Opinione

Në një botë ku duket e domosdoshme të ndjekësh zakonet e përsosmërisë shumë herë të sajuara, ja tek janë ata, njerëzit e jashtëzakonshëm që kanë virtytin më të bukur nga të gjithë: thjeshtësinë, unike dhe të dallueshme, që e bën një person tepër të jashtëzakonshëm.

Thjeshtësia është karakteristika që e bën një femër më të bukur se kozmetika, paruket dhe xhinglat e llojeve të ndryshme. Njerëzit e thjeshtë janë të mirëfilltë dhe nuk kanë frikë ta tregojnë veten para botës, pa filtra ose fotomontazhe.

Këta njerëz nuk kanë nevojë për artifica të ndryshme sepse thjeshtësia e tyre, zemra dhe shpirti, është gjëja më e bukur që kanë. Ata janë krijesa të përulura dhe fisnike që dinë të njohin vlerën e tyre dhe atë të njerëzve përreth tyre.

Bukuria në gjërat e vogla

Këta njerëz e dinë mirë që lumturia duhet të gjendet në gjërat e vogla. Dhe nuk ka të bëjë me mungesën e ambicies apo qëllimeve, përkundrazi. Ata thjesht njohin bukurinë e botës përreth tyre dhe gëzohen për të.

Njerëzit e thjeshtë janë të mrekullueshëm sepse kanë mësuar të pranojnë të tjerët për atë që janë, pa imponime.

Thjeshtësia çon në përvetësimin e një virtyti tjetër, atë të spontanitetit. Njerëzit që kanë këto karakteristika janë të ekuilibruar dhe të fortë, askush nuk mund t’i prekë ata, kurrë.

Trupi dhe zemra

Këta njerëz nuk kanë frikë ta tregojnë veten për atë që janë, sepse ndjehen plotësisht rehat në trupin që zotërojnë dhe ndjenjat që ndiejnë.

Kjo karakteristikë e tyre reflektohet edhe në marrëdhëniet me të tjerët: këta njerëz janë në gjendje të pranojnë miqtë, familjen dhe partnerët e tyre me të gjitha të metat, ata kurrë nuk gjykojnë, por i kuptojnë dhe i duan.

Njerëzit e thjeshtë nuk kanë frikë nga refuzimi, sepse kanë mësuar ta duan njëri-tjetrin duke i shndërruar ato defekte që kanë, në shenja karakteristike dhe unike.

Jeta është më e bukur për njerëzit e thjeshtë sepse nuk kanë nevojë të pretendojnë diçka që nuk janë ose të aprovojnë atë që të tjerët e quajnë perfeksion. Ata e dinë se janë të jashtëzakonshëm dhe ecin përpara, duke shijuar gjithçka që bota u ofron atyre. / meb.al

Rimbursim?

Sot vendosa të shkruaj pak mbi çështjen e rimbursimit të barnave. Me pak fjalë, do të bëj një analizë të shkurtër sa i kushton një individi “të sëmuret” me Covid-19, gjykojeni vetë më pas çështjen e rimbursimit.

Të gjithë ne që kemi një familjar pensionist, e dimë që medikamentet e rimbursueshme janë ato me çmimin më të ulët, e sipas logjikës ekonomike dhe cilësinë më të ulët.

Pensionisti që ka një fëmijë në punë, apo dikë që e ndihmon financiarisht asnjëherë nuk i merr këto medikamente dhe drejtohet drejt medikamenteve më cilësore.

Do thoni është çështje dëshire… JO është e drejtë për të ruajtur shëndetin, jo për ta shkatërruar më tej.

Por ç’ndodh sot, në kulmin e pandemisë po trumbetohet që barnat do rimbursohen sipas rasteve deri në X lekë, ndërkohë mjeku i familjes nuk ka asnjë udhëzim si do funksionojë kjo proçedurë.

