Lajmi i fundit

5 persona bllokohen në piknik, niset me urgjencë helikopteri i ushtrisë. Ja çfarë po ndodh

5 persona kanë mbetur te bllokuar në Malin e Tomorrit.

Mësohet se një helikopter i Forcave te Armatosura është nisur për t’u ardhur në ndihme atyre, sipas informacioneve nga Ministria e Mbrojtjes.

Pesë personat kërkuan ndihme për ndërhyrje nga ajri.

Raportohet se ata kane qene duke udhëtuar me makine dhe dyshohet se mund të kenë humbur orientimin ndërkohe që në majën e Malit të Tomorrit ka borë.

5 persona bllokohen në piknik, niset me urgjencë helikopteri i ushtrisë. Ja çfarë po ndodh Read More »

Gulf që mashtroi shqiptarët, del denoncimi bombë: Kompaninë e ka vëllai i Ramës

Prokuroria nisi sot hetimet pas falimentimit për kompaninë Gulf Oil dhe u shpall në kërkim menaxheri kryesor i kompanisë.

Në kërkim është shpallur Albano Aliko, si “koka” e skemës së mashtrimit me tollonat. Pak para se të shpallte falimentin, kompania e tregtimit të karburantit nisi të shesë tollona.

Ama në inbox-in e ish-kryeministrit Rama kanë ardhur disa denoncime të rënda, ku sipas tyre kjo kompani i përket vëllait të kryeministrit, Olsi Ramës.

Sakaq mëposhtë janë denoncimet e publikuara nga ish-kryeministri Berisha:

Qytetaret dixhital denoncojne si kompani te Olsi Rames kompanine e naftes
Gulf! sb

“Feb 28,22:27 po te jap nje shqetesim per nje korupsion galopand te rilindjes komuniste mjafton te behet nje kontroll ne te gjitha karburantet e olsi rames gulf dhe atje tregetohet i gjithi karburanti pa dogane mund te takosh cfardo lloj manaxheri te ketyre karburantit gulf ne shqiperi dhe te afrojne tollona ti blesh me 125 leke 130 leke litri i naftes kur vlera doganore e nje litri nafte eshte 105 leke lind pyetja ku e gjejne keta bashibozuke komuniste rilindas kete nafte me 125 lek literi normalisht e fusin pa dogane kush i kontrollon keta asnje lloj kontrolli nuk i behet pse ate e komandon edi rama sikur nje prokuror i thjeshte te veje te verifikoje te pakten nje karburant te vetem se a raportohet online sasia e shitur e karburantit gjendet ne moment por sistemi nuk punon per gulfin punon vetem per ne hallexhinjte qe na ropen me gjoba dhe penalitete je i nderuar komandanti i pergjitshem i shqipetarve vetem me ty shpetohet atdheu yne i raskapitur me respekt nje qytetar i nderuar tepelene”

“Pershendetje Doktor !!
Eshte nje lajme bombe ne ke raste ka te bej me kompanin e “GULF” karburante ne te gjithe Shqiperin jane shperndare tollona pa funde me dhjetra litra nafte por ne shkembim asgje nuk kane mar qytetaret per kete raste se kan mbledhur lek kesh neper duar dhe neve si qytetare na pelqeu si cmim se ishte 140/litri !!
Asnje pergjigje jan bllokuar te gjitha shitjet sistemi per tollona dhe nuk e kan dhene as ne tv as lajme asgje.”

“April 21,07:19Te Doli fjala prape zoti Berisha e keqja e kesaj qeverie tani do heqin flalen galf do vene x y se eshte shoqeria e olsit”

“April 19,12:05Tani qe Galf falimentoj ca do behet me ne qe kemi bler tollona?”

“April 19,11:18Vjellje diten per dill
Skandal me tollonat e naftes me firmen gulf
Jan shperndar mga pikat e kompanis gulf
Ne shkoder me mijra ton
Naft me tollona duke i konvertu ne lek
Ka shofera kamionash
Dhe autobuzash qe kan
3 .4 milion tollona letret ne dor
Pa numuru makinat private
Pa prit pa mendu sot thot ka falimentu
Dhe sjapin shpjegime
Nuk dina kuj me ju drejtu
Jan grabit miliona euro
Tu i llan letra po shteti ça ban kjo asht repuplik bananesh
Po flas per ne shkoder
Kushedin ça asht ba ne rrethet tjera”

Gulf që mashtroi shqiptarët, del denoncimi bombë: Kompaninë e ka vëllai i Ramës Read More »

Vettingu në polici, futet në lojë edhe SHISH

Lidhur me vettingun në policinë e shtetit, zv.ministri i Brendshëm Julian Hodaj dha detaje të rëndësishme të procesit të cilit do t’i nënshtrohen të gjithë uniformat blu në vend, nga të gjitha rangjet.

