Lajmi i fundit

Rama i jep fund heshtjes për Shkodrën…, por sulmon BashënRama i jep fund heshtjes për Shkodrën…, por sulmon Bashën

Leave a Comment / Aktualitet, Lajmi i fundit / /

Shkodra ka më shumë se 2 javë që është nën ujë dhe kryeministri Rama nuk ka gjetur kohë të postojë asnjë fjali për situatën e rëndë të qytetarëve atje.

Por sot çuditërisht gjeti kohë të merrej me Bashën.

Fill pasi Basha vizitoi qytetin nën ujë dhe postoi një video në facebook që pasqyronte realitetin atje, Rama reagoi duke e futur dhe këtë në kazanin mediatik.

Madje Rama thotë se po bëhet propagandë me foto të vitit 2010.

Sipas tij, shteti është në krye të detyrës.

“Shkodër – (Përtej propagandës së kazanit digjital me foto të përmbytjeve të vitit 2010) SHTETI NË KRYE TË DETYRËS”, shkruan Rama, teksa sjell edhe një album me foto të ministrave në terren dhe strukturave të tjera të shtetit pranë banorëve.

 

Rama i jep fund heshtjes për Shkodrën…, por sulmon BashënRama i jep fund heshtjes për Shkodrën…, por sulmon Bashën Read More »

Pronarja e akuzoi publikisht, deputeti i PS flet hapur për denoncimin bombë për falsifikim

Leave a Comment / Lajmi i fundit, Opinione / /

Deputeti socialist i qarkut te Vlores ka reaguar sot per here te pare pasi nje pronare tokash ne Dhermi e ka akuzuar publikisht per vjedhjen e 11 mije meter toke.

Në emisionin “Të Paekspozuarit”, kjo pronare tokash në Dhërmi, ka denoncuar deputetin Alket Hyseni, se i ka vjedhur tokën. Zonja Irini Bua, pretendon se Alket Hyseni i ka tjetërsuar 11 mijë metra tokë.

“Prona ësht vjedhur nga Alket Hyseni, 11 mijë metra. Letrat që keni ju përpara, vërtetojnë vjedhjen ose përvetësimin e pronës nga Alket Hyseni. Leje mbi pronën tonë ka dhënë Edi Rama. Alket Hyseni ka bërë marrëveshjen me kompaninë e Mirela Papulit. Nuk mund të ketë Alket Hyseni dhe kompania Papuli pronë, dhe ne nuk kemi asnjë metër katror tokë. Tani kanë dhënë leje ndërtimi tek Papuli për ndërtimin e një fshati. I bëj thirrje kryeministrit Rama që të pezullojë këtë vendim