Por teksa shpresojmë se shkresurinat do të vijnë shpejt, ç’ndodh aktualisht, të bëjmë një kosto të vogël:

Një paketë analizash në privat, pasi në shtet nuk i bën dot kushton 1900 lekë, D Dimmer – PCR 3300 lekë (nga 400 lekë D-dimmer shkoi 2500 lekë e askush nuk i kontrollon çmimet)

E dimë që tamponi bëhet ditët e para, sa pa “zbritur virusi në mushkëri”. E nëse lajmëron por askush nuk vjen, atëherë je i detyruar ta bësh në privat, ja ku u shtua dhe një 10000 lekësh tjetër.

Sipas protokollit mjekësor që shpesh po dëgjojmë nëpër emisione, nga mjekë të dëgjuar; fillimisht bëhet kurimi me paracetamolë e vitamina e nëse temperatura vijon do të fillohen antibiotikë nga goja.

Azitrimicinë, Vitaminë B1, B6, C, Vitaminë D 1000 mg. Që, po të shkojmë në farmaci e të shikojmë çmimet e kurës për 6 ditë, i shtojmë shpenzimeve dhe 2100 lekë të tjera.

Por do të marrësh dhe një oksimetër, pasi matja e oksigjenit është thelbësore për këtë flamë virus, ku sipas markave kushton (2500-3500 lekë).

Pas 8-9 ditëve, nëse s’ke përmirësime do të duhet të bësh një skaner. Për të marrë radhën sipas sistemit tonë të referimit, do të duhet ta bësh skanerin në rastin më të mirë të mundshëm pas 2 muajsh, por shëndeti nuk pret…

E ti drejtohesh sërisht tek privati, jo për dëshirë ë, por i detyruar. Një skaner kushton të paktën 19000 lekë (nga 14000 që kish kushtuar para disa muajsh), dhe prapë asnjë organizëm shtetëror nuk i kontrollon çmimet.

E kështu vijon kalvari i sëmundjes, do kalosh nga kokrrat tek gjilpërat, në kombinime me nga 2 antibiotikë në ditë, hollues gjaku, vitamina, kosto e të cilave shkon 4500-5000 lekë / ditë.

Do ribëhen analizat për të përcaktuar ecurinë e mjekimit dhe kostot shtohen e shtohen.

Mos e thëntë Zoti t’ia transmetosh një familjari tjetër! Një sëmundje e panjohur që zgjat thonë. Sa zgjat, askush s’të jep përgjigje.

Ia kuptoj lodhjen dhe i jam mirënjohës pafund mjekëve që përgjigjen kohë pa kohë në telefon. Faleminderit!

Sa për shifrat, nuk po i mbledh më se shëndeti nuk ka çmim, dhe me të vërtetë nuk ka çmim… por JU JUTEM mos lejoni t’iu tallin më me këtë parodinë e rimbursimit.

Ky popull asnjëherë s’ka pasur mbështetje, dhe mesa duket as ka për të patur ndonjëherë.

Ruani shëndetin, është më e pakta që e detyroheni vetes!

Në një shënim në rrjetet sociale, mjeku u njohur Tritan Kalo ka reaguar ashpër ndaj politikës, e në veçanti ndaj opozitës, pas akuzave për fshehjen e numrit të vi ktimave.

Kalo mohon akuzat e kryedemokratit Lulzim Basha për fshehje të numrit të të vdekurve nga COVID 19, ndërsa thotë se problemi më i madh sot i sistemit shëndetësor publik është politizimi i tejskajshëm duke rrënuar profesionalizmin.

Ai i quan politikanët e sotëm “ish-brekëgrisur” që nuk ngopen me vjedhje, ndërsa nuk lë pa kritikuar dhe qeverinë. Kalo shton se asnjë politik nuk mund të hedhë baltë ndaj profesionit të nderuar të mjekut.