Hodaj tha se policëve u është dhënë një afat 30 ditor për dorëzimin e formularëve të vetëdeklarimit. Procesi për rangjet e larta do të zgjasë pesë muaj, ndërsa për efektivët e tjerë 24 muaj.

“Projektligji është konsultuar edhe me partnerët ndërkombëtarë, por të parët që janë konsultuar për këtë projekt-ligj kanë qenë vetë punonjësit e policisë. Duke qenë se bëhet fjalë vetëm për deklarata, nuk ka nevojë për më shumë kohë se 30 ditë. Ndryshe nga gjyqtarët e prokurorët, në rastin e policisë nuk ka nevojë për dokumente shoqërues” – deklaroi ai në “Report TV”.

Ka mundësi që ky afat kohor të shtyhet, në rast se nuk arrijnë ta bëjnë një gjë të tillë?

Hodaj: Afatin e cakton ligji, në 14 ditë që kanë ngelur s’mund të ndryshohet ligji. Kemi probleme për marrjen e të dhënave financiare nga vitet 90 deri në vitin 2000. Paaftësia e institucioneve publike për të ruajtur të dhënat nuk mund t’i ngarkohet individit.

Procesi së pari na interesonte si është konceptuar. Procesi është një garanci më shumë për vetë punonjësit, që do të thotë që ka një garanci ligjore, ca kritere të mirë përcaktuara në ligj dhe ky vlerësim kryhet nga organe të pavarura, si ekzekutivi dhe ministria e brendshme. Kush e kalon me sukses, do t’i garantohet qëndrimi në detyrë.

Kur themi vetting në polici, çfarë nënkuptohet, pasuri të paligjshme, cili është thelbi?

Hodaj: Ata që duhet të rrinë në detyrë, s’duhet të kenë lidhje me botën e krimit, të mos jenë prekur nga korrupsioni, dikush duhet të justifikojë pasurinë e vënë me të ardhurat ndër vite. Si pritshmëri s’mund ta them sepse i bie të paragjykoj procesin. Besoj se pjesa më e madhe është pjesa e shëndoshë e policisë që do të rrijë në detyrë.

Si do t’i verifikoni?

Hodaj: Procesi është analog, së pari duhet të deklarojnë nëse kanë apo jo pasuri. Nëpërmjet SHISH, Drejtorisë e parandalimit të pastrimit të parave, do të kryhet një vlerësim, nëse personi ka apo s’ka lidhje me eksponentë të botës së krimit. I gjithë procesi do të zgjasë rreth 24 muaj. Procesi i gradave të larta do të zgjasë diku te 5 muaj.

A ka persona që rrezikojnë burgun nga ky proces?

Hodaj: Patjetër që po, në rast se rezultojnë me shkelje.

Cila do të jetë e ardhmja e Akademisë së Policisë?

Hodaj: Akademia e policisë s’duhet të jetë e kufizuar vetëm te policia e shtetit por edhe të institucionet e tjera. Duhet reformuar dhe të ketë autonomi akademike dhe financiare. Synojmë që reforma ta vëmë në gjendje që të ofrojë edukim cilësor. Dhe duke përmirësuar cilësinë e edukimit mendojmë se do forcohet edhe profesionalizmi.

Është kusht akademia për zyrtarët që shërbejnë në polici?

Hodaj: Vakumi që do të krijohet nga vetitngu nuk na tremb, sepse kemi shumë kërkesa çdo ditë nga vajza dhe djem, apo thjesht gjimnazistë që e kanë pasion punën në policinë e shtetit, ndaj nuk besojmë se do të krijojë boshllëk të madh që do shkaktojë dhimbje koke për ne. Akademia është përdorur si aneks më parë në policinë e shtetit, duke çuar atje njerëzit që nuk shiheshin si adapto për policinë e shtetit, çka ka qenë një gabim i tmerrshëm, një paradoks.

Vettingu në polici, futet në lojë edhe SHISH Read More »

Aksident në Vlorë, plasen 5 automjete në trasballkanike

Një aksident i rëndë ka ndodhur në këto caste në rrugën trasballkanike në Vlorë, por fatmirësisht pa viktima.

Në aksident  janë përfshirë pesë automjete, tre prej të cilave janë dëmtuar thuajse krejtësisht.

