Lajmi i fundit

Dallëndyshja të fut tritolin. Paguani 3000 euro nëse doni shtëpinë tuaj. Zbulohet zhvatja që IKMT i bën qytetarëve

Dallëndyshja, është një zog që njihet nga e gjithë bota që ndërton folenë e saj, por kjo e jona të fut tritolin dhe shemb ndërtesa.

Dallëndyshja e Shqipërisë nuk ndërton por shkatërron. E kemi fjalën për Dallëndyshe Bicin, jo për zogun në këtë rast.

Ajo u emërua nga Edi Rama në krye të IKMT dhe puna e saj ishte vendosja e tritolit në ndërtesat pa leje.

Në fakt nuk u kursyen edhe ato me leje.

Dallëndyshja nuk do t’ia di, nuk njeh askënd para ligjin. I vetmi që thyen ligjin janë 3 mijë eurot.

Sipas qytetarëve dhe denoncuesve pranë Pamfleti.net, që IKMT të të falë dhe të mos shembë banesën apo biznesin, duhet të paguash minimumi 3 mijë euro. Ka raste që pagesa shkon deri në 10 mijë euro.

Tarifa varet nga lloji dhe sipërfaqja e ndërtesës.

Pra, nëse jeni pa leje, bëni mirë që të numëroni mbi 3000 euro dhe të paguani, në të kundërtën tritoli do ju shëmbë gjithçka.

Sipas denoncuesit, ata që të vendosin gjobën janë specialistët e IKMTI. Shpesh here IKMT është akuzuar për prishje selektive.

Ndërkohë që në një rrugë IKTM rrafshonte disa biznese apo banesa, është parë që një ose dy i kanë shpëtuar. Jo sepse ishin në rregull me ligjin, por sepse kanë paguar lekët dhe i kanë mbyllur gojën Dallëndyshes.

Madje Bici, është kallëzuar edhe në Prokurori nga qytetarët të cilëve pradrejtësisht, edhe pse ishin të pajisur me documente, i është shembur banesa. Kuptohet se gjykata i ka dhënë të drejtë Dallëndyshe Bicit dhe është hedhur poshtë akuza e qytetarit.

Po ku po shkojmë ne këtë shpërthime dhe tritole.

Rama në fillim të qeverisjes së tij, reklamonte çdo shpërthim të Dallëndyshes, tani çdo gjë po bëhet në heshtje.

Dallëndyshja të fut tritolin. Paguani 3000 euro nëse doni shtëpinë tuaj. Zbulohet zhvatja që IKMT i bën qytetarëve Read More »

Elbasan, dalin detaje të aksidentit. Autobusi me 25 pasagjerë

Një minibus me 25 pasagjerë ka dalë nga rruga duke u përmbysur në aksin Elbasan-Qerret në fshatin Sericë. Aksidenti ka ndodhur rreth orës 15:40 minuta, ndërsa disa persona u lënduan, por raportohet se janë jashtë rrezikut për jetën.

Minibusi me pasagjerë ishte duke u kthyer nga Elbasani në drejtim të fshatit Sericë kur ka dalë nga rruga duke u përmbysur. Terreni ku mjeti ka dalë nga rruga është i vështirë.

Ambulanca mbërriti në vendin e ngjarjes pas aksidentit, por sipas policisë fatmirësisht aksidenti ishte pa pasoja për jetën e pasagjerëve. Ndërkohë që kanë nisur hetimet për faktin se si mund të udhëtonin 25 pasagjerë në një minibus.

Nga një aksident sot në Fier humbën jetën tre persona, dy kushërinj të parë dhe e fejuara e njërit prej tyre, teksa po ktheheshin nga një dasëm.

Elbasan, dalin detaje të aksidentit. Autobusi me 25 pasagjerë Read More »

Mallra kontrabandë, kapen doganieri dhe 4 persona

Pesë 5 persona janë proceduar nga Policia Kufitare e Portit të Durrësit, pasi fusnin kontrabandë mallra të ndryshme. Por, njeri ndër ta është vetë doganieri G.T. doganier, nga Tirana, që ka shpërdoruar detyrën, duke i lejuar të kalojnë.

