte s’është puna jote. Mos u merr me atë punë ti. Pandëshkueshëmria e liderit ndaj këtyre njerëzve ka sjellë këtë situatë. Nuk mendoj që Basha është i painformuar për çfarëdo ka ndodhur, por pamundësia e tij për të vepruar e ka sjellë këtë situatë. Basha është njeri perëndimor, i kultivuar jashtë, është temperuar shumë gjatë këtyre viteve, por i mungon kurajo për të luftuar pandershmërinë. Të paktën të marrë modelin e Kosovës ose Maqedonisë, kryetari i partisë të delegojë kryeministrin.

Mendoj që më mirë se Basha nuk ka kush e bën tjetër, se s’dua të them emra, por i duhet vullnet, pasi është i formuar. Të fusi një model të ri, ta mbyllë këtë histori 30-vjeçare unë unë dhe s’ka tjetër. Do lartësojë veten. Do jetë mbi kryeministrin. Do jetë gjë e madhe. Ai sot nuk kontrollon dot bazën, baza është shthurur. Ka ikur koha e një lideri autoritar, por dhe mënyra se si funksionon basha e ka shthurur bazën. Nuk ka ndëshkueshmëri ndaj pandershmërisë.

Pa ndihmën e Berishës PD nuk vjen në pushtet. Ai është njeriu më i pushtetshëm sot për sot. Ka një elektorat shumë të konsiderueshëm. Do mbetet në histori për artin që ka bërë. Uroj që ta bëjë dhe Basha këtë gjë.

Kryedemokrati Lulzim Basha reagon lidhur me votimin e sotëm në Kuvend, të ndryshimeve nëKodin Zgjedhor.

Ai thotë se akti i sotëm antikushtetues shkatërron konsensusin e 5 qershorit dhe godet rëndë integrimin europian të vendit.

“Rama e hodhi hapin e fundit drejt greminës. Por ai nuk do ti marrë dot me vete Shqipërinë dhe shqiptarët. Asgjë nuk e shpëton dot atë nga humbja dhe ndëshkimi që e pret!”, shkruan Basha.

“Sot kush jep votën për Lulin, merr Ilirin! Këtë duhet të kuptojnë shqiptarët.”

Kryeministri Edi Rama i qëndron kësaj bindje, duke folur për ndryshimet në kodin zgjedhor. Sipas tij, kush do të bëhet deputet e ka rrugën mjafton të ketë votat e nevojshme.

Rama thotë se formulat i ka shpikur bota, dhe Shqipëria ka marrë një mekanizëm, por ai thekson se pas zgjedhjeve do të shihet pikërisht që shqiptarët do të zgjedhin me votat përfaqësuesit e tyre.

Lidhur me uljen e pragut elektoral në 1% deklaroi se “E bëmë një ulje praprake, tani 1%. Çfarë janë këto parti, edhe pragu kaq, dhe klithin. Ça duan në Kuvend ende? Të dalin të marrin vota.”

Deklarata e kreut të qeverisë u bë teksa u votuan ndryshimet në Kodin Zgjedhor.

Gjatë ditës së sotme po mbahet seanca plenare në Kuvend për votimin e kodit të ri zgjedhor.

Në fjalen e tij deputeti i opozitës parlamentare, Lefter Maliqi është shprehur se me votimin e kodit të ri zgjedhor po shkelet marrëveshja e 5 qershorit.
Gjithashtu Maliqi u shpreh se nëse fiton PS-ja do të largohem përfundimisht nga politika.

“Sot një seancë turpi, e pështirë, çfarë do që të bëjnë me ndryshimet në Kodin Zgjedhor tregojnë frikën e tyre, ku janë këta që morën tepsinë dhe timonin, këta që kishin gjysmën e parlamentit, pre ndryshojnë koalicionet, pse nuk i hapën listën, pse kanë frikë se parlamentin, bandat i kanë. Ju sot po gënjeni dhe po mashtroni të gjithë shqiptarët, po shkelni marrëveshjen e 5 qershorit, po mbyllni Shqipërinë, por çfarë do që të bëni fitorja do jetë plebishitare, nëse nuk fiton opozita e bashkuar, unë do largohem përfundimisht nga politika”, tha Lefter Maliqi.

Nga seanca e sotme e Kuvendit, përballë deklaratave të opozitës parlamentare, Kryeministri Edi Rama nuk la pa shigjetuar Presidentin Ilir Meta.

