Lajmi i fundit

Lista e studentëve nga Orikumi që përfitojnë bursë shteti për vitin 2018.

Këshilli i Bashkisë Vlorë, bazuar në ligjin Nr.139/2015, dt.17.12.2015 “Për vetëqeverisjen
vendore”, pasi shqyrtoi relacionin e paraqitur nga Drejtoria e Koordinimit të Projekteve dhe
Investimeve të Huaja në Bashki, për shqyrtimin dhe miratimin e bursave të nxënësve të
arsimit parauniversitar

VENDOSI:

Të miratojë bursë shteti të plotë për nxënësit e viteve të I, të shkollave të
mesme profesionale :

1- MAMUSH MARKO MILIKA , banues në Njësinë Administrative Shushicë,
Bashkia Vlorë , nxënës në vitin e parë në Shkollën e Mesme “Pavarësia”, Vlorë.
2- NIKO SOTIRAQ LLAMBRO , banues në Njësinë Administrative Novoselë,
Bashkia Vlorë , nxënës në vitin e parë në Shkollën e Mesme Tregtare, Vlorë.
3- LIRENA HAMDI DEMAJ , banuese në Njësinë Administrative Novoselë,
Bashkia Vlorë , nxënëse në vitin e parë në Shkollën e Mesme “Hoteleri –Turizëm”,
Tiranë.
4- ALBION SOKRAT LUGA , banues në Vlorë , nxënës në vitin e parë në
Shkollën e Mesme Pavarësia, Vlorë. Komuniteti egjiptian.
5- EMIRJAN BILAL IBRUSHI, banues në Njësinë Administrative Orikum,
Bashkia Vlorë , nxënës në vitin e parë në Shkollën e Mesme Pavarësia, Vlorë.
6- GENTJAN DRITAN VEIZAJ , banues në Vlorë , nxënës në vitin e parë në
Shkollën e Mesme Pavarësia, Vlorë. Komuniteti egjiptian.
7- ENEA NEXHIP MUSTA , banues në Vlorë , nxënës në vitin e parë në Shkollën
e Mesme Pavarësia, Vlorë. Komuniteti egjiptian.
8- ENEA PETRIT ZEQO , banues në Vlorë , nxënës në vitin e parë në Shkollën
e Mesme Tregtare, Vlorë. Komuniteti egjiptian.
9- FRANKO GENCI ABEDINI , banues në Vlorë , nxënës në vitin e parë në
Shkollën e Mesme Pavarësia, Vlorë. Komuniteti egjiptian.
10- ARISTILJO IRAKLI MURRAJ , banues në Bashaj, Vlorë , nxënës në vitin e
parë në Shkollën e Mesme Pavarësia, Vlorë.
11- AVERILDO SHATE NELOJ, banues në Njësinë Administrative Orikum,
Bashkia Vlorë , nxënës në vitin e parë në Shkollën e Mesme Bujqësore ”Rakip Kryeziu
“,dega Veterinari, Fier.
12- MARKELA EDMOND MOÇKA, banuese në Njësinë Administrative Novoselë,
Bashkia Vlorë , nxënëse në vitin e parë në Shkollën e Mesme Bujqësore ”Rakip Kryeziu”,
dega Veterinari, Fier.
13- REDI HALIM DURA , banues në Vlorë , nxënës në vitin e parë në Shkollën e
Mesme Bujqësore ”Rakip Kryeziu “,dega Bujqësi, Fier.
14- LELO FREDI LELAJ , banues në Vlorë , nxënës në vitin e parë në Shkollën e
Mesme Bujqësore ”Rakip Kryeziu “,dega Teknologji Ushqimore, Fier.
II. Të konfirmojë bursë shteti të plotë për nxënësit e viteve të II, III, IV, të shkollave
të mesme profesionale :
1- STELINA SELAMET BRAKAJ, banuese në Njësinë Administrative Shushicë,
Bashkia Vlorë, nxënëse në vitin e tretë në Shkollën e Mesme “Pavarësia “, Vlorë.
2- ROMARJO SHEFIT ALLUSHAJ ,banues në Sevaster, nxënës në vitin e tretë në
Shkollën e Mesme “Tregtare “, Vlorë.
3- MIKEL ANDON SADIKAJ ,banues në Kuç , nxënës në vitin e tretë në Shkollën e
Mesme “Pavarësia “ ,Vlorë.
4- FELIKS AVDULLA PIRIZI ,banues në Ballsh, nxënës në vitin e katërt në Shkollën
e Mesme “Pavarësia “, Vlorë.
5- PAULO VIKTOR LIMAJ, banues në Vranisht, nxënës në vitin e katërt në shkollën e
mesme Industriale “Pavaresia “,Vlorë.
6- MARVIS ALTIN BEGAJ, banues në Sevaster, nxënës në vitin e tretë në shkollën e