POSTIMI I PLOTE

Hedh një i marrë një gurë në lumë dhe mblidhen një tufë të mençurish, por nuk e nxjerrin dot
Meqë me grupin e parë u shfaq edhe Shqupi, më duhet të bëj një sqarim për të gjithë miqtë e mi, votuesit dhe mbështetësit, si dhe për opinionin publik.
Çdo qindarkë e pasurisë sime dhe e familjes sime është vendosur me shumë mund dhe djersë, duke qenë totalisht korrekt me ligjin dhe moralin shoqëror.
Ata që më njohin e dinë që prej moshës 18 vjeç e deri sot nuk kam rreshtur së punuari duke e mbyllur angazhimin çdo ditë afër mesnatës, madje shpesh herë përtej.
Kam ngritur bizneset e mia familjare për të cilat jam krenar sepse kanë rezultuar tepër të suksesshme dhe kanë kontribuar me qindra milionë lekë si taksapagues në buxhetin e shtetit, e patjetër duke sjellë edhe fitime të kënaqëshme.
Ska qenë pasuria qëllimi në vetvete, ndaj kam shpenzuar shumë kohë dhe mund për formimin tim intelektual dhe kam dhënë kontributin tim modest në jetën shoqërore, tashmë edhe në atë politike.
Akuzat e montuara duke instrumentalizuar një zonjë, i refuzoj me neveri.
Nuk e njoh as zonjën dhe asnjë nga familja apo fisi i saj (të paktën në dijeninë time), me të cilët mësova se është në konflikt familjar prej shumë vitesh.
Kam shkëmbyer disa apartamente, njësi dhe garazhe të fituara para vitit 2010 nga të ardhura të ligjshme dhe të deklaruara, me një sipërfaqe toke bujqësore, të cilën e kam shitur vitin e kaluar. Nuk kam qenë në detyrën e Task Forcës dhe as ka lidhje direkt apo indirekt me atë detyrë, për të cilën jam krenar, unë dhe 10 djem e vajza ekspertë të shkëlqyer, me rezultatet që arritëm duke zbuluar, bllokuar dhe nisur rikuperimin e rreth 3 miliardë USD pasuri publike të grabitura nga ata që sot akuzojnë politikisht. Shumë nivele janë implikuar dhe kanë frikë nga hetimet e nisura, e ndoshta ky është shkaku i nisjes së baltës dhe shpifjeve ndaj meje.
Çdo veprim është bërë në përputhje me proçedurën dhe ligjin dhe duke paguar detyrimet shtetërore.
Toka bujqësore është fituar nga një AMTP(tapi) në emer të kunatit të zonjës që akuzon, e marrë para dhjetëra vitesh dhe e regjistruar me vendim gjykate. Është transferuar me kontratë noteriale para disa viteve tek një person i tretë, përpara se të kalonte në pronësinë time të përkohshme.
Nuk e njoh fare përfituesin fillestar të kësaj prone (kunati i zonjës Bua).
Ndërkohë zonja nuk ka përfituar sipërfaqe toke pasi nuk ka qenë banore e fshatit Dhërmi në vitin 1991, dhe nuk i takon sipas ligjit.
Nëna e bashkëshortit të zonjës, Athina Bua, ka përfituar tokë bujqësore si banore e fshatit nëpërmjet një AMTP tjetër që ska lidhje me të kunatit. Janë regjistruar me vendim gjyqësor në kohën e qeverisjes së PD ku përcaktohet qartë se janë parcela të ndryshme.
Për këtë sipërfaqe të AMTP-së së dytë ka lindur konflikti familjar pas vdekjes së nënës së tyre, lidhur me trashëgiminë testamentare.
Zonja Irini Bua dhe bashkëshorti i saj, rezulton se i kanë humbur disa beteja gjyqësore dhe kanë bërë disa kallëzime penale në vite ndaj shumë personave dhe institucioneve, madje edhe ndaj meje, por që janë pushuar si të pabazuara.
Nuk përbën interes për mua kush fiton në konfliktin e familjes Bua, por fakti është që ska asnjë lidhje me mua.
Toka e pretenduar nga zonja akuzuese rezulton akoma e bllokuar në hipotekë si pasojë e një procesi të ri gjyqësor mes tyre dhe nuk është transferuar asnjëherë.
Ftoj zonjën të mos bëhet instrument për konsum politik dite, me synim baltosje dhe shmangie të vëmendjes nga problemet e rënda të opozitës që lidhen me financimet me para të pista dhe të dyshimta nga oligarkë rusë, konfliktet dhe shterpësia e ideve. Ftoj opozitën gjithashtu të ngrihet në lartësinë e duhur dhe të japë llogari penale, morale dhe politike për faktet që e implikojnë.
Këto shpifje të ndyra nuk mund të baltosin figurën time apo të mazhorancës dhe nuk mund të pengojnë ecjen tonë përpara pavarësisht lehaqenëve të çdo kategorie dhe fushe.
Taktika e shpifjes me moton “të gjithë janë njësoj”, nuk zë vend tek shqiptarët që nuk janë të verbër dhe të paditur, por shohin dhe prekin rezultate çdo ditë edhe pse ka akoma shumë për tu bërë.
Mentaliteti komunist, i disa kazanëve politikë dhe mediatikë, duke shigjetuar biznesin e ndershëm e kontribues në ekonominë kombëtare dhe buxhetin e shtetit, si dhe ideja e politikanëve proletarë, janë lënë pas para 27 vitesh.
Çdo fjalë e mësiperme është e bazuar në dokumenta zyrtarë, vendime gjykatash dhe prokurorie e mund ti vihen në dispozicion kujtdo.
Ndërkohë do kërkoja të njëjtin standard nga PD, pra publikimin për opinionin dhe organet ligjzbatuese të dokumenteve, si dhe shpjegimet lidhur me akuzat tashmë të provuara ndërkombëtarisht për aferën 1 milionë dollarëshe të parave të pista, të padeklaruara, e për më tepër, nga burime interesash antikombëtare.

