Kryetari i Lëvizjes Vetëvendosje, Albin Kurti në një konferencë për mediat ka thënë se me kryeministrin e Shqipërisë, Edi Ramën, ka kohë që nuk kanë qëndrime të njëjta, dhe kjo pasi Rama nuk guxon ta thotë të vërtetën për presidentin e Serbisë.
Ai thotë se Kosova dhe Shqipëria nuk mund të bashkohet si komb teksa ka qëndrime të ndryshme ndaj Serbisë. Sipas tij, këto dy shtete nuk e kanë luksin që të dallojnë me qëndrime sa i përketë Beogradit.
“Ka kohë që me kryeministrin e Republikës së Shqipërisë, zotri Edi Ramën ne nuk kemi të njëjtin qëndrim sa i përketë presidentit të Serbisë, kjo është një pikë e rëndësishme që ne dallojmë fort. Fatk eqësisht kryeministri i Shqipërisë nuk guxon ta thotë të vërteten për presidentin e Serbisë, për çfarë motivesh dhe arsyesh, unë nuk jam në gjendje ta them. Ne duhet të bashkohemi për luftën çlirimtare, për Ushtrinë Çlirimtare të Kosovës, por edhe kundër Serbisë e cila është kundër nesh. Nuk do të mund të bashkohemi si komb, nuk do të mund të bashkëpunojmë si shtete me qëndrime të ndryshme karshi Serbisë. Kosova dhe Shqipëria nuk e kanë jo vetëm luksin por as të drejtën që të dallojmë sa i përketë Beogradi”, ka thënë Kurti.
Kryetarja e LSI-së, Monika Kryemadhi thotë se kryeministri Edi Rama në këto 4 viteve nuk ka bërë asgjë për qytetarët.
Gjatë fjalës së saj me banorët e njësisë 1 në Tiranë, Kryemadhi tregoi edhe bisedat që ajo bën me socialistët e thjeshtë, të cilët i thonë se qeveria nuk ka bërë asgjë në këto 4 vite.
“Në këto 4 vite që ky zotëria kishte gjithë tepsinë, kusinë a i rriti pagat, ai i ktheu shqiptarët nga emigracioni, arriti mundësinë për të punësuar të rinjtë, a uli taksat? Kur takoj socialistet, ata thonë: Monika kemi 4 vjet që dëgjojmë premtime premtime dhe zero realizime. Flet për projekte 3D por ne nuk paguajmë dot faturën e dritave vjen dhe të pret dritat. Nuk kemi mundësi të paguajmë ilaçet. Kemi frikë të flasim për rritjen e çmimit të ilaçeve. Nuk jetohet me frikë”, tha Kryemadhi.
Sipas saj, do ta përmbysin Ramën jo si individ, por si sistem.
“Do ta përmbysim, jo Edi Ramën si individ, por si sistem, si mentalitet, që mos ti shkojë më në mendje, jo vetëm Ramës por të gjithë ata që duan të bëhen si Rama, që raste të tilla të mos vijnë më. Të punojmë cdo ditë që të rinjtë mos ikën nga Shqipëria, por të jetojnë këtu”, u shpreh Kryemadhi.
Prej javësh, qytetarët shqiptarë janë dëshmitarë të përpjekjeve të ethshme të qeveritarëve që rreken t’u mbushin mendjen se përgjigja shqiptare ndaj COVID shkëlqen.
Në fillim ishte studimi i revistës prestigjioze “The Lancet” që e nxirrte Shqipërinë vendin me shëndetësinë më të mirë në Ballkan. Duke harruar se Ballkani nuk ka vetëm Bosnjë e Mal të Zi, por edhe Kroaci, Rumani e Turqi, klasifikimi i “The Lancet” u propagandua si arritja më mbresëlënëse e shëndetësisë rilindase.