mesme “Naim Frashëri “,Vlorë.
7-KLINTON ADRIATIK ALIKO , banues në Përmet, nxënës në vitin e tretë në
Shkollën e Mesme Industriale “Pavarësia “,Vlorë.
8-FIEDORË FIDEL ÇAUSHAJ , banues në Selenicë, nxënës në vitin e tretë në Shkollën
e Mesme Industriale “Pavarësia “,Vlorë.
9-KRISTAQ AMDI REXHAJ , banues në Vllahinë, nxënës në vitin e dytë në Shkollën
e Mesme “Tregtare “,Vlorë.
10-MARSEL AGIM ILIAZI , banues në Përmet, nxënës në vitin e katërt në Shkollën e
Mesme Industriale “Pavarësia “,Vlorë.
11-KLAUDIO KLEO SALIAJ, banues në Amonicë, Sevaster, nxënës në vitin e katërt
në Shkollën e Mesme Industriale “Pavarësia “,Vlorë.
12-VELI PËRPARIM MUÇAJ , banues në Ballsh, nxënës në vitin e katërt në Shkollën e
Mesme Industriale “Pavarësia “,Vlorë .
13-DIONIS LEFTER KUSHA , banues në Krahës, nxënës në vitin e dytë në Shkollën e
Mesme Industriale “Pavarësia “,Vlorë .
14-FJORELO ADNAND BARJAMAJ , banues në Vranisht, nxënës në vitin e dytë në
Shkollën e Mesme Industriale “Pavarësia “,Vlorë.
15-FATJON MITAT BRAHIMAJ , banues në Sevaster, nxënës në vitin e dytë në
Shkollën e Mesme Industriale “Pavarësia “,Vlorë.
16- ANXHELA FERDINAND YMERI , banuese në Vlorë, nxënëse në vitin e dytë në
Shkollën e Mesme “Tregtare “, Vlorë, me Statusin e Jetimit.
17-ARDIT MUHAMET ÇEKREZI, banues në Njësinë Administrative Orikum,
Bashkia Vlorë , nxënës në vitin e dytë në Shkollën e Mesme Tregtare, Vlorë.
18-FRANCESKO SHKELQIM KASAJ , banues në Njësinë Administrative Shushicë,
Bashkia Vlorë, nxënës në vitin e dytë në Shkollën e Mesme Tregtare, Vlorë.Komuniteti
egjiptian.
19- ERIOLA GENCI SERJANAJ, banuese në Vlorë, nxënëse në vitin e tretë në
Shkollën e Mesme Tregtare, dega Hoteleri Turizëm, Vlorë. Komuniteti egjiptian.
20- PAOLA NIKOLIN TEKIU , banuese në Vlorë , nxënëse në vitin e tretë në Shkollën
e Mesme Tregtare, dega Ekonomik, Vlorë. Komuniteti egjiptian.
21- KRISELDA DEFRIM TEKIU , banuese në Vlorë , nxënëse në vitin e tretë në
Shkollën e Mesme Tregtare, dega Hoteleri Turizëm, Vlorë. Komuniteti egjiptian.
22-EMROS ALTIN DANO , banues në Vlorë , nxënës në vitin e dytë në Shkollën e
Mesme Tregtare, Vlorë. Komuniteti egjiptian.
23- ALBERT AVDUL SHEHU , banues në Lukovë, nxënës në vitin e e tretë në
Shkollën e Mesme “Pavarësia “, Vlorë.
III- Nxënës që përfitojnë bursë nga kuotat bosh nga bursat e miratuara në vitin
paraardhës.
1- ERI SYBI DAJA , banues në Njësinë Administrative Orikum, Vlorë , nxënës në vitin
e dytë në Shkollën e Mesme “Pavarësia”, Vlorë, përfiton bursë të plotë.
2-SAMUEL NJAZI JAÇE , banues në Vlorë , nxënës në vitin e dytë në Shkollën e
Mesme “Pavarësia”, Vlorë , përfiton gjysëm burse. Komuniteti egjiptian,
3-KRISTI SKËNDER DANO , banues në Vlorë, nxënës në vitin e dytë në Shkollën e
Mesme “Pavarësia”, Vlorë, përfiton gjysëm burse. Komuniteti egjiptian.
4-KLAUDIO REMZI MUSTA , banues në Vlorë, nxënës në vitin e tretë në Shkollën e
Mesme “Pavarësia”, Vlorë, përfiton gjysëm burse. Komuniteti egjiptian.
5-LAJDON FEJZI MATAJ , banues në Vlorë, nxënës në vitin e tretë në Shkollën e
Mesme “Pavarësia”, Vlorë, përfiton gjysëm burse. Komuniteti egjiptian.
IV.Për zbatimin e këtij Vendimi ngarkohet Bashkia Vlorë.
V. Ky vendim hyn në fuqi menjëherë.
KRYETARE
Vojsava Shkurtaj

