Lajmi i fundit

Rihapet dosja, prokuroria kërkon të shfuqizohet “Amnistia e 9 marsit 1997”

Pas “litarit” të dosjes “Hajdari”, misterit të “vdekjes” së papritur të sekretares personale (besnike) Linda Ihsani, pas pendimit të Arben Sefgjinit për dosjen “Remzi Hoxha”, një tjetër “litar” krimesh ka nisur “t’i mblidhet” Sali Berishës, i klasifikuar si krimi më i rëndë që ky shtetar barbar, i ka bërë në 27 vitet e fundit popullit, shtetit, vendit dhe ekonomisë kombëtare!

Bëhet fjalë përhapjen e dosjes së krimeve të Sali Berishës me Hajdin Sejdinë, personazh që rinorët e PD, PS e LSI nuk e njohin dhe nuk e dinë se çfarë zullumesh ka bërë në vitet 1992-1996, por Klevisi i Fahriut mund të pyes babin, që takohej shpesh me Hajdin Sejdin kur ishte Sekretar i Parë në Ambasadën Shqiptare në Maqedoni, por edhe Luli e di më mirë se ka qenë 18 vjeçar në atë kohë, kur vjehrra e tij kalonte çeqet e firmës “VEFA” në llogaritë e Hajdinit në Zvicër, Gjermani, Shtetet Arabe, Kosovë, Austri, Holandë, Rusi, Serbi, Afganisatm. Irak, Siri, Libi e Indi.

Sipas dosjes që po rihapet, viktima e parë e skenarit Berisha-Sejdia, ishte asgjësimi politik i Fatos Nanos dhe kjo u realizua nëpërmjet shërbimeve sekrete serbe dhe ndërmjetësiën e Ramiz Alisë, duke atashuar Hajdin Sejdin, si Krye-këshilltar ekonomik-financiar të Fatos Nanos, në atë kohë kryemininistër dhe ky skenar doli me sukes, pas letrave korruptive që i përgatiti Hajdin Sejdia, të cilat e çuan në burg pas marrjes së pushtetit nga Sali Berisha.

Pasi ia futën Fatos Nanos, Sali Berisha e emëroi Hajdin Sejdin si Krye-këshilltarin e tij ekonomik-financiar në qevri e presidencë, me të cilin sajuan dhe miratuan qindra VKM, ligje e urdhëresa shtetërore, për të justifikuaur palçkitje sheshesh ndërtimi, lulishte, toka, pyje, bregdetin, lumenjtë, ndërrmarjet shtetërore dhe drejtësinë me “Kursin e Plepave”.

Pasi e dekoroi Hajdin Sejdin me “Medalje Ari për ide të shquara dhe kontribute të mëdha në zhvillim e kapitalizmit në Shqipëri”, Sali Berisha që ia futi Fatos Nanos, vendosi t’ua fuste dhe shqiptarëve, duke aktivizuar Hajdin Sejdin, që përveç firmës së tij piramidë hajdute “Iliria Holding”, të niste krijimin e sistemit të firmave piramidale financiare në Tiranë, Kukës, Shkodër, Lushnjë, Dibër, Vlorë, Tepelenë, Sarandë, Gjirakastër, Berat, Korçë, Fier e Përmet, për të zhvatur financat dhe pasuritë e shqiptarëve.
Tani pas 25 vitesh, dosja e super-krimit “Berisha-Sejdia” është rihapur prej Prokurorisë së Përgjithshme e cila ka kërkuaar shfuqizimin e amnistinë false e të dekretuar “Berisha-Nano”, nënshkruar nga partië politike shqiptare, në pazarin e 9 marsit 1997.

Rihapja e kësaj dosjeje, synon të zbardh të vërtetën e skemës kriminale “Berisha-Sjedia” me firmat piramidale financiare, që çoi në shkatërrimin e vendit, shkrumbimin e zyrave të shtetit dhe 3000 jetë të humbura nga lufta e armatosur e pushtetit “Berisha” ndaj popullit dhe mes vetë shqiptarëve të armatosur pas hapjes të depove të ushtrisë!/Pamfleti

Në mbledhjen e Këshillit të Punëve të Përgjithshme, pjesë e Bashkimit Evropian do të diskutohet mbi mundësinë e zgjerimit të mëtejshëm të Bashkimit Evropian dhe mbi kërkesën e Komisionit Evropian për të hapur negociatat me Shqipërinë dhe Maqedoninë.

