Lajmi i fundit

Beni kujdes – Te papriturat e motit nuk kane mbaruar,rreziku mbetet,shtengata ne Vlore

Instituti i Gjeoshkences ka nxjerre raportin e fundit ne lidhje me motin ne keto 24 ore duke theksuar se ne Shkoder pritet renie e prurjeve por mbetet rreziku nga permbytjet. Lajmi i mire eshte se sipas IGJEUM, pavaresisht rrezikut qe mbetet, situata ne ditet ne vazhfim deri ne 27 mars, pritet te kete permiresim.

Nga llogaritjet hidrologjike të IGJEUM-it, rezulton se në lumenjtë Drin, Buna dhe Liqenin e Shkodrës do të ketë rënie të prurjeve. Nivelet në pjesën e Ultësirës së Nën Shkodrës do të jenë të larta, por do fillojnë të ulen në fundin e ditës së sotme. Parashikimet e IGJEUM tregojnë ulje të niveleve dhe prurjeve në datat 24, 25, 26 dhe 27 Mars 2018. Pritet akoma rrezik i lartë nga pëembytjet në pjesën e Nën Shkodrës dhe në zonat periferike të qytetit të Shkodrës në afërsi të Liqenit.

23 Mars 2018:

Përgjatë fillimit të ditës së sotme (e premte, dt.23) ka kaluar edhe piku i prurjeve dhe në ditët në vazhdim do të kemi ulje të rrezikut. Për arsye të rrezikut nga përmbytja, është vendosur të mbahet shenja e paralajmërimit nga përmbytja për qarkun e Shkodrës.

Në pjesën tjetër të territorit parashikohen prurje te larta në pjesët fushore të lumenjve. Ky informacion do të përditësohet nga IGJEUM sipas llogaritjeve të ardhshme dhe do të njoftoheni për çdo ndryshim në parashikimin e përmbytjeve.

RESHJET
Nesër (e shtunë, dt.24) priten reshje të dobëta. Në një pjese të qarqeve ato do të jenë lokalisht mesatare. Në Vlorë mund të shoqërohen edhe me shtrëngata. Priten edhe reshje në formë dëbore në zonat malore, që në Veri do të zbresin deri në 200 m, ndërsa në Jug deri në 600 m mbi nivelin e detit (në zona të kufizuara edhe më poshtë se këto nivele).

TEMPERATURAT
Nesër (e shtunë, dt.24) temperaturat minimale dhe maksimale të ajrit pritet të arrijnë:
në bregdet: 4 / 12 °C
në vendet e ulëta: 3 / 12 °C
në vendet malore: -5 / 7 °C
ERA : sot pasdite (e premte, dt.23) dhe nesër (e shtunë, dt.24) era pritet të fryjë e lehtë deri mesatare në Veri dhe ne bregdet.

Beni kujdes – Te papriturat e motit nuk kane mbaruar,rreziku mbetet,shtengata ne Vlore Read More »

“Darka e Brukselit”, takohen Thaçi, Vuçiç e Mogherini

Që prej pasdites së kësaj të premteje, po zhvillohet takimi i presidentit të Kosovës, Hashim Thaçi, dhe atij serb, Aleksandar Vuçiç, nën lehtësimin e Përfaqësueses së lartë të Bashkimit Europian, Federica Mogherini.

Zëdhënësja e Mogherinit, Maja Koçijançiç publikoi disa foto nga nisja e takimit.

Fillimisht, Përfaqësuesja e Lartë e BE-së Mogherini u takua veçmas me presidentin e Serbisë, Aleksandar Vuçiç dhe atë të Kosovës, Hashim Thaçi.

Takimi ndërmjet dy presidentëve ka si synim avancimin përpara të dialogut midis Prishtinës dhe Beogradit, për përmirësimin e raporteve reciproke.

Fokusi do të jetë në zbatimin e marrëveshjeve ekzistuese që janë arritur, dhe mënyrat sesi të arrihet një zgjidhje përfundimtare mes të dyja vendeve.

“Darka e Brukselit”, takohen Thaçi, Vuçiç e Mogherini Read More »

Rreth 2 milionë emigrantë në Britani, ja nga cili shtete vijnë

Qytetet dhe rajonet me fluksin më të madh të emigrantëve janë identifikuar në shifrat e qeverisë britanike. Të dhënat nga Zyra për Statistikat Kombëtare kanë treguar zonat në Britani të Madhe me përqindjen më të madhe të të ardhurve nga blloku Lindor.