Dyshimet e para lindën kur Shqipëria ishte klasifikuar më mirë jo vetëm se Turqia, por edhe se Belgjika dhe Australia. Petët e lakrorit u zbuluan kur vetë autorët sqaruan se këto klasifikime ishin bërë mbi bazën e informacioneve (lexo: “gënjeshtrave”) të dhëna nga marifetçinjtë shqiptarë të shifrave.
Më pas ishte vizita e Drejtorit Rajonal të OBSH-së që u shit si konfirmim i sukseseve të qeverisë në përpjekje për kontrollin e COVID-it. Dr Kluge takoi qeveritarë e mjekë, vizitoi spitale dhe laboratorë dhe bëri atë që ka për mision e detyrë organizata e vet – inkurajimin e përpjekjeve të çdo qeverie nëpërmjet diplomacisë shëndetësore.
Në fund të vizitës së Dr Kluge doli qartë se i vetmi vlerësim pozitiv i ekipit të tij ishte marrja në kohë e masave të karantinës në muajin mars, një masë për të cilën edhe sot ka konsensus të gjërë se ishte e saktë, por që nisi të bëjë efektin e kundërt kur u teprua në muajt në vijim për t’i lënë vendin dështimit të madh që nisi në maj e qershor.
Së fundmi, java që kaloi paraqiti para qytetarëve një ansambël të orkestruar politiko-teknik që nga pothuajse çdo studio televizive, u mundua çdo natë të helmonte mendjen e qytetarëve.
Paturpësia arriti në momentet kur u tentua të shpëlahej truri i shikuesve me deklarata që flisnin për luksin në spitale, shtretërit e shumtë që mezi presin të trajtojnë qytetarët, personelin e bollshëm mjekësor, faktin që gjithçka ofrohet falas, faktin që Shqipëria është (sërish) vendi më i suksesshëm në Ballkan për sa i takon vdekshmërisë, etj.
A thua se nuk janë shqiptarët që po paguajnë 15 milionë euro çdo muaj vetëm për testimin, qindra e mijëra euro për çdo pacient të trajtuar në shtëpi me skemat mashtruese të trajtimit, dhjetëra mijëra euro për çdo pacient që dërgohet në Turqi (shpesh për të vdekur atje) në përpjekje të dëshpëruar për të gjetur shpëtim nga “parajsa shëndetësore” që ka krijuar në Shqipëri, rilindja.
Ajo që nxori zbuluar propagandën kësaj here ishin vetë shifrat e qeverisë, kur INSTAT publikoi raportin tremujor të vdekshmërisë. Në periudhën kur ministria raporton 300 vdekje nga COVID, INSTAT raporton 1,300 vdekje më tepër në raport me vitet e shkuara. Edhe sikur gjysma e tyre të jenë nga COVID, mjafton për ta kthyer Shqipërinë në 15-20 vendet me v dekshmërinë më të lartë në botë!
Në kushtet kur as testojnë, as gjurmojnë dhe as trajtojnë, pra nuk zbatojnë asnjë nga rekomandimet e OBSH-së të cilën përfaqëson Dr Kluge, përgjigja shqiptare ndaj COVID paraqitet e dështuar në çdo element.
Masat e vetme të marra gjatë javëve të fundit – gjoba për mosmbajtje maske në rrugë dhe ndalim-qarkullimi pas orës 22.00 janë qesharake dhe, siç po tregon situata epidemiologjike, pa asnjë efekt për të kufizuar përhapjen e epidemisë.
Ndërkohë është arritur në pikën ku bombolat e oksigjenit po shiten në tregun e zi për një mijë euro dhe furnizimi i pacientit me ajrin e përditshëm kalon 100 euro!
Kjo qeverie e nisi me premtimin për shendetësi falas për të arritur në pikën kur edhe ajrin, pacientët po e blejnë me pare!!!
Demagogjia dhe alibitë nuk ndihmojnë për të kontrolluar virusin! Shkenca, evidencat, përvojat e mira të botës dhe transparenca po!