Lista e studentëve nga Orikumi që përfitojnë bursë shteti për vitin 2018. Read More »

“E Premtja e zezë”, dita e prangave për VIP-at e Shqipërisë

Rastësi apo jo, arrestimet “VIP” në Shqipëri janë kryer vetëm ditëve të premte! Kështu ka ndodhur me arrestimin e ish ministrit Spiro Ksera, për të vijuar më pas me arrestimet e ish-kryebashkiakut të Vlorës Shpëtim Gjika, dhe më pas me ish-guvernatorin Ardian Fullani dhe kryetarin e Bashkisë Kamëz Xhelal Mziu. Të “Premtes së zezë” nuk i ka shpëtuar as Fran Frrokaj, kreu i bashkisë Lezhë, i cili u arrestua pikërisht mesditën e së premtes me dt 16 Mars në zyrën e tij.

SPIRO KSERA

E premte, 29 janar 2016

Të premten e 29 janarit të vitit 2016-të u ekzekutua urdhër-ndalimi i prokurorisë së Tiranës për ish-ministrin e Punës dhe të Cështjeve Sociale, Spiro Ksera. Mësohet se ndalimi i ish-ministrit Spiro Ksera është bërë gjatë një aktiviteti në Gjirokastër, me urdhër të Prokurorisë. Spiro Ksera është arrestuar pasi akuzohet për shpërdorim detyre. Bëhet me dije se ai akuzohet për një tender me vlerë 30 milion lekë dhe këtë e ka bërë një ditë para se të linte detyrën si ministër. Pas gjykimit ish ministri u dënua nga Gjykata e Tiranës me 1 vit e 8 muaj burg. Gjithashtu, gjykata ka vendosi që Kserës t’i hiqet e drejta për 5 vite pasi të kryejë dënimin, për ushtrimin e funksioneve publike.

SHPËTIM GJIKA

E premte, 6 Shkurt 2015

Ka qenë data 6 shkurt e vitit 2015 kur ish-kreu i bashkisë së Vlorës Shpëtim Gjika u vu në pranga. Ka qenë mesdita e së premtes kur efektivë të policisë janë paraqitur me udrhër ndalimin nga ana e organit të akuzës. Arrestimi i Gjikes ndodhi rreth orës 14:00 në një restorant pranë banesës së kryebashkiakut 52- vjeçar të Vlorës. Një skuadër policore është paraqitur në lokalin ku po drekonte Shpëtim Gjika dhe pasi ka marrë kontakt me të, i ka bërë me dije se kishte një vendim gjykate për arrestimin e tij.

Para prangosjes, mësohet se kryebashkiaku ka qenë në zyrën e tij, si çdo ditë tjetër pune në Bashki. Rreth orës 13:00 ai ishte larguar mesa duket për të drekuar diku pranë banesës së tij, ku edhe ndodhi arrestimi. Pasi ka dalë nga restoranti ku ndodhej me disa persona të tjerë, policët i kanë vënë prangat Shpëtim Gjikës, i cili është dërguar në Drejtorinë e Policisë së Vlorës.

ARDIAN FULLANI

E premte, 5 shtator 2014

Ka qenë data 5 shtator e vitit 2014 kur gjykata kishte caktuar masën “arrest me burg” të vendosur në mungesë ndaj ish-guvernatorit Ardian Fullani, pas kërkesës së prokurorisë. Ka qenë ditë e premte. Në ora 19:45 të mbrëmjes Guvernatori i Bankës së Shqipërisë, Ardian Fullani, ndodhej në zyrën e tij, në godinën e ish-kompanisë VEFA në Tiranë.

Një skuadër e policisë mbërriti te sheshi “Avni Rustemi” me urdhrin e arrestit të lëshuar nga gjyqtarja Blerina Muça, pas kërkesës së prokurorit Ramadan Troci. Sapo Guvernatori kishte hapur derën e makinës së tij “BMË”, me targë TR 0270 Z, katër oficerë policie, dy civilë e dy me uniformë, e kanë penguar të futej brenda.

Oficerët i kanë komunikuar Fullanit urdhrin e arrestit për akuzën “shpërdorim detyre”. Mes punonjësve të Policisë dhe Guvernatorit të Bankës Qendrore ka pasur një bisedë sqaruese, që ka zgjatur vetëm disa sekonda dhe më pas dy prej oficerëve e kanë kapur nga krahët, duke e drejtuar drejt makinës së tyre. Fullani ka hipur në një tjetër “BMË” të bardhë të Policisë dhe është shoqëruar në Drejtorinë e Policisë së Tiranës. Në orën 19:55 të mbrëmjes, Fullani u fut i prangosur në Drejtorinë e Qarkut, ku u izolua në qelinë e paraburgimit.

XHELAL MZIU

E premte, 20 dhjetor 2013

Arrestimi i kryebashkiakut të Kamzës u bë po në një ditë të premte, në mbrëmje vonë. Ka qenë 20 dhjetori i vitit 2013, kur policia ekzekutoi urdhrin e Prokurorisë për arrestimin e tij për shpërdorim detyre dhe shkelje të barazisë në tendera publike.

Policia ekzekutoi në mbrëmje vendimin e Gjykatës së Tiranës, që kishte vendosur ndaj kryebashkiakut masën e sigurisë “arrest me burg”, pas kërkesës së Task-Forcës të Prokurorisë, që kishte regjistruar procedim penal që prej muajit shtator.

Një orë pas arrestimit të Mziut, policia shpalli në kërkim edhe drejtorin e zyrës juridike të Bashkisë Kamëz, Atli Hoti, për të njëjtën akuzë, pasi dyshohet të ketë bashkëpunuar me Mziun.