Policia e Durrësi tha se u ka sekuestruar kafe, televizorë, veshmbathje e mallra të tjera kontrabandë. Personat e proceduar janë:

E.T, vjeç 35, banues në Durrës, pasi nga kontrolli në kamionin tip “Skania”, ju gjetën dhe bllokuan 60 kilogramë kafe kokërr, dhe 1000 bustina kafe të futura kontrabandë.

R.K vjeç 62, banues në Gjilan, Kosovë, pasi nga kontrolli në mjetin tip “Volvo” me targë zvicerane iu gjetën dhe bllokuan mallra të ndryshme që dyshohen kontrabandë.

R.B vjeç 60, banues në Pejë, Kosovë, pasi nga kontrolli në mjetin tip “Volkswagen” me targë zvicerane, ju gjetën dhe bllokuan mallra të ndryshme që dyshohen kontrabandë.

F.L vjeç 40 banues në Sukth, pasi nga kontrolli në mjetin tip “Benz” me targë zvicerane iu gjetën dhe bllokuan mallra të ndryshme që dyshohen kontrabandë. Neni 174 i Kodit Penal.

Dosjet e tyre iu referuan Prokurorisë pranë Gjykatës së Shkallës së Parë Durrës.

Mallra kontrabandë, kapen doganieri dhe 4 persona Read More »

Skandali i të dhënave, Facebook do kontaktojë me 87 milionë përdorues të rrjetit social

Të paktën 87 milionë përdorues të Facebook në mbarë botën do të zbulojnë të hënën nëse të dhënat e tyre personale janë marrë nga Cambridge Analytica, e konsideruar si një nga shkeljet më të mëdha të rrjetit social.

Kompania gjigande tha se përdoruesit e prekur do të marrin një mesazh të detajuar mbi të dhënat e tyre.

Shumica e informacioneve që u përdorën nga firma e të dhënave analitike, rreth 70 milionë, janë të përdoruesve të Facebook në SHBA.

2.2 miliardë përdoruesit e Facebook do të marrin një njoftim me titull ‘Mbrojtja e të dhënave tuaja”me një link që tregon se cilat aplikacione përdorin dhe çfarë informacioni është ndarë me këto aplikacione.

Përdoruesit e rrjetit social do të jenë në gjendje të mbyllin aplikacionin individualisht ose të çaktivizojnë aksesin e palëve të treta.

Ky hap i Mark Zuckerberg vjen pasi Observer zbuloi se Cambridge Analytica, që ka punuar për fushatën zgjedhore të Donald Trump, ka arritur që të prekë miliona profile të qytetarëve amerikanë dhe ka përdorur të dhënat e tyre për të ndërtuar një program software për të parashikuar dhe ndikuar mbi votuesit.

Facebook zbuloi se informacioni ishte marrë në fund të vitit 2015, por nuk arriti të lajmërojë përdoruesit në atë kohë.

Informacioni u grumbullua nëpërmjet një aplikacioni të quajtur ‘thisisyourdigitallife’, e ndërtuar nga akademiku i Universitetit të Kembrixhit, Aleksandr Kogan në bashkëpunim me Cambridge Analytica.

Skandali i të dhënave, Facebook do kontaktojë me 87 milionë përdorues të rrjetit social Read More »

Atentat shqiptarit në Greqi, i riu qëllohet me armë zjarri në mes të rrugës

Një shqiptar ka mbetur i plagosur mëngjesin e sotëm në Agios Panteleimon, pasi është qëlluar me armë zjarri.

Sipas të pranishmëve në vendngjarje, një person i është afruar 35-vjeçarit shqiptar, dhe e ka qëlluar me armë në mes të rrugës.

Ende nuk bëhet i ditur identiteti i shqiptarit, i cili është dërguar menjëherë në spital.

