Lajmi i fundit

Korrupsioni në Drejtësi në nivelet më të larta, pas shumëfishimit të pasurisë së Gjyqtarëve dhe Prokurorëve pasurohet edhe vetë sistemi. 80 mijë Euro çështja, 300 mijë Euro emërimi

Një analizë e detajuar e grupit të ekspertëve të nivelit të lartë, që projektuan reformën në drejtësi, ka zbardhur për herë të parë mekanizimin e korrupsionit në sistemin e drejtësisë si dhe tarifat e ryshfetit për çështje të ndryshme penale si për emërimin në sistemin e drejtësisë. Sipas analizës, për të ndryshuar masën e sigurisë tarifa e ryshfetit shkon nga 60 deri në 80 mijë euro. Ndërkaq, për t’u emëruar në sistemin e drejtësisë tarifa shkon nga 100 deri në 300 mijë euro.

“Duke qenë se shifrat që thuhet se paguhen për këto pozicione janë marramendëse (100.000 deri 300.000 Euro për disa pozicione), është e natyrshme të besohet se këta funksionarë të drejtësisë do të korruptohen për t’i rimarrë (dhe mundësisht shumëfishuar) ato. Të dhëna jo zyrtare që qarkullojnë në publik dhe janë konsistente në kohë, sugjerojnë se cikli i pagesave korruptive fillon që me policinë gjyqësore, oficerë të korruptuar të së cilës pranojnë pagesa për të shkatërruar provat në vendin e ngjarjes.

Më tej prokurorë të korruptuar pranojnë pagesa për të mos e filluar një çështje ose për të mos ngritur akuzë (1000 deri në 2000 euro për çështje standarde). Vlen të veçohet perceptimi në lidhje me shifrat që duket se paguhen për të ndryshuar masën e sigurisë nga paraburgim në arrest shtëpie ose detyrim për paraqitje (60.000 – 80.000 Euro). Gjyqtarë të korruptuar zvarrisin caktimin e seancës së parë ose kushtëzojnë vendimin përfundimtar (ndonjëherë edhe zbardhjen e vendimit) në pritje të ryshfetit”, thuhet në analizën e ekspertëve.

Sekseri

Sipas analizës ryshfeti nuk jepet drejtpërdrejt, por me ndërmjetësinë e një personi të tretë. “Madje ka të dhëna se disa gjyqtarë bëjnë lojë të dyfishtë duke përfituar ryshfete nga të dyja palët. Sikur të mos mjaftonte kjo, shpesh dhënia e ryshfetit nuk siguron rezultatin e dëshiruar. Në fakt nuk mungojnë historitë nën zë, që tregojnë për avokatë (ose ndërmjetës të tjerë) të cilët e kërkojë ryshfetin, gjoja në emër të gjyqtarit ose prokurorit, dhe e mbajnë për vete.

Ndonëse jo e dokumentuar si në Ukrainë, situata në Shqipëri nuk duket fort e ndryshme edhe sa i takon formave konkrete të korrupsionit dhe mënyrës së dhënies/marrjes së përfitimeve të paligjshme. Duket se tipikisht, ryshfeti nuk jepet drejtpërdrejt por me ndërmjetësinë e një personi të tretë (fjala “sekser” përdoret rëndom në zhargon) ndonëse nuk përjashtohen kontaktet personale të të interesuarve me gjyqtarin ose prokurorin. Shpesh sekseri është një i afërt i familjes së gjyqtarit ose prokurorit, një mik i përbashkët, ose një avokat”, thonë ekspertët.

Ndarja e parave
Analiza jep të dhëna edhe për ndarjen dhe fshehjen e parave të ryshfetit mes palëve. “Në çdo rast, sekseri është një person që gëzon besimin e gjyqtarit ose prokurorit për shkak të marrëdhënieve të vjetra private ose kontakteve të qëndrueshme të punës. Në përgjithësi ka të dhëna për një strukturë të mirëpërcaktuar të shifrave që paguhen për shërbime të ndryshme.

Madje flitet edhe për ndarje të paracaktuar të përfitimit të paligjshëm midis gjyqtarit/prokurorit dhe ndërmjetësit ose personave brenda zyrës së gjyqtarit/prokurorit të cilët duket se marrin një përqindje për lehtësimin e kalimit të ryshfetit nga korruptuesi tek i  korruptuari. Në çdo rast, palët në transaksionin korruptiv shmangin telefonatat. Pagesat bëhen me para në dorë. Shpesh përfitimet e paligjshme dërgohen jashtë vendit ose iu jepen të afërmve/familjarëve të gjyqtarit/prokurorit, ose personave të tretë të besuar”, thuhet në studim.
Zgjerimi
Ekspertët kanë arritur në konkluzionit se pjesë e skemës së korrupsionit në gjyqësor janë edhe administratorët dhe kancelarët. “Ndonëse pagesat me para në dorë janë forma e preferuar, përfitimet e paligjshme duken se marrin një mori formash të tjera si p.sh. dhënia e mundësive për biznes, punësimi i të afërmve, falja, shitja fiktive ose shitja me çmime të favorshme e pasurive të patundshme si parcela toke, apartamente në bregdet etj.