Në total tani janë rreth 2.03 milion njerëz që jetojnë në Britani të Madhe, të cilët janë shtetas të dhjetë vendeve të Bashkimit Evropian të Evropës Lindore.

Deri tani fluksi më i madh ka ardhur nga Polonia, me statistikat e ONS që tregojnë 1 milion nga ky komb që tani jeton në mesin e popullsisë 65 milionë të të gjithë Mbretërisë së Bashkuar.

Përqendrimi më i lartë i popullsisë polake banon në Boston, Lincolnshire, ku ata përbëjnë një të dhjetën e popullsisë, ku janë vendosur 7,000 banorë.

Grupi tjetër më i madh i evropianëve lindorë janë rumunët, të cilët së bashku me bullgarët, së pari iu lejuan qasje të lirë në MB për të jetuar dhe punuar në 2014.

Përqendrimi më i madh është në veriperëndim të Londrës në Harrow, ku 8.37% e popullsisë, janë rumunë.

Shumë prej këtyre emigrantëve të Europës Lindore në Britani të Madhe janë vendosur në Norfolk dhe Lincolnshire ku ata punojnë në bujqësi dhe në përpunimin e ushqimit.

Lituanezët janë grupi tjetër më i madh që është vendosur në Britani të Madhe, me 212,000 që bëjnë udhëtimin këtu.

Përqendrimi më i lartë jeton në King Lynn dhe West Norfolk, me 11,000 që jetojnë atje, që përbëjnë 7,33% të popullsisë.

Ka figura të tjera për Letoninë, Hungarinë, Bullgarinë, Sllovakinë dhe Republikën Çeke gjithashtu.

Boston është gjithashtu qyteti me përqendrimin më të lartë të 112,000 letonezëve që kanë ardhur në Britani. Rreth 3.000 jetojnë atje, duke përbërë 4.48% të popullsisë.

Hertsmere në Hertfordshire është destinacioni numër një për hungarezët, ku 3.000 jetojnë nga 101.000 që kanë ardhur në Britani të Madhe. Kjo tregon 2.91% e popullsisë së zonës.

Harlow në Essex është qyteti me përqendrimin më të lartë të bullgarëve, me 2.000 banorë (2.33% të popullsisë së qytetit) dhe Dartford në Kent është vendi ku shumica e emigrantëve sllovakë vendosen, me 2.000 nga 89.000 që shkuan në Britani, jetojnë atje.

Kjo tregon 1.92% e popullsisë. Peterborough është vendi ku banojnë kolonët nga Republika Çeke, me 2.000 banorë atje, që përbëjnë 1.03% të popullsisë, që kanë lëvizur këtu që nga viti 2004.

Nuk ka të dhëna për kolonët nga Estonia, nga të cilët 11,000 kanë kaluar në Britani të Madhe, ose Sllovenia, e cila ka regjistruar  6,000 persona për të ardhur këtu.

Rreth 2 milionë emigrantë në Britani, ja nga cili shtete vijnë Read More »

Fushata e LGBT në gjimnaze, Ministria: Të ndërgjegjësojmë nxënësit të mos kenë steriotipe

Ministria e Arsimit dhe Sportit ka reaguar pas publikimit të fotove nga komuniteti i LGBT të cilët gjenden në disa gjimnaze në Tiranë duke zhvilluar orë edukative.

Ministria e Arsimit Sportit dhe Rinisë në një deklaratë për mediat shkruan se kjo është bazuar në strategjinë kombëtare për Barazi Gjinore dhe Planin e Veprimit 2016-2020, Planin Kombëtar të Veprimit të Qeverisë Shqiptare për personat LGBTI 2016-2020 si dhe nga rezoluta për LGBTI, prej dy vitesh në shkollat e vendit po trajnohen mësues, por edhe komuniteti i prindërve mbi të drejtat e njeriut, bulizmin dhe dhunën.

“Në këtë kuadër, Ministria e Arsimit, Sportit dhe Rinisë në zbatim të rekomandimeve por edhe detyrimeve që burojnë nga këto strategji dhe plane veprimi, po vijon konkretizimin e këtyre nismave në bashkëpunim me organizatat jo qeveritare për informimin dhe ndërgjegjësime të mëtejshëm të target-grupeve të ndryshme.

