Lajmi i fundit

Pasditen e së hënës është arrestuar nga policia greke, në pikën kufitare të Kakavijës shtetatsi, Leonardo Rustemi. Ai dyshohet se është në listen e personave që janë pjesë e ISIS.

Ky shtetas është ndaluar gjatë kontrollit të dokumentave, por në pikën shqiptare nuk i kishin nxjerrë probleme dhe kishte kaluar normalisht kufirin. Leonardo Rustemi do të dërgohet në Janinë, pasi do të jetë kjo Gjykatë që do të vendos nëse ai  do të gjykohet në Greqi apo do të ekstradohet në Shqipëri.

Sipas policisë greke ai kishte jetuar për disa vite në Lindjen e Mesme dhe figuronte në listen e të dyshuarve si pjesë e kësaj organizate terroriste.

Drejtori i Policisë së Shtetit, Ardi Veliu ka shkuar sot tek Prokuroria e Krimeve të Rënda dhe ka zhvilluar një takim më drejtuesen e këtij institucioni, prokuroren Donika Prela.

Takimi Veliu-Prela ka disa minuta që ka nisur, por ende nuk janë mësuar shumë detaje se çfarë po diskutohet mes tyre.

Ky takim është i pari që prej ardhjes në detyrë të drejtueses së Krimeve të Rënda, prokurores Donika Prela.

Kujtojmë që Prela në këtë detyrë ka më pas se dy javë, pasi më herët ka drejtuar Prokurorinë e Durrësit.

Në orën 2:34 të mëngjesit, sipas IGJEUM është regjistruar tërmet me magnitudë 3 ballë në zonën e Vernikut në Vlorë.

Seria e tërmeteve në jug të vendit nisi që prej të premtes ku në disa fshatra të Vlorës rreth 20 shtëpi janë dëmtuar, ndërsa 5 prej tyre janë bërë të pabanuara.

Edhe banorët të frikësuar janë detyruar që të kalojnë natën jashtë banesave.

Audoritet kanë nisur vlerësimin e dëmeve konkrete.

Një operacion antidrogë në Sarandë për pak sa nuk ka përfunduar në viktima.

Zhduket pa lënë gjurmë prej 5 ditësh një 29-vjeçar nga Vlora.

Familjarë të tij pretendojnë se i riu ka dalë një ditë të bukur nga banesa dhe e fundit me të cilën ka komunikuar ka qenë nëna e tij të cilës i ka thënë se po shkonte në spital, për t’u vizituar për shqetësimet që ndiente me shtyllën kurrizore.

Personi i zhdukur quhet Kleant Çela, për të cilin Policia nuk ka dijeni, pasi aty nuk është paraqitur deri sot asnjë familjar për të bërë denoncim.

E vetmja deklaratë është në Prokurori, ku persona të afërt të Çelës kanë rrëfyer edhe për një letër që ai ka lënë për familjen dhe të fejuarën.

Sic konfirmon gazetari i “Panorama” në Vlorë, në letër thuhej: ‘Po iki përgjithmonë nga shtëpia, po iki jashtë Shqipërisë, mos më kërkoni më, ju uroj gjithë të mirat’.

Vetë familjarët nuk kanë një shpjegim për këtë veprim të të riut.

Nata ka qenë e vështirë për banorët e njësisë administrative të Selenicës për shkak të lëkundjeve të tërmeteve. Lëkundjet kanë rrezikuar disa banesa.

Në fshatin Vermik flitet për 10 banesa të dëmtuara, 5 banesa janë dëmtuar në fshatin Bashaj dhe 5 të tjera në fshatin 5 Matogjin.

Pesë familje janë evakuuar nga autoritetet vendore duke qenë se banesat janë tërësisht të pa banueshme. 4 banesa janë të dëmtuara rëndë në fshatin Bashaj, ndërsa një në Matogjin.

Një pjesë e banesave të dëmtuara nuk janë të banuara. Banorët kanë shprehur frikë për lëkundje të tjera. Fatmirërisht nuk ka asnjë person të lënduar.