Gjykatat dhe prokurorët nuk janë të vetmit aktorë të korruptuar në sistem. Ka gjasa që edhe administratorët dhe kancelarët të jenë pjesëmarrës në korrupsion. Rasti më i mundshëm ka të bëjë me shortin dhe caktimin e çështjeve për gjykim. Gjyqtarët janë ankuar publikisht, në analizat vjetore të gjykatave, që atyre nuk ju caktohen çështje “me përfitim”, ndërkohë që gjyqtarëve të preferuar ju jepen këto gjykime rregullisht. Ka të dhëna që flasin për kryetarë gjykatash që udhëzojnë administratorët e rrjeteve informatikë/kancelarët e gjykatave që t’ ju caktojnë çështje gjyqtarëve të veçantë”, thuhet në analizë.

Korrupsioni në Drejtësi në nivelet më të larta, pas shumëfishimit të pasurisë së Gjyqtarëve dhe Prokurorëve pasurohet edhe vetë sistemi. 80 mijë Euro çështja, 300 mijë Euro emërimi Read More »

Lezhë, banorët lënë banesat nga rrëshqitja e tokës

Rrëshqitjet e tokës në pjesën e sipërme të autostradës së asaj që quhet ndryshe si “Rruga e Kombit” ka shkatërruar shumë banesa të fshatit Blinisht, në Orosh.

Vetëm katër ditë më parë, banorët thonë se janë parë shenja të vogla të rrëshqitjes së tokës, të cilat në 22 mars shkatërruan disa banesa, 10 prej të cilave të pabanueshme.

Pjetër Bunga është pronari i njërës prej këtyre shtëpive. Ai jeton në Durrës, por pasi mori informacion ishte në Blinisht për tëparë dëmet e shkaktuara nga rrëshqitja e tokës.

“Shtëpia ka humbur, nuk duket se ku është”, thotë Pjetri. Banorët shprehen se kjo zonë ka pasur edhe më herët rrëshqitje. “Shkaktarë janë ujrat dhe shpërthimet me mina që janë bërë në autostradë. Shtëpitë kanë lëvizur edhe më përpara, por toka jo”, thonë banorët.

Të kundërtën e asaj që thonë banorët pretendon inxhinieri-gjeolog Skënder Allkja: “Është zonë me qendrueshmëri të dobët. Rreziku është evident. Banorët duhet të evakuohen”.

I të njëjtit qëndrim ishte edhe drejtori i ARRSH-së, Afrim Qendro: “Është zonë e rrëshqitshme, e njohur nga Autoriteti Rrugor. Është aktivizuar për shkaqe natyrore”.

Lezhë, banorët lënë banesat nga rrëshqitja e tokës Read More »

Grabitjet, banorët të frikësuar: Të kthehet dënimi me vdekje

Grabitjet në qytetin e Fierit, janë kthyer në një makth. Për një periudhë të shkurtën në këtë qark janë regjistruar dhjetëra grabitje, por dy prej tyre kanë lënë viktima.

Grabitja e fundit e ndodhur dy ditë më parë në Fier ka tronditur qytetin. Ngjarja është regjistruar në orët e para të mëngjesit, ku policia shkëmbyeu zjarr me disa grabitës, duke lënë të vdekur 20-vjeçarin Xhuliano Sollaku.

Banorët ndjejnë frikë, por edhe indinjatë në të njëjtën kohë. Ata thonë se duhet të rikthehet ligji i dënimit me vdekje. Nuk është vetëm Fieri ku ndodhin grabitjet, por ato tashmë janë bërë të zakonshme në të gjitha qarqet e vendit, madje mund të thuhet se grabitje tashmë janë kthyer në kronika të zakonshme.

“Të frikësuar, jo vetëm për këtë, pse rasti i parë është ky. Edhe djali im po të ishte, po vajti t’i marr tjetrit pasurinë, le ta rrahin. Policia ka bërë shumë mirë, ata dy hajdutët e tjerë të varen. Të vijë tjetri natën të të grabisë, është shumë e rëndë, policia bëri shumë mirë. Pushkatim dhe sekuestrim pasurie”.