Pronarja e akuzoi publikisht, deputeti i PS flet hapur për denoncimin bombë për falsifikim Read More »

Maqedoni. Ivanov sërish nuk dekreton ligjin për gjuhën shqipe

Leave a Comment / Aktualitet, Lajmi i fundit / /

Ivanov nuk nënshkruan ligjin për gjuhët, Xhaferi: Do shfrytëzoj çdo mënyrë kushtetuese

Edhe pse më 14 mars, ligji për përdorimin e gjuhës shqipe u votua për herë të dytë në parlamentin maqedonas, Presidenti i vendit, Gjorge Ivanov, u shpreh se ai nuk do t’a dekretojë këtë ligj.

Sipas Ivanov, dekretimi i ligjit të gjuhëve është jo kushtetues dhe bie ndesh me ndërgjegjen e tij personale si kryetar shteti.

Por kryeparlamentari shqiptar, Talat Xhaferi, edhe pse nuk jep detaje si do të veprojë, është i vendosur që ky ligj të hyjë në fuqi.

Nuk dihet ende nëse Xhaferi do të zgjedhë variantin e nënshkrimit të ligjit dhe dërgimin e tij në fletoren zyrtare pa firmën e Presidentit.

Xhaferi tha shkurt se formalisht, afati i Presidentit ka skaduar dhe se, që nga sot gjithçka varet nga kompetencat e tij si kryetar ligjvënësi.

Ligji për përdorimin e gjuhëve fillimisht u votua më 11 janar. 6 ditë më pas, Ivanov njoftoi mos dekretimin. Mbi konstatimet e tij, VMRO-DPMNE-ja e ish-kryeministrit Nikolla Gruevskit, parashtroi mbi 35 mijë amendamente, por asnjëri prej tyre nuk u shqyrtua në Kuvend.

Më 14 mars, ligji u votua për herë të dytë me 64 vota pro dhe 24 abstenim. Seanca u shoqërua me tensione, ku vetë Gruevski shkoi në tavolinën e Xhaferit për t’a penguar të drejtonte seancën.

Maqedoni. Ivanov sërish nuk dekreton ligjin për gjuhën shqipe Read More »

Ministria e Arsimit: Kemi plan të detajuar për LGBTI, jo steroitipe gjinore!

Leave a Comment / Arsim, Lajmi i fundit / /

Ministria e Arsimit Sportit dhe Rinisë bazuar në strategjinë kombëtare për Barazi Gjinore dhe Planin e Veprimit 2016-2020, Planin Kombëtar të Veprimit të Qeverisë Shqiptare për personat LGBTI 2016-2020 si dhe nga rezoluta për LGBTI, prej dy vitesh në shkollat e vendit po trajnohen mësues, por edhe komuniteti i prindërve mbi të drejtat e njeriut, bulizmin dhe dhunën.

Në këtë kuadër, Ministria e Arsimit, Sportit dhe Rinisë në zbatim të rekomandimeve por edhe detyrimeve që burojnë nga këto strategji dhe plane veprimi, po vijon konkretizimin e këtyre nismave në bashkëpunim me organizatat jo qeveritare për informimin dhe ndërgjegjësime të mëtejshëm të target-grupeve të ndryshme.

Këto trajnime synojnë mënjanimin e steriotipeve gjinorë dhe të diskriminimit, si pasojë e orientimit seksual.

Aktivitetet ndërgjegjësuese synojnë reduktimin e praktikave diskriminuese, praktika këto që janë zhvilluar me mbështetjen dhe mbikëqyrjen e përfaqësuesve të pushtetit vendorë dhe drejtuesve të shkollave dhe mësuesve të lëndëve.

Ministria e Arsimit: Kemi plan të detajuar për LGBTI, jo steroitipe gjinore! Read More »

Shpalleni atë dreq EMERGJENCE për qarkun e Shkodrës, zoti Kryeministër!

Leave a Comment / Aktualitet, Lajmi i fundit, Problematika / /

Qarku i Shkodrës po jeton në tmerr duke luftuar me mbijetesën nga përmbytjet e ujit si pasojë e reshjeve, por kryesisht nga shkarkimet e hidrocentralëve. Pamjet e televizioneve dhe thirrjet e banorëve janë tragjike, pasi gjithçka është nën ankthin e jetës prej pushtetit të ujit. Qeveria me anë të dy ministrave Olta Xhaçka dhe Ditmir Bushati po mundohet të jap zgjidhje, porse siç kërkon kryetarja e bashkisë së Shkodrës si dhe PD-LSI duhet urgjent shpallja e Gjendjes së Emergjencës në këto zona, sepse shteti duhet të përgjigjet në gjithçka që vjen nga përmbytjet për fajin e tij.

