Lajmi i fundit

Të mbytur nga kumari! Lotot më të përhapura në qytetet e vogla

Bastet sportive dhe lojërat e fatit janë një fenomen i përhapur dukshëm në të gjithë vendin, por në qytetet e vogla dhe varfëra ky fenomen është më shqetësues.

Në qytetin e Cërrikut pikat e basteve edhe në orët e mëngjesit i gjen të mbushura plot. Aty ku njerëzit kanë humbur shpresën, i kanë kthyer sytë nga fati.

“Shkojnë nga varfëria mos fitojnë ndonjë lek ngaqë nuk kanë. Dëmton, sherr, shamatë, rrihu dhe prihu. Lekët t’i çojnë në shtëpi, nëpër familje jo në loto. Edhe 5 lekët që u marrin prindërve shkojnë e i lënë në loto. Kjo është nga varfëria”, thonë qytetarët vendas.

Sipas psikologëve, varësia që krijohet nga lojërat e fatit dhe bastet është e njëjtë me atë që krijohet nga droga.

“Kemi të rinj që kanë mungesë idealesh dhe të rinj që bëhen viktima të këtyre aktiviteteve. Të rriturit e kanë ves. Ajo që ne si shoqëri duhet të bëjmë janë orët e këshillimit në shkolla, në gjimnaze dhe gjithashtu edhe përmes edukimit familjar”, thotë psikologia Hajdina Dyli.

Ndikimi nga lojërat e fatit dhe lotot nis që në adoleshencë, ndërsa duket sikur ndryshimet ligjore të vitit 2016, që përcaktojnë distancë 100 metra nga institucionet arsimore, janë thjesht tallje.

Distanca 100 metra e përcaktuar në ligj ka bërë që përballë, apo përbri të çdo gjimnazi të jenë 2 apo më shumë pika bastesh sportive.
Top Channel

Të mbytur nga kumari! Lotot më të përhapura në qytetet e vogla Read More »

Hapja e negociatave, festë shqiptarësh në Bruksel

Shkruan Fatos Mahmutaj

Deputeti shqiptar, i parlamentit te Brukselit, Amet Gjanaj në prononcime të ndryshme për mediat e ka përshëndetur vendimin e KE dhe ka shprehur miënjohje për të.

Çelja e negociatave krijon një mundësi të re që Evropa të sjellë një administrim më efektiv dhe të drejtë të sferave publike dhe politike për një minimizim të dukurive negative që kanë 70 vjet që po mbajnë peng potencialitetet e këtij popullit dhe të këtij vendit evropian!

Në të njëjtin moment shoqata ‘Vatra’, e cila ka qenë shpeshherë promotore e aktiviteteve të shqiptarëve në Bruksel, ka organizuar aktivitete te shumta në lidhje me këtë njgjarje të shënuar.

Me festën e shqiptarëve janë solidarizuar edhe një pjesë e konsiderueshme e bar-kafeve, të cilat kanë ofruar edhe pije falas, jo vetëm për klientët e tyre, por edhe më tepër.

Fotot më poshtë flasin vetë:

Hapja e negociatave, festë shqiptarësh në Bruksel Read More »

Pezullohen nga detyra 4 zyrtarë të Drejtorisë së Taksave në Fier

Katër zyrtarë të Drejtorisë së Taksave në Fier janë pezulluar nga detyra, pasi akuzohen për mungesë etike në komunikim.

Ndaj zyrtarëve ka nisur procedimi disiplinor. Burime konfidenciale pranë Bashkisë së Fierit kanë pohuar se ky vendim i Kryebashkiakut Armando Subashi kanë ardhur pas ankesave të biznesit për mungesë etike në komunikimin zyrtar dhe parregullsi në faturime ndaj biznesit.

Mësohet se ndaj të pezulluarve ka nisur procedura disiplinore për shkelje në kryerjen e detyrës.

vijon…

Pezullohen nga detyra 4 zyrtarë të Drejtorisë së Taksave në Fier Read More »

Çelja e negociatave me BE, Rama: Sot fitoi Shqipëria

Kryeministri i vendit Edi Rama ka reaguar pas dhënies së rekomandimit për çeljen e negociatave të Shqipërisë me BE-në.