Qeveritarëve të sotëm, ndoshta alibitë mund t’u hyjnë në punë më vonë! Për momentin ka nevojë për veprim të vendosur dhe masa të shpejta! Përndryshe rrezikohet të shkojmë drejt një dimri me të vërtetë të vështirë!/a.m/NOA.al
Sekretari i përgjithshëm i Partisë Demokratike, Gazment Bardhi reagoi pas deklaratave të Ramës në Fier në aktivitetin “Deputeti që duam”.
Bardhi u shpreh se në një orë fjalim Rama përsëriti të njëjtat gënjeshtra, duke u shfaqur edhe njëherë si një Kryeministër pa ide dhe pa bilanc.
“Mjafton të dëgjosh Edi Ramën për të kuptuar se në 8 vite pushtet si Kryeministër dhe 23 vjet në politikë nuk i ofroi asgjë shqiptarëve, asnjë ide, asnjë premtim i mbajtur, asnjë zhvillim”, theksoi Bardhi.
“Socialistët e ndershëm e duan Shqipërinë dhe zhvillimin e vendit, prandaj më 25 prill do ta refuzojnë masivisht”, theksoi Bardhi. /atsh
Teksa po fliste për situatën politike në Shqipëri e Kosovë, ku disa nga ish-eksponentët më të lartë të UÇK-së, kanë dalë para Dhomave të Specializuara të Gjykatës së Hagës, analisti, Artur Zheji komentoi raportin e shqiptarëve në tërësi me pushtuesit.
Ai i krahasoi shqiptarët me kameleonët, të cilët, për t’iu përshtatur egërsisë së xhunglës ndryshojnë ngjyrën e lëkurës.
Shqiptarët sipas Zhejit, të ndikuar dhe nga pushimet qindra vjeçare kanë ndryshuar “ngjyrën e lëkurës” për t’u përshtatur me pushtuesit dhe gjeopolitikën në tërësi.
Zheji foli sot në studion e emisionit “Top Talk”, në TCH.
“Kemi krizë të fortë indetitare, pra ne jemi një popull akoma kameleontik. Marrim ngjyrën e atij që na p ushton, por mbeteni nën këtë petk po ashtu shqiptar, kjo ka qenë ndoshta e vetmja formë për të mbijetuar”.
“Historia jonë është histori pushtimesh, të paktën këto 1 mijë vitet e fundit, nga Bizanti tek Perandoria Osmane e të tjera. Pra ne jemi një popull shumë kameleontik, pra kemi pasion si ajo kafsha që ndryshon ngjyrën për t’iu përshtatur xhunglës dhe ne xhunglës gjeopolitike që na ka rrethuar jemi përshtatur duke marrë ngjyrat e pushtuesit, kur pushtuesi ikën heqim atë lëkurë dhe dalim prapë shqiptar”.
“Këto instinkte kanë mbetur shumë të forta tek shqiptarët. Sigurisht jemi shumë tradhtarë të vetes tonë dhe të atyre që na rrethojnë”, tha Zheji.
/NOA.al
Ministri i Shtetit për Diasporën, Pandeli Majko është shprehur për “Euronews Albania” se deklarata e presidentit serb Aleksandër Vuçiç nuk duhet parë si provokim, por është protokoll i vërtetë i marrëdhënies shqiptaro-serbe, një konflikt i ngrirë.
“Mendoj që nuk duhet parë si provokim apo retorikë, por një fakt që politika serbe po prodhon për rajonin. Aktualisht nuk mendoj se jemi duke parë ndonjë surprizë, por vazhdimësinë e një lloj papërgjegjshmërie, e cila u deklarua më së fundmi. Është protokoll i vërtetë i marrëdhënies shqiptaro-serbe, një konflikt i ngrirë”, u shpreh ministri.
Ai theksoi më tej se Serbia është një nga shtet që po ar matoset më shumë në rajon dhe se ky armatim nuk beson se është për gjueti rosash.
