Lajmi i fundit

Qeveria vendos objektiv: Zyrat e punësimit do të punësojnë 25 mijë të regjistruarit si punëkërkues të papunë brenda vitit 2018.

Plani dhe objektivi i qartë është bërë për secilën nga zyrat e punësimit në 61 bashkitë e vendit. Nga ky objektiv do të varet dhe nëse drejtori i zyrës së punësimit do të vijojë të qëndrojë i ulur në karrige apo do të lirojë karrigen

Edi Rama: Për çdo drejtor dhe punonjës objektiva të cilat do të maten çdo muaj. Kush do përmbushë objektivin do mbajë punën kush jo të hapë krahun dikujt tjetër. Mbi bazën e këtyre objektivave është vendosur shënjestra e 25 mijë të punësuarve që janë të regjistruar si punëkërkues të papunë në zyrat e punës nga zyrat e punës.

Ne takimin e mbajtur ne kryeministri paraditen e sotme, kreu i qeverise u shpreh optimist

Edi Rama: 25 mijë persona që kanë dalë nga ndihma ekonomike apo jo, dhe që janë të gatshëm të punojnë duhet të hyjnë në punë vetëm nga Zyrat e Punës është plotësisht e realizueshme muaji mars na e tregon këtë. Muaji mars jemi brenda objektivit. Objektiv me patjetër që të realizohet

10 mije mundesi

I vetëdijshëm se nuk është e lehtë për 1001 arsye, Rama tregoi dhe nevojën për riformatim të skemës së nxitjes së punësimit për të vënë një theks tek trajnimet. Kompanitë do të punësojnë të papunët të cilët për periudhën e trajnimit do të paguhen nga shteti

Edi Rama: Janë 10 mijë mundësi, njerëz, që duan të punojnë por refuzohen nga punëmarrësit për shkak se nuk kanë aftësinë tekniko profesionale.  Ata i kanë të hapura dyert edhe me pagesë. Ne do ti paguajmë ata që duan punë dhe të cilët janë të gatshëm që për të marrë punën do të trajnohen.  Ne do ti paguajmë më shumë sesa mesataren e ndihmës ekonomike. Do ti paguajmë me gjysmën e pagesës së papunësisë dhe me një shumë që është e barabartë me atë që marrin të gjithë nga ndihma ekonomike.

Një kompani që ka nevojë për punëkërkues, do të marrë x punëtorë dhe në bazë të marrëveshjes do të marrë paratë nga shteti që do i shkojnë personit që do të trajnohet si një kontribut dhe menjëherë pas trajnimit personi do të rekrutohet në punë.

Pas rrezikut të përmbytjeve, një tjetër fatkeqësi po u afrohet dy qarqeve të vendit: Zjarret. IGJEUM ka paralajmëruar rrezik për përhapjen e zjarreve nesër në 3 qarqe, Fier, Tiranë e Durrës për shkak të forcimit të erës. Ja iinformacioni i plotë:

Nga llogaritjet hidrologjike të IGJEUM-it, rezulton se lumenjtë në të gjithë territorin do të kenë rritje të niveleve dhe të prurjeve përgjatë datave 1 dhe 2 Prill 2018. Kjo për shkak të kombinimit të shkrirjes së dëborës si pasojë e rritjes së temperaturave dhe reshjeve të pritshme në pjesët malore të baseneve.

Ky informacion do të përditësohet nga IGJEUM sipas llogaritjeve të ardhshme dhe do të njoftoheni për çdo ndryshim në parashikimin e përmbytjeve.

ZJARRET NË PYJE
————————–
Sot pasdite (e premte, dt.30) nuk pritet rrezik për zjarre në pyje. Nesër (e shtunë, dt.31), ky rrezik pritet të pësojë rritje në pjesën perëndimore të vendit, për shkak të forcimit të erës. Rreziku pritet të jetë “I ULËT” në qarqet Durrës dhe Tiranë dhe “MESATAR” në qarkun e Fierit. Pjesa tjetër e territorit nuk paraqet rrezik.