Grabitjet, banorët të frikësuar: Të kthehet dënimi me vdekje Read More »

Në Shkodër pritet të bëhet hataja, ja çfarë do ndodhë në fund të marsit

Lajme të keqia për Shkodrën!

Buletinet ndërkombëtare klimaterike parashikojnë se e keqja nuk ka kaluar akoma. Sipas buletinit të “International Federation të Kryqit të Kuq” dhe shoqërive të tjera, thuhet se deri në fund të marsit do të ketë një valë të re përmbytjesh në 12 vende të Evropës Qendrore duke përfshirë edhe Shqipërinë me një rrisk të madh. “Temperaturat më të larta do të vazhdojnë të hedhin edhe shira më të shumtë që priten javën e ardhshme, duke vendosur me qindra njerëz të tjerë në rrisk, pothuajse në gjithë rajonin”, thuhet në buletin.

“Kryqi i Kuq dhe Red Crescent Teams janë duke iu përgjigjur, apo të gatshme për tiu përgjigjur situatave që po ndodhin dhe që do të vijnë” thuhet në raport.
Raporti është bërë për shqipërinë, Bjellorusinë, Kroacinë, Hungarinë, Kazakistanin, Malin e Zi, Rumaninë, Serbinë, të gjitha këto vende që janë prekur nga përmbytjet, raporton newsbomb.al.
Shqipëria.

Që nga 2 marsi, shkruhet në këtë bulletin, prefektura e Shkodrës është prekur nga përmbytje të mëdha të shkaktuara fillimisht nga shkrirja e borës së rënë për shkak të erërave të ngrohta dhe temperaturat graduale në rritje. Rreshjet intensive gjatë ditëve pasuese, të kombinuara edhe me rritjen e shkarkimeve nga hidrocentralet HEC në kaskadën e Drinit, kanë përkeqësuar situatën e përmbytjeve.

Përmbytjet janë përhapur duke përpirë 4800 ha tokë bujqësore, duke prekur 160 shtëpi dhe duke përmbytur plotësisht 40 shtëpi. Fshatrat Obot dhe Shirq, respektivisht të njëjsisë Ana e Malit dhe Dajç janë në situatë më të vështirë.
Situata u përkeqësua në 19 mars duke ndikuar edhe në zonat periferike të qytetit të Shkodrës, ku 25 njerëz u evakuuan me mjete të ushtrisë dhe policia, dhe janë vendosur në një konvikt të shkollës së mesme.

Përkeqësimi i situatës u shkaktua nga shkarkimet e Hec Fierzë, Koman dhe Vau i Dejës, si dhe sasia e lartë e rreshjeve në zonën e Shkodrës, në verilindje të saj.
Autoritetet rritën sasinë e shkarkimeve të detyruara nga HEC-et për të zvogëluar presionin mbi digat, pasi niveli i lartë i ujit ishte në nivel thuajse kritik. Fshatrat e Velipojës dhe Trushë si dhe shumica e fshatrave të Dajçit, po përballen me mungesë të ujit të pijshëm, për shkak të mungesave të sistemeve të pompimit të ujit.

Kryqi i Kuq me autoritetet ndihmuan në situatë. Në 12 mars, u shpërndanë 50 pako për 50 familje rome në Ajasëm. Në 15 mars, u shpërndanë pako për të mbështetur 35 familje në fshatin Shirq që është prekur edhe më shumë. Kryqi I Kuq po ndihmon edhe ata që janë të vendosur në shkollën “Arben Broci. Qeveria ka dhënë 100 krevatë dhe 18 tenda për bashkinë e Shkodrës për të pritur familjet më emergjente por edhe evakuuim për familjet më në nevojë. Strukturat e emergjencës kanë dhënë edhe ushqim, ujë dhe cdo gjë tjetër të nevojshme. Sipas lajmërimit të Drejtorit të Përgjithshëm të Emergjencave situate e përmbytjeve në Shkodër pritet të jetë edhe më keq.

Në Shkodër pritet të bëhet hataja, ja çfarë do ndodhë në fund të marsit Read More »

Kuvendi Kombëtar i PD – Vlora kundër Bashës, dështon për të tretën herë mbledhja

Partia Demokratike do të mbledhë muajin e ardhshëm Kuvendin Kombëtar, ku do të shqyrtohen dhe miratohen ndryshimet në statutin e kësaj partie.

Kuvendi do të mblidhet në datat 28-29 Prill, ndërsa brenda datës 22 mars pritej që grupi i punës të mblidhte të gjitha propozimet për ndryshimet statutore dhe më pas të mblidhet edhe Këshilli Kombëtar.