Autori i plagosjes u largua menjëherë nga vendngjarja, ndërsa policia është vënë në ndjekje të tij.

Atentat shqiptarit në Greqi, i riu qëllohet me armë zjarri në mes të rrugës Read More »

Azil në Spanjë? Punë dhe strehim për familjet me fëmijë

Ndonëse Britania, Gjermania dhe Franca kanë parë milion azilantë, kryebashkiaku i Portell, një fshat spanjoll ka dalë me një zgjidhje origjinale për të evituar që shkolla e fshatit të mos mbyllet për shkak të mungesës së nxënësve.

Ai planifikon t’i ofrojë familjeve me fëmijë një vend pune dhe strehim me qira për 50 euro në muaj, në këmbim të vendosjes në Portell, një fshat në Spanjën lindore.

“Ne u takuam me bordin e shkollës në janar, para se të fillojë semestri i dytë dhe kishte në total 7 nxënës. Vitin e ardhshëm do të ishin vetëm katër dhe ishin dy motra dhe dy vëllezër. Mësimi do të ishte monoton, duhet më shumë diversitet”, thotë kryebashkiaku Alvaro Ferrer.

Duke folur për familjet e përzgjedhura, Ferrer thotë se ato do të ishin zgjidhje nëse vendosin të qëndrojnë në Portell. Sidoqoftë, ai thotë se i ka ruajtur të dhënat e kandidatëve të tjerë, në rast se nuk funksionon me familjet e përzgjedhura.

Provinca e Castellon, ku edhe ndodhet Portell, vuan nga depopullimi. Sipas të dhënave rajonale, 86% e komunave të saj kanë më pak se 5 mijë banorë dhe 19 prej tyre, më pak se 100 banorë.

Azil në Spanjë? Punë dhe strehim për familjet me fëmijë Read More »

Shmanget tragjedia në Itali, polici shpëton shqiptaren me fëmijën

Është shmangur një tragjedi e vërtetë. Ndërhyrja në kohë nga një punonjës policie ka bërë që të shpëtohet nga vdekja një grua shqiptare, bashkë me fëmijë disa muajsh.

Ngjarja ka ndodhur pasditen e djeshme në Komo, Itali.

Siç shkruajnë mediat e vendit fqinj, rreth orës 17:50 minuta të ditës së djeshme, në tentativë për të kaluar, një makinë që drejtohej nga një grua shqiptare 34-vjeçare, kishte mbetur mbi shina.

Fatkeqësisht makina kishte mbetur mes dy barrierave të ngritura, për shkak se po vinte treni.

Situata dukej se do të bëhej e rëndë. Në makinat që ndodheshin duke pritur për të kaluar treni, ndodhej një punonjës policie, por që ishte jashtë orarit të shërbimit.

Duke parë makinën që kishte mbetur mbi shina dhe panikun e gruas, ai menjëherë kishte ndërhyrë. Fillimisht ka njoftuar policinë, që të ndalohej treni, më pas ka nxjerrë nga makina gruan me fëmijën disa muajsh.

Pas këtyre veprimeve polici, kishte nxjerrë dhe makinën nga shinat me qëllim që të mos përplasej. Nga ana tjetër, policia kishe njoftuar në kohë makinistin e trenit i cili kishte ndaluar duke pritur që situata të ishte e sigurtë.

Pas gjithë veprimeve, gruaja shqiptare bashkë me fëmijën shpëtuan e treni kaloi në mënyrë të sigurtë mbi shina.

Shmanget tragjedia në Itali, polici shpëton shqiptaren me fëmijën Read More »

Piratët e pushtetit jetojnë edhe në provincë! (Si vjedh pronat e qytetarëve kryetari i Bashkisë Tropojë Besnik Dushaj)

Ështe krijuar ideja se piratët e korrupsionit jetojnë e veprojnë vetëm në metropol dhe në zona bregdetare. Nuk është e vërtetë.

