Lajmi i fundit

Forcat e Armatosura të Shqipërisë kanë tashmë 126 ushtarë më të aftë, të cilët përfunduan Stërvitjen Individuale të