Por ky proces duket i pamundur në qytetin e Vlorës, ku mbledhja e kryesisë ka dështuar për të treten herë.

Sot është mbledhur kryesia e Partisë Demokratike të Vlorës për të dhënë udhëzimet për Kuvendin Kombëtar të PD, ashtu siç e ka porositur kreu i kësaj partie, Lulzim Basha, por takimi ka dështuar për të tretën herë, raporton CNA.al.

Në mbledhjen e kryesisë së PD në Vlorë kanë qënë të pranishëm vetëm 11 pjesëmarrës, gjë që tregon një refuzim të hapur nga anëtarët e kryesisë, si një sinjal kundër Lulzim Bashës dhe Kuvendit të tij.

Mesa duket demokratët e Vlorës refuzojnë Kuvendin që vulos përçarjen e mëtejshme të Partisë Demokratike.

Për të treten herë nuk zhvillohet dot mbledhja e kryesisë që do të jepte porositë e Bashës për Kuvendin dhe deputetja Mecorapja është detyruar ta pranojë në mbledhje se ky është një refuzim nga demokratët e Vlorës.

Deputetja e PD, Nada Mecorapja ka pranuar dështimin dhe PD-ja në Vlorë duket në ditët e saj më të këqija, ashtu siç nuk ka qënë as në vitin ’97.

Kuvendi Kombëtar i PD – Vlora kundër Bashës, dështon për të tretën herë mbledhja Read More »

Banoret e fshatit Babice vuajne prej vitesh mungesen e ujit te pijshem!Kjo situat kerkon zgjidhje emergjente …

Fshati Babicë në Vlorë pa ujë të pijshëm . Banorë të fshatit ,vuajnë mungesën e ujit të pijshëm në banesat e tyre,një situatë e cila zgjat prej shumë vitesh. Edhe kur mbërrin në banesat e tyre një herë në disa ditë,uji është krejtësisht i ndotur.

Banorët ankohen për mungesën e ujit të pijshëm në banesat e tyre,ndërsa fshati Babicë mbetet një nga zonat më të peresekutuara sa i përket furnizimit me ujë. Banorët kanë reaguar këtë të shtunë duke kërkuar një zgjidhje,ndërsa konfirmojnë se faturat i kanë paguar rregulisht dhe nuk janë debitore,por uji në banesat e tyre mungon.

Edhe nëse ndonjëherë uji i pijshëm mbërrin në cezmat e tyre,ai nuk mund të konsumohet,pasi është krejtësisht i ndotur . Janë të detyruar ta blejnë apo të gjejnë zgjidhje të tjera iternativa për të patur ujë në shtëpi,por duke e siguruar me bidona,pasi zgjidhje tjetër nuk ka.

Vetëm një tubacion është ai që furnizon fshatin me ujë. Dëmtimi i tubacionit është i bashkuar me ujrat e zeza,cka sjell edhe situatën që krijohet në kohën kur mbërrin uji,kur është totalisht i ndotur.

Banorët kanë reaguar këtë të shtunë, por kërkojne zgjidhje emergjente,në një situatë që vijon prej disa vitesh në këtë fshat,jo shumë larg qytetit dhe pjesë e bashkisë së madhe të Vlorës

Banoret e fshatit Babice vuajne prej vitesh mungesen e ujit te pijshem!Kjo situat kerkon zgjidhje emergjente … Read More »

Gjykata Kushtetuese në krizë, ja apeli që ka kryetari i saj Bashkim Dedja për …

Gjykata Kushtetuese tashmë ka hyrë në krizën më të paprecedentë që prej krijimit të saj pas vitit 1990.

Tashmë rrezikon që roja e ligjit më të lartë në vend të bjerë. Pas shkarkimit të Fatos Lulos dhe dorëheqjes më herët të Besnik Ymerajt, Gjykata Kushtetuese ka mbetur vetëm me pesë anëtarë.

I kontaktuar me telefon nga Top Channel kryetari i kësaj gjykate, Bashkim Dedja pyetjes nëse ka rënë apo jo Gjykata Kushtetuese iu përgjigj:

“Jo , unë nuk mund të them që Gjykata Kushtetuese ka rënë, por mund të them që Gjykata Kushtetuese nuk funksionon më në disa aspekte të saj që janë vendimet e seancës plenare dhe vendimet e mbledhjes së gjyqtarëve”, tha Dedja.

