Lajmi i fundit

Fuste drogë në burgun e Fierit, një punonjës policie është vënë në pranga.

Burime nga ministria e Drejtësisë thanë se, drejtoria e Shërbimit të Kontrollit të Brendshëm në sistemin e Burgjeve në Ministrinë e Drejtësisë arreston në flagrancë një punonjës të policisë së IEVP-së së Fierit, pasi gjatë kontrollit fizik rezultoi se kishte lëndë narkotike.

Mësohet se është arrestuar në flagrancë dhe proceduar penalisht punonjësi i policisë së IEVP Fier, Adrian Nazmi Haxhia, 48 vjeç, për veprën penale “Prodhimi dhe shitja e narkotikëve”.

Ndalimi i tij u bë pasi gjatë ndërrimit të trupës policore, në kontrollin e ushtruar për sende të ndaluara nga punonjësit e policisë së IEVP Fier, këtij punonjësi policie i është gjetur lëndë e dyshuar narkotike, kanabis sativa. Dosja i ka kaluar Prokurorisë së Fierit.

Atentat me eksploziv, merr dëme të rënda 38-vjeçari.

Ngjarja e rëndë ka ndodhur mesnatën e së shtunës në qendrën e qytetit të Fierit, ku shënjestër e shpërthimit të telekomanduar ishte Ervin Memo.

Eksplozivi ishte vendosur në makinën tip “Benz”, të cilën i riu nuk e përdorte, por e kishte nxjerrë në shitje. Memo pasi kishte pirë kafe me miqtë e tij, shkoi për të ndezur makinën që e kishte parkuar në mënyrë që të mos i binte bateria.

Në momentin që 38-vjeçari hipën në makinë, ndodhi shpërthimi i fuqishëm që, sipas hetuesve, është shkaktuar me telekomandim. Policia bën të ditur se i riu e mbante të parkuar makinën e shpërthyer në të nëjtin vend prej më shumë se 3 muajsh me një tabelë “shitet”.

Për ta mbajtur mjetin në punë dhe për ta ruajtur nga defektet e mospërdorimit, Memo shkonte dhe e ndizte shpeshherë, siç edhe ndodhi të shtunën rreth orës 22:55. Nga shpërthimi, makina është shkrumbuar e gjitha, ndërsa u desh ndërhyrja e zjarrfikëses dhe Policisë që i riu të nxirrej nga mjeti.

Me ndihmën e tyre, 38-vjeçari Memo arriti të ecte në këmbë drejt ambulancës. Kjo është konsideruar si mrekulli nga dhjetëra kureshtarë të mbledhur aty si dhe familjarë të djalit, të cilët e kanë shoqëruar me duartrokitje të shumta gjithë ngjarjen si të ishte një garë sportive. Nga hetimet e Policisë dhe nga këqyrja e kamerave të sigurisë së bizneseve përreth, nuk është pikasur asnjë person i dyshuar që mund të ketë lidhje me vendosjen e eksplozivit.

Duke parë rrethanat, dyshohet se shpërthimi ka qenë i telekomanduar, pasi makina tip “Benz” me targa AA 270 IV nuk lëvizte prej kohësh nga vendi ku ishte parkuar. Pista kryesore e hetimit lidhet me konfliktet pronësore që familja e 38-vjeçarit ka prej vitesh. Ajo ka qenë palë në disa procese gjyqësore për prona të trashëguara në qytetin e Fierit. Vetë Ervini ishte i pamartuar dhe nuk ishte i punësuar.

Ai ka qenë i vetëpunësuar, pasi shumë toka e ara i kishte kthyer në vreshta nga të cilat kishte pasur sukses. Burime nga Policia bëjnë me dije se, i riu ka trashëguar nga gjyshërit e tij një sipërfaqe të madhe toke. Por për të njëjtën pronë duket se kanë pasur përherë pretendime edhe disa të afërm të tij. Kjo ka bërë që prej më shumë se 15 vite, familja Memo të ishte pjesë e shumë gjyqeve për pronësinë e tokës.