Gjithçka duke iu referuar fjalës së tij në konferencën e sotme për mediat me Presidentin e Bosnjës, ku komentoi votimin që pritet të ndodhë sot për ndryshimet në Kodin Zgjedhor.

“Shembullin më të keq e jep Presidenti i Republikës së Shqipërisë i cili si askush tjetër nuk ka kapacitetin mendor dhe moral që të përmbahet të paktën në krahun e një homologu që vjen nga jashtë. Nuk më kujtohet ta ketë bërë as vetë Saliu, që në krahë me një të huaji të ketë përdorur një fjalor vulgar, shantazhesh dhe depresiv për kundërshtarët”, u shpreh Rama.

Sipas tij Ilir Meta del e flet në emër të Kushtetutës dhe shqiptarëve, që mbase i shkon me viktimat e OFL që sipas tij i takon skutave, por jo me Partinë Socialiste dhe popullin shqiptar, “që do afishoka emrat e deputetëve publikisht të cilët do të marrin jo vetëm kosto politike dhe morale nëse votojnë sot:.

“Me cilat mjete të dhunshme, apo me armët që do rrëmbeheshin në 2017-ën. Shqipëria ka nevojë për të gjithë pa dyshim, por unë nuk jam udhëheqës i PS që të ushqejë partitë e vogla dhe koha ka treguar se partitë e vogla nuk kanë sjellë asgjë të mirë për Shqipërinë, por se janë grupe shantazhierësh që kanë shqyer më shumë se të mëdhatë shtetin. Janë parti pengmarrësish që vijnë në parlament për të kapur një ministri, për ta bërë pastaj degë të thesarit të atij që ka vulën”, deklaroi Rama.

Më tej shtoi se opozita dhe Ilir Meta duan të mbledhin njerëz dhe të thonë “turru, kapi, mblidhi, silli dhe pastaj të vij kush të vij këtu, për tu turrur, për të kapur, mbledhur dhe për të çuar te shtëpia”.

Duke iu drejtuar opozitës në parlament, ai tha se Partia Socialiste nuk është shërbëtore e tyre, por e popullit.

Më tej tha se, “E dini pse ne e kemi udhëhequr dhe do e udhëheqin vendin, jo se jemi të rënë nga qielli, pa gabime apo pa të meta, por se ky popull nuk është budalla. Çdo individ që flet në emër të popullit, qoftë në krye të vendit apo në rrjetet sociale, është i destinuar të marrë dënimin. Duhet të kapërceni një hendek të madh për të marrë votat, nuk merrni vota ju as me lista të hapura, apo të mbyllura, se ju kujtoni se shqiptarët janë budallenj. Për sa kohë që mendoni se shqiptarët janë budallenj, ju s’keni shans ta konkurroni PS”.

Ndër të tjera tha se “Nuk ka problem të më sulmoni mua, jam mësuar me origjinalin, kopjet s’më bëjnë fare përshtypje”.

Presidenti Ilir Meta reagon ndaj deklaratës së bërë nga Kryeministri Edi Rama, për të cilin thotë se “Mister 1 Prilli, ti gënjen edhe kur s’e hap gojën”.

Më tej i bënë thirrje që të mos guxojë të vërë dorë mbi marrëveshjen e 5 Qershorit.

“Shqipëria kurrë s’ka njohur trafikant më të papërgjegjshëm se sa ti, peng i bandave dhe armiqve të Shqipërisë. Po e preke 5 qershorin, Ilir Metën do e kesh në çdo shesh të Shqipërisë dhe ti do ëndërrosh fatin e shokut tënd që ngeli dhe pa parti. Nëse ndonjë mik i huaj të është ankuar për mua, kërkoji leje se e publikoj unë se çfarë i kam thënë, që ta dëgjojë mbarë bota se për ç’miq bëhet fjala”, shkruan Meta.

Ky reagim vjen pasi Rama tha sot në parlament se “Presidenti i Republikës si askush tjetër nuk ka kapacitetin mendor dhe moral që të përmbahet të paktën në krahun e një homologu që vjen nga jashtë. Nuk më kujtohet ta ketë bërë as vetë Saliu, që në krahë me një të huaji të ketë përdorur një fjalor vulgar, shantazhesh dhe depresiv për kundërshtarët”.