PARASHIKIMI METEO
———————————
RESHJET
Sot pasdite (e premte, dt.30), në përgjithësi, nuk priten reshje, ndërsa nesër (e shtunë, dt.31) priten reshje mesatare në qarqet Shkodër, Kukës, Lezhë dhe Dibër, shoqëruar edhe me shtrëngata (siç tregohet në tabelë, respektivisht për secilin qark). Në qarqet e tjera priten reshje të dobëta, por në zona të kufizuara ato mund të jenë mesatare, shoqëruar edhe me shtrëngata me kohëzgjatje të shkurtër.

TEMPERATURAT
Nesër (e shtunë, dt.31) temperaturat minimale dhe maksimale të ajrit pritet të arrijnë:
në bregdet: 13 / 21 °C
në vendet e ulëta: 12 / 23 °C
në vendet malore: 6 / 18 °C

ERA
Sot pasdite (e premte, dt.30) era pritet të fryjë e lehtë deri mesatare, ndërsa nesër (e shtunë, dt.31), ajo do të jetë e fortë, sidomos në bregdet dhe në veri-lindje.

Me ardhjen e pranverës, shtohet prodhimi i lëndëve narkotike dhe për këtë në Tiranë ka zbritur një delegacion i Policisë italiane. Shqipëria e cilësuar si Kolumbia e Europës, e për më tepër që tonelatat me kanabis kanë “trullosur” bregdetin italian, që në vendin të vijë policia kriminale dhe Guardia di Finanza.

Projekti “SANCAS” dhe Qendrës së Ekselencës “BENECON”, vjen në kuadër të mbështetjes për Policinë shqiptare, për monitorimin ajror të territorit, për parandalimin dhe goditjen e kultivimit të bimëve narkotike.

Në mbledhjen e përbashkët, Drejtori i Policisë së Shtetit, Ardi Veliu theksoi se policia është e angazhuar që këtë vit ky fenomen të mos ekzistojë më. Ai nënvizoi se puna për parandalimin e këtij fenomeni ka më shumë se dy muaj që ka filluar. “Në eksperiencën e fituar në kontrollin e territorit dhe luftës ndaj kultivuesve dhe trafikuesve të kanabisit, gjatë vitit 2017; Në një analizë të plotë për të gjithë periudhën paraardhëse, mënyrat e kultivimit, rrugët e trafikimit të kanabisit dhe duke bashkëpunuar do të arrijmë në hartimin e një strategjie efikase policore por jo vetëm, si dhe në rritjen e orëve të fluturimeve për këtë vit, ku është llogaritur të jenë 30% më shumë se në vitin 2017”.

Duke shpjeguar masat e marra, Veliu shtoi se strategjia antikanabis funksionon vetëm atëherë kur krijohet një frymë bashkëpunimi dhe marrje përgjegjësish nga të gjithë aktorët dhe institucionet përgjegjëse. “Policia e Shtetit, në këtë vit që ne po flasim, hartoi një plan të detajuar për kontrollin e territorit, “Mbi masat që duhen marrë, për evidentimin dhe goditjen e fenomenit të sigurimit të farave, kultivimit të fidanëve dhe bimëve narkotike kanabis, në sera diellore, tunele të braktisura, ish-rezerva shtetërore dhe çdo ambient tjetër të mundshëm, për përdorim nga grupet kriminale”.

Drejtori i Shërbimit të Bashkëpunimit Ndërkombëtar të Policisë Italiane, Gjeneral Brigate CC Paolo D’Ambolo, theksoi se ky projekt pritet të jape rezultate pozitive. “Përsa i përket rezultateve, siç e thamë ato ishin rezultate të shkëlqyera përsa i përket vitit 2017, në fushatën e vjetshme mori pjesë Guardia di Finanza me avionët e saj dhe e mbështetur nga teknologjia e Qendrës së Ekselencës “Benecon”. Ky projekt është i ndryshëm përsa i përket financimit të fushatave të kryera më përpara, për vetë faktin se financohet një pjesë nga Bashkimi Europian. BE-ja i ka dhënë përgjegjësinë e drejtimit të këtij projekti palës italiane, Departamentit për Sigurinë Publike dhe Shërbimit Ndërkombëtar të Policisë italiane”.