“Në datën 21.04.2018, rreth orës 22:55, në vendin e quajtur ‘Kryqëzimi i Grecallisë’ ka shpërthyer mjeti tip ‘Benz’ me drejtues shtetasin E.M., 38 vjeç, banues në Fier. Gjatë kohës së shpërthimit mjeti ka qenë i parkuar dhe drejtuesi i tij sapo kishte hipur në mjet. Paraprakisht dyshohet se mjetit i është vendosur lëndë plasëse eksploziv. Drejtuesi i mjetit ndodhet në Spitalin Rajonal Fier nën kujdesin e mjekëve jashtë rrezikut për jetën”, bëhet e ditur nga Policia.

/Panorama/

Altina Xhoxhaj është anëtarja e katërt e Gjykatës Kushtetuese që përballet me procesin e vetingut pas Besnik Imerajt, Fatos Lulos dhe Vitore Tushës.

Imeraj dha dorëheqjen nga sistemi gjyqësor, por u referua nga Komisioni i Pavaruar i Kualifikimit në Prokurori; Fatos Lulo u shkarkua nga detyra, ndërsa Vitore Tusha është e vetmja e rikonfirmuar deri më tani në detyrë.

Komisioni i Pavarur i Kualifikimit, i përfaqësuar nga trupa e përbërë nga Brunilda Bekteshi, Etleda Çiftja dhe Genta Tafa Bungo ka caktuar seancën dëgjimore me gjyqtaren Xhoxhaj më 23 prill.

Ka dhënë doreheqjen kreu i Omonias, Leonidha Papa. Permes nje deklarate te bere publike ne faqen e tij ne Fb, ne oret e vona te se dieles Papa, i cili u zgjodh ne krye te Omonies ne janar 2015 ben publike se cfare e ka detyruar te jape doreheqjen nga posti i kryetarit te Pergjithshem i Omonies.

Statusi i plote

“ Informoj anëtarët dhe simpatizantet e Omonias, se përpjekjet personale për riorganizim, me propozime që kam gjykuar se do sjellin bashkimin e bashkatdhetarëve tanë, duke e shnderruar organizaten si shtëpine e përbashkët e të gjithë minoritareve greke dhe në veçanti për te perballur aspiratat, nuk gjetën mbeshtetjen e dëshiruar,
jap doreheqjen nga posti i Kryetarit te Pergjithshem, duke i lene përgjegjësinë e perfaqesimit deri në zgjedhjet e ardhshme zv kryetarit z, Fredi Beleri.
Me lejoni të ndaj me ju, krenarinë e perpjekjeve dhe aritjeve tona gjate ketij tre vjecari. Në këtë mandat, Omonia ishte e pranishme si kurrë më parë ne të gjitha ceshtjet në lidhje me komunitetin tonë, duke paraqitur propozimet e veta, qeverise Shqiptare, Greke si dhe përfaqësuesve te faktorit nderkombetar. Promovoi vlerat e këtij komuniteti duke derguar mesazhe ne cdo drejtim, se minoriteti Etnik Grek ne Shqiperi nuk eshte një pakicë e harruar dhe e disponueshme per konsumim, por një pjesë e konsiderueshme e rajonit dhe e Helenizmit Ekumenik.
Falënderoj dhe përgëzoj te gjithe ata, ato që kanë qenë te angazhuar ne keto perpjekje, veçanërisht të rinjtë. Ata që kane emigraur në Greqi por nuk braktisen vendlindjen dhe origjinen e tyre dhe sidomos ata qe kembengulin te ndertojne jeten e tyre ketu, duke mos iu bindur sirenave te crrenjosjes.
Kërkoj ndjese nga te gjithe ata që me fjale ose vepra i kam merzitur dhe nga ata qe ishin ne pritje te nje kauze ndryshe
Nuk mund ta fsheh hidhërimi tim per sjelljen e disa drejtuesve qe e konsideronin dhe vazhdojnë të shohin Omonian si dyqanin e tyre, duke demonizuar cdokush qe nuk i shërben “bisnesit” te tyre. Gjithashtu shpreh shqetësimin tim për të ardhmen e organizatës, meqenëse egoizmat personale po mbytin logjiken e thjeshte dhe misionin esencial të organizatës.
Me statutin e tanishem, kryetari nuk ka të drejten e asnje vendimarrjeje por për të zbatuar vendimet e Keshillit të Përgjithshme. Largimi im nuk duhet të interpretohet si një braktisje, perkundrazi është një përpjekje me e madhe për të rritur ndërgjegjësimin dhe per të lehtësuar një riorganizim me pjesmarjen e cdo anetari, me maturi dhe pa nxitime.
Le të mbyllim një sy dhe një vesh tek ato që na ndajne. Jane më shumë dhe me thelbësore ato që na bashkojnë. Shigjetari kur mbyll një sy, arrin më mirë shenjestren. Kjo në asnjë mënyrë nuk do të thotë se nëse do te mbylle të dy sytë, do t’ja dale me sukses.
Mir u takofshim ne betejat e ardheshme!
Leonidas Papas
Sarandë, 22 prill 2018”.

