Moti

Sinoptikania e Shërbimit Meteorologjik Ushtarak (SHMU) Besa Sherollari në një lidhje direkte me edicionin e lajmeve në Top Channel, ka bërë parashikimin e motit për fundjavën dhe fillim javën.

Sipas saj fundjava do jetë në kushtet tipike të ditëve të dimrit. Në pjesën më të madhe të territorit do ketë reshje shiu, ndërsa në zonat verilindore dhe juglindje do të ketë reshje bore.

“Fundjava do jetë në kushtet tipike të ditëve të dimrit. Masat ajrore të paqëndrueshme, por edhe të ftohta me origjinë polare do të sjellin në vendin tonë ditën e shtunë reshje shiu në pjesën më të madhe të territorit me intensitet mesatar dhe hera herës reshjet pritet të jenë edhe me intensitet të lartë, kryesisht në veriperëndim dhe pjesërisht në qendër të vendit, por në pjesën tjetër pritet të jenë me intensitet mesatar.
Ditën e shtunë do kemi edhe reshje të borës, të cilat në zonat malore verilindje dhe juglindje do të jenë në lartësinë mbi 200 m, ndërsa në pjesën tjetër të vendit, në lartësinë mbi 800 m reshjet do të jenë në formën e dëborës me intensitet të ulët deri në mesatar, por në verilindje dhe në alpe reshjet pritet të jenë edhe në formën e stuhive të dëborës.

Duke filluar nga dita e diel presim një qëndrueshmëri atmosferike e cila do të qëndrojë edhe ditën e hënë, por do jenë masa ajrore të ftohta të cilat do të sjellin rënie të ndjeshme të temperaturave. Rënia më e ndjeshme pritet të jetë si në vlerat minimale por edhe në vlerat e mesditës, ku pritet që temperatura në zonat malore të regjistrohen deri në -7 deri në -8 gradë celsius, kryesisht ditën e diel dhe ditën e hënë, ndërsa në vlerat e mesditës, në zonat malore të mos dalin nga vlerat negative, ndërsa në zonat e ulëta, termometri në vlerat e mesditës nuk do i kalojë 10 apo 11 gradë celsius.

Ditët e festave, për fat të keq lajmet për kushteve meteorologjike, pasi ditën e martë ne presim përsëri depërtim të masave ajrore të paqëndrueshme të cilat do të sjellin mot me reshje shiu në pjesën më të madhe të vendit dhe në zonat malore mbi 600-700 metra, reshjet të jenë në formën e dëborës me intensitet të ulët deri në mesatar. Edhe dita e mërkurë pritet të mbetet me të njëjtat kushte meteorologjike. Reshjet e shiut dhe të borës do të jenë prezentë deri në orët e vona të mbrëmjes së mërkurë. Por duke filluar nga dita e martë ne presim një rritje të temperaturave, ku në zonat malore të arrijnë deri në 0 gradë celsius, pra pritet të kemi një rritje të ndjeshme të temperaturave të martën dhe të mërkurën”, u shpreh sinoptikania Besa Sherollari.

Masat ajrore të lagështa dhe të ftohta me origjinë veriore që kanë përfshirë vendin tonë do të sjellin mot të paqëndrueshëm këtë të Premte.

Reshjet nisin në orët e mëngjesit me intensitet të ulët në veri dhe përgjatë Ultësirës Perëndimore. Në mesditë presim shtim intensiteti të tyre me rrebeshe të shpejta e stuhi në pjesën më të madhe të vendit, ndërkohë që në orët e pasdites në intervale të shkurtra kohore intensiteti i reshjeve do të jetë deri i lartë, lokalisht në Shkodër dhe Lezhë.

Në relievet malore në lindje në lartësitë mbi 700m parashikohen reshje dëbore me intensitet të ulët.

Era do të fryjë me drejtim veriperëndim-jugperëndim 2-8m/s, përgjatë vijës bregdetare e lugina era hera-herës do të jetë intensive dhe në formën e Tufanit me shpejtësi 13-25m/s.
Valëzimi në dete do të jetë i forcës 2-4 ballë.

Temperaturat në vlerat minimale do të jenë 6°C ndërsa vlerat maksimale nuk i kalojnë 25°C.

Reshjet intensive të shiut pritet të sjellin problematika në disa qarqe të vendit. Sipas parashikimeve të sinoptikanëve përqendrimi më i madh i reshjeve do të jetë të Premten dhe të Shtunën.