Gjermania e gatshme të japë dritën jeshile

Ministri i Jashtëm gjerman, Michael Roth, deklaron: “Demokracia dhe paqja e qëndrueshme  në Ballkanin Perëndimor luajnë një rol të rëndësishëm për të gjithë ne në, kjo është arsyeja që vlerësojmë shumë përpjekjet e të dy shteteve për të forcuar sundimin e ligjit, luftën kundër korrupsionit.

Qeveria gjermane është gati të mbështesë Shqipërinë dhe Maqedoninë në rrugën drejt BE-së, jemi gati të japim dritën jeshile dhe dua të inkurajoj miqtë tanë holandeze dhe francezë të na bashkohen”.

Ministri gjerman shtoi: “Unë pres një dritë jeshile për sot, nuk dua të spekuloj për ditë të  tjera. Është një kompromis sepse ne duhet të bëjmë qartë se Shqipëria duhet të përmbushë disa parakushte për të hapur kapitullin e negociatave. Kjo mund të jetë një mënyrë pragmatike për të kapërcyer mosmarrëveshjet në këshill”.

Holanda kërkon më shumë progres nga Shqipëria dhe Maqedonia

Ministri holandez i Punëve të Jashtme deklaroi se Shqipëria dhe Maqedonia kanë bërë progres.

Stef Blok tha se në mbledhjen e sotme do të diskutohet mbi çështjen e negociatave dhe për dy ditë do të sqarojnë të gjithë pikëpyetjet që kanë mbi progresin.

Blok: Dy vendet kanë bërë progres por jo mjaftueshëm, duhen rezultate konkrete mbi korrupsionin.

E rëndësishme është që të dy vendet kanë treguar këmbëngulje në luftën kundër korrupsionit por duhet të shohim më shumë.

Pyetjes: Atëherë në dhjetor?

Blok u përgjigj: Nuk e di mund të jetë në shtator, ne duhet të shikojmë progres të mjaftueshëm. Në një anë ne mbështesim progresin që kanë bërë por nuk mund të injorojmë faktin që duhet të shohim rezultate konkrete

Nga 1 qershori i këtij viti ka hyrë në fuqi ligji “Për tarifat gjyqësore në Republikën e Shqipërisë”, i miratuar një vit më parë nga Kuvendi dhe që përcakton tarifat e reja që duhet të paguhen tashmë nga palët sa herë paraqesin një çështje në gjykatë.

Ligji klasifikon tarifat në tre kategori ku së pari janë tarifat e përgjithshme për paraqitjen e çëshjeve në gjykatë, së dyti ato për kryerjen e vpeimeve procedural në gjykata dhe shërbimet administrative në to dhe së treti tarifat gjyqësore shtesë. Tarifat gjyqësore të përcaktuara në këtë ligj zbatohen për të gjitha çështjet gjyqësore civile dhe administrative të paraqitura për shqyrtim në gjykatë dhe në të gjitha shkallët e gjykimit.

Tarifat gjyqësore të përgjithshme

Në nenin 5 të ligjit sanksionohet mënyra sesi përcaktohen tarifat që paguhen nga palët që paraqesin një çështje në gjykatë duke kërkuar zgjidhje. Në një permbledhje prej tetë pikash saktësohet kufiri i poshëm dhe i sipërm i një tarife si dhe raste të veçanta për çëshjet në rigjykim.

“1. Tarifa gjyqësore e përgjithshme për paraqitjen e kërkesëpadisë përllogaritet mbi bazën e vlerës së padisë për çështje gjyqësore civile dhe administrative.

1. Masa e tarifave gjyqësore të përgjithshme, sipas pikës, 1 të këtij neni, është jo më e ulët se 1 000 (një mijë) lekë dhe jo me e lartë se 20 000 000 (njëzet milionë) lekë.

2. Masa e tarifave gjyqësore të përgjithshme për gjykimet në gjykatat e apelit dhe Gjykatën e Lartë është jo më e ulët se 2 000 (dy mijë) lekë dhe jo më e lartë se 10 000 000 (dhjetë milionë) lekë.

3. Tarifa gjyqësore e përgjithshme për paraqitjen e kërkesave në Gjykatën Kushtetuese është 5 000 (pesë mijë) lekë, me përjashtim të rasteve të parashikuara në nenin 9 të këtij ligji.