Komandanti i Repartit të Tretë të Guardia di Finanza, Gjeneral Brigade Giuseppe Arbore, ka falënderuar Veliun për këtë takim dhe i ka përcjellë atij përshëndetjet e Komandantit të Përgjithshëm të Guardia di Finanza-s, Gjeneral Giorgio Toschi. Arbore u shpreh se Gjeneral Toschi, do të vijë në muajt e ardhshëm për një vizitë në Shqipëri. “Jemi të bindur se informacionet tuaja janë të rëndësishme përsa i përket fluturimeve. Në fund të këtij projekti do të celebrojmë rezultate pozitive”, tha Arbore.

Shqiptarët në Itali po marrin gjithnjë e më shumë nënshtetësinë e shtetit fqinj. Trendi pa ndryshuar dhe nuk bëhet fjalë për martesa me italianë për të marrë këtë dokument, por gjatësia në kohë e qëndrimit.

Vetëm në 2016-tën janë betuar për besnikëri ndaj Kushtetutës italiane 36.920 shqiptarë. Komuniteti shqiptar në Itali, me leje qendrimi, është rritur nga viti në vit deri në fillim të 2013, kur kaloi gjysmëmilioni, 502.546. Nga atëherë është vënë re një reduktim për të arritur në 441.838 persona në 1 janar 2017.

Pikërisht në të njëjtën periudhë të reduktimit të komunitetit shqiptar me leje qëndrimi, është rritur dhe numri i atyre që bëhen qytetarë italianë.

Shifrat e 2016-tës katërfishohen krahasuar me 2012 ku janë bërë italianë vetëm 9.493 shqiptarë. Nga viti në vit rritja ka qenë e pashmangshme. Deri në fund të 2016-tës numri gjithsej i shqiptarëve që kanë marrë nënshtetësinë italiane kalojnë 150 mijë persona.

Policia e Fierit ka nisur kërkimet për një qytetar nga Fieri, Nazmi Goxhaj, familja e të cilti nuk ka më asnjë njoftim prej tij.

Sipas disa dëshmitarëve, Goxhaj ishte parë duke u hedhur në lumin Seman më 22 mars.

Një 30-vjeçar shqiptar është arrestuar nga policia në Itali, pasi gjatë kontrollit i janë gjendur 30 kg drogë.

Mediat italiane kanë raportuar se shqiptari jetonte në Riva Ligure. Sipas tyre, gjatë ditës ishte punëtor i thjeshtë, ndërsa gjatë natës bënte tjetër aktivitet.

Kanë qenë fqinjët e pallatit ata që kanë spinuar 30-vjeçarin, duke  e çuar në pranga, shkruan Gazeta Shqiptare.

Sipas policisë, shqiptari i ftonte klientët e tij gjatë natës në banesën e tij në këtë zone, dhe duket se kjo i ka shqetësuar shumë banorët, për shkak të zhurmave që bëheshin gjatë natës.

Policia ka nisur hetimet dhe përgjoi shqiptarin, deri sa arriti ta kapë në banesë, në një kontroll blic duke i sekuestruar sasinë e drogës, hashash, marijuanë dhe kokainë.

Gati 5 muaj pas arrestimit te Moisi Habilajt, arrestim i cili solli nje furtune politike ne vend, pasi ne dosjen hetimore te Italise, rezultonte i permendur dhe emri i ish-ministrit te Brendshem Saimir Tahiri, Real Story ka sjellë detaje te reja ne lidhje me kete dosje.

Gazetari italian, Dario De Luca, gazetar  i meridionews, deklaroi se referuar deklaratave të Moisi Habilajt në hetuesi, ai ka mohuar kategorikisht përfshirjen e ish-ministrit në trafikun e drogës.

Ai ka pranuar se ka lidhje të largëta farefisnore, por veç kaq, shkruan javanews

“Moisi Habilaj ka folur me prokurorët. Ai është pyetur për marrëdhëniet me ish-ministrin Tahiri. Ai ka përjashtuar përfshirjen e ish-ministrit në çështjen e tij.

Ai ka pranuar në mënyrë të pjesshmë, se vetë ka lidhje me trafikun e drogës, ai ka pranuar përgjegjësitë e veta, por ka përjashtuar implikimin e ish-ministrit Tahiri”, deklaroi gazetari Dario De Luca

Gazetari italian deklaroi se Habilaj ka pranuar se i ka blerë në të zezë makinën ish-ministrin.