Këto trajnime synojnë mënjanimin e steriotipeve gjinorë dhe të diskriminimit, si pasojë e orientimit seksual.

Aktivitetet ndërgjegjësuese synojnë reduktimin e praktikave diskriminuese, praktika këto që janë zhvilluar me mbështetjen dhe mbikëqyrjen e përfaqësuesve të pushtetit vendorë dhe drejtuesve të shkollave dhe mësuesve të lëndëve”, thuhet në reagim.

Fushata e LGBT në gjimnaze, Ministria: Të ndërgjegjësojmë nxënësit të mos kenë steriotipe Read More »

Rama i jep fund heshtjes për Shkodrën…, por sulmon BashënRama i jep fund heshtjes për Shkodrën…, por sulmon Bashën

Shkodra ka më shumë se 2 javë që është nën ujë dhe kryeministri Rama nuk ka gjetur kohë të postojë asnjë fjali për situatën e rëndë të qytetarëve atje.

Por sot çuditërisht gjeti kohë të merrej me Bashën.

Fill pasi Basha vizitoi qytetin nën ujë dhe postoi një video në facebook që pasqyronte realitetin atje, Rama reagoi duke e futur dhe këtë në kazanin mediatik.

Madje Rama thotë se po bëhet propagandë me foto të vitit 2010.

Sipas tij, shteti është në krye të detyrës.

“Shkodër – (Përtej propagandës së kazanit digjital me foto të përmbytjeve të vitit 2010) SHTETI NË KRYE TË DETYRËS”, shkruan Rama, teksa sjell edhe një album me foto të ministrave në terren dhe strukturave të tjera të shtetit pranë banorëve.

 

Rama i jep fund heshtjes për Shkodrën…, por sulmon BashënRama i jep fund heshtjes për Shkodrën…, por sulmon Bashën Read More »

Pronarja e akuzoi publikisht, deputeti i PS flet hapur për denoncimin bombë për falsifikim

Deputeti socialist i qarkut te Vlores ka reaguar sot per here te pare pasi nje pronare tokash ne Dhermi e ka akuzuar publikisht per vjedhjen e 11 mije meter toke.

Në emisionin “Të Paekspozuarit”, kjo pronare tokash në Dhërmi, ka denoncuar deputetin Alket Hyseni, se i ka vjedhur tokën. Zonja Irini Bua, pretendon se Alket Hyseni i ka tjetërsuar 11 mijë metra tokë.

“Prona ësht vjedhur nga Alket Hyseni, 11 mijë metra. Letrat që keni ju përpara, vërtetojnë vjedhjen ose përvetësimin e pronës nga Alket Hyseni. Leje mbi pronën tonë ka dhënë Edi Rama. Alket Hyseni ka bërë marrëveshjen me kompaninë e Mirela Papulit. Nuk mund të ketë Alket Hyseni dhe kompania Papuli pronë, dhe ne nuk kemi asnjë metër katror tokë. Tani kanë dhënë leje ndërtimi tek Papuli për ndërtimin e një fshati. I bëj thirrje kryeministrit Rama që të pezullojë këtë vendim