“Intervalet më të gjata me reshje ku herë pas here do të jenë intensive do të jenë Veriperëndimi dhe Qendra. Shkodra do të jetë një ndër qarqet më problematike për gjatë gjithë ditës së sotme. Do të marrë dhe një sasi të konsiderueshme Lezha, Kruja, Tirana, pra e gjithë zona e Qendrës. Edhe pse në pjesën e dytë të ditës spostohet ky sistem edhe në Jug. Jugu do të ketë një interval kohor më të shkurtër duke krahasuar me Veriun dhe Qendrën. Duke theksuar problemet në zonat e përmbytyra të Ultërsirës Perëndimore dhe zonat veriore, veri-perëndimore dhe në zonat qendrore ku reshjet kanë rënë edhe gjatë episodeve të shkuara” tha Lajda Porja.

Edhe temperaturat do të ulen ndjeshëm, sidomos ditën e Diel.

“Bien ndjeshëm temperaturat duke shfaqur reshjet e dëborës në majat e maleve në Shqipëri dhe në disa zona të Kosovës. Dita e Dielë që do të theksojë pak relativisht atë të ftohtin, duke qenë së do të shfaqen dëbora në majën e maleve.”

Sinoptikanët parashikojnë se reshjet do të jenë prezente edhe ditën e diel, por në sasi më të pakta, ndërkohë që fillimi i javës që vjen pritet një përmirësim i kushteve të motit.

Teksa vendi ynë është përfshirë nga moti i keq, sinoptikanët tregojnë se si do të jenë kushtet meteorologjike në orët në vijim.

Në një lidhje përmes skype me Lajda Porjan për News24, meteorologia theksoi reshjet do të jenë herë pas here me prurje të larta. “Do të ketë intensifikim të reshjeve nga ora 4 deri në orën 18:00, në veri por edhe në Vlorë. Reshjet e të premtes dhe të shtunës do të jenë mesatare dhe të larta, duke sjellë probleme.

Parashikohet që të dielën do të kemi qetësi, por të hënën rikthehen reshjet. Nuk ka qetësi për Shqipërinë, do të ketë stuhi dhe reshje, deri në datën 20 nëntor, duke bërë që moti të jetë i keq.

Ditën e mërkurë vendi ynë do të jetë nën ndikimin e kushteve atmosferike të paqëndrueshme.

Moti parashikohet me alternime vranësirash të cilat do të pasohen me reshje shiu me intensitet mesatar e lokalisht deri të lartë fillimisht në veriperëndim e më pas lokalisht përgjatë Ultësirës Perëndimore dhe në jug të vendit.

Reshjet do të jenë të herëpasherëshme dhe do të shtrihen në të gjithë territorin në formën e rrebesheve të shpejta e stuhive më shkarkesa të forta elektrike e breshër.

Gjatë orëve të mbrëmjes reshjet do të ulin intensitetin dhe do të jenë në formën e shtrëngatave afatshkurtra.
Era do të fryjë me drejtim veriperëndim-jugperëndim me shpejtësi mesatare 1-8 m/s, ndërsa përgjatë vijës bregdetarë era fiton shpejtësi 10-14 m/s shoqëruar me valëzimin në dete të forcës 1-3 ballë.

Temperaturat parashikohen:

në zonat malore 9 deri 16 °C

në zonat e ulëta 9 deri 20°C

në zonat bregdetare 13 deri 22 °C.

Shqipëria

Territori shqiptar do të dominohet nga alternime kthjellimesh dhe vranësirash të shpeshta në pjesën më të madhe të tij, ku më të dukshme vranësirat do të paraqiten në zonat malore përgjatë shtrirjes Lindore si edhe zona të izoluara në qendër të territorit. Pas mesditës dhe në vijim do të ketë shtim të vranësirave dhe lagështirës në ajër duke bërë që nata vonë të sjellë rrebeshe të përkohshme shiu.

Temperaturat e ajrit do të ulen lehtë në mëngjes por mesdita do të sjellë një rritje të lehtë të tyre duke luhatur vlerat ditore nga 4°C deri në 25°C. Era do të fryjë mesatare deri e fortë duke arritur shpejtësinë 45 km/h nga drejtimi Jugor duke sjellë në brigjet detare dallgëzim mbi 3 ballë.

