Sali Berishës përfundimisht i është prishur qetësia me të cilën kishte vendosur të mbyllte dhe këto ditë të fundit te jetës së tij politike.
Jo se mendon të pushojë, por i mësuar për të qënë gjithnjë “qen sulmi” nuk ka llogaritur asnjëherë që një ditë të bukur gjithçka mund të të kthehet kundër.
Ndoshta dhe në momentin më të keq, kur dhe takati të lë, dhe mbi të gjitha mendja ka kohë që e ka lënë dhe receptorët nervorë si dhe “materia gri” e Berishës ka kohë që punon për inerci dhe thjeshtë e vetëm në mënyrë mekanike.
Në moshën e tij të pleqërisë, pra me mendje dhe takat të lënë dhe vetëm me “neps” të pashuar për gjithçka, Berisha do të përballet me një sërë dosjesh të rënda kriminale, që përmbajnë të gjitha shkeljet, krimet dhe abuzimet që ka bërë.
Një “faturë” që me sa duket do ti serviret nga drejtësia njëherësh, me të vetmin ngushëllim që do të ketë një fund të tmerrshëm dhe jo një tmerr pa fund.
Rastet Mubarak dhe Pinoçet që shkuan me barrelë dhe uturak me vete në gjykatë për të marrë dënimin për krimet e kryera ka kohë që po e torturojnë dhe Sali Berisën. Me frikën se mos do të kalojë dhe ai nëpër këtë kalvar.
Rikthimi i ish truprojës së tij Izet Haxhia nga azili politik në Turqi, dhe deklaratat e tij vetë dhe përmes avokatit Fran Dashi se do të kërkojë rihapjen e hetimit për vrasjen e Azem Hajdarit, të vrarë 20 vite më parë, pikërisht në 20 vjetorin e vrasjes, ka shqetësuar Sali Berishën.
Ish kryeministri e di se Izet Haxhia ka të drejtën ligjore të kërkojë dhe të marrë prej organeve të drejtësisë rihapjen e hetimit për Azem Hajdarin, pasi në momentin e hetimit dhe të gjykimit ai nuk ka qënë prezent dhe ligji e favorizon në këtë rast.
Por gjithashtu e di se Izet Haxhia ka paralajmëruar se në rihetimin e vrasjes së Azem Hajdarit do të zbardhë disa të vërteta të hidhura dhe të padëgjuara më parë për Sali Berishën dhe lidhjen e tij me vrasjen e Liderit të Dhjetorit më 12 shtator 1998, para selisë së PD.
Për këtë arësye ish kryeministri Sali Berisha, për ti dalë të keqes përpara, meqë dhe avokatët tashmë i ka përzgjedhur, ka kërkuar një përgatitje thelbësore për këtë bejejë ligjore që e pret me rikthimin e ish badigardit të tij Izet Haxhia nga Turqia.
Në kuadër të kësaj përgatitjeje, mbrëmë vonë në shtëpinë e tij janë parë të hyjnë njëri pas tjetrit avokatët personalë të Berishës, Genc Gjokutaj, Neshat Fana dhe Çlirim Gjata.
Burime të rezervuara kanë shprehur dyshimin se bashkë me vajzën e tij Argita Berisha Malltezi është parë dhe Avokatja e Popullit Erinda Ballanca. Por nuk ka konfirmim të qartë për involvimin direkt të Erinda Ballancës në këtë çështje, pavarësisht se studioja e saj ligjore në bashkëpunim me atë të Argitës janë në funksion të mbrojtjes ish kryeministrit me kapacitet të plotë.
Mësohet se tre avokatët e Berishës kanë qëndruar shumë vonë në shtëpinë e tij, çka bën të dyshosh se takimi në orët e vona të natës me ish kryeministrin ka qënë në kuadër të përgatitjes më të përballuar rihapjen e hetimit për vrasjen e Azem Hajdarit.
Në një rast të tillë Sali Berisha do të jetë dhe kryesori që do të dëshmojë për të gjitha akuzat që ka ngritur ish badigardi i tij Izet Haxhia. Akuza që fillojnë, që nga momenti i parë i thirrjes nga Lushnja i Azem Hajdarit, kush e nxori jashtë, kush e përplasi me vrasësit, pse u zhduk telefoni i tij që përmbante dhe thirrjet e fundit dhe pse Berisha 5 minuta pas vrasjes bëri deklaratën për mediat ku deklaronte me emër dhe mbiemër vrasësit e liderit të dhjetorit.
Mësohet se Berisha po përgatitet në total për të gjitha akuzat të cilat ka hedhur Izet Haxhia, që nga vrasja e Hajdarit, tek tentativa për grusht shtetit dy ditë më vonë dhe marrja e institucioneve si dhe urdhëri për të hedhur në erë ambasadën amerikane. Por do të hetohet dhe për vrasjen e gati të gjithë djemve të Tropojës.
Ndaj dhe Berisha po përgatitet me avokatët e tij.
Nga ana tjetër mësohet se pritet që dhe dosja e aferës së CEZ të shkojë në gjykatë, pasi Nuel Kalaj nuk mund të gjendet, dhe se ka prova të mjaftueshme për implikimin e familjes Berisha, Sali dhe Shkelzen në këtë aferë për zhdukjen e mbi 414 milionë eurove.
Organi i akuzës e ka të pajustifikueshme që të zgjasë më tej hetimin e aferës së CEZ, kështu që Berisha do të duhet të përgatitet dhe për këtë përballje me drejtësinë.
Njëherësh mësohet se pas këtyre dosjeve pritet të “thyhet akulli” dhe të shkojnë në gjykatë dhe dosja e Gërdecit, rrugës së Kombit, 21 janarit dhe dosje të tjera, duke ia bërë më të sigurtë Sali Berishës rrugën drejt burgut./Pamfleti.com