POSTIMI I PLOTE

Hedh një i marrë një gurë në lumë dhe mblidhen një tufë të mençurish, por nuk e nxjerrin dot
Meqë me grupin e parë u shfaq edhe Shqupi, më duhet të bëj një sqarim për të gjithë miqtë e mi, votuesit dhe mbështetësit, si dhe për opinionin publik.
Çdo qindarkë e pasurisë sime dhe e familjes sime është vendosur me shumë mund dhe djersë, duke qenë totalisht korrekt me ligjin dhe moralin shoqëror.
Ata që më njohin e dinë që prej moshës 18 vjeç e deri sot nuk kam rreshtur së punuari duke e mbyllur angazhimin çdo ditë afër mesnatës, madje shpesh herë përtej.
Kam ngritur bizneset e mia familjare për të cilat jam krenar sepse kanë rezultuar tepër të suksesshme dhe kanë kontribuar me qindra milionë lekë si taksapagues në buxhetin e shtetit, e patjetër duke sjellë edhe fitime të kënaqëshme.
Ska qenë pasuria qëllimi në vetvete, ndaj kam shpenzuar shumë kohë dhe mund për formimin tim intelektual dhe kam dhënë kontributin tim modest në jetën shoqërore, tashmë edhe në atë politike.
Akuzat e montuara duke instrumentalizuar një zonjë, i refuzoj me neveri.
Nuk e njoh as zonjën dhe asnjë nga familja apo fisi i saj (të paktën në dijeninë time), me të cilët mësova se është në konflikt familjar prej shumë vitesh.
Kam shkëmbyer disa apartamente, njësi dhe garazhe të fituara para vitit 2010 nga të ardhura të ligjshme dhe të deklaruara, me një sipërfaqe toke bujqësore, të cilën e kam shitur vitin e kaluar. Nuk kam qenë në detyrën e Task Forcës dhe as ka lidhje direkt apo indirekt me atë detyrë, për të cilën jam krenar, unë dhe 10 djem e vajza ekspertë të shkëlqyer, me rezultatet që arritëm duke zbuluar, bllokuar dhe nisur rikuperimin e rreth 3 miliardë USD pasuri publike të grabitura nga ata që sot akuzojnë politikisht. Shumë nivele janë implikuar dhe kanë frikë nga hetimet e nisura, e ndoshta ky është shkaku i nisjes së baltës dhe shpifjeve ndaj meje.
Çdo veprim është bërë në përputhje me proçedurën dhe ligjin dhe duke paguar detyrimet shtetërore.
Toka bujqësore është fituar nga një AMTP(tapi) në emer të kunatit të zonjës që akuzon, e marrë para dhjetëra vitesh dhe e regjistruar me vendim gjykate. Është transferuar me kontratë noteriale para disa viteve tek një person i tretë, përpara se të kalonte në pronësinë time të përkohshme.
Nuk e njoh fare përfituesin fillestar të kësaj prone (kunati i zonjës Bua).
Ndërkohë zonja nuk ka përfituar sipërfaqe toke pasi nuk ka qenë banore e fshatit Dhërmi në vitin 1991, dhe nuk i takon sipas ligjit.
Nëna e bashkëshortit të zonjës, Athina Bua, ka përfituar tokë bujqësore si banore e fshatit nëpërmjet një AMTP tjetër që ska lidhje me të kunatit. Janë regjistruar me vendim gjyqësor në kohën e qeverisjes së PD ku përcaktohet qartë se janë parcela të ndryshme.
Për këtë sipërfaqe të AMTP-së së dytë ka lindur konflikti familjar pas vdekjes së nënës së tyre, lidhur me trashëgiminë testamentare.
Zonja Irini Bua dhe bashkëshorti i saj, rezulton se i kanë humbur disa beteja gjyqësore dhe kanë bërë disa kallëzime penale në vite ndaj shumë personave dhe institucioneve, madje edhe ndaj meje, por që janë pushuar si të pabazuara.
Nuk përbën interes për mua kush fiton në konfliktin e familjes Bua, por fakti është që ska asnjë lidhje me mua.
Toka e pretenduar nga zonja akuzuese rezulton akoma e bllokuar në hipotekë si pasojë e një procesi të ri gjyqësor mes tyre dhe nuk është transferuar asnjëherë.
Ftoj zonjën të mos bëhet instrument për konsum politik dite, me synim baltosje dhe shmangie të vëmendjes nga problemet e rënda të opozitës që lidhen me financimet me para të pista dhe të dyshimta nga oligarkë rusë, konfliktet dhe shterpësia e ideve. Ftoj opozitën gjithashtu të ngrihet në lartësinë e duhur dhe të japë llogari penale, morale dhe politike për faktet që e implikojnë.
Këto shpifje të ndyra nuk mund të baltosin figurën time apo të mazhorancës dhe nuk mund të pengojnë ecjen tonë përpara pavarësisht lehaqenëve të çdo kategorie dhe fushe.
Taktika e shpifjes me moton “të gjithë janë njësoj”, nuk zë vend tek shqiptarët që nuk janë të verbër dhe të paditur, por shohin dhe prekin rezultate çdo ditë edhe pse ka akoma shumë për tu bërë.
Mentaliteti komunist, i disa kazanëve politikë dhe mediatikë, duke shigjetuar biznesin e ndershëm e kontribues në ekonominë kombëtare dhe buxhetin e shtetit, si dhe ideja e politikanëve proletarë, janë lënë pas para 27 vitesh.
Çdo fjalë e mësiperme është e bazuar në dokumenta zyrtarë, vendime gjykatash dhe prokurorie e mund ti vihen në dispozicion kujtdo.
Ndërkohë do kërkoja të njëjtin standard nga PD, pra publikimin për opinionin dhe organet ligjzbatuese të dokumenteve, si dhe shpjegimet lidhur me akuzat tashmë të provuara ndërkombëtarisht për aferën 1 milionë dollarëshe të parave të pista, të padeklaruara, e për më tepër, nga burime interesash antikombëtare.