FRAN FRROKU

E premte, 16 mars 2018

Kryetari i Bashkisë së Lezhës, Fran Frrokaj është arrestuar mesditën e së premtes më 16 Mars Shoqërimi në polici i kryebashkiakut u bë pas hetimeve për shpërdorim detyre, pasi janë konstatur shkelje. Pas tre ditësh në paraburgim gjykata vendosi arrest shtëpie për Fran Frrokaj.

“E Premtja e zezë”, dita e prangave për VIP-at e Shqipërisë Read More »

Shkodra bërtet: Po mbytemi në ujë!

Ministri-deputet i Shkodrës Ditmir Bushati në fakt me ujin po merret, por jo më atë të Shkodrës. Po “qetëson” detin në Jug të vendit. Kështu deklarojnë me mllef në Bashkinë e Shkodrës.

-Drama e banorëve që jetojnë nën ujë prej 20 ditësh. Krybashkiakja Voltana Ademi: Të shpallet gjendja e jashtëzakonshme në zonat e dëmtuara. Banorët rrezikohen nga epidemite.

Në Shkodër prej më shumë se 20 ditësh fshatra dhe zona të tëra janë në luftë me ujin. Reshjet shpeshta të shiut dhe hapja e portave të hidrocentraleve kanë krijuar një situatë dramatike dhe me rrezik për jetën e banorëve. Deri në mbrëmje llogaritin 4215 hektarë sipërfaqe e përmbytur, mes të cilave banesa, ferma bujqësore, sera, tokë dhe rrugë.

Uji ka hyrë kudo. Situatë alarmante. Kryetarja e Bashkisë Shkodër thërret se gjendja po përkeqsohet dhe ka jetë njërëzish në rrezik.

Në Dajç janë 10 fshatra të përmbytur dhe 149 familje të bllokuara. 26 shtëpi rrezikohen të shemben, pasi kjo duhet të jetë përmbytja e 6 ose e 7-të në këto vitet e fundit. Në ish-komunën Ana e Malit 4 fshatra janë të izoluara, ku më serioze dhe me rrezik për banorët paraqitet gjendja në fshatin Obot. Në këtë fshat nga momenti në moment kërcënohen 150 shtëpi, 12 prej tyre janë aktualisht të pabanueshme. Dëmet në kafshë, ferma dhe produktet bujqësore janë të pallogaritshme. Në njësinë Bërdicë uji ka dëmtuar gjithë prodhimet e fermerëve duke përmbytur më shumë se 1200 hektarë tokë. 10 familje kanë 20 ditë që jetojnë me ujin në banesat e tyre. Në Velipojë dhe Rrethina janë 30 banesa të përmbytura, ndërsa situata në dëmet materiale është e pallogaritshme. Pas disa ditësh beteje me ujin,  përmbytja po turret drejt qytetit të Shkodrës. Në lagjet periferike të qytetit llogariten 110 hektarë tokë të përmbytura me dëme të pallogaritshme në prodhimet bujqësore. Rreth 40 banesa në këto lagje janë përmbytur.

Kjo është panorama e situatës më të fundit në Qarkun Shkodër. Prej 20 ditësh gjendja nuk ka njohur asnjë përmirësim, përkundrazi vetëm sa përkeqësohet. Kryetarja e Bashkisë së Shkodrës, Voltana Ademi gjatë këtyre javëve ka bërë thirrje çdo ditë për ndihma dhe shpalljen e gjendjes së jashtëzakonshme në zonat e goditura nga përmbytjet. Në vend të reagimeve institucionale ka marrë refuzim ose heshtje. Madje, në vend që ti jepte ndihmën si deputet i zonës, ministri për Europën dhe Punët e Jashtme, Ditmir Bushati bëri ironi me kryebashkiaken duke i kërkuar të punonte më shumë për përballimin e situatës. Ministri Bushati në fakt me ujin po merret, por jo më atë të Shkodrës. Po merret me detin në Jug për t’ia dhënë Greqisë. Kështu deklarojnë me mllef në Bashkinë e Shkodrës.

Ministria e Mbrojtjes thekson se nuk jemi në situatën e fatkeqësisë natyrore dhe nuk duhet shpallur gjendja e jashtëzakonshme. Kryeministri Edi Rama dhe deputetët e PS që e kanë detyrim njohjen me situatën dhe marrjen e masave, nuk e kanë parë të arsyeshme të vizitojnë Shkodrën. Kanë frikë përballjen me qytetarët. I vetmi institucion që e ka vlerësuar seriozisht situatën është Presidenca. Dje kreu i shtetit, Ilir Meta u informua personalisht për situatën në Shkodër nga kryetarja e Bashkisë Voltana Ademi, si dhe dërgoi dy këshilltarët të tij për të parë nga afër gjendjen. Kreu i shtetit kërkoi nga institucionet që të marrin masa për shpëtimin e jetës së njerëzve, si dhe ruajtjen e pronës së qytetarëve.

Në fakt edhe deputeti i PS-së Paulin Stërkaj ndodhet ditë-natë në terren, por është vetëm një. Duhet qeveria të shpërngulet në Shkodër. Prej gati një muaj qytetarët e disa fshatrave në Shkodër po lihen në mëshirë të fatit, përballë një fatkeqësie natyrore qe ende nuk ka marrë fund. Parashikimet e motit flasin për sasi të mëdha reshjesh në ditët në vijim, ndërkohë gjendja në Shkodër është alarmante edhe me kaq sa ka ndodhur. Pritet shtim të nivelit të ujit duke hyrë edhe në qytetin e Shkodrës.

