Opinione

I drejtëpërdrejtë si gjithmonë, Arjan Çani iu përgjigj pyetjeve rreth personazheve kryesore politikë në vend, në një intervistë televizive mbrëmjen e djeshme.

Ai parashikon që Basha do të jetë kryeministër një ditë, por jo në një ardhme të shpejtë pasi sipas tij Rama merr edhe mandatin e tretë vitin e ardhshëm.

Çani thotë se “zgjedhjet inxhinierike” e pengojnë Bashën të jetë kryeministër pas 25 prillit 2021 dhe për këtë, parashikon sërish PS-në në pushtet.

Arjan Çani thotë se Berisha është personazhi më interesant që ka pasur ndonjëherë në emisionet e tij.

Çani gjatë intervistës analizoi Bashën dhe Metën, përballë Ramës, në betejën aktuale politike në vend:

Çfarë ke kundër Erion Velisë?

Unë nuk kam asgjë kundër.

Pse e quan Vilajet Qyrku?

Po më pyet për histori të para 10 viteve. Unë kam memorie shumë të dobët dhe nuk mbaj mend asgjë rreth këtij personazhi. As nga e kaluara as nga kjo e sotmja. Nuk më thotë gjë ai. Aq shumë s’më thotë sa nuk jam fare i vëmendshëm ndaj gjërave që ai bën.

Kush ka qenë personazhi më interesant në emision?

Në 18 vite emision personazhi më interesant është Sali Berisha. Është i ditur, di të dëgjojë, të të respektojë. Berisha është një nga klientët më interesantë dhe më të bukur të emisionit. Nuk e them politikisht, por realisht më intrigon. Ka një staturë që nuk e gjen në asnjë personazh tjetër.

Ku ndryshon nga zoti Basha?

Është tjetër gjë. Si nata me ditën.

Çfarë është Basha?

Basha është kryeministër i ardhshën. Nuk e di se kur, por ai do të jetë sepse i ka cilësitë për të qenë i tillë. Është një njeri që nuk i beson dot kollaj dhe për këtë do të bëhet kryeministër. Kur ai të thotë diçka ti nuk e beson dhe këtë e ka favor.

Edi Rama?

Është njeriu që njoh më shumë se të gjithë. Vonë e kam kuptuar që është një bullist i niveleve të larta.

Bullist është dikush që të nxin jetën, të përndjek, të thotë më të zezat, të cënon në pikat më të dobëta e bën fizikisht dhe shpirtërisht. Këtë doni të thoni për Edi Ramën?

Jo me mua çuditërisht, por me të gjithë dynjanë, me vartësit, gazetarët që nuk i njeh dhe do ti poshtërojë. Por duke qenë i tillë është dhe i talentuar.

Po pse është kaq i sukseshëm duke qenë bullist profesionist?

Sepse është mjeshtër i kukullave. Është trim dhe frikacak, është dhe naiv dhe i djallëzuar. Është i gjatë, por dhe di të bëhet dhe i shkurtër. Është dhe orator, por di të bëhet dhe batutaxhi. I ka të gjitha. Ka vetëm diçka që i mungon por që ndoshta nuk i hynë në punë. Është që qeveris gabim. Ky është gabimi më i madh por njerëzit mesaduket nuk e kanë këtë kriter kur votojnë.

Çfarë kriteri kanë njerëzit kur votojnë?

Shumica e njerëzve këtu pëlqejnë show-n dhe batutat dhe kjo është fatkeqësi e madhe

A do ia sigurojnë këto një mandat të tretë Ramës?

Jo vetëm ato (zgjedhjet 25 prillit). Ato (Batutat) e ndihmojnë. Unë them që ai po luan për një mandat të katërt.

Prandaj e thatë që Basha do bëhet kryeministër por pas shumë kohësh?

Jam i bindur që Basha do të bëhet, por jo tani dhe jo për faj të tij, por për shkak të inxhinierisë së votave që Rama ka ditur të prodhojë.

A do ta presë PD Bashën dhe dy mandate të tjera?

Nuk ka zgjidhje tjetër, vetëm nëse del ndonjë gjeni që unë deri tani nuk e shoh. Sikur të bëheshin zgjedhjet e ndershme në Shqipëri e sigurtë që Basha do të fitonte, por këtu nuk bëhen zgjedhje të lira. Këtu bëhen zgjedhje inxhinierike. Ka një deformim, cënim, shumë bukur të rafinuar, që herë pas here lë dhe gjurmë si në zgjedhjet e kaluara.