4. Përcaktimi i vlerës së padisë bëhet nga personi, i cili ka ngritur padinë përpara gjykatës.

5. Në rast se përllogaritja e vlerës së padisë mungon ose nuk është llogaritur në mënyrë të saktë, veprohet ne përputhje me dispozitat e Kodit të Procedurës Civile.

6. Kur çështja gjyqësore kthehet për rigjykim nga gjykatat më të larta, nuk paguhet tarifë gjyqësore e përgjithshme.

7. Llojet dhe masat përkatëse të tarifave gjyqësore të përgjithshme, sipas këtij neni, për çdo shkallë gjykimi, përcaktohen me udhëzim të përbashkët të ministrit përgjegjës për drejtësinë dhe ministrit përgjegjës për financat, me propozimin e Këshillit të Lartë Gjyqësor, mbi bazën e natyrës së çështjes, parimeve të proporcionalitetit dhe progresivitetit” thuhet në nenin 5.

Pothuajse në të gjitha rastet pagesa e tarifave gjyqësore të përgjithshme bëet në momentin e regjistrimit të çështjes në gjykatë me përjashtim të rasteve kur çështja përfshin pensionin ushqimor apo padi për marrdhënie pune me vlerë deri në 700 mijë lekë.

Tarifat gjyqësore shtesë

Ligji përcakton se ka edhe tarifa gjyqësore shtesë. Këto të fundit caktohen në rastet kur pala ndërgjyqëse ose përfaqësuesi i saj ka shkaktuar pa shkaqe të arsyeshme vonesa në gjykim e çështjes. Kjo tarifë brenda 21 ditëve kalendarike nga data e njoftimit të vendimit të gjykatës, është një tarifë fikse dhe është në propocion me tarifat gjyqësore të përgjithshme.

Tarifa gjyqësore e veçantë

Në nenin 8 të ligjit përcaktohet edhe kategoria e tretë që janë tarifat gjyqësore shtesë. Kjo tarifë caktohet për shqyrtimin e kërkesave të veçanta procedurale gjatë zhvillimit të gjykimit në të gjitha shkallët e gjykimit dhe në të gjitha juridiksionet gjyqësore, si dhe për shërbime të administratës gjyqësore.

Tarifa gjyqësore e veçantë paguhet në kohën e paraqitjes së kërkesës në gjykatë. Tarifat gjyqësore të veçanta janë jo më e ulëta se 50 (pesëdhjetë) lekë dhe jo më të larta se 2 500 (dy mijë e pesëqind) lekë. Masa për llojet e tarifave gjyqësore të veçanta përcaktohet me udhëzim të përbashkët të ministrit përgjegjës për drejtësinë dhe ministrit përgjegjës për financat, me propozimin e Këshillit të Lartë Gjyqësor, sipas parimeve të proporcionalitetit dhe progresivitetit” përcakton ligji.

Sekuestrimi i sasisë rekord të mbi 4 milionë eurove sot në portin e Durrësit në dy makina ‘Toyota Yaris’ ka vendosur në lëvizje autoritetet shqiptare, ndërsa pritet që të ngjallë edhe debat të fortë politik, pasi ishte Basha ai që e dekonspiroi operacionin tre ditë përpara.

Në kuadër të hetimeve mësohet se prokuror i dosjes është Sokol Nishani, vëllai i ish-Presidentit Bujar Nishani, i zgjedhur nga radhët e Partisë Demokratike.

Bujar Nishani ndonëse nuk ka post në Partinë Demokratike, vijon të jetë mjaft afër kryesisë dhe një zë i fortë kundër qeverisë Rama në shumë çështje. Angazhimi i Bujar Nishanit në strukturat e PD është intensifikuar kohët e fundit.

Ndërsa mbetet për t’u zbuluar pse lideri i opozitës Lulzim Basha e ka dekonspiruar operacionin në Kuvend tre ditë më parë duke shkatërruar hetimet dhe njoftuar porositësit e mjetit.

Në fakt nëpërmjet deklaratës së Lulzim Bashës, destinuesi i shumës së parave, që me shumë mundësi ka origjinën nga trafiku i drogës është lajmëruar dhe ka marrë masa për të shmangur drejtësinë duke mos shkuar për t’i tërhequr.

Një skandal që patjetër do të prodhojë debat të ashpër politik por edhe hetimet nga autoritet për të identifikuar burimin e informacionit që ka rrjedhur në duart e Lulzim Bashës.