“Besoj që cilido e ka parë që Serbia është një nga shtetet që po armatoset në mënyrën më të vrullshme në krahasim me vendet e rajonit. Nuk besoj se ky armatim është për gjueti rosash. Është një politikë që i përgjigjet pikërisht kësaj që më fund u deklarua si protokoll i konfliktit të ngrirë. Mendoj që teknologjia serbe për të krijuar fqinj me status gjysmë shtetëror duke filluar nga Bosnja tek Kosova dhe tani mesa duket do të kapë edhe Malin e Zi”, tha ai.
“Duhet të jemi të sinqertë me veten dhe pastaj me BE-në. Mendoj që konflikti mes shqiptarëve dhe serbëve është një konflikt i ngrirë. Është një konflikt që menaxhohet nga Moska dhe Vuçiç është thjesht një nënprodukt i kësaj politike.
Mendoj që deklarimet e Moskës dhe ministrisë së Jashtme të Rusisë lidhur me shkuarjen në Hagë të drejtuesve të UÇK-së e vërteton shumë qartë këtë”, tha ai më tej.
Majko nënvizoi se në gjykatë o njëra o tjetra palë meriton të shkojë, të dyja është absurde.
“Mendoj se të gjithë jemi të vetëdijshëm se ajo që po ndodh është goxha e rëndë. Tani ka filluar një proces gjyqësor, dhe të gjitha komentet tona do të ishin moment dobësie. Dua të them se UÇK mund të ishte gjithçka, por kurrë nuk mund të akuzohet se ka funksionuar si një strukturë k riminale. Një gjë duhet të jetë e qartë UÇK-ja ka pasur hesape të hapura me r egjimin e Millosheviçit. O njëra o tjetra meriton të shkojnë në gjykatë. Të dyja është absurde”, tha ai.
Kryetarja e Lëvizjes Rinore për Integrim, njëkohësisht ish-deputetja e LSI-së, Floida Kërpaçi flet në një intervistë për gazetën ‘Standard’ mbi zgjedhjet e 25 prillit si edhe pritshmëritë e LSI-së dhe koalicionit të Opozitës së Bashkuar për to. Kërpaçi flet më gjerë për alternativën që ofron lSI për të rinjtë duke vënë në dukje planin e mirëmenduar për arsim cilësor dhe punësim duke mundësuar kështu ndaljen e emigrimit masive të të rinjve jashtë vendit.
LSI duket se ka ndezur fort motorrët elektoralë në kuadër të zgjedhjeve të 25 prillit 2021, ku takimet me bazën dhe qytetarët janë kthyer në ritual të përditshëm. Si e shihni situatën në Tiranë sa i përket mbështetjes ndaj programit dhe alternatives së LSI-së ?
LSI ka një marrëdhënie të veçantë me njerëzit, me votuesit, me qytetarët dhe komunitetin. Kjo është arsyeja pse në 16 vitet e fundit, kjo forcë është e vetmja që ka rritur numrin e mbështetësve në çdo zgjedhje. Një marrëdhënie që ndryshe nga përshkrimi juaj si ‘ndezje motorrësh elektorale’ mund të cilësohej më saktë si një rritje e ritmit të punës drejt fitores së 25 prillit. Unë shoh një dëshirë të zjarrtë të qytetarëve të Tiranës për opozitarizëm, për ndryshim. Por jo vetëm, edhe në Durrës është e njëjta situatë. Edhe në Fier, Elbasan, Lezhë, Korçë dhe kudo ku kam shkuar.
Qytetarët e besojnë alternativën e LSI për ndryshim. Kjo më bën të ndihem optimiste pasi tregon që kemi ditur të dëgjojmë shqetësimet e qytetarëve dhe t’i ofrojmë zgjidhjen që ata kanë nevojë, por edhe sepse në kushtet e një klime mungese besimi tek politika në përgjithësi, qytetarët gjejnë tek LSI vlerat që ata presin të shohin tek përfaqësimi publik si dhe një vend ku mund të lidhin një marrëdhënie të besueshme për të investuar tek ndryshimi i Shqipërisë.