Nga Kryeministria, Rama e cilësoi diten e sotme, një ditë të madhe për Shqipërinë, ndërsa shtoi se reformat e thella dhe të pareshtura po japin fryte.
Pasi mori zyrtarisht raportin e Komisionit Europian nga Ambasadorja e BE-së, Romana Vlahutin, Kryeministri Edi Rama u shfaq i emocionuar në konferencën për shtyp. Kryeministri tha se rekomandimi është dhënë pa asnjë rezervë dhe shigjetoi edhe mediat që u morën me frymëmarrjen e tij në deklaratën e bërë pas protestës në Rrugën e Kombit.

“Jam i emocionuar dhe ata që merren me frymëmarrjen mbase e ndjejnë, por jam edhe shumë krenar, sepse ja dolëm këtij provimi të vështirë. I dhamë Shqipërisë një staturë të re në arenën ndërkombëtare dhe dolëm nga një tjetër udhëkryq mes të shkuarës dhe të ardhmes. Rruga përtej udhëkryqit, sado e gjatë është e gjitha e hapur përpara nesh”, deklaroi Kryeministri.

Stacioni i radhës, thotë Rama është anëtarësimi, ndërsa ndau meritat edhe me paraardhësit e tij.

“Një falenderim për ata që kush më shumë e kush më pak, dhanë një dorë për të ndërtuar një pjesë të rrugës së vetme për shqiptarët, atë drejt BE-së”, vijoi ai.

Rama e quan plotësisht të merituar rekomandimin e hapjes së negociatave.

“Europa nuk bën dhurata dhe Brukseli është një makineri e pamëshirshme që sheh dhe njeh vetëm meritat. Rekomandimi është njohja e meriatave tona në fushën e reformave dhe me luftë të vërtetë kundër armiqëve të shoqërisë dhe shtetit, krimit dhe korrupsionit”, thotë ai.

 

Çelja e negociatave me BE, Rama: Sot fitoi Shqipëria Read More »

KE jep rekomandimin për Shqipërinë dhe Maqedoninë, Macron kundër: Nuk është koha për Ballkanin në BE

Presidenti francez Emmanuel Macron i tha ligjvënësve europiane në Strasburg se BE-ja nuk duhet të pranojë vende të reja derisa blloku të ketë një integrim më të thellë e t’i jetë nënshtruar reformave gjithëpërfshirëse.

“Unë e dua ankorimin e shteteve të Ballkanit perëndimor në projektin europian”, citon Washington Post shefin e Elizesë, “por tani nuk është momenti për të lejuar anëtarësime të reja”.

Duke iu përgjigjur kreut të Komisionit Europian Jean-Claude Juncker, i cili i bënte thirrje të angazhohej në zgjerimin drejt vendeve të Ballkanit, Macron përsëriti qëndrimin e vet se shtrirjen e BE-së do ta mbështesë vetëm nëse ka një thellim të projektit europian.

“Nuk dua që Ballkani të kthehet drejt Turqisë apo Rusisë, por nuk dua gjithashtu që një Europë, e cila funksionon me vështirësi sot me 28 anëtarë e nesër me 27, të vendosë se do të rendim nesër me 30 apo 32 anëtarë dhe me të njëjtat rregulla”, mësohet të ketë thënë presidenti francez.

Sipas mediave vendase, Macron i dërgoi në këtë mënyrë një sinjal të qartë Berlinit se do të mbështesë anëtarësimin e vendeve të reja në BE vetëm nëse Gjermania do të mbështesë projektin e tij për ristrukturimin e thellë të Bashkimit Europian.

Krerët e BE dhe ata të Ballkanit takohen muajin e ardhshëm për të diskutuar mbi të ardhmen e rajonit të paqëndrueshëm, shkruan Washington Post, por blloku 28-vendësh nuk ka gjasa të ftojë ndonjë vend të rajonit që t’i bashkohet radhëve të tij.

Fjalimi i Macron në Strasburg u fokusua realisht tek reformat, duke nisur nga ato tatimore.
Kreu i Elizesë propozoi krijimin e një takse të re mbi ekonominë dixhitale për të ndihmuar financimin e buxhetit të BE-së, që siç u shpreh ai, e ka të nevojshëm një rishikim pas largimit të Britanisë së Madhe.

KE jep rekomandimin për Shqipërinë dhe Maqedoninë, Macron kundër: Nuk është koha për Ballkanin në BE Read More »

Ballkoni panoramik, atraksioni më i ri turistik që i shtohet Vlorës !

Ballkoni panoramik është atraksioni më i ri turistik që i shtohet qytetit të Vlorës.

I pozicionuar pranë zonës së Ujit të Ftohtë, Ballkoni i Vlorës është e orientuar nga perëndimi dhe prej aty çdo vizitor ka mundësinë të ketë një pamje të plotë të Lungomares dhe të gjithë gjirit të Vlorës.