Korrupsioni i shtetarëve jo vetëm nuk njeh kolor politik por as krahinor.

Besnik Dushaj kryetari aktual i Bashkisë Tropojë është shembulli brilant se si me korrupsion e abuzivitet mund të bëhesh pasanik edhe në skajet veriore të vendit.

Konkretisht po i bëjmë një parantezë corriculum vitae-s të z. Dushaj përpara argumenteve konkretë të cilët përbëjnë vepër penale dhe apelojmë prokurorinë e përgjithshme të regjistrojë urgjentisht procedim penal kryesisht.

Besnik Dushaj është një mediokër i pashkolluar. Rininë e tij e kaloi si bari kecash pa ndonjë talent baritor dhe pastaj pati ngritje në detyrë si transportues qumështi i fermës B.Curri!

Pas viteve ’90 Dushaj u bë për disa mandate kryetar i komunës Dushaj, Tropojë.

Pastaj për dy mandate ai u nominua nga PD-ja deputet i Kuvendit të Shqipërise.

Në vitin 2015 ndërpreu mandatin për tu zgjedhur ne krye të Bashkisë Tropoje.

“Gojët e liga” flasin se ai ja shiti mandatin sa frëngu pulën Mimoza Hajdarmatës, bashkëshorte e një ish drejtori policie i cili përflitet për abuzime me detyrën dhe përfitime të mëdha.

Ky Dusha i “urtë” sot jeton në një vilë supërluksoze ku konkuron në luks dhe komshiun e tij Adriatik Llalla.

Edhe fëmijët e tij adoleshentë konkurojnë në makina e jetë mondane me ata të Llallës e politikanëve të tjerë që janë frekuentues të Bllokut. Por nuk është ky objekti i shkrimit.

Është një vepër e rëndë penale e kryer haptaz nga zoti Dusha në dëm të një qytetari-bisnesmen ndoshta i vetmi investitor që me djersën e tij ka riskuar të ndërtojë një kompleks i cili spikat si e vetmja risi në qytetin alpin të Bajram Currit.

Konktetisht shoqëria “Valbona investment”Sh.p.k. ka lidhur një kontratë për ndërtimin e një kompleksi banim-shërbimi me një pronar trualli i cili zotëron gjithë dokumentet ligjore të pronësisë.

Nga Bashkia Bajram Curri po kjo kompani është pajisur me leje ndërtimi me dt.21.03.2013 me nr.prot.316 për ndërtim kompleks banimi 2 dhe 7 katësh.

Leja mban firmën dhe vulën e ish-kryetarit të Bashkisë z.Agron Demushi.

Edhe pse po kjo bashki ka ripërsëritur lejen me dt.4.05.2015 dhe kryetari aktual Besnik Dushaj sipas një kërkese të dt.31.08.2016 ka dhënë leje për 4 muaj shtyrje afati të ndertimit, rezulton se abuzivisht toka qenka regjistruar si pronë e Bashkisë.

Për të gjithë sa thamë disponojmë dokumente valide ligjore të cilat panalizojnë rëndë jo vetëm kryetarin abuzues të Bashkise por dhe regjistruesin e ZRPP Tropojë.

Arësyeja e këtij veprimi pasi pothuajse investimi ka përfunduar është i qartë; presion korruptiv ndaj investitorit për tu “falur” në xhaminë e Besnikut të partisë.

Ky rast jam i sigurt se nuk do ngelet vetëm mediatik por një veprim konkret qytetar kundër korrupsionit duke dorëzuar dosjen në zyrën e Prokurores së Përgjithshme të Republikës zonjes Arta Marku.

Besoj se autoritetet ligjore në Tropojë të shprehin interes dhe të marrin indicje nga ky shkrim për të filluar hetimin e këtij rasti skandaloz abuzimi e shantazhi të zyrtarëve me pushtetin.

Piratët e pushtetit jetojnë edhe në provincë! (Si vjedh pronat e qytetarëve kryetari i Bashkisë Tropojë Besnik Dushaj) Read More »