Pse sherri është zhvendosur në trajektoren Rama-Meta. A është Meta i treti i pashmangshëm?

Meta është i pashmangshëm. Nuk arrij ta kuptoj pse ka nisur kaq herët ky konflikt. Me siguri do të ketë arsye më të thella se ato që dëgjojmë por që do të bëhen publike në javët apo muajt e ardhshëm.

A i ngjan vitit 2017?

Po, por atëherë Basha i binte Metës, tani nuk e di a do të shkojmë prapë në atë histori. Janë të hapura letrat. Mendoj se nl të gjitha rastet, Rama është më i fortë.

A do ta moderoje ti një debat Rama- Basha?

Jo! Ia kam lënë Fevziut këto gjëra. E para përtoj.

Nëse do t’ju zgjedhin ju?

Nëse do më zgjidhni patjetër, por që ti futem vetë që të punoj për këtë punë jo jo.

Basha e Meta kanë hedhur dorashkën e sfidës për debat, por Rama i shmanget Pse?

Me aq sa e njoh Ramën si karakter politik e profil, mendoj se Rama thellë-thellë jo vetëm që nuk do debat ), por nuk do të donte as opozitë. Fare. Rama i ka tmerr. Përton shumë të merret me kundërshtarin. Edhe kur e bën, e bën i detyruar se mendon se do të fitojë pikë. Në këtë rast ai është në pushtet dhe veçse humb në debat, ndërsa Meta e Basha nuk kanë çfarë të humbasin. Është strategji interesante kjo e zgjedhur nga Meta dhe Basha. Këto Rama i ka në disfavor. Në disfavor jo në zgjedhje se ato janë inxhinierike por në debatet që bëjnë në studio.

Çfarë ndodh më 26 prill?

Vazhdon jeta normalisht.

Le përshtypjen që Rama do të jetë fituesi?

Fatkeqësisht po. Unë do të votoj kundër tij, e kam thënë publikisht. Në historinë moderne të këtij vendi nuk ka rëndësi fare kush është i ndershëm dhe i mirë, e rëndësishme është kush është i fortë.

Përderisa amerikanët thanë se “5 qershori” nuk është prishur, ishte sinjal për ti thënë të gjatit “Jepi, ne ta dhamë viston”. Vetëm budallenjtë nuk e shikojnë, vetëm qorrat.

Amerikanët janë duke ndihmuar Ramën thua ti?

Indirekt po. Edhe Kim dhe Soreka e thanë që “5 qershori” nuk është prishur nga ky kod i ri zgjedhor. Pse e thanë? Mund të rrinin indiferentë, por i shkelën syrin dhe i thanë vazhdo. Duhet t’ia themi njerëzve disa të vërteta të thjeshtë: Këtu pritet shumë nga të huajt por harrojnë që të huajt në fakt bëjnë gjithmonë me më të fortin dhe jo demokratin. Kur shohin kush është më i fortë ata e respektojnë.

A do të mundet që populli të kuptojë?

Po ndodhi është diskutim tjetër. Por deri tani nuk shoh gjë.

A janë qëndrimet e të huajve, si ‘gishti i mesit të Boschardit”?

Unë uroj të gaboj, por sigurisht. Ata e dinë më mirë se të gjithë se këtu jemi në xhungël dhe në xhungël do të fitojë më i forti. Këtu shumica e njerëzve mendojnë se do na ndihmojnë të tjerët. Por kush të tjerë?!

/NOA.al

Sekretari i Përgjithshëm i Partisë Demokratike, Gazment Bardhi ka reaguar në lidhje me deklaratat e Kryeministrit Rama për përzgjedhjen e kandidatëve për deputetë brenda kësaj force politike.

Bardhi shkruan në Facebook se “Edi Rama i frikësuari i madh nga zgjedhjet brenda partisë së tij qenka marrë sot me procesin demokratik të përzgjedhjes së kandidatëve në PD”.

Sipas tij, Edi Rama bashkëpunon me krimin e organizuar për përzgjedhjen e kandidatëve.

“Ekzaktësisht i njëjti kryetar partie, që për të mbajtur Dakon me shokë në kryesinë e PS, anulloi zgjedhjet për organet drejtuese në partinë e tij.