Nuk përballohet situata katastrofike me dy ministra, sado në uji të rrijnë ata. Duhet shpallur Gjëndja e Emergjencës, siç kërkoi para dy ditësh edhe drejtori i Emergjencave Civile Shemsi Premçi, por që më pas e kafshoi gjuhën pas presionit kryeministror.

Situata është e tmerrshme, as në filmat e Hollivudit nuk gjen pamje të tilla. Ndaj shpalleni atë Emergjencë për zonat e përmbytura zoti Kryeministër!

Shpalleni atë dreq EMERGJENCE për qarkun e Shkodrës, zoti Kryeministër! Read More »

Tërhiqet Qeveria – Kumbaro pezullon ndryshimet në projektligjin për artin dhe kulturën

Leave a Comment / Art-Kulture, Lajmi i fundit / /

Ministria e Kulturës tërhiqet nga ndryshimet që kërkonte të bënte në art dhe kulturë, ndryshime që provokuan komunitetet artistike në vend. Në takimin me dyert të mbyllura për kamerat në ministrinë e Kulturës, u mor ky vendim me presionin që ushtroi rrjeti i organizatave jofitimprurëse aktive në skenën e artit dhe kulturës, e njohur ndryshe si Skena e Pavarur Kulturore.

Me këtë vendim arrin një fitore edhe komuniteti teatror i cili që në krye të herës ka kërkuar: të mos zhvendoset tek Turbina dhe të spezullohet projektligji. Nga ana tjetër Ministria e Kulturës nuk pranon të diskutojë rikthimin e Qendrës Kombëtare për Artin dhe Kulturën.

Kërkohet që projektligji i ri i cili do duhet të hartohet paralel me strategjinë kulturore, t’iu japë më shumë pavarësi institucioneve për artin dhe kulturën, në mënyrën se si zgjidhin drejtuesit dhe se si ata formojnë bordet artistike.

Që nga ky moment zëvendësminsitrja e kulturës Valbona Shujaku ngarkohet me organzimin e konsultimeve me skenën e pavarur dhe me organizatat e tjera të artistëve për të hartuar këto dy dokumente me rëndësi për politikat kulturore në vend.

Tërhiqet Qeveria – Kumbaro pezullon ndryshimet në projektligjin për artin dhe kulturën Read More »

Të huajt “pushtojnë” Shqipërinë dhe në dimër, rritet numri i turistëve

Leave a Comment / Lajmi i fundit, Turizem / /

Edhe pse në dimër, fluksi i të huajve që hyjnë në Shqipëri ka ardhur në rritje. Sipas statistikave të INSTAT, në dy muajt e parë të vitit kanë hyrë 423 mijë shtetas të huaj, me një rritje prej 18% në krahasim me të njëjtën periudhë të një viti më parë.

Në vend të parë qëndrojnë shtetasit nga Kosova, të cilët pas “braktisjes” së vitit të kaluar, i janë rikthyer sërish shtetit amë. Sipas INSTAT, në dy muajt e parë të vitit kanë hyrë 140 mijë shtetas nga ky vend, me një rritje prej rreth 17%.

Në vend të dytë janë maqedonasit, me rritje 14% për dy mujorin, por që i dedikohet kryesisht janarit, pasi në shkurt numri i tyre ka qenë në rënie.

Në Shqipëri kanë hyrë rreth 61 mijë shtetas greke në janar-shkurt, me një rritje prej gati 19% me bazë vjetore.

Nuk shkoojnë vetëm shqiptarët në mal të Zi për fundjavë. Edhe malazezët kanë filluar të preferojnë Shqipërinë., duke u renditur të katërtit, me rritje prej 17%, me gati 50 mijë shtetas të hyrë.

Italianët vijojnë ta kenë të preferuar Shqipërinë, teksa numri i hyrjeve u rrit me 13% në 13 mijë shtetas.

Për shtetasit e tjerë hyrjet kanë qenë më të ulëta sesa 10 mijë. Anglezët, amerikanët, zviceranët, gjermanët polakët kanë ardhur në rritje.

Në sezonin e verës pritet që turistët e huaj të shënojnë sërish rritje.