Alternativa jonë e punësimit të mirëpaguar dhe mbështetjes së të rinjve që emigrimi të mos jetë më zgjidhje, por Shqipëria të jetë shtëpia e shqiptarëve me punë dhe dinjitet po shton mbështetësit e saj çdo ditë e më shumë. Ka entuziazëm dhe do vijojë puna për të mbledhur çdo mbështetje dhe energji në realizimin e këtij vizioni pas 25 Prillit.
Një ndër prioritetet e programit të LSI-së duket se janë të rinjtë. Cilat janë piketat e programit tuaj sa i përket të rinjve? Si do të mundësoni ndaljen e emigrimit masive të tyre jashtë vendit?
E ardhmja e një vendi duket në fytyrat e të rinjve të saj. Nëse ikin të rinjtë nga Shqipëria, bashkë me ta ikën edhe potenciali për zhvillim i vendit. Ndaj dhe shpopullimi i nxitur nga keqqeverisja është sulmuar kaq fortë nga ne, sepse godet në zemër vendin. Të gjithë duhet të zgjohen dhe të kuptojmë se nëse ky vend shpopullohet, të gjitha propozimet politike që në letër mund të tingëllojnë shumë bukur bëhen të pavlefshme.
Angazhimi ynë edhe në programin tonë është fokusimi i krijimit të mundësive për të rinjtë që të ndërtojnë jetën këtu. LSI është partia e të rinjve dhe me programin tonë që synon Arsim cilësor që lidhet me tregun e punës ne synojmë të rikthejmë shpresën dhe besimin te çdo i ri dhe e re e vendit për të kontribuar në vendin tonë. Me programin ‘Mëso dhe Fito’, studentëve do t’u krijohet mundësia të angazhohen në një punë për të fituar të ardhura për të mbajtur veten gjatë studimeve.
Çdo gjë nis me krijimin e mundësive të punësimit të mirëpaguar, pra që të mos kemi më shfrytëzim të krahut të punës pa afrimin e nivelit të pagave me ato të vendeve të rajonit dhe të Evropës, e duke vazhduar me rritjen e cilësisë së arsimit apo mbështetjes për krijimin e familjeve të reja.
Si e shihni garën e 25 prillit? A ka sigurinë Opozita e Bashkuar se edhe me Kodin e ri Zgjedhor, do të mundë të vijë në pushtet?
Jam e bindur se 25 prilli do të jetë fitore e jashtëzakonshme për Shqipërinë, për rininë, për të ardhmen Evropiane të vendit tonë. Besoj ju jeni njohur me deklaratën e kryetares së LSI ku në bazë të llogaritjeve Opozita e Bashkuar del nga 25 prilli me 100 mandate. Kjo besoj i përgjigjet pyetjes tuaj dhe nuk ka dyshim për këtë. Personalisht mendoj se Edi Rama do të vijojë të miratojë ligje antikushtetuese me shpresën se do të ndalojë ndryshimin, por nuk do të arrijë dot.
Në këto zgjedhje nuk po garohet thjesht për pushtet por për ndryshim cilësor të gjendjes në Shqipëri. 25 Prilli ndan nëse Shqipëria vijon trajtohet si pronë personale e pushtetarëve apo do t’i jepet një shans krijimit të një kulture të re politike dhe filozofie të re drejtimi që kujdeset për njerëzit. Ky është dhe fokusi im si e re e angazhuar në politikë, që vendi ynë të jetë ndryshe. Mbi të gjitha, pas 25 Prillit në Shqipëri duhet të ketë shpresë, të ketë punë dhe mirëqenie në vend të ofertës së qeverisjes aktuale që është ajo e emigrimit dhe pasigurisë.
Ndërkaq LSI ka denoncuar procesin e rindërtimit të banesave në zonën e Kombinatit, ku keni akuzuar qeverinë dhe bashkinë se po abuzon me pronat e këtyre banorëve. Ju gjithashtu u keni ofruar banorëve një kontratë, ku sipas jush ajo duhet të lidhet mes banorëve dhe Bashkisë së Tiranës. Cila është problematika e kësaj çështjeje dhe ku konsiston kontrata që ju ofroni?