Një automjet ”tipTuareg”,i cili ishte duke lëvizur me shpejtësi mjaft të madhe në këtë aks pranë zonës së rrugës së re, fillimisht ka goditur një automjet tip Benc dhe më pas ka përplasur dhe tre mjete të tjera të cilat ishin  duke ecur në zonë, në anë të rrugës kryesore.

Policia ndodhet në vendngjarje për shkaqet e aksidentit masiv me pesë automjete.

Aksident në Vlorë, plasen 5 automjete në trasballkanike Read More »

U hodh nga makina t’i shpëtonte ngacmimeve të shoferit? Policia e Elbasanit: E vërteta e aksidentit, gruaja …

Një ditë më parë, pas aksidentit që ndodhi në Elbasan, mediat raportuan se gruaja 55-vjeçare e lënduar ishte hedhur nga makina për t’i shpëtuar ngacmimeve të shoferit.

Por Policia e Elbasanit ka dhënë detaje të reja.

NJOFTIMI

Ngjarja ndodhi në aksin rrugor Elbasan – Bradashesh, ku u ndalua drejtuesi i mjetit Julian Hida, 43 vjeç, lindur dhe banues në Elbasan, për veprën penale “drejtimi i mjetit në mënyrë të parregullt, në gjendje të dehur” dhe “largimi nga vendi i aksidentit”.

Arrestimi i tij u bë pasi, rreth orës 15:15, aksin rrugor Elbasan – Bradashesh, ai ishte duke drejtuar makinën tip Volkswagen Passat me targa AA 087 CD me drejtim lëvizjeje nga Bradasheshi në drejtim të Elbasanit .

Nga mjeti në lëvizje është hapur dera prapme e pasagjerit dhe nga mjeti është hedhur 55-vjeçarja me inicialet Sh. T., banuese në Bradashesh.

Kjo gjë është faktuar nga këqyrja e pamjeve filmike të kamerave që ndodhen në afërsi të vendit të ngjarjes.

Po ashtu është zbuluar, drejtuesi i mjetit nuk ka ndaluar për t’i dhënë ndihmën e parë të plagosurës, por është larguar nga vend i ngjarjes me shpejtësi, dhe rreth orës 17:50 është konstatuar dhe kapur nga patrulla e policisë.

Drejtuesit të mjetit i është bërë testi i alkoolit me aparat Drager, ku rezultoi në provën e parë në masën 0.92 mg/l dhe në provën e dytë 1.07 mg/l.

Si pasojë e kësaj ngjarjeje gruaja është dëmtuar rëndë, ku pas marrjes së ndihmës së parë mjekësore në Spitalin e Elbasanit është dërguar në Spitalin e Traumës në Tiranë.

Materialet proceduriale do t’i kalojnë Prokurorisë së Rrethit Gjyqësor Elbasan, për veprën penale “Drejtim mjeti në mënyrë të pa rregullt, në gjendje të dehur” dhe “Largim nga vendi i aksidentit”.

U hodh nga makina t’i shpëtonte ngacmimeve të shoferit? Policia e Elbasanit: E vërteta e aksidentit, gruaja … Read More »

Administrata shtetërore/ Shkarkohen 200 punonjës, 16 institucionet që preken

Qeveria është zhvendosur dje në qytetin e Fierit, ku janë marrë një sërë vendimesh të rëndësishme. Përmes një konference për mediat kreu i qeverisë prezantoi të gjithë vendimet, por më i rëndësishmi është një vendim i cili do të sjellë tërmet në administratë. Një vit më parë qeveria filloi fshesën në administratë duke shkarkuar me qindra punonjës, por muajt e fundit pati një frenim të reformës. Mirëpo qeveria dje ka marrë një vendim, përmes të cilit shkarkohen në bllok rreth 200 persona. Sipas vendimit, largime do të ketë në 16 institucione.

Aty bëhet e ditur se Agjencisë Kombëtare të Shoqërisë së Informacionit, për vitin 2018, do i shtohen 182 veta, duke e çuar numrin e përgjithshëm të punonjësve të këtij institucioni në 335. Por me qëllim që numri i përgjithshëm i punonjësve i përcaktuar në ligjin për buxhetin e shtetit të mos ndryshojë, kompensimi do të ndodhë duke shkarkuar po kaq punonjës në një pjesë të madhe të ministrive. Ministritë që do të preken më tepër janë Ministria e Financave, nga e cila do të shkarkohen 92 veta. Më pas vjen Ministria e Brendshme me 10 persona, ndërsa në ministritë e tjera do të ketë reduktim stafi nga 1-7 persona.