Shqiptarët me sa duket i ka nëmur zoti, historia apo kushedi se kush tjetër që gjithnjë janë qeverisur nga politikanë maskarenj.

Që nga themelimi i shtetit shqiptar e deri më sot, pavarësisht elozheve që iu bëjmë drejtuesve të radhës të shtetit shqiptar, të gjithë kanë bërë maskarallëqe në kurriz të këtij popullit.

Që nga Ismail Qemali që cilësohet si “babai” i shtetit shqiptar e deri tek Edi Rama, kryeministri i radhës i Shqipërisë, kanë pazare ngs më monstruozet në kurriz të shqiptarëve.

Të kishte qënë ndryshe, do të ishim në kufijtë reale të Shqipërisë, nuk do të ishim coptuar në pesë shtete, nuk do të ishim të fundit në Ballkan.

Pasi shqiptarit nuk i ka munguar vitaliteti, mendja dhe kultura. Kanë mbajtur disa breza postin e kryeministrit në Perandorinë Osmane, realizuan tërë reformat e taksimit dhe bënë shtet në Perandorinë Osmane, themeluan shtetin e Egjiptit e kështu me radhë.

Vetëm në Shqipëri asnjë nuk kanë bërë një të mirë, vetëm maskarallëqe dhe pazare të pista në kurriz të shqiptarëve.

Pa përjashtuar këtu as Ismail Qemalin, Esat Pashën, Ahmet Zogun, Fan Nolin, Enver Hoxhën, Ramiz Alinë, Sali Berishën, Fatos Nanon, Ilir Metën, Pandeli Majkon dhe Edi Ramën.

Lexoni me vëmendje historinë e këtyre njerëzve, ndjesë nëse nuk kam përmendur kryeministrat dyjavore të viteve 20-të, dhe do të shihni se të gjithë kanë në kurriz së paku një pazar të pistë të përmasave katastrofale në kurriz të shqiptarëve. Pa përmendur pazaret e vogla por rrënuese.

Përjashtim nuk bën as Edi Rama, i cili pasi gjeti përballë Lulzim Bashën në krye të PD i dha tërë pushtetin në maj të vitit 2017, në marrëveshjen e famshme të 18 majit vetëm që ta fuste në zgjedhje.

Sikur të ishte në mallin e babës, mes të tjerave PD-së i dha dhe postin e Avokatit të Popullit. Nuk kemi kundërshtime, le ta mbante opozita atë post.

Por nuk mund të pranonte pazar të tillë të fëlliqur që në krye të Avokatit të Popullit të vihej as më pak e as më shumë por avokatja e tërë maskarallëqeve të Sali Berishës dhe më pas dhe të Lulzim Bashës.

Më konkretisht është maskarallëku më i madh që ka bërë Edi Rama duke bërë pazar me Lulzim Bashën që Avokate e Popullit të jetë Erinda Ballanca. Le të jetë palë politike, s’ka gjë.

Por Erinda Ballanca është avokatja që ka mbrojtur këtu dhe në Strasburg çështjen e Pallatit të vjehrrit të Lulzim Bashës të ndërtuar në det në Vlorë dhe të shembur nga Rama.