SHKRIMI I PLOTË I TRITAN KALOS:

KOHË KOVIDIANE….22.11.2020….”PORDHITIKA” e çoroditur e këtyre 30 viteve DEMON-KRACI, që me fillimet e saja “gjeti një target lehtësisht të perceptueshëm prej “il poppolo Albanese” si thelbi i keq-qeverisjes së vendit, për të tërhequr vëmëndjen nga praktikat e tyre qeverisëse korruptivo-kleptokratike….Fillimisht mjekët dhe personeli mjeksor u akzuan si bartës të “bluzave të zeza” (1993), dhe sot më 2020 si ”fshehës të numurit she shkaqeve të vdekjes” së të sëmurëve të prekur nga “flama e shekullit”, Infeksioni Sars-Cov2/Covid-19, POR pa haruar për asnjë çast përpjekjet për “ritestimin e tyre” më 2015, për ti mbajtur ata/ato nën presionin e kësaj politike…..

KRIMI më i madh i bërë ndaj Sistemit Shëndetsor Publik dhe jo vetëm, në këto 30 vite të katrahurës socio-ekonomiko-politike dhe një nga “njollat më të zeza” të Demon-kracisë “Made in Albania”, ishte dhe mbetet POLITIZIMI i saj i tejskajshëm duke rrënuar me sa të ishte e mundur profesionalizmin e drejtimit të të gjitha hallkave të saj, dhe vendosjen e militantëve mediokër në menaxhimin e këtij sektori jetik për të sotmen dhe të ardhmen e vendit, të popullit dhe të vetë KOMBIT SHQIPTAR…. LARG duart tuaja të politizuara e të kleptokratizuara ekstremisht prej SHËNDETSISË sonë…..

GJITHKUSH prej nesh si shqiptar meriton të trajtohet në mënyrë të barabartë cilësisht kudo dhe kurdoherë, që ai/ajo e ka të nevojëshme ndihmesën për ruajtjen dhe mirëmbajtjen e shëndetit të tij….MIRËKUJDESIN për shëndetin e tyre NUKU e ofron “pulitika mjerane e lojës me viktimat e kësaj flame mbarëbotërore”, POR vetëm e vetëm BESIMI në Punën, Profesionalizmin dhe Përkushtimin e PERSONELIT të Shëndetësisë sonë….QËNËRINË tuaj për poste politike dhe PUSH-SHTET që keni treguar në këto 30 vite, mos e injektoni në popull për t’a ndërsyer atë ndaj NESH….NUK u nginjët ende ju “ish brekëgrisur” të para 1990-ës…..Vodhët e po vidhni gjithshka që Natyra na ka dhuruar me bujari mbi dhe nën tokë…..

Privatizuat, pervetësuat e keqpërdorët gjithshka që NE me djersë, gjak e sakrifica ndërtuam në 45 vite….E detyruat gjysmën e popullatës së Shqipërisë së këndej Drinit të largohen në udhën e theqafjes së emigracionit….NË DARKË përsëri JU politiqenër të PS, PD, LSI, PR, PSD, PBDNj, PDIU, PDK, PAA, LZHK, etj., uleni rreth “tavolinës së shtruar me peshk e ngjala dhe verë franceze”, për të ndarë mes jush çdo gjë që mundet ende të përftohet nga pasuritë e vendit dhe nga taksat tona, pavarësisht nga retorika televizive e përplasjeve tuaja gjatë DITËS si gjoja të qënurit tuaj parimor dhe përvuajtës për “grigjën tonë”….

KURRË të mos harroni se: 1- BARDHËSIA e MISIONIT të një MANTELBARDHI nuk ka qënë e mundur dhe kurrë nuk do të mundet të baltoset prej asnjërit prej jush, si dhe se 2- MIRËBESIMI dhe MIRËKUPTIMI mes nesh, mes popullit dhe personelit shëndetsor do të mbetet thelbi i suksesit tonë edhe në përballjen me sfidën e “flamës mbarëbotërore” të këtij shekulli, Pandemisë së infaksionit nga Sars-Cov2/Covid-19….TOGETHER FOREVER!!!