Kriteret e pranimit në universitet

Një tjetër vendim i marrë dje është sa i takon kushteve dhe mesatares së pranimit në universitet. Qeveria ka vendosur që mesatarja të jetë 6. “Për të gjithë kandidatët, të cilët kanë përfunduar arsimin e mesëm të lartë, nota mesatare për pranimin në programet e studimit të ciklit të parë dhe në programet e integruara të studimeve të ciklit të dytë ose për të transferuar studimet në vitet e ndërmjetme të këtyre programeve, në institucionet e arsimit të lartë, për vitin akademik 2018-2019, të jetë nota 6.

Nota mesatare për pranimin në institucionet e arsimit të lartë përllogaritet si mesatare e thjeshtë e treguesve, si më poshtë vijon: Mesatarja aritmetike e thjeshtë e notave përfundimtare vjetore të lëndëve për të gjitha vitet e shkollimit në arsimin e mesëm të lartë; Mesatarja aritmetike e thjeshtë e notave të provimeve të Maturës Shtetërore. Për kandidatët që aplikojnë për t’u pranuar në programet e studimit të fushës së mësuesisë, për vitin akademik 2018-2019, nota mesatare e përllogaritur, sipas këtij vendimi, të jetë nota 7. Programet e studimit të fushës së mësuesisë përcaktohen në shtojcën 1, që i bashkëlidhet dhe është pjesë përbërëse e këtij vendimi”, thuhet në vendim.

Ilaçet për kancerin falas

Kryeministri Edi Rama deklaroi dje se është marrë vendimi që Herceptina për të sëmurët me kancer do të merret falas. Pak kohë më parë ka pasur ankesa se ajo mungon në Këshilli i Ministrave mblidhet në Fier, ja vendimet e marra dje Qeveria spastrime në administratë, shkarkohen rreth 200 punonjës, ja 16 institucionet që preken spitale dhe shefi i qeverisë tha dje se nuk do të jetë më ky problem. “Dy vendime të rëndësishme me impakt kombëtar janë marrë sot, së pari vendimi për listën e re të barnave të rimbursueshme, e cila është zgjeruar.

Përveç 36 barnave të reja që do të rimbursohen nga shteti për të gjithë njerëzit në nevojë, do të përfshihet si një zgjidhje përfundimtare edhe Herceptina një zgjidhje jetike për ilaçin e gjirit. Përveç se i shtrenjtë ishte edhe problematik, tanimë do të jetë tërësisht falas. Bëhet më në fund një premtim me peshë të madhe dhe më në fund nuk do të ketë më mungesë të Herceptinës për të gjitha gratë dhe vajzat”, tha ai./SOT

Administrata shtetërore/ Shkarkohen 200 punonjës, 16 institucionet që preken Read More »

Skandali me pronat në Karaburun, prokuroria ankimon të gjitha vendimet e Gjykatës së Vlorës

Prokuroria e Vlorës ka ankimuar të gjitha vendimet e gjykatës së këtij rrethi, ndaj 5 personave të akuzuar për një nga dosjet më të përfolura të abuzimit me tokat, atë të tjetërsimit të qindra hektarëve truall në zonat e Karaburunit, Palasës dhe Zvërnecit.

Me mbi 70 faqe ankim në Gjykatën e Apelit, Prokuroria e Vlorës e cilëson vendimin e Shkallës së Parë si një vendim në kundërshtim me një sërë ligjesh dhe të pabazuar në rrethanat dhe provat që i janë paraqitur gjykatës.

Në mënyrë të veçantë kundërshtohet pafajësia që Gjykata e Vlorës i dha avokatit Enkes Hysendhima, të cilin organi i akuzës e cilëson si person kryesor në të gjitha skemat e tjetërsimit të pronësisë të mbi 340 hektarëve truall pranë bregdetit në Karaburun, Palasë dhe Zvërnec.

Për përfitimin e këtyre sipërfaqeve janë falsifikuar tre vendime gjyqësore të Gjykatës e Vlorës, falsifikime të cilat janë vërtetuar edhe nga dëshmitë e gjyqtarëve që u ishte shënuar emri në vendime.

Madje, një prej vendimeve gjyqësore mbante emrin e gjyqarit të ndjerë Skerdilajd Konomi, që u ekzekutua me eksploziv në automjetin e tij.

Një tjetër provë e pakontestueshme sipas prokurorisë është edhe fakti që përfituesi kryesore i tokave, punonjësi i varrezave të Vlorës Raimond Mezi, ka deklaruar se ai nuk ishte në dijeni të asnjë procedure dhe se me kërkesë të avokatit Enkes Hysendhima kishte firmosur në disa letra të bardha.