“Habilaj ka deklaruar se ka lidhje farefisnore me Tahirin, por ka thënë se është shumë e largët.

Ai është pyetur edhe për audin e ish-ministrit.

Moisi Habilaj ka deklaruar se shitja është bërë në të zezë, pa një kalim pronësie të rregullt”

Dario De Luca deklaroi se edhe Nazer Seitaj është marrë në pyetje nga prokurorët. Ai shtoi se mund te kemi edhe nisjen e nje hetimi te dyte.

“Seitaj është marrë në pyetje. Ai mund të jetë brenda një drejtimi tjetër të hetimeve.

Banda e Habilajve është e lidhur me disa grupe siçiliane. Njëri prej tyre ka bashkëpunuar me policinë.

Mendojmë se mund të jetë edhe persona të tjerë të përfshirë në hetim.

Mund të kemi një hetim të dytë, pas pendimit të një të arrestuari nga Italia. Nazer Seiti mund të përfshihet në këtë dosje të dytë”

Kreu i ALUIZNI-t Artan Lame, në një intervistë për ERTV ka shpjeguar vendimin e qeverisë për pezullimin e dhënieve të titujve të pronësisë për tokat në bregdet.

Lame tha se procesi do të kryhet me saktësi të lartë duke mos ngatërruar tokat e fshatarëve që i punojnë për të mbajtur familjen, nga tokat e grabitura përmes falsifikimeve.

Kreu i ALUIZNI-t, Lame tha se përgjegjësinë do të duhet ta mbajë ai që ka bërë shkeljen i pari, ndërsa nuk e mohoi përballjen në gjykata të shtetit me pronarëve që kanë blerë tokën me mirëbesim.

Intervista:

Në Shqipëri kemi një ligj për kontrollin, verifikimin e titujve të pronësisë por ligji është lënë aty dhe është vazhduar të bëhet çka është bërë në bregdet. Në rastin konkret ishte vullneti i qeverisë që bëri bllokimin edhe në ZRPP për të ndaluar si të thuash edhe kalimin në filtrin e fundit.

Ju besoni që Task Forca e ngritur do të jetë efikase?

Ishte vullneti i qeverisë që e kërkoi këtë dhe e bëri të mundur, qoftë edhe para një frike që njerëzit thonë obobo mos e ha dhe unë.

Fasha që është zgjedhur për t’iu nënshtruar kontrollit është detajtuar me aq saktësi për të ndarë zonën ku fermerët kanë marrë tokën për të punuar dhe ushqyer familjen, nga fasha që është marrë në rrugë të paligjshme.

Ne nuk kemi hequr asnjë titull pronësie, vendimi thotë që kemi një ligj për titujt, VKM që nxorri qeveria thotë që në këtë VKM zbatuese pezullohet përkohësisht. Pra nuk është ndryshuar ligji me VKM por është naluar VKM me VKM.

Askujt nuk i është hequr titulli i pronësisë. Ligji që bëri PD nuk funksionoi për dy arsye, politike dhe teknike. Politike se thanë lere, është përfshirë ky e ky dhe teknike se e bënë për gjithë territorin jo vetëm për bregdetin.

Kush ka blerë në mirëbesim është në gjendje mirëbesimi. Mirëbesimi është term juridik, që thotë nëse ke blerë një send me mirëbesim, sendi i kthehet pronarit real dhe ti merr dëmshpërblimin.

Duhet ta pranojmë do ketë një numër gjyqesh, sepse ka persona që jo vetëm e kanë blerë por edhe kanë ndërtuar.

Por dikush duhet të mbajë përgjegjësi dhe do mbajnë ata që kanë bërë aktin të parët.

Po nëse do të ketë përfaqësues dhe zyrtarë të lartë nga PS?

Hetimet kanë përfshirë edhe përfaqësues të PS.

Deputetë për shembull?

E kam thënë dhe dje. Krimi nuk ka ngjyrë, nuk besoj se ka ndonjë parti që do mbrojë ata që kanë vjedhur.

Pronat do ti kthehen të zotit, dhe i zoti është shteti shqiptar. Nuk është se do të shtetëzohen, por në momentin që bie akti që është vjedhur, toka i kthehet shtetit, komunitetit.