Por mos funksionim në seancë plenare do të thotë se gjyqtarët kushtetues nuk mund të dalin më në seancë për të zhvilluar këto procese sipas këtij kalendari të paralajmëruar.

Bashkim Dedja përsëriti sërish të njëjtin apel për zëvendësimin e vendeve vakante.

“Tashmë Gjykata Kushtetuese nuk formon më dot kuorumin me gjashtë anëtarë, e vetmja gjë që mund të them është të përshpejtohen procedurat për zëvendësimin e vendeve vakante”, tha ai.

Edhe më herët Bashkim Dedja ka deklaruar se “Gjykata Kushtetuese në këto kushte nuk po ju hyn çështjeve që në thelb rrezikojmë të na çojnë në Strasubrg”.

Në lidhje me vettingun Bashkim Dedja theksoi se shpresoj ta kalojnë të gjithë, por uroj që kjo gjë të ndodhë sa më shpejt me qëllim që jo vetëm Gjykata Kushtetuese, po tërë sistemi gjyqtarë e prokurorë, të ndahet njëherë e mirë shapi nga sheqeri.

“Elementi që na bashkon të tërëve është ana profesionale, vendimmarrja është kolegjiale dhe secili ka mendimin e tij, që mund të jetë shumicë, apo pakicë.

Kushdo që ka ardhur në Gjykatën Kushetuese është i vlerësuar në këtë aspekt, kurse anët e tjera, pasuria dhe personaliteti janë probleme individuale për secilin”.

Gjykata Kushtetuese në krizë, ja apeli që ka kryetari i saj Bashkim Dedja për … Read More »

Mendohuni mire nese do te kaloni ne rrugen e Kombit!Te tuneli paguhet.Ja sa …

Kompania që ka marrë me koncesion mirëmbajtjen e Rrugës së Kombit do të vendosë që nga nesër tarifa për kalimin e mjeteve.  Sipas kontratës, për çdo kalim të automjeteve do të ketë një taksë fikse për hyrjen dhe daljen nga autostrada.

Taksa do të paguar në hyrje të tunelit të Kalimashit. Konkretisht, në bazë të kontratës për çdo autoveturë taksa e hyrjes do të jetë 5 euro. Po ashtu dhe taksa e daljes 5 euro. Thënë ndryshe, për të përdorur Rrugën e Kombit çdo drejtues autoveture do të paguajë 10 euro.

Ndërkohë për kamionët tarifa është dhjetë euro hyrje dhe 10 euro dalje.

Lidhur me këtë procedurë, zyrtarë nga Ministria e Infrastrukturës dhe Energjisë thanë për “Koha Jonë” se pagesa e tarifave është parashikuar në kontratën e firmosur me koncesionarin. Sipas kësaj pike, “koncesionari mbledh dhe mban të ardhurat nga taksa e rrugës. Koncesionari përdor një shesh me dy kahe për pagimin e taksës në afërsi të Tunelit të Thirrës”.

Koha e vendosjes së taksës mund të ishte aplikuar nga kompania që në momentin kur është firmosur kontrata, në vitin 2016. Por kompania ka vendosur që pasi të bëjë disa riksiontruksione dhe vendosje sinjalistike të nis testimin e vjeljes së taksës. Kontrata është firmosur në dhjetor të vitit 2017 nga qeveria shqiptare me konsorciumin e kompanive “CATALYST VIVA DAS GENERAL CONTRACTING, LLC – SALILLARI, SH.P.K – BEE TECH – VIOLIAP ATEVE – KASTRATI, SH.A”. Marrëveshja është e vlefshme për 30 vitet e ardhshme.

Sipas parashikimeve të tenderit, kompania koncesionare premton të investojë për përfundimin e disa segmenteve të rrugës si dhe për mirëmbajtjen e saj në këmbim të një pagese vjetore për rreth 13 vjet prej 5 milionë eurosh në vit. Gjithashtu, trafiku aktual i rrugës prej 4,200 mjetesh në ditë pritet t’i japë kompanisë koncesionare prej mbi 6 milionë euro në vit, ndërkohë që rritja e trafikut përgjatë dekadave të ardhshme pritet të japë të ardhura shtesë për kompaninë.

Pika e kontratës që parashikon vendosjen e taksës në vitin 2016 është pritur me kritika dhe protesta në vitin 2016 nga banorët e zonës. Firmat që vjelin taksën thonë se do të ketë lehtësira për banorët dhe mjetet që udhëtojnë më shpesh në këtë rrugë.

Nga nesër fillon taksa e Rrugës së Kombit.

Mendohuni mire nese do te kaloni ne rrugen e Kombit!Te tuneli paguhet.Ja sa … Read More »