Pikërisht këtë njeri Rama pranoi Avokate Populli që nuk vinte për kiamet të merrte detyrën, pasi ishte e zënë në Strasburg me pallatin e vjehrrit të Bashës.

Erdhi dhe mori detyrën vetëm kur dhe me ndihmën e Ramës që e bëri dokumentacionin në atë mënyrë që ta fitonte çështjen në gjykatën e Strasburgut, e fitoi realisht në favor të vjehrrit të Lulzim Bashës.

Pazari mes Ramës dhe Bashës për Avokaten e Popullit ka një çmim të kripur, pasi i zhvati popullit në favor të vjehrrit të Bashës as më pak dhe as më shumë por 13.3 milionë euro.

Dhe Avokatja e Popullit Erinda Ballanca ndjehet krenare që ia ka “futur” popullit pavarësisht se është zgjedhur si avokate e tij për ta mbrojtur nga pazaret e politikanëve maskarenj.

Dhe produkti i pazarit Rama-Basha, Avokatja e Popullit Erinda Ballanca, e zgjedhur nga opozita në këtë detyrë pas marrëveshjes së 18 majit ka folur në media për punën e saj, paragjykimet dhe momentet më të mira.

Ajo tregoi se momenti më i vështirë dhe më i mirë ka qenë kur u bë publik vendimi i Strasburgut për një çështje ku ishte e përfshirë në mbrojtje të vjehrrit të Lulzim Bashës, duke iu referuar mbrojtjes për pallatin e prishur në Vlorë nga qeveria Rama.

“Momenti më i vështirë dhe më i mirë kanë qenë në të njëjtën ditë.

Nuk është fakt i paditur që kam qenë e përfshirë edhe personalisht në një rast kundër qeverisë. Një rast se si shteti nuk duhet të sillet ndaj qytetarëve. U ndjeva mirë ditën kur mora vendimin e gjyqit.

Ishte një fitore e madhe, sigurisht jo vetëm e imja. Por u ndjeva edhe shumë keq, sepse për shkak se unë isha pjesë e atij gjyqi nuk mund ta bëja kauzë për shkak të detyrës sime.

Nuk mund ta trumbetoja.

Nuk e bëja dot kauzë sepse do mendohej se e bëra për shkak të një axhende personale.

Mu desh të zgjidhja rrugën e Avokates së Popullit. Do doja të ishte kalë beteje për promovimin e të drejtave të qytetarëve të shpronësuar”, deklaroi Avokatja e Popullit.

Dhe e deklaron me mburrje këtë Avokatja e Popupullit e cila me një vendim i zhvati popullit që mbron 13.3 milionë euro në favor të Lulzim Bashës. I cili bashkë me vjehrrin dhe kunatin, por dhe Ramën sipër tyre, nuk është asesi popull. Thjeshtë janë pjesë e një pazari të pistë.Pamfleti.com

Temperatura të larta parashikohen edhe ditët e javës në vijim.

Sipas Meteoalb, temperaturat e ajrit në territorin shqiptar parashikohet që gjatë periudhës 21 – 30 prill 2018 të jenë mesatarisht 2.5°C më të larta se vlerat tipike të kësaj periudhe.

Ndërkohë, 10-ditëshi i parë i Majit pritet të sjellë temperatura shumë më pranë normaleve të fund-pranverës.

Nga zjarri që ra sot në fabrikën e riciklimit në Kashar, ka mbetur pa energji elektrike zona e Unazës së Re dhe Mëzezi.

OSHEE njoftoi se prej zjarrit është djegur një pjesë e linjës që furnizon Unazën e Re dhe Mezësin. Grupet e punës së OSHEE ndodhen në terren për masat e ruajtjes së sigurisë.

Raportohet se një kabinë është djegur plotësisht dhe për këtë shkak, OSHEE ka stakuar dy fidera 105 dhe F13 si masë sigurie.

Vatra e zjarrit doli jashtë kontrollit brenda pak minutave, megjithëse në vendngjarje u dërguan të gjitha forcat zjarrfikëse të Tiranës, dy mjete të ushtrisë dhe dy autobotë të ujësjellësit të bashkisë.