Pas përfundimit të projektit Lungomare, rikonstruksionit të Transballkanikes, unazës së qytetit e rrugës Dhimitër Konomi dhe shesheve publike, Fondi Shqiptar i Zhvillimit është duke zbatuar projektin e rikonstruksionit të bulevardit “Ismail Qemali” dhe rikonstruksionin e rrugës së Kaninës.
Ndërkohë është drejt përfundimit rruga e Pyllit të Sodës, që e transformon këtë zonë dikur të lënë pas dore në një në një hapësirë të re turistike.
Vlora është një nga qytetet më të bukur të Shqipërisë që ndodhet në Jug-Perendim  të vendit përgjatë bregdetit të ulët të Adriatikut dhe atij shkëmbor të Jonit.
E quajtur si “Qyteti i flamurit’’, “qyteti me dy dete” apo “porti jugor i Adriatikut’’ Vlora konsiderohet si perla e turizmit shqiptar, me brigjet e saj, Karaburunin, Sazanin, Llogoranë, kalanë e Kaninës, Lagunën e Nartës, plazhet e shumtë, monumentet, njerëzit, prodhimet e tokës dhe të detit.
e,xh/ /a.g/burimi/ata.gov.al

Ballkoni panoramik, atraksioni më i ri turistik që i shtohet Vlorës ! Read More »

Vlorë – Nis aksioni për pastrimin e rrugëve nëpër fshatra (Foto)

Pastrojmë tokën që duam, ka startuar aksioni dhe në Vlorë.

Pas urdhërit të ministrit Blendi Klosi për një Shqipëri më të pastër, autoritet të Inspektoriatit të Mjedisit, pyjeve dhe ujërave, por dhe të agjencisë rajonale të mjedisit kanë qenë bashkë në hyrje të fshatit Panaja, një zonë turistike e prekur nga ndotja e inerteve dhe mbetjeve urbane.

Sipas drejtorit të Inspektoriatit të Mjedisit, Kreshnik Lilaj aksioni do të vazhdojë në të gjitha fshatrat. Në këtë operacion janë thirrur banorët, tregtarët pasi situata është alarmante.

Vlorë – Nis aksioni për pastrimin e rrugëve nëpër fshatra (Foto) Read More »

Detaje/ Operacioni në Romë, kapoja i kokainës, Aleks Boçi, furnizues i madh i bosit të Ndraghetas

Pas aksionit të policisë së Romës të realizuar në orët e para të mëngjesit të sotëm me emrin e koduar “Biznes familjar” i cili ka çuar në shkatërrimin e një organizate kriminale shqiptaro-italiane që trafikonte lëndë narkotike mes Shqipërisë-Italisë dhe Belgjikës kanë dalë edhe detaje të reja për shefin e këtij grupi Aleks Boçi.

Në pranga janë vënë 7 persona; shqiptarët Aleks Boci 38 vjeç, Florian Prendi 31 vjeç, Edmir Hatijia 41 vjeç, Elidon Shpërdheja 38 vjeç si dhe 3 shtetas italianë.

Aleks Boçi 38 vjeç së bashku me Florian Prendi 31 vjeç, Edmir Hatijia 41 vjeç, Elidon Shpërdheja 38 vjeç si dhe 3 shtetas italianë kishin krijuar një rjet ndërkombatar të trafikut të kokainës që niste nga vendet  e Amerikës së Jugut, vazhdonte në veri të Europës e më pas përfundonte në Romë. Kokaina në sasi të mëdha trafikohej përmes portit të Anversës në Begjikë ku kjo organizatë kriminale kishte mundur të krijonte një “dalje të sigurt” doganore përmes bashkëpunëtorëve të saj të punësuar aty.

Pasi mbërrinte në Romë lënda narkotike administrohej nga dy trafikantët italianë Claudio Cesarini e Daniele Ferri të njohur nga policia italiane e që merreshin me shitjen me shumicë të saj.

Hetimet kanë dokumentuar përfitmi prej  miliona euro të kësaj organizate kriminale, por detaji më interesant i kësaj organizate është se sipas investigatorëve italianë, një sasi e madhekokaina e organizatës së drejtuar nga Boçi ishte e destinuar për bosin mafioz të Ndraghetas Davide Perronace.

Detaje/ Operacioni në Romë, kapoja i kokainës, Aleks Boçi, furnizues i madh i bosit të Ndraghetas Read More »