Indiferenca e institucioneve shtetrore në Shkodër është e pashpjegueshme dhe dëshpëruese. Këshilli Bashkiak dhe kryetarja e Bashkisë çdo ditë numëron dëmet dhe kërkon ndihmë nga qeveria në Tiranë. Kjo neglizhencë e qeverisë, nuk mund të shpjegohet ndryshe vetëm me faktin se qeveria e PS nuk ka vota në Shkodër dhe pushteti vendor është i PD. Është gati kriminale të shohësh se përmbytjet në Fier dhe Lushnje (zona me kryebashkiak të PS) ngrenë në këmbë gjithë shtetin për pak orë, ndërsa në Shkodër ka një muaj që qeveria nuk pranon as të hedh sytë.

Veç pronave të humbura, banesave dhe bagëtisë këto ditë po shfaqet edhe një rrezik i ri. Përmbytjet në pranverë janë më të rrezikshme se në dimër, me të cilat jemi mësuar. Për shkak të temperaturave të larta, përmbytjet në zonat e banuara shumë shpejt mund të sjellin infeksione dhe epidemi për shkak të kafshëve të ngordhura.

Në Shkodër dje të frikësuar nga rritja e valës së ujërave thërrisnin: Ditmir, ktheu në Shkodër dhe lërja kryeministrit, Brukselin!

Hajde Ditmir e merru me ujin e Shkodrës, pasi uji i grekut pret për më vonë!

Dit Bushatlliu

Shkodra bërtet: Po mbytemi në ujë! Read More »

Vrasja e 4-vjeçarit shqiptar, jep dorëheqjen ministri

Ministri shqiptar i Drejtësisë në qeverinë maqedonase, Bilen Saliji ka dhënë dorëheqjen dhe vendimin e ka argumentuar për shkaqe morale. Përmes një deklarate për mediat, Saliji thotë se shkak është bërë vendimi i Prokurorisë për të rikualifikuar akuzën në rastin aksidentit që i mori jetën 4-vjeçarit shqiptar, Almir Aliu.

“Një ndër arsyet kryesore për përfshirjen time në politikë dhe sidomos si ministër Drejtësie ishte besimi im se drejtësia ishte shtylla kryesore e një shteti dhe ajo që është më e rëndësishme, drejtësi e barabartë për të gjithë qytetarët”, deklaroi Saliji.

Ai thotë se aktin e dorëheqjes e ndërmerr jo nga dështimi apo presioni, por si një akt ndërgjegjësues edhe më të madh në drejtim të reformave në sistemin e drejtësisë.

4-vjeçari Almir Aliu u përplas me makinë nga maqedonasi Boban Iliçi në Kumanovë pas një konflikt me familjarë të vogëlushit. Prokuroria maqedonase ndryshoi akuzën nga vrasje me dashje dhe e cilëson veprën si aksidentale duke e akuzuar atë për “aksident me pasojë vdekjen”, një akuzë më e zbutur nga e mëparshmja.

Vrasja e 4-vjeçarit shqiptar, jep dorëheqjen ministri Read More »

Akuza e fortë e Voltana Ademit: Përmbytjet u shkaktuan nga hapja e portave të kaskadave

Kryebashkiakja e Shkodrës Voltana Ademi lëshoi disa akuza në drejtim të qeverisë, duke ia adresuar fajin kësaj të fundit për përmbytjet e shkaktuara në këtë qark.

Nga një studio paralele nga Shkodra, Ademi tha për emisionin ‘Studio e hapur’ në “News24” se shkak i përmbytjeve nuk janë kanalet kulluese, por shkarkimet e tejskajshme të kaskadave. Mes të tjerash kryebashkiakja tha se punonjësit e kaskadës së Vaut të Dejës nuk iu lejua celulari gjatë orarit të punës teksa u hapën portat, pasi sipas saj kishin frike se mos bashkia vihej në dijeni. Duke qëndruar tek kjo akuzë Ademi tha se kjo çështje do të hetohet.

Cilat janë problematikat?
Ska lidhje politike kjo çështje. Duhet të marrin përgjegjësitë të gjithë institucionet. Duke nisur nga kryeministri, ministrat, të marrin përgjegjësitë. Në vend që gjëja e gjallë të evakuohej, kërkesë e imja. Ende nuk është realizuar asnjë gjë e tillë.

E kujt është përgjegjësia?
Informacioni duhet të vijë nga institucione të specializuara. Kur fola për shpalljen e emergjencës, fola për pritshmërinë në këtë qark. Shkak i përmbytjeve nuk janë kanalet kulluese, por shkarkimet e tejskajshme, ndoshta dhe të pakontrolluara. Punonjës të Vaut të Dejës nuk u lejuan as celularë të mbanin në punë, pasi kishin frikë mos na lajmëronin ne. Do hetohet kjo çështje, ndoshta është akuzë e rëndë. Ka që në datën 5 mars dhe sot jemi në datën 20. Vepra të mirëfillta investimi në qarkun më të rënduar, investimet kanë qenë zero.

Sa hektarë tokë janë në ujë?
Deri në orën 18:00 të pasdites ne kemi 5 mijë hektarë tokë nën ujë, në një nivel mbi 2 metra ujë në disa zona të caktuara. Në disa zona ka ende njerëz. Përveç fshatrave, ka 26 familje të evokuara në qytet.

Akuza e fortë e Voltana Ademit: Përmbytjet u shkaktuan nga hapja e portave të kaskadave Read More »

Falen kreditë e banesave për mbi 1 mijë familje, kategoritë përfituese

Shteti do të falë kreditë për 1084 familje që përfshijnë vitin e largët 1995 e deri më 31 dhjetor të vitit 2015, kryesisht familje të prekura nga përmbytjet dhe që kanë përfituar banesa nëpërmjet Entit Shtetëror të Banesave.

Në projektligjin e depozituar në Parlament që është pjesë e punimeve për periudhën 26 shkurt- 6 prill 2018 dhe i depozituar në muajin dhjetor të vitit të shkuar, thuhet se pjesa më e madhe e familjeve janë të varfra dhe nuk mund të shlyejnë kreditë.

Lista e banorëve përfitues shtrihet në Has, Lezhë, Durrës, Tiranë, Elbasan, Shkodë dhe Fier dhe me një total prej rreth 609 milionë lekësh.

RELACIONI I PROJEKTLIGJIT

Për pikën ku përcaktohet falja e detyrimeve të mbetura të kredisë për familjet në Kukës, Has, Tropojë dhe Pukë, të shpërngulura nga ndërtimi i Hidrocentralit të Fierzës, sqarojmë se kredia është akorduar për mënjanimin e dëmeve të përmbytjes së dhjetorit 1995. Kredia iu kalua për t’u trajtuar nëpërmjet EKB-së. Në vitin 2006, me urdhrin nr.225, datë 19.9.2006, të Kryeministrit, është ngritur një grup ndërministror për verifikimin e listës së familjeve të përmbytura nga Hidrocentrali i Fierzës.

Nga sa është bërë e ditur nga puna e kryer nga ky grup lidhur me këtë problematikë, nuk është arritur një konkluzion apo zgjidhje përfundimtare. Për këtë proces nuk disponohet material. Nga familjet banuese në këto banesa është ngritur shqetësimi dhe pretendimi se e kanë të pamundur shlyerjen e detyrimeve (paradhënies apo paradhënies dhe një pjese të kredisë). Arsyet që paraqesin janë si më poshtë: – Paaftësia paguese. Pjesa më e madhe e familjeve kanë deklaruar se jetojnë në kushte të vështira dhe nuk kanë mundësi financiare për shlyerjen e kredisë; – Kërkohet falja e kredisë me arsyetimin se banesat e tyre dhe tokat e përmbytura në vendin e origjinës kanë një vlerë më të madhe se vlera e kredisë.

• Me fondin e vënë në dispozicion, me vlerë 150 000 lekë për frymë, nuk mund të përfundonin ndërtimin e banesës dhe se për këtë janë detyruar të përdorin fonde të tjera. Kjo ka ndikuar në pamundësinë e shlyerjes së vlerës së kredisë. Nga ana tjetër, Enti Kombëtar i Banesave ka hapur procese gjyqësore, duke kërkuar kthimin e vlerave të tërhequra nga këta qytetarë. Por, në këtë proces të ndjekur nga Enti kanë rezultuar shumë pengesa për arsyet e mëposhtme:

• Shpenzimet gjyqësore për hapjen e padive dhe pagimin e tatimit për vlerën e kërkuar nëpërmjet çdo padie të ngritur rëndojnë shumë shpenzimet e EKB-së.

• Largimi i këtyre qytetarëve (familjeve) në emigracion.

• Proceset gjyqësore janë mbyllur disa herë, pasi nuk gjenden adresat e sakta të këtyre qytetarëve, të cilësuar si “të paditur”, nisur nga fakti se ata nuk kanë ndërtuar banesën në vendin ku është planifikuar të ndërtohej, por janë larguar duke ndërtuar diku tjetër ose duke mos ndërtuar fare. Përfaqësuesit e EKB-së në disa qarqe kanë realizuar takime në bashkitë dhe ish-komunat përkatëse, por përgjigjja nga këto takime ka qenë se këta qytetarë janë larguar nga ajo komunë apo bashki. Njëkohësisht është kërkuar ndihmesë edhe nga Drejtoria e Përgjithshme e Gjendjes Civile për të bërë të mundur marrjen e adresave të reja për qytetarët që kanë ndërruar adresat.

• Për kreditë e lëvruara për përmbytjet, kontratat nuk janë lidhur pranë noterit. Duke gjykuar se këto të dhëna dhe argumente do të jenë të vlefshme në funksion të gjetjes së një rrugëzgjidhjeje për këtë problematikë, është propozuar përfshirja e kësaj pike në dispozitat transitore të projektligjit të ri të strehimit. Aktualisht, shuma e fondeve të dhëna nga buxheti i shtetit për përmbytjet konsiderohet e vështirë dhe problematike për t’u arkëtuar nga banorët, ndërsa heqja e këtyre detyrimeve nga bilanci nuk ka faturë financiare për buxhetin e shtetit apo për Entin Kombëtar të Banesave.

Falen kreditë e banesave për mbi 1 mijë familje, kategoritë përfituese Read More »

Një mijë dosje pronash – Vlora me 403 çështje, zero në Tiranë

Në 2017, prokuroria ka shqyrtuar afro 1 mijë dosje hetimore që kanë të bëjnë me abuzimet me pronat. 915 çeshtje pronësie që lidhen me falsifikimin e dokumenteve, shpërdorimin e detyrës, vetëgjyqësinë dhe vepra të tjera penale që u përkasin abuzimeve me pronat.

Nën hetim janë vendosur vetëm 15 zyrtarë kryesisht të hipotekës dhe pushtetit vendor vetëm në dy rrethe në Kavajë me tokat në Spille dhe një rast në Krujë ku është akzuar ish-kryetari i bashkisë.

Edhe pse Vlora është qarku që përbën thuajse gjysmën e dosjeve me abuzimet e pronave, në këtë qark nuk rezulton asnjë zyrtar i lartë i ndaluar edhe pse nuk përjashtohet mundësia që ndonjë prej tyre mund të jetë nën hetim. E kundërta ndodh në Tiranë, ku nuk ka asnjë dosje abuzimi me pronat.

Vetëm në Vlorë rezulton të jenë 403 referim-kallëzime me 243 dosje të regjistruara për të nisur hetimet. I renditur si qyteti i dytë me më shumë raste abuzimesh me pronat Gjirokastra numëron 338 procedime penale, me 71 të pandehur. Në Berat janë 52 referim-kallëzime ndërsa në Durrës 37 kallëzime penale, ku në 30 raste nuk kanë nisur ende hetimet.

Kruja është rast specifik, pasi nga 40 kallëzime penale, 2 prej tyre janë çështje të mbartura nga vitet 2015-2016. Një prej tyre ishte rasti i kryebashkiakut Shkëlzen Hoxha dhe 3 ish-zyrtarëve të bashkisë, që u akuzuan për “falsifikimit dokumentesh” dhe “shpërdorim detyre”, pasi sipas prokurorisë abuzuan me një fond emergjence. Edhe ish-kreu i Hipotekës në Krujë, në vitin 2016 është proceduar penalisht për “shpërdorim detyre”.

Pas Krujës renditet Dibra me vetëm 14 çështje penale, ku rastet e vetëgjyqësisë për të marrë pronën janë gjysma e çështjeve. Së fundmi, në Kurbin u regjistruan 17 raste. Në Korçë ka vetëm 3 çështje pronash, kurse në Tropojë 11 të tilla.

Një mijë dosje pronash – Vlora me 403 çështje, zero në Tiranë Read More »

Situatë emergjente në Shkodër, uji po përparon drejt qytetit

Dyfishohet sipërfaqja e përmbytur në territorin e bashkisë së Shkodrës. Informacionet e orës 14:00 nga kjo bashki flasin për 4215 ha sipërfaqe tokë e përmbytur, gati dyfishi i sipërfaqes së përmbytur më parë.

Ndërkohë uji po përparon  drejt qytetit.  Në zonën e Livadheve janë të përmbytura 110 ha. Pas inspektimeve më të fundit rezulton se në rrugën Et‘hem Kazazi ka prezencë uji dhe në një segment rruge ka vështirësi kalimi. Në këtë rrugë ndodhen mbi 40 shtëpi me prezencë uji afër oborreve të tyre dhe nga këto 4 familje mbajnë bagëti, ku si pasojë e fushave të përmbytura paraqiten vështirësi në sigurimin e ushqimit për to. Këto familje furnizohen me ujë të pijshëm nepërmjet puseve dhe ky paraqitet si problem. Nevojiten  Nevojiten çizme të gjata për 10 familje.

Në lagjen Ajasëm janë rreth 3 ha tokë e mbuluar nga uji. Në 13 banesa ka prezencë uji. Emergjente paraqitet baza ushqimore për bagëtitë për 5 familje , rreth 100 krerë bagëti.

Në njësinë administrative të Dajçit, niveli i ujit ka pësuar rritje dhe ka sërish tendencë rritjeje. Në total  banesat që janë të bllokuara nga uji janë mbi 194

Kërkohet të ndërhyhet për lartësimin e argjinaturës së Pentarit pasi niveli është 20 cm pa dalë nga argjinatura. Në Obot kalohet vetëm me varka. Në këtë fshat janë rreth 150 shtëpi të rrethuara nga uji nga ku në 12 prej tyre ka hyrë uji

Perseritet kerkesa: Shpallni emergjencen

“Bashkia Shkodër ka bërë një shkresë publike drejtuar Ministrisë së Mbrojtjes ku ka kërkuar shpalljen e gjendjes së emergjencës civile në këto njësi pasi rrezikohet rëndë shëndeti dhe jeta e popullatës, gjësë së gjallë, pasurisë e mjedisit.
Edhe pse kjo kërkesë është përsëritur disa herë, akoma Bashkia Shkodër nuk ka një përgjigje zyrtare nga autoritetet përgjegjëse.
Insistojmë në kërkesën tonë të vazhdueshme për shpalljen e emergjencës civile në një pjesë të territorit të Bashkisë së Shkodrës pasi situata e krijuar është rezultat i shkarkimeve të  mëdha në sasi dhe për një kohë të gjatë në kaskadën e lumit Drin.” thuhet në njoftimin e bashkise.

Zonat e tjera te prekura nga permbytja

Njësia Administrative Dajç
Deri në këto momente, janë mbi 1415 ha tokë e përmbytur në Njësinë Administrative të Dajçit: Fshati Mushan 330 ha, fshati Shirq 310 ha, fshati Suka-Dajç 140 ha, fshati Dajç 220 ha, fshati Darragjat 140 ha, fshati Samrisht i Ri 120 ha, fshati Samrisht i Vjetër 50 ha, fshati Pentar 20 ha, fshati Belaj 50 ha , fshati Rrushkull 35 ha.

Kalimi bëhet i mundur me mjete të larta të ushtrisë në rrugën kryesore. Rruga Shirq-Darragjat kalohet me varka.

Rruga Belaj-Pentar dhe rruga Bishti i Qarrit janë të bllokuara.Niveli i ujit ka pësuar rritje sipas hidrometrit në dhe ka tendencë rritjeje.

Në total  banesat që janë të bllokuara nga uji janë mbi 194 të ndarë sipas fshatrave : 42 në fshatin Shirq , 19 në Mushan, në fshatin Belaj 20, në fshatin Darragjat 15, në fshatin Samrisht të Vjetër 80, në fshatin Suka 11 banesa nga ku lagjia Mazija totalisht e izolume me 8 banesa, në fshatin Samrisht i Ri 6 banesa, në fshatin Dajç 1 shtëpi totalisht e izoluar. Kërkohet të ndërhyhet për lartësimin e argjinaturës së Pentarit .Niveli është 20 cm pa dalë nga argjinatura. Janë 26 shtëpi të rrezikuara.

Njësia Administrative Ana e Malit:
Në Njësinë Administrative Ana e Malit, situata vijon të jetë e përkeqësuar dhe paraqitet e rënduar. Në Obot kalohet vetëm me varka. Mbi 1300 ha tokë janë të përmbytura: Fshati Muriqan 450 ha, fshati Oblikë 650 ha, fshati Obot 200 ha. Në Obot janë rreth 150 shtëpi të rrethuara nga uji nga ku në 12 prej tyre ka hyrë uji .Në Muriqan në 8 shtë 8 shtëpi ka hyrë uji . Në Goricë 40 shtëpi ka rrethuara nga uji. Në lagjen Gallube në 4 shtëpi ka hyrë uji. Niveli i ujit ka pësuar rritje dhe ka tendencë rritjeje.

Në njësinë administrative Ana e Malit Ujësjellsi Oblika1 dhe 2 si pasojë e përmbytjeve, janë jashtë funksionit.
Në Njësinë Administrative Ana e Malit,në fshatin Obot nevojiten 61 palë çizme të gjata
për banesat , 100 thasë miell për familje dhe 210 (x 8litër) bidona ujë për banorë.

Njësia Administrative Bërdicë:
Në njësinë administrative Bërdicë janë mbi 1050 ha tokë e përmbytur e ndarë sipas fshatrave  si më poshtë:
1.Fshati Trush 550 ha
2.Fshati Bërdicë e Madhe 250 ha
3.Fshati Bërdicë e Mesme 100 ha
4.Fshati Bërdicë e Sipërme 150 ha

Janë të rrethuara nga uji 10 shtepi ne fshatin Berdice e Siperme, 8 ne Berdice e Madhe dhe 30 ne fshatin Trush.

Njësia Administrative Velipojë:
Në njësinë administrative Velipojë, janë të përmbytura mbi 260 Ha tokë :
1.Fshati Baks 160 ha
2.Fshati Ças 100 ha

Janë të rrethuara nga uji 10 shtëpi në Lagjen Çobaj në Luarz. Në fshatin Luarz në 3 vende del uji nën argjinaturë.

Njësia Administrative Rrethina:
Në njësinë administrative Rrethina janë të përmbytura 70 Ha tokë e ndarë sipas fshatrave  si më poshtë. Në fshatin  Zues janë të përmbytura 70 Ha tokë nga të cilat 10 Ha ndodhen  poshtë fshatit Zues dhe 60 Ha tokë e këtij fshati në fushën e Oblikës. Nga këto janë Jonxhe+foragjere 40 Ha. Në zonën e Livadheve (Nj.ad.Rrethina) janë 17 shtëpi të rrethuara nga uji. Niveli i ujit ka pësuar rritje.

Njësia Administrative Guri i Zi:
Në njësinë administrative Gur i Zi konstatohet fenomeni i erozionit në tokat bujqësore.Vazhdon gërryerja e tokës në fshatin Juban, në afërsi të Malit të Vukatanës.
Janë të përmbytur rreth 10 ha tokë në  fshatin Kuç. Nga ana tjetër, duhet të merren masa për furnizim me klor për dizefektim për zonat e përmbytura pas tërheqjes së ujit.

Situatë emergjente në Shkodër, uji po përparon drejt qytetit Read More »