Pronarja e akuzoi publikisht, deputeti i PS flet hapur për denoncimin bombë për falsifikim Read More »

Maqedoni. Ivanov sërish nuk dekreton ligjin për gjuhën shqipe

Ivanov nuk nënshkruan ligjin për gjuhët, Xhaferi: Do shfrytëzoj çdo mënyrë kushtetuese

Edhe pse më 14 mars, ligji për përdorimin e gjuhës shqipe u votua për herë të dytë në parlamentin maqedonas, Presidenti i vendit, Gjorge Ivanov, u shpreh se ai nuk do t’a dekretojë këtë ligj.

Sipas Ivanov, dekretimi i ligjit të gjuhëve është jo kushtetues dhe bie ndesh me ndërgjegjen e tij personale si kryetar shteti.

Por kryeparlamentari shqiptar, Talat Xhaferi, edhe pse nuk jep detaje si do të veprojë, është i vendosur që ky ligj të hyjë në fuqi.

Nuk dihet ende nëse Xhaferi do të zgjedhë variantin e nënshkrimit të ligjit dhe dërgimin e tij në fletoren zyrtare pa firmën e Presidentit.

Xhaferi tha shkurt se formalisht, afati i Presidentit ka skaduar dhe se, që nga sot gjithçka varet nga kompetencat e tij si kryetar ligjvënësi.

Ligji për përdorimin e gjuhëve fillimisht u votua më 11 janar. 6 ditë më pas, Ivanov njoftoi mos dekretimin. Mbi konstatimet e tij, VMRO-DPMNE-ja e ish-kryeministrit Nikolla Gruevskit, parashtroi mbi 35 mijë amendamente, por asnjëri prej tyre nuk u shqyrtua në Kuvend.

Më 14 mars, ligji u votua për herë të dytë me 64 vota pro dhe 24 abstenim. Seanca u shoqërua me tensione, ku vetë Gruevski shkoi në tavolinën e Xhaferit për t’a penguar të drejtonte seancën.

Maqedoni. Ivanov sërish nuk dekreton ligjin për gjuhën shqipe Read More »

Ministria e Arsimit: Kemi plan të detajuar për LGBTI, jo steroitipe gjinore!

Ministria e Arsimit Sportit dhe Rinisë bazuar në strategjinë kombëtare për Barazi Gjinore dhe Planin e Veprimit 2016-2020, Planin Kombëtar të Veprimit të Qeverisë Shqiptare për personat LGBTI 2016-2020 si dhe nga rezoluta për LGBTI, prej dy vitesh në shkollat e vendit po trajnohen mësues, por edhe komuniteti i prindërve mbi të drejtat e njeriut, bulizmin dhe dhunën.

Në këtë kuadër, Ministria e Arsimit, Sportit dhe Rinisë në zbatim të rekomandimeve por edhe detyrimeve që burojnë nga këto strategji dhe plane veprimi, po vijon konkretizimin e këtyre nismave në bashkëpunim me organizatat jo qeveritare për informimin dhe ndërgjegjësime të mëtejshëm të target-grupeve të ndryshme.

Këto trajnime synojnë mënjanimin e steriotipeve gjinorë dhe të diskriminimit, si pasojë e orientimit seksual.

Aktivitetet ndërgjegjësuese synojnë reduktimin e praktikave diskriminuese, praktika këto që janë zhvilluar me mbështetjen dhe mbikëqyrjen e përfaqësuesve të pushtetit vendorë dhe drejtuesve të shkollave dhe mësuesve të lëndëve.

Ministria e Arsimit: Kemi plan të detajuar për LGBTI, jo steroitipe gjinore! Read More »