Mezi ka deklaruar gjithashtu se kishte marrë nga avokati Hysendhima edhe një shumë prej katër milionë lekësh, të dhëna në disa këste, si të ardhura nga shitja e disa pronave.

Por, pavarësisht këtyre fakteve, Gjykata e Vlorës nuk u bind te implikimi i avokatit Hysendhima në këtë skemë falsifikimi, duke e shpallur të pafajshëm.

Sipas Prokurorisë, në skemën e falsifikimit të dokumenteve, përveç avokatit, Hysendhima janë të përfshirë edhe ish-arkivistja e Gjykatës, Donika Besimaj.

Arkivistja, e cila ka futur këto vendime në arkivën e gjykatës dhe ish-punonjësja e ZVRPP të Vlorës Blerina Dhrami, e cila ka regjistruar pronat me dokumente të falsifikuara.

Edhe pse të dyja punonjësja janë dënuar respektivisht me 2 vjet me kusht dhe katër vjet burgim, prokuroria pretendon se masat e dënimit janë të ulta në krahasim me veprën penale dhe pasojat që kanë shkaktuar.

Tanimë pritet që këto pretendime të organit të akuzës t’i vlerësojë Gjykata e Apelit të Vlorës.

Skandali me pronat në Karaburun, prokuroria ankimon të gjitha vendimet e Gjykatës së Vlorës Read More »

8-vjeçarja në skamje: S’kërkojmë kurrë çokollata

Bajrami 7 vjeç dhe Erjola 8, janë dy fëmijë mjaft të zgjuar, që jetojnë në kushte të tejskajshme të mjerimit. “Jetoj me babin, me vëllain, dhe me nusen e xhaxhait të babit,  mami jeton në Kosovë, na ka lënë” thotë Erjola për emisionin “Shqiptarët për Shqiptarët” në News24. Pjesa më e bukur e ditës së saj është shkolla dhe detyrat që bën pas mësimit. Kur e pyet se çfarë bën babai i saj për të, ajo nuk i përmban lotët. “Na blen gjëra babi,” thotë e përlotur.

I ati, Agimi është pika e dobët e Erjolës. “Babi na ka rritur, na ka ushqyer”. Agimi nuk ka mundësi t‘ua plotësojë kushtet dy fëmijëve të tij të mitur, as bukën e përditshme. “Kam pasur probleme me nusen, ajo mi mori fëmijët u largua. Pas dy muajsh arrita t’i marr fëmijët e mi. IshA në një gjendje depresioni. Kam rreth 2 vjet që i mbaj unë fëmijët, vetëm i ushqej se mundësi tjetër nuk kam. Nuk kam mundësi të tjera, të kemi drita, të kënë rroba. Kërkojnë rroba dhe lodra se shikojnë të tjerët, unë nuk e përballoj dot,” thotë Agimi.

Më tej shton se nuk ka pasur mundësi t’u blejë fëmijëve librat e shkollës. “Fëmijët më kërkonin librat, lekët i gjeta diku. Librat i bleva pas 4 ditësh, fëmijët u trembën se gjithë nxënësit i kishin librat, vetëm fëmijët e mi shkonin në shkollë pa libra” shprehet i dëshpëruar Agimi. “Blej ushqime me listë, i shlyej në fund të muajit”

Edhe pse fare të vegjël ato nuk i kërkojnë  asnjeherë babait me tepër se çmund të përballoji ai.  “Janë të zgjuar vetë fëmijët nuk kërkojnë gjëra tepër që janë jashtë mundësive” thotë Agimi. “Çokollatat nuk i hamë shumë ngaqë na dhemb barku, vetëm në ditëlindje na ka thënë babi më kërkoni, edhe unë atëhërë i kërkoj babit që të na i festojë”.

Erjola ka edhe probleme me shëndetin. “Ka probleme në bark, nuk kam pasur mundësi ta operoj,” thotë i ati. Në këtë panoramë mjerimi, iu është gjendur Hajrija,nusja e xhajes së Agimit, edhe pse  60 vjeçe ajo përpiqet çdo ditë t’ua lehtësojë sadopak vuajtjet dhe mundimet.

“Kam rrit 7 jetimë për vete. Ushqimi është gjithmonë i pakët, në darkë fëmijët kërkojnë të ëmën e tyre. Rri hallë këtu të strukemi tek gjiri yt më thonë.

Unë qaj, më keq është se na mungon edhe buka e gojës, kur të kërkon fëmija bukë çfarë ti japësh?” thotë gruaja që është bërë si nënë e dytë për Erjolën dhe Bajramin e vogël.

 

8-vjeçarja në skamje: S’kërkojmë kurrë çokollata Read More »