Kosova

Pjesa e parë e ditës do të jetë nën dominimin e motit të kthjellët dhe vranësirave të shpeshta në pothuajse të gjithë territorin e Kosovës ndërsa në zonat veriore dhe verilindore do të ketë vranësira disi më të dendura. Parashikohet që pasditja dhe mbrëmja të sjellin përmirësim të theksuar si edhe stabilitet të kushteve atmosferike në të gjithë republikën e Kosovës. Temperaturat e ajrit do të pësojnë rënie të lehtë ne mëngjes por rriten në mesditë duke luhatur vlerat ditore nga 5°C deri në 23°C. Era do të fryjë e lehtë dhe mesatare me shpejtësi deri në 30 km/h nga drejtimi Perëndimor – Veriperëndimor.

Maqedonia e Veriut

Republika e MV do të jetë nën ndikimin e masave ajrore të qëndrueshme gjatë gjithë ditës së martë, duke bërë që paraditja të jetë nën mbizotërimin e kthjellimeve dhe vranësirave të lehta e kalimtare në pjesën më të madhe të vendit. Ndërsa pjesa e dytë e ditës do të sjellë vranësira më të shpeshta në të gjithë MV por nuk priten reshje. Temperaturat e ajrit do të pësojnë rënie të lehtë në mëngjes por rriten në mesditë duke luhatur vlerat ditore nga 5°C deri në 25°C. Era do të fryjë e lehtë dhe mesatare duke arritur shpejtësinë mbi 30 km/h nga drejtimi kryesisht Verior – Veriperëndimor.

Europa

Rajoni i Balltikut si edhe Europa Lindore do të paraqiten nën mbizotërimin e masave ajrore të paqëndrueshme duke bërë që reshjet e dëborës dhe ngricat të jenë prezentë përgjatë gjithë 24 orëshit. Po ashtu vijon problematike situata në Britaninë e Madhe si edhe zonat qendrore të kontinentit me shira të konsiderueshëm si edhe mini-stuhi ere ndërsa alternime kthjellimesh dhe vranësirash do të mbizotërojnë në Europën Jugperëndimore, Gadishullin e Ballkanit, brigjet e detit Egje dhe të zi.

Java e parë e Nëntorit ka sjellë motin tipik vjeshtak pas ditëve me diell gjatë Tetorit. Reshjet e shiut, karakteristike për stinën kanë qenë të pranishme sidomos gjatë fundjavës ku skaji i stuhisë Ciaran preku edhe Shqipërinë duke shkaktuar një mot të paqëndrueshëm.

Anira Gjoni nga Instituti i Gjeoshkencave përmbledh parashikimin e motit javor për “Rudina” i cili do të rikthejë reshjet pas dy ditëve të para të javës. Fatmirësisht, nuk pritet që të prekemi sërish nga stuhi të tjera të fuqishme.

Anira Gjoni: Duke qenë se jemi në muajin Nëntor, është edhe muaji i fundit i vjeshtës, bëhemi gati për dimrin dhe sigurisht nuk mund të mungojnë reshjet në formën e shiut apo të dëborës. Muaji Nëntor gjithmonë ka karakteristikë sasinë e reshjeve që ai merr kështu që parashikojmë që ky muaj të jetë i shoqëruar me reshje herë pas here. Në fundjavë u prekëm edhe ne nga skaji i ciklonit “Ciaran” dhe pasojat ishin të dukshme edhe mbi vendin tonë pasi kishim reshje me intensitet të shtuar dhe erë të fortë. U përmbyll fundjava duke i lënë ditëve me kohë më të mirë siç ishte dita e sotme. Do të vazhdojmë edhe ditën e martë me të njëjtat temperatura dhe me mot të kthjellët. Ditën e mërkurë presim të kemi rikthimin e reshjeve të cilat do të mbulojnë të gjithë territorin e vendit, do të jenë me intensitet mesatar dhe lokalisht shkojnë deri intensive, kryesisht në qarqet e veriut.

Rudina Magjistari: Pra do të kemi reshje gjatë kësaj jave, do të rikthehen?

Anira Gjoni: Po. Të mërkurën rikthehen reshjet.

Rudina Magjistari: Të mërkurën me çadër me vete, të mos e harrojmë por rrezikohemi nga ndonjë stuhi e ngjashme me “Ciaran” apo jo?

Anira Gjoni: Jo, nuk kemi një stuhi tjetër gjatë këtyre ditëve. Të enjten presim qetësim të këtyre reshjeve dhe rikthehen ditën e premte dhe të shtunë.