I njëjti që tallet me procesin e përzgjedhjes së deputetëve në partinë e tij duke i trajtuar ata si porte e aeropote në 3D. Nuk ka shqiptar që nuk e di, që Edi Rama përzgjedhjen e kandidatëve në Partinë e tij e bën në bashkëpunim me krimin e organizuar. Kush e ka harruar, me poshtë gjen një provë të qartë që e ka dëgjuar e gjithë bota”, ka shkruar Bardhi.

Kryetari i Partisë Demokratike Lulzim Basha doli në një konferencë për shtyp, teksa u pa që kishte respektuar urdhrin e kryeministrit Edi Rama, edhe më mirë se vetë kreu i qeverisë.

Basha mbante maskë edhe kur fliste, ndonëse i distancuar nga të tjerët, teksa doli dhe foli sot në konferencë, ku tha se “qeveria ka gënjyer 6 muaj për pandeminë”.

Në një bashkëbisedim me gazetarët, Basha teksa nuk e hoqi maskën kur fliste, akuzoi ashpër qeverinë për keqmenaxhim dhe kthimin e spitaleve në vatra të Covid.

Basha shprehu ngushëllime familjeve për humbjen e jetëve nga Covid dhe u solidarizua me të gjithë të prekurit nga pandemia.

“Spitalet janë kthyer në vatra infeksioni. Shifrat që qeveria jep janë në rastin më të mirë kundërthënëse. Shikoni vetëm shpalljen e kapaciteteve të spitaleve. Sa shtretër thonë që kanë në dispozicion. Këta kanë gënjyer 6 muaj për pandeminë”, u shpreh Basha.

Bsha tha se tani është koha që lekët e taksapaguesve shqiptarë t’ju kthehen atyre, për emergjencën ekonomike.

“Ju siguroj se herët a vonë, fatura nga vjedhja me inceneratorët do të jetë dyfish më e lartë për atë, për vetë faktin se nuk e ndali edhe kur njerëzit kishin nevojë. Tani është momenti që lekët e shqiptarëve të shkojnë te nevojat dhe emergjencat ekonomike. Edhe në Zimbabve ministrin e inceneratorëve e futën në burg”, tha kreu i PD-së.

Më tej Basha kërkoi nga SPAK që të nisin hetimet për menaxhimin e plehrave, teksa tha se përmes qeverisë mafia ka marrë me koncesion deri tani 400 milion euro nga shqiptarët, në një kohë krize të rëndë që pë lë aps pandemia e Covid.

/NOA.al

Ministrja e Shtetit për Marrëdhëniet me Parlamentin Elisa Spiropali ka denoncuar sot gjuhën e presidentit Ilir Meta, nga foltorja e Kuvendit. Ajo akuzoi edhe njerëzit pranë Metës, duke thënë se përdorin gjuhë urrejtje, seksiste dhe mizogjiniste, ndaj grave, kryesisht ndaj saj.

Nga foltorja e Parlamentit Spiropali tha sot se vetë ia ka kthyer përgjigjen e merituar Metës, pasi di si të mbrohet, por shtoi se gjuha e përdorur nga Presidenti është një shembull shumë i keq për shqiptarët, sidoemos për gratë.

“Dua të ndalem te diskriminimi gjinor, te gjuha e urrejtjes ndaj grave, te mizogjinia, një gjuhë që e gjen në krye të institucionit të presidentit të republikës”, tha Spiropali.

“Unë jam një grua, një nënë që jam përballur jo pak.”

“Jo vetëm zëdhënësi i tij, jo vetëm grupi i tij, por vetë presidenti i republikës përdor gjuhë urrejtje. Nuk është puna për mua personalisht, unë ua kam kthyer përgjigjen dhe di të mbrohem. Por është shembulli që jep presidenti për të gjithë qytetarët e këtij vendi, që të mos përdorin gjuhën e urrejtjes, gjuhë seksiste”.

Më tej ministrja u shpreh: Çfarë shembulli është ky, si ka mundësi të bjerë në nivele të tilla komunikimi. Kjo s’më përket mua. Unë në ’99 jam larguar nga Shqipëria kur personi në fjalë Ilir Meta dhe kryetarja e LSI vidhnin votat e FRESSH për të vjedhur Shqipërinë, unë kam ikur si ekselente, jo me paratë e babait në Londër. Presidenti nuk mund të thyejë çdo konventë, çdo kod, çdo moral. Të ulet e të lexojë konventat që ka nënshkruar. E kanë nga dëshpërimi”.

