Në Shkodër janë arrestuar 7 protestues pas protestës në Rrugën e Kombit. Me datën 20 prill 2018 Gjykata e Apelit në Shkodër ka vendosur që të lirojë këta protestues.
Por burimet bëjnë ne dije që Florin Onuzi, 35 vjeç, banues në fshatin Nangë, Kukës i cili kishte mbetur në burg nga Gjykata e Apelit është liruar në javët e para të majit.
Shkak për lirimin e tij është bërë sepse 35-vjeçari ka pësuar një infarkt dhe pasi ka qëndruar disa ditë në spitalin e Tiranës ai është lirua me vendim Gjykate.
Dritare.net shkruan se Onuzi pas lirimit dhe pas daljes nga spitali i Tiranës ka kaluar edhe disa ditë në spitalin e Kukësit.
Familjarët e Onuzit kanë pranuar lirimin e tij por pa dhënë shumë informacione për gjendjen e tij shëndetësore.
Ndoqa permes tv sot nje sekuence nga mbledhja e Keshillit Bashkiak te Vlores dhe pas pyetjes se nje prek keshilltareve te djathte per mungese investimesh ne Orikum, demagogu qe rastesisht,po fare rastesisht e kemi kryebashkiak,ju pergjigj me klishe tipike propogandistike.Pra,na siguroi ne se ne te ardhmen do te kemi gjera te mrekullueshme ne Orikum
Ky njeri,Dritan Leli pra,njeriu qe per nje kaprico te fatit eshte sot ne krye te Bashkise Vlore,as vete nuk e di pse eshte aty,ne ate karrige .
Mund te jete nje mjek i mire,mbase edhe pianist apo trompist,por kurrsesi administrator i nje bashkie si Vlora,e cila,pas reformes administrative perfshin edhe Orikumin,Novoselen dhe Komunen Qender.
Ky njeri i ka kaluar tre vitet e mandatit te tij duke vezhguar te vetmin investim(te qeverise dhe jo te bashkise),Lungomaren dhe duke bere fotot dhe kronikat e rastit.Asgje tjeter,absolutisht asgje.
Nen shembullin e shefit te tij megalloman ka ndertuar edhe ky beu i vogel i Vlores makinerine e tij te propagandes dhe perserit e perserit pa fund te njejtat gjera cdo dite.duke na siguruar se do te jete serish nje socialist ne pushtet dhe do te na beka gjera te mrekullueshme per Orikumin.
Per Orikumin qe ne keto tre vite nuk eshte investuar asnje lek i vetem.
Per te qene i sinqerte as nuk na behet vone fare se kush do te jete ne pushtet ne vitet qe vijne,do te jemi po kaq kerkues per te marre ate qe na takon per qytetin tone,por ky njeri duhet te na pergjigjet per ato qe nuk ka bere perpara se te nise fushaten elektorale per te cilen eshte ende heret.
Ky njeri do te duhej te ishte perballur me ne per te degjar problemet tona,por zgjodhi te sillet si burracak.Sepse perballja me realitetin qe ka krijuar e tmerron.
Ne jemi qytetare dhe duam te perfillemi dhe te marrim mbas taksat tona ne forme investimesh.E nese kjo nuk ka ndodhur meritojme shpjegime per kete.Kryetari Dritan Leli dhe administrata e tij na detyrohet shpjegime dhe jo propagande.
Këshilli i Ministrave do të përfshihet shumë shpejt nga një valë e madhe ndryshimesh. Kryeministri pak javë më parë dha sinjale se në shtator mund të ketë ndryshime, por vala e shkarkimit të ministrave pritet të nisë që në korrik dhe më pas do të përfundojë në shtator. Burime të sigurta të gazetës pranë ekzekutivit thanë se kryeministri ka vendosur që të ndryshojë rreth 40-50 për qind të kabinetit qeveritar.
Përjashto kryeministrin dhe zv/kryeministren, kabineti përbëhet nga 13 ministra dhe 5-6 prej tyre do të dorëzojnë detyrën. Vala e ndryshimeve do të nisë sapo Këshilli i Bashkimit Europian të marrë vendimin për negociatat e Shqipërisë. Më 28 qershor do të vendoset nëse do ketë sinjal pozitiv dhe sido që të vendoset, qeveria do pësojë ndryshime. Burimet i thanë gazetës se në të dyja rastet argumentet që do të përdorë kryeministri do të jenë sa i takon energjive të reja për realizimin e reformave.
Nëse hapen negociata, BE do kërkojë më shumë angazhim në përmbushjen e kritereve të reja dhe për këtë arsye do ketë lëvizje. Por edhe nëse nuk hapen negociata, qeveria do të ndryshojë, por këtë herë ndoshta në shtator, me qëllim që të plotësohen kushtet dhe të merret një vendim pozitiv në fund të vitit. I pari i cili pritet të largohet është ministri i Brendshëm, Fatmir Xhafaj. Edhe pse kryeministri u rreshtua krah tij pas sulmeve të opozitës, pritet që Xhafaj në korrik ose në shtator të largohet.
Largimi i tij do të ndodhë bashkë me disa ministra të tjerë. Pra sinjalet janë se ndryshimet në qeveri do të ndiqen nga dy faza. Fazë e parë është ajo e korrikut, ku gjithçka varet nga negociatat, ndërsa faza e dytë është ajo e shtatorit ku mbi 50 për qind e ministrave do të duhet të lënë postet e tyre. Një burim i tha gazetës se deputetët dhe vetë kryeministri janë të pakënaqur me shumë prej ministrave, sidomos sa i takon punësimit. Baza socialiste ka nisur të irritohet sepse ka kaluar 1 vit nga zgjedhjet dhe sërish nuk janë futur në punë. Kjo ka bërë që dhe shumë deputet të ankohen te Rama për shumë ministra, të cilët nuk denjojnë t’u hapin as telefonat. Të gjitha këto arsye do të bëjnë që të kemi një kabinet qeveritar të rifreskuar në verë.
Turi i llogaridhënies
Një tjetër test për ministrat është turi i llogaridhënies. Në fillim të muajit maj kryeministri dhe ministrat nisën një proces takimesh në të gjitha njësitë administrative në vend. Por nga ky tur takimesh është vënë re se ka shumë pakënaqësi. Si në platformën e bashkëqeverisjes, ashtu dhe përmes shkresave apo komunikimit direkt, mësohet se janë me mijëra qytetarët që denoncojnë punën e ministrave.
Në fund të këtij turi do të bëhet një bilanc i ankesave për secilin sektor dhe atje ku çalon puna ministrat do të duhet të largohen dhe t’u lënë vendin emrave të rinj. Kohët e fundit qeveria është vënë me shpatulla pas murit nga opozita, ku nuk kanë munguar sulmet dhe akuzat. Kjo ka bërë që dhe shumë ndërkombëtarë të kthejnë sytë nga vendi ynë dhe të monitorojnë me kujdes situatën.
Për këtë arsye kryeministri po mendon të emërojë në qeveri njerëz me integritet dhe që i përshtaten funksionit. Ndërkohë sa i takon postit të ministrit të Brendshëm, janë disa deputetë, anëtarë të Komisionit të Sigurisë që presin të emërohen në atë post. Bëhet fjalë për deputetë me karrierë në polici, por aspirata kanë dhe disa të tjerë në Komisionin të Ligjeve me karrierë në fushën e drejtësisë./Kliti Topalli
Ogerta Manastirliu në krye të listës, ndiqet nga drejtorët e Tatimeve, Burgjeve dhe Postës, nuk mungon bajlozi Qazim Sejdini, njeriu i Koço Kokëdhimës Endri Puka dhe disa hajdutë të Monika Kryemadhit
Pas dhënies me koncesion për disa dekada të shërbimeve jetike, pronave dhe pasurive më të rëndësishme publike, tenderat janë skema e dytë, përmes së cilës qeveria e Edi Ramës vjedh masivisht buxhetin e shtetit. Çdo vit, sipas raporteve të KLSH, vidhen 1/3 buxhetit të shtetit, i cili përbëhet nga taksat e të gjithë shqiptarëve.
Po cilët janë drejtorët dhe ministrat e Edi Ramës që vjedhin më shumë me tendera? Për organet që vjedhin më shumë me tendera, për herë të parë, ka një raport, i hartuar nga Komisioni i Prokurimit Publik. Ky komision është një organ ka për detyrë të shqyrtojë ankesat për dhënien e tenderave dhe koncesioneve. Komisioni ka bërë renditjen e ministrive dhe të drejtorive për të cilat ka pasur më shumë ankesa në dhënien e tenderave dhe koncesioneve, dhe që ankesat kanë rezultuar të ligjshme.
Pjesë e kësaj liste janë dy ministri, Ministria e Shëndetësisë e drejtuar nga Ogerta Manastirliu dhe ministrit e Brendshme e drejtuar nga Fatmir Xhafaj. Në krye të listës për abuzimeve qëndron Drejtoria e Përgjithshme e Tatimeve nën drejtimin e Vasilika Vjeros. Më pas vjen Drejtoria e Përgjithshme e Burgjeve e drejtuar më parë nga Artur Zoto, i dënuar me 5 vite burg për korrupsionin.
Pjesë e listës është edhe Fondi i Sigurimit të Detyrueshëm të Kujdesit Shëndetësor, nwn drejtimin e Eduard Ahmetit. Lista vijon me Albpetrolin i drejtuar më parë nga një person i Koço Kokëdhimës, Endri Puka, tani nën drejtimin e Kastriot Bejtaj, por që raporti përfshin vetëm periudhën kur ka qenë drejton Puka. Në listë është edhe Posta Shqiptare, e drejtuar më parë nga një drejtor i LSI, Majlind Lazimi.
Listës nuk mund t’i mungonte bajlozi Qazim Sejdini, i cili e ka kthyer Elbasanin në një pashallëk familjar. Pas Sejdinit vjen Kastriot Gurra, i cili drejton Bashkinë e Librazhdit. Në listë është edhe Bashkia e Dibrës, e cila drejtohet nga Muharrem Rama, që zëvendësoi Shukri Xhelilin.
Në top listë nuk mungon as Komisioni Qendror i Zgjedhjeve, i drejtuar nga përfaqësuesi i Fatmir Mediut, Klement Zguri. Në listë rezulton edhe Prokuroria e Tiranës që drejtohej nga Petrit Fusha.
Renditja e organeve sipas abuzimeve me tenderat
Drejtoria e Përgjithshme e Tatimeve, Vasilika Vjero
Drejtoria e Përgjithshme e Burgjeve, ish-drejtori i LSI Artur Zoto
– Spitali Rajonal i Vlorës është pajisur me aparatura të teknologjisë së lartë, duke ofruar një standard të ri të shërbimit për pacientët, falë investimit prej 600 mijë euro.
Ministrja e Shëndetësisë dhe Mbrojtjes Sociale, Ogerta Manastirliu pa nga afër investimet në këtë spital, ku janë instaluar mamografia e re, grafia dixhitale, grafia e lëvizshme, aparati i ri i anestezisë në sallat e operacionit, inkubatorë të rinj në neonatologji e një sërë aparaturash moderne me vlerë 608 mijë euro.
“Pas Durrësit, Gjirokastrës, Dibrës, jemi sot në Vlorë për investimet e mëdha që qeveria po ndërmerr për fuqizimin e spitaleve rajonale, sepse ne kemi një plan konkret për të mundësuar që qytetarët ta marrin shërbimin me cilësi, afër vendbanimit të tyre”, – tha Manastirliu.
Spitali i Vlorës është nga përfituesit më të mëdhenj të programit kombëtar të investimit në spitalet rajonale në aparatura të reja bio-mjekësore.
“4.5 milionë euro po investojmë për të rritur cilësinë e shërbimit në spitalet rajonale për diagnostikimin dhe trajtimin më të mirë përmes aparaturave të teknologjisë së lartë”, – tha Manastirliu.
Përveç investimeve në spital, këtë vit rikonstruktohet plotësisht Poliklinika e qytetit të Vlorës, e cila do të pajiset gjithashtu me aparatura të reja, me rreth 112 milionë lekë investim, çka sipas ministres do t’i ndryshojë faqe poliklinikës në zemër të qytetit të Vlorës.ATSH -TIRANË, 29 maj/ATSH/
Arrestohet në Kosovë dëshmitari ‘X’ i PD, Albert Veliu. ‘Babalja’ është arrestuar në Kosovë me urdhër të prokurorisë së Krimeve të Rënda të Shqipërisë.
Pas daljes së videos dy javë më parë, Veliu tentoi që të largohet, por u ndalua në Kukës. Por pas marrjes në pyetje, ai është larguar nga Shqipëria, ndërsa tashmë është arrestuar në Kosovë.
Albert Veliu është personi i cili në audiopërgjimin e publikuar nga Partia Demokratike e Shqipërisë flet me Agron Xhafën për pazare droge.
Pas publikimit të videos dëshmitari Veliu ishte marrë në pyetje nga Prokuroria e Tiranës ndërsa më pas ai ka lene territorin e Shqipërisë për t’u strehuar në Kosovë.
Burimet e Indeksonline brenda Policisë së Kosovës kanë thënë se dëshmitari X ka qenë duke qëndruar në Shtime, ndërsa tani është i arrestuar së bashku me të birin e tij dhe për këtë janë informuar edhe autoritetet shqiptare.
Është përshkallëzuar situate para Ministrisë së Brendshme pas mbërritjes së protestuesve. Forcat Speciale kanë rrethuar institucionin për të parandaluar futjen brenda të protestueve.
Drejtuesit e protestës pavarësisht se kanë deklaruar se e kanë vetë në dorë qytetarët se si do të vijojë protesta, kanë bërë thirrje për të mos e sulmuar policinë.
Por revolta e qytetarëve është e madhe dhe ata kanë nisur të qëllojnë me flakadanë dhe sende të tjera duke tentuar disa të çajnë kordonin e sigurisë.
Ndërkohë që ‘Fax News’ raportion se ministri i Brendshëm Fatmir Xhafaj ndodhet brenda godinës së Ministrisë së Brendshme.
Deri tani janë tre qytetarë të shoqëruar nga policia.‘Fax News’
Burime të sigurta pranë autoriteteve gjermane i kanë konfirmuar “Pamfleti”-it se ish- Prokurori i Përgjithshëm i Shqipërisë është ndaluar nga organet ligjzbatuese gjermane dhe po merret në pyetje.
Burimet bëjnë me dije se arrestimi i Adriatik Llallës është ngjarja më e bujshme që po i ndodh Shqipërisë pas fillimit të implementimit të Reformës në Drejtësi.
Arrestimi nuk është thjesht ndëshkueshmëri për një Prokuror të Përgjithshëm të implikuar në krime, për një zyrtar të lartë “non grata” në SHBA, por është fillimi i rënies së ngrehinës së kalbur të sistemit të degraduar politik dhe juridik në Shqipëri, i një sistemi të korruptuar për përmbysjen e të cilit janë investuar fuqishëm instucionet ligjzbatuese ndërkombëtare nën drejtimin e Shteteve të Bashkuara të Amerikës dhe Gjermanisë.
Arrestimi i Adriatik Llallës në Gjermani ka vënë në alert të gjithë klasën politike shqiptare.
Adriatik Llalla është tashmë një i “penduar” në duart e amerikanëve dhe gjermanëve/Pamfleti