Nuk ka shembull më të mirë se Kombinati për të kuptuar se si projekti i Rindërtimit në të vërtetë është projekti i mashtrimit të radhës. Në rastin e Kombinatit qeveria jo vetëm që nuk ka ofruar mbështetjen për banorët e prekur nga tërmeti, por siç na kanë shprehur shqetësimin banorët, ata rrezikohen të zhvendosen nga vendi ku kanë vite që jetojnë për tu strehuar diku tjetër në preferencë të Bashkisë. Banorët e Kombinatit që janë pronarë aty dhe ndër vite kanë punuar me mund e sakrifica për të mbajtur familjet, po flaken në mes të katër rrugëve pa qenë të sigurtë se çfarë do të bëhet me ta. Ndërkohë Bashkia e Tiranës nuk ka denjuar as ti presë banorët për dëgjesë sepse këta nuk i dëgjojnë qytetarët dhe vendimet i marrin në funksion të oligarkëve.
Pas studimit të problematikës dhe konsultimit me juristë të fushës, zgjidhja që ne i ofruam banorëve ishte një kontratë e cila është ndërmjet banorëve të kombinatit dhe bashkisë së tiranës, që ndërtimi i shtëpive të reja të bëhet përsëri aty ku ata janë, në Kombinat!
Po ashtu për ambientet e shërbimit që kanë qenë në katin e parë, pavarësisht statusit të tyre në çertifikatën e pronësisë si apartament, të gjitha ato ambjente shërbimi të cilat janë të pajisura me NIPT dhe kanë shërbyer si ambjente tregtare, pronarët e tyre të marrin të njëjtën sipërfaqe shërbimi dhe në ndërtesat e reja, po ashtu në Kombinat.
Një tjetër denoncim i fortë i LSI-së është edhe ai për shkollën “Sami Frashëri”, ku ju personalisht keni denoncuar në prokurori këtë çështje duke akuzuar se në kartelat e pronësisë së truallit të shkollës është ndërhyrë disa herë duke kaluar nga shteti në listë pronarësh dhe anasjellas. Çfarë mund të na thoni më shumë për këtë?
Kjo çështje i takon tashmë Prokurorisë që ta zbardhë dhe të gjithë presim veprimet e organit të akuzës. Nga faktet që ne kemi disponuar duket qartë se si një pronë publike që sipas Vendimit të Këshillit të Ministrave të vitit 2017 duhet të figuronte në Hipotekë si pronë e Bashkisë Tiranë, ka figuruar në 2020 si pronësi e një ‘liste bashkëpronarësh’. Për më tepër hetimet duhet të zbulojnë për qytetarët çfarë ka ndodhur nga fillimi me këtë histori të mbuluar nga hijet e dyshimit. Pyetjet që shtrohen janë kush janë personat që kanë ndërhyrë në sistem dhe me çfarë qëllimi kanë ndërhyrë?
LSI gjithmonë do të thotë të vërtetën dhe vetëm pas deklaratave të kryetares së LSI, shpëtuam shkollën Sami Frashëri dhe të njëjtën gjë do të bëjmë edhe për banorët e kombinatit, vorës, shijakut, durrësit e në të gjithë Shqipërinë. Qeveria e oligarkëve dhe e propagandës nuk mund të vjedhi pronat e qytetarëve dhe as ti tjetërsoj për interesat personale.
Ministri i Diasporës Pandeli Majko ka komentuar deklaratën e Presidentit të Serbisë Vuçiç, i cili më herët tha se konflikti i dhunshëm me Kosovën është real dhe i ngrirë, i mundshëm kurdoherë nëse s’ka marrëveshje.
Majko përmes një shënimi në facebook thotë se ajo e Vuçiç është një deklaratë e papërgjegjshme dhe se Serbia përbën rrezik në rajon.
Më tej Majko me tone të ashpra i bën të ditur Vuçiçit se shqiptarët në çdo shtet të botës janë në gatishmëri nëse përsëritet skenari për luftë të mundshme.