Të huajt “pushtojnë” Shqipërinë dhe në dimër, rritet numri i turistëve Read More »

Fatos Lulo iku, kush e ka radhën? Emrat në listën e KPK

Leave a Comment / Aktualitet, Lajmi i fundit / /

Fatos Lulo, i thotë “lamtumirë” sistemit të drejtësisë. Të paktën për momentin, derisa Kolegji i Posaçëm i Apelimit të thotë fjalën e fundit për të.

Komisioni i Pavarur i Kualifikimit vendosi këtë të premte ta shkarkojë Lulon nga detyra e gjykatësit Kushtetues, me argumentin se nuk justifikon gjysmë milioni dollarë pasuri.

Bëhet fjalë për një zyrë në rrugën e Durrësit, një llogari bankare në vlerën e 100 mijë dollarëve dhe 480 mijë dollarë kanadazë, që e larguan gjykatësin e karrierës nga radhët e sistemit.

Ai u përpoq përmes avokatit ta binte trupën gjykuese të kryesuar nga Genta Tafa Bungo, se pasuria e tij rrjedh nga burime të ligjshme; se zyrën dhe 100 mijë dollarët, i kishte dhuratë nga motra e tij biznesmene ndërtimi; e se shumën tjetër prej 480 mijë dollarësh, ia mori hua po motrës, por ja ktheu sërish, se e zhbëri planin për t’u trasferuar drejt Kanadasë.

Megjithatë, nuk ia doli dot të bindte. E prej momentit kur KPK, shpalli vendimin, Lulo u detyrua të lërë zyrën e tij, të cilën sikurse paralajmëroi përmes mbrojtësit ligjor do të tentojë ta rifitojë në shkallën e dytë; Kolegjin e Posaçëm te Apelimit.

Sikurse pritej, shkarkimi i Fatos Lulos, që pa frikë mund të konsiderohet “viktima” e parë e Vetingut, u përshendet nga Kryeministri.

Edi Rama u coi sinjalin e radhës gjyqtarëve e prokurorëve, teksa përsëriste shprehjen e kthyer në kryefjalën e tij prej kohësh: Skeni parë gjë akoma. Në këtë mënyrë ai lajmëroi furtunë e tronditje në radhët e gjyqësorit, pastrimi i të cilit nga të koprruptuarit është një kusht për hapjen e negociatave me Bashkimin Europian.

Po kush e ka radhën pas Fatos Lulos? A do arrijnë gjykatësit e prokurorët ti kalojnë filtrate e kontrollit?

Komisioni i Pavarur i Kualifikimit prej kohësh ka publikuar listën me 57 emra gjykatësish e prokurorësh, të cilët po i nënshtrohen me përparësi Vetingut. Ata janë anëtarët e gjykatës Kushtetuese, anëtarët e gjykatës së Lartë, kandidatët për Keshillin e Lartë gjyqësor dhe Këshillin e Lartë të Prokurorisë.

Në këtë listë, bien në sy një sërë emrash, që duket se ngacmojnë jo pak.

Njëri prej tyre ishte Adriatik Llalla, ish-prokuror i Përgjithshëm, por ai ja “hodhi” Vetingut, duke hequr dorë nga e drejta për tu emëruar gjykatës në Apel. Por ama ndjekjes penale, me gjasë si shpëton dot.

I 11-ti në këtë listë renditet gjykatësi Artan Laze, të cilit iu refuzua viza amerikane, porse ndryshe nga shumë njerëz të tjerë të drejtësisë, ai vendosi të fliste publikisht dhe të kërkonte arsyet e refuzimit të vizës. Laze kandidon për një vend në Këshillin e Lartë Gjyqësor.

Në sy bie edhe emri i Tom Ndrecës, anëtar i gjykatës së Lartë, ndaj të cilit në 2011, u hodhën akuza të forta, pasi firmosi që të njihte “10 votat e gabuara” në favor të Lulzim Bashës, i cili fitoi postin e kryebashkiakut, në një garë të ethshme me Edi Ramën.

Antoneta Sevdari, prokurore në kryeqytet, pjesë e kësaj liste, është gruaja që hetoi biznesmenin Kastriot Ismailaj, për skemën e mashtrimit me borxhet e CEZ.

Nuk kishte sesi të mungonte këtu, Gentian Osmani, një prej prokurorëve që po heton ish-ministri Saimir Tahiri, pas dyshimeve për përfshirje në grupin kriminal Habilaj.

Osmani aderon për në këshillin e lartë të prokurorisë. Për të njëjtin institucion garon edhe Ramadan Troci, i cili hetoi ish-guvernatorin e BSH-së, Ardian Fullani.

Adriatik Cama, prokuror në Tiranë, është një tjetër emëer që duhet se ngjall jo pak interes për publikun, pasi ka hetuar një prej cështjeve më të erëbnda kriminale të ndodhura në vend, vrasjen e katër demostruesve para kryeministrisë, në protestën e opozitës së bashkuar me 21 janar 2011. Duke qenë se kandidon për në KLP, Cama po i nënshtrohet me përparësi vetingut.

Dritan Hallunaj, gjykatës tek Krimet e Rënda, dikur kryetar i këtij institucioni, njihet si kryesuesi i trupës që i dha pafajësinë biznesmenit Arben Frroku, i akuzuar për vrasjen e kryekomisar Dritan Lamaj.
Sot Hallunaj, po u nënshtrohet filtrave të kontrollit, pasi është kandidat për KLGJ. Ai mund të zërë një karrige në “qeverinë” e gjyqësorit, vetëm nëse i shpëton procesit.

Rovena Gashi, është një emër i shumëdiskutuar, jo vetëm se amerikanët i refuzuan vizën, por sepse pati përplasje të forta dhe më kryeprokuroren e përkoshme Arta Marku, kur kjo e fundit e shkarkoi nga detyra e Drejtoreshës së Marrëdhënieve Juridiksionale me Jashtë.

Sikurse edhe prokuror e gjykatës, Gashi po përballet me institucionet e Vettingut, të cilat do të vendosin për fatin e saj.

Lista është e gjatë. Secili gjykatës e prokuror ka historitë e tij, diku të njojura e diku jo, për publikun.

Fatos Lulo iku. Pyetja që shtrohet është: Pas tij kush e ka radhën?

LISTA
Në zbatim të Ligjit nr. 84/2016 “Për rivlerësimin kalimtar të gjyqtarëve dhe prokurorëve në Republikën e Shqipërisë”, të pikës 10 të nenit 3 dhe pikës 3 të nenit 6 të “Rregullore për procedurat e zhvillimit të shortit në Komisionin e Pavarur të Kualifikimit”, janë shortuar dhe kanë filluar procedurat e rivlerësimit për subjektet e listës së përparësive për shkak të ligjit, si më poshtë:

  1. Altina Xhoxhaj Gjykata Kushtetuese (Kandidat/Këshilli i Emërimeve në Drejtësi)
  2. Bashkim Dedja Gjykata Kushtetuese
  3. Besnik Imeraj Gjykata Kushtetuese (Kandidat/Këshilli i Emërimeve në Drejtësi)
  4. Fatmir Hoxha Gjykata Kushtetuese
  5. Fatos Lulo Gjykata Kushtetuese
  6. Gani Dizdari Gjykata Kushtetuese
  7. Vitore Tusha Gjykata Kushtetuese
  8. Xhezair Zaganjori Gjykata e Lartë
  9. Adriatik Lalla Prokuror i Përgjithshëm
  10. Alma Brati Gj.Shk.I, Tiranë (Kandidat për Këshillin e Lartë Gjyqësor)
  11. Artan Laze Gj.Shk.I, Tiranë (Kandidat për Këshillin e Lartë Gjyqësor)
  12. Artan Zeneli Gjykata e Lartë (Kandidat për Këshillin e Lartë Gjyqësor)
  13. Astrit Faqolli Gj.Shk.I, Tiranë (Kandidat për Këshillin e Lartë Gjyqësor)
  14. Besim Trezhnjeva Gj. Apelit Durrës (Kandidat për Këshillin e Lartë Gjyqësor)
  15. Bledar Abdullai Gj.Shk.I, Tiranë (Kandidat për Këshillin e Lartë Gjyqësor)
  16. Brunilda Kadi Gj.Shk.I, Tiranë (Kandidat për Këshillin e Lartë Gjyqësor)
  17. Brunilda Kasmi Gj.Shk.I, Tiranë (Kandidat për Këshillin e Lartë Gjyqësor)
  18. Dritan Hallunaj Shk. I për Krimet e Rënda (Kandidat për Këshillin e Lartë Gjyqësor)
  19. Ilir Toska Gj. Apelit Tiranë (Kandidat për Këshillin e Lartë Gjyqësor)
  20. Manjola Xhaxho Gj.Shk.I, Tiranë (Kandidat për Këshillin e Lartë Gjyqësor)
  21. Marcela Shehu Gj.Shk.I, Kurbin (Kandidat për Këshillin e Lartë Gjyqësor)
  22. Medi Bici Gjykata e Lartë (Kandidat për Këshillin e Lartë Gjyqësor)
  23. Nertina Kosova Apeli Krimet e Rënda (Kandidat për Këshillin e Lartë Gjyqësor)
  24. Adriatik Cama Prokuroria Tiranë (Kandidat për Këshillin e Lartë i Prokurorisë)
  25. Anila Leka Prokurori e Përgjithshme (Kandidat për Këshillin e Lartë i Prokurorisë)
  26. Antoneta Sevdari Prokuroria Tiranë (Kandidat për Këshillin e Lartë i Prokurorisë)
  27. Arben Dopallaj Prok. Apelit Shkodër (Kandidat për Këshillin e Lartë i Prokurorisë)
  28. Arben Nelaj Prokuroria Tiranë (Kandidat për Këshillin e Lartë i Prokurorisë)
  29. Arta Marku Prokuroria Shkodër (Kandidat për Këshillin e Lartë i Prokurorisë)
  30. Besa Nikehasani Prok. Apelit Shkodër (Kandidat për Këshillin e Lartë i Prokurorisë)
  31. Besnik Cani Prokuroria Elbasan (Kandidat për Këshillin e Lartë i Prokurorisë)
  32. Besnik Muci Prok. Krimet e Rënda (Kandidat për Këshillin e Lartë i Prokurorisë)
  33. Bujar Hoti Prokuroria Durrës (Kandidat për Këshillin e Lartë i Prokurorisë)
  34. Dritan Prenci Prokuroria Kukës (Kandidat për Këshillin e Lartë i Prokurorisë)
  35. Dritan Rreshka Prokuroria Tiranë  ( Kandidat për Këshillin e Lartë i Prokurorisë )
  36. Elison Sadiku Prokuroria Korçë  ( Kandidat për Këshillin e Lartë i Prokurorisë )
  37. Gentjan Osmani Prok. Krimet e Rënda  ( Kandidat për Këshillin e Lartë i Prokurorisë )
  38. Kostaq Beluri Prokurori e Përgjithshme  ( Kandidat për Këshillin e Lartë i Prokurorisë )
  39. Luan Kaloçi Prok. Apelit Tiranë ( Kandidat për Këshillin e Lartë i Prokurorisë )
  40. Ramadan Troci Prokurori e Përgjithshme (Kandidat për Këshillin e Lartë i Prokurorisë)
  41. Shpëtim Kurti Prokuroria Tiranë (Kandidat për Këshillin e Lartë i Prokurorisë)
  42. Vat Staka Prokuroria Shkodër (Kandidat për Këshillin e Lartë i Prokurorisë)
  43. Brikena Ukperaj Lubonja Gj. Apelit Vlorë (Kandidat/Këshilli i Emërimeve në Drejtësi)
  44. Ervin Metalla Gj. Apelit Tiranë (Kandidat/Këshilli i Emërimeve në Drejtësi)
  45. Fatjona Memçaj Prok. Apelit Tiranë
  46. Gentjan Medja Gj. Adm. Sh.I Tiranë (Kandidat/Këshilli i Emërimeve në Drejtësi)
  47. Gentjan Trenova Prok. Apelit Tiranë (Kandidat/Këshilli i Emërimeve në Drejtësi)
  48. Kastriot Selita Gj. Adm. e Apelit
  49. Rovena Gashi Prokurori e Përgjith (Kandidat/ Këshilli i Emërimeve në Drejtësi)
  50. Admir Thanza Gjykata e Lartë
  51. Ardian Dvorani Gjykata e Lartë
  52. Artan Broci Gjykata e Lartë
  53. Edmond Islamaj Gjykata e Lartë
  54. Shkëlzen Selimi Gjykata e Lartë
  55. Tom Ndreca Gjykata e Lartë
  56. Artur Malaj Gj. Adm. e Apelit (Kandidat /Inspektor i Lartë i Drejtësisë)
  57. Marsida Xhaferllari Insp. e Lartë e Drejtësisë (Kandidat/Inspektor i Lartë i Drejtësisë)

Fatos Lulo iku, kush e ka radhën? Emrat në listën e KPK Read More »