Vrasja e ish-deputetit të Partisë Demokratike, Azem Hajdari është rikthyer në vëmendje ditët e fundit, që pas ekstradimit të Izet Haxhisë. Kjo ngjarje është e veshur me hije dyshimi, ndërsa Izet Haxhia pretendon që me rihapjen e dosjes të dalin në pah të vërtetat e vrasjes së shekullit dhe të dënohen autorët kryesorë.

Avokati mbrojtës i Izet Haxhisë, Bashkim Nikolla pak ditë më parë mori në dorë të gjithë dosjen e vrasjes së Azem Hajdarit. Dosjen voluminoze prej 702 faqesh, avokati e cilësoi si skandaloze gjatë seancës së fundit gjyqësore sepse sipas tij, ka rrjedhje provash.

Gazeta “SOT” raportoi dje se një ndër provat që nuk është më pjesë e dosjes është ditari i ministrit të Rendit të asaj kohe, Perikli Teta, ku mendohet se ka informacione të dobishme për të zbardhur të vërtetën e vrasjes. Por, gazeta ka arritur të sigurojë të tjera detaje nga dosja hetimore dhe vrasja e Azem Hajdarit. Sipas burimeve, në momentin që ka ndodhur atentati ndaj ish-deputetit të PD, dëshmitarët kyç të atij momenti, midis të cilëve edhe Astrit Mulo, nuk janë marrë në çast në pyetje, por u është lënë hapësirë që të largohen edhe jashtë vendit. Një lëvizje e tillë të bën të dyshosh se ka patur ndërhyrje nga politika, duke i larguar dëshmitarët kryesorë të atentatit nga drejtësia dhe mbase duke mbuluar fakte të rëndësishme.

Sherri për autopsinë

Një tjetër detaj që ka arritur të mësojë gazeta dhe që të lë të mendosh se duart e politikës sërish kanë ndërhyrë në këtë ngjarje për të fshehur informacione të rëndësishme që mund t’i jepnin një drejtim tjetër procesit hetimor është edhe tentativa për të penguar kryerjen e autopsisë tek trupi i pajetë i Azem Hajdarit. Oficeri i policisë gjyqësore, Skënder Rexha në momentin që është drejtuar tek morgu për të bërë autopsinë e kufomës së Azem Hajdarit, nuk është lejuar të futet. Madje në ato çaste ka patur edhe konfrontime fizike, pasi Skënder Rexha kërkonte të futej në sallën e morgut dhe të kryente detyrën, ndërsa persona të paidentifikuar janë bërë pengesë për të.

Tashmë me hapjen e dosjes “Hajdari”, pritet që avokati Bashkim Nikolla të zbardhë të vërtetën e këtyre pikave dhe të zbulojë arsyet se pse është vepruar në këtë mënyrë. Një gjë të tillë ai deklaroi edhe gjatë seancës së fundit gjyqësore, ku u shpreh se do të denoncojë rrjedhjen e provave dhe copëtimin e dosjes.

“Unë dosje më skandaloze nuk kam parë. Kjo dosja është copa-copa. Është edhe dosja e shekullit. Unë do t’i denoncoj të gjitha mungesat dhe rrjedhjet e provave dhe do të kërkoj të vërtetën. Izeti sot është shpresë për drejtësinë”, tha Nikolla pak ditë më parë.

Rruga që do të ndiqet

Izet Haxhia, përmes avokatit të tij mbrojtës, Bashkim Nikolla do të ndjekin një alibi për të nxjerrë në pah të vërtetat e shumë përfolura për vrasjen e Azem Hajdarit dhe për informacionet që mungojnë në dosjen hetimore. Sipas informacioneve, avokati i është drejtuar me nga një shkresë tri institucioneve kryesore shtetërore që mund të kenë informacion për këtë ngjarje. Më konkretisht, ai ka dorëzuar kërkesë për informacione dhe detaje tek Shërbimi Informativ Shtetëror, Ministria e Drejtësisë dhe Ministria për Evropën dhe Punët e Jashtme. Sapo të ketë në dorë të dhënat nga këto institucione, avokati do t’i bëjë pjesë të dosjes hetimore, duke thelluar hetimet për të nxjerrë në pah të vërtetën. Kujtojmë që pak ditë më parë, ai bëri publike një shkresë të SHISH drejtuar presidentit Rexhep Mejdani në vitet 1998, ku bëhej një përshkrim i ngjarjes së vrasjes së Azem Hajdarit, por në asnjë moment nuk përmendej emri i Izet Haxhisë si vrasës.