Sakaq, në Kuvend, deputetët e opozitës së re, më konkretisht Ralf Gjoni, kërkoi që të ndërmerret sërish nisma për shkarkimin e Presidentit Ilir Meta, dhe në vend të tij të emërohet një grua.

/NOA.al

Zv. kryeministri Erion Braçe iu ka bërë sot apel qytetarëve që të respektojnë masat anti-covid.

Ai tha se duhen mbajtur maskat, të cilat nga sot do të jenë më detyrim në vendin tonë.

Braçe u bëri thirrje qytetarëve të mos dëgjojnë opozitën, teksa tha se ky është realiteti i ri që na dikton sëmundja dhe kështu duhet të mësohemi të jetojnë.

“Ndërkohë që ju thonë këtë, kyçen në vilat e tyre; Ndërkohë që ju thonë “maska nuk u mbron”, kyçen edhe më shumë në po ato vila!”, tha Braçe, teksa disa opozitarë kanë dalë kundër vendimit të qeverisë.

Braçe ironizoi deklaratat e krerëve të opozitës.

Braçe shprehet se sot 434 shqiptarë kanë humbur jetën për shkak të virusit dhe tashmë është e ditur se virusi nuk përzgjedh në bazë të asnjë kriteri tjetër, veçse përgjegjësisë së individëve që mbrojnë veten duke zbatuar këshillat e mjekëve dhe jo të politikanëve.

“Kudo jashtë shtëpisë! Idiotet politike të padobishëm, Maska po! Ky është normaliteti i ri i diktuar nga sëmundja; kështu do jetojmë! Virusi Covid-19 u provua se përhapet lehtësisht nga njeriu tek i ngjashmi; E di si? Mu ashtu si budallallëku përhapet ndër politikanë! Mos i dëgjo ata! Dëgjo mjekun tënd, mjekun e familjes, jo politikanin që ka guximin e budallait të bëj edhe mjekun apo mjekun që kurrë nuk bëri zanatin por politikanin”.

“Sic këto 7 muaj e dëshmuan, virusi nuk përzgjedh-as në gjini, moshë, origjinë, gjuhë, as në mal e as në fushe, as prej pasurisë, plaçkës; Por një dallim e ka bere qarte: Atë mes të përgjegjshmit dhe te papërgjegjshmit; Nuk është si dallimi mes trimit, heroit dhe frikacakut, tradhtarit! Nuk ka trima në këto 7 muaj dhe heronjtë nuk janë idiotët-politikanë e analistët rreth tyre që mohojnë virusin, refuzojnë masat mbrojtëse ndaj tij, përhapin me dhunë standardin idiot të tyre;

E provuar është kjo; do shihni gjithnjë e më shpesh si zhduken për dy javë, fiks dy javë, do i dëgjoni po aq shpesh se si do thonë se hoqën dhembin, veshin apo bajamet duke ju gënjyer sy me sy; Ndërkohë që ju thonë këtë, kycen në vilat e tyre; Ndërkohë që ju thonë “maska nuk u mbron”, kyçen edhe me shume ne po ato vila!”

“Maska te mbron që cke me të!! Është një masë plotësuese bashke me distancimin fizik e higjenën e shtuar. Nuk u mbron tamponi-sic u thotë urrejtësi që mendon se sa më shume nga ju të humbni jetën, aq më shpejt vjen ai ne pushtet; Maska nuk është sfidë ndaj Qeverisë, por ndaj jetës suaj! Ju mbron maska, distancimi fizik dhe higjena!”

“Ai dhe Ajo duan pushtetin, ju duhet të doni veten, familjen, shoqërinë! Nuk janë ai apo ajo heronjtë tuaj, ata janë gënjeshtarët tuaj! Heroi yt është mjeku, infermieri; Mjeku i familjes, infermieri bashke me te, farmacisti, cilido prej familjareve qe do te shërbejë; rrezikojnë jetën ata për ty!”

“Heroi yt është mjeku e infermieri ne Infektiv apo Sanatorium Por deri atje e ke ti ne dore; Mos e bej veten për mjekun! Mbro veten, familjen, fqinjët, patjetër edhe mjekun! Jeta është e shtrenjte; 434 shqiptare, sot nuk janë më për shkak të sëmundjes, i shtrenjtë secili prej tyre! Lutuni për ta!”, shkroi në reeagimin e tij Erion Braçe.

/NOA.al

Presidenti i Republikës Ilir Meta ka ndarë sot një artikull bërë publik nga Pëllumb Nako, mbi kanabisin dhe natyrën kriminale të shoqërisë që vjen si pasojë e këtij fenomeni të përhapur në vendin tonë.

“Sh përthimi i ka nabisit në vit zgjedhor është traditë e njohur tashmë për t’u përdorur si mjet përfitimi për grupet kr iminale”, – tha Meta, – “që marrin përsipër kontrollin elektoral të qarqeve të caktuara por edhe si mjet shantazhi ndaj shumë hallexhinjve që në mungesë të mbështetjes shtetërore për aktivitetet bujqësore, blegtorale, të agrobiznesit dhe agroturizmit janë të detyruar të bëhen punëtorë të këtyre grupeve kr iminale”.

“Bosët e vërtetë kurrë nuk preken por shpesh për të prodhuar statistika fiktive, arrestohen gra dhe burra të moshuar si grup i strukturuar kriminal”, – u shpreh Presidenti I Republikës.

“Ndaj ky artikull meriton vëmendje të posaçme”, tha Meta.

Artikulli Nga PËLLUMB NAKO

Dekada e fundit, e cila i ko rrespondon administrimit të vendit tonë nga qeverisja aktuale, në mjaft aspekte negative të trashëguara nga e kaluara ka shënuar përkeqësim të tyre, në vend të përmirësimit të premtuar me plot zhurmë, e po ashtu të pritur me dëshirë nga publiku i gjerë, për të mos folur për eliminimin e tyre.

Kultivimi i kanabisit, nga një fenomen më së shumti me natyrë kriminale, nga viti në vit mori përmasa më masive, duke u kthyer në një plagë të rëndë sociale për shoqërinë shqiptare. Dhe kur qëndrimi i një shoqërie kthehet masivisht nga negativ në favor të një aktiviteti të cilin ligji e ndalon, siç është kultivimi i kanabisit, kemi të bëjmë me tjetërsim vlerash sociale, me krijimin e një kulture që nuk merr parasysh moralin mbi të cilin mbështetet dhe mbron ligji.

Me fjalë të tjera, secili individ që merret direkt dhe indirekt me kultivimin e kanabisit nga brenda ndërgjegjes së tij, është i bindur se nuk po kryen diçka të pamoralshme, pavarësisht se ligji e ndalon. Ajo që vepron është vetëm frika. Nëse një qëndrim i tillë do të reflektohej po masivisht edhe në fenomene të tjera të cilat morali i dënon, po ashtu dhe ligji, atëherë katastrofa e vlerave sociale të shoqërisë sonë do të ishte kolosale. Vendi do të shpërbëhej. Si mund të ndërtojë shoqërinë e tij një popull i cili ka vështirësi në ndarjen e normave morale në vlera dhe antivlera? Kur nuk u beson vlerave të afishuara? Gjendja e vështirë ekonomike ka vendin e saj pa diskutim, por të paktën historikisht nevoja ekonomike nuk i ka çuar shqiptarët të tjetërsojnë vlerat e tyre sociale.

Dramatik është fakti se në vend që shteti i sotëm të tregohej i përgjegjshëm për deformimin e madh social që do të linte për pasojë kultivimi i kanabisit, pa folur këtu për dhimbjet e viktimave, preferoi ta përdorë atë për përfitime në mbajtjen e pushtetit. Me politika dhe qëndrime skandaloze ndaj fenomenit, duke e mohuar fillimisht masivizimin e tij e nën rrogoz duke e shfrytëzuar; duke hedhur për diskutim legalizimin e më pas largimin e vendit nga harta e kultivimit; në rastin më të mirë situata iku nga duart, e për rrjedhim, pasoi kultivimi në masë, implikimin e forcave policore, rritjen e fuqisë financiare të grupeve kriminale. Kjo papërgjegjshmëri e ka kthyer çrrënjosjen e kultivimit të bimës në kufijtë e së pamundurës edhe sikur qeverisja të angazhohej seriozisht kundër saj. Por më e keqja mbetet se ky qëndrim i dyfishtë i saj bëri që thuajse mbarë shoqëria shqiptare të kthehet në indiferente ndaj fenomenit dhe të shtohen shumë shtresat sociale që nuk e shohin kultivimin e kanabisit si shkelje ligji.

Për të kuptuar dramën e shtrirjes së gjerë të fenomenit “kanabis” në vendin tonë, mjafton të ndjekim dy njoftime mediatike të bëra brenda ditës këto ditë të fundit. Njëri që flet për një sasi prej 1.2 tonësh kanabis të kapur nga Policia në Greqi dhe tjetri që flet për arrestimin nga ana e Policisë sonë të katër grave mbi 55-vjeçare të cilat merreshin me kultivimin e bimës. Pra grup kriminal me veprimtari ndërkombëtare që grumbullon dhe trafikon mallin e kultivuar ndër të tjera dhe nga katër gratë e moshuara në Vlorë.

Katër nëna të cilat do të njohin burgun në moshë thuajse të thyer. Do të quhen të tëra të moshuarat “grup i strukturuar kriminal”? Në këto dy njoftime del qartë gjithashtu edhe cilësia e goditjes së fenomenit nga forcat tona policore dhe nga ato të vendit fqinj. Arrestimi i katër grave të thyera në moshë, më shumë se fitore e Policisë apo e drejtësisë, është evidentim i një tragjedie sociale që po përjetojnë edhe shtresa individësh aspak të zakonshëm në veprimtarinë kriminale. Megjithatë, nuk është kjo gjë e keqja më e madhe.

Duket se Policia dhe sidomos ministri i Brendshëm ose nuk e kanë kuptuar, ose nuk duan ta kuptojnë se betejën për të eliminuar kultivimin e kanabisit e kanë të humbur për faktin se si rezultat i qëndrimeve të paqarta, kontradiktore dhe heraherës frymëzuese të Kryeministrit lidhur me këtë lëndë narkotike, fenomeni po merr konsensus të gjerë popullor. Kjo edhe për shkak të problemeve ekonomike. Konsensusi që kultivuesit e thjeshtë u japin porositësve kriminelë për motive të përfitimit ekonomik i bën edhe bosët e trafikimit, organizatorët e vërtetë të kultivimit, të jenë të identifikueshëm me vështirësi nga ana e Policisë.

E vërtetë kjo që provohet edhe nga fakti që zbulimi i parcelave behet gjithmonë e më i vështirë dhe më shumë duke u bazuar në teknologji e jo në raporte të ndërsjella të qytetarëve me Policinë. Po ashtu, edhe kur parcelat zbulohen, jo rrallë herë ato mbeten jetime, pa autor. Katër gratë e moshuara të kapura nga Policia dëshmojnë se kultivimi i kananbisit në vendin tonë nuk mbetet vetëm çështje të rinjsh, të cilët si kudo në botë, përbëjnë shtresën më dërrmuese të krimit, por po gjen përkrahje edhe në breza të cilët nuk janë asnjëherë pjesë e krimit të organizuar dhe për më tepër gra të moshuara.

Konsensusi apo mbështetja që u jep popullsia fenomeneve me natyre kriminale, si në rastin konkret kultivimit të kanabisit në vendin tonë, është i njohur edhe në vende si Italia e Jugut ku pikërisht për këtë arsye mafia e këtij vendi gjen fuqinë e saj, e ka jetike, ndaj dhe institucionet e këtij vendi mobilizojnë sa munden shoqërinë kundër saj. Kjo mënyrë tregon se fenomene me natyrë masive negative nuk mund të eliminohen kurrsesi vetëm me forcën e Policisë apo të ligjit. Edhe sikur kjo Polici të ishte ideale. Në rastin tonë, shteti duhet të jetë vetë ideatori i aktivizimit të shoqërisë për të shkëputur sa më shumë individë si nga plogështia për të denoncuar, por sidomos edhe nga bashkëpunimi direkt apo indirekt për të kultivuar kanabisin.

Por për fat të keq, qeverisja e sotme nuk e kryen dot këtë rol për shumë faktorë. Në radhë të parë, për arsyen se vetë ajo është në gjenezën e krijimit të këtij konsensusi të gjerë në kultivimin e kanabisit, e po ashtu, vetë ajo me politikat e saj të paqarta e të papërgjegjshme bëri që edhe Policia të humbasë tërësisht rolin dhe moralin për të kërkuar mbështetjen e popullatës, duke e kthyer këtë të fundit në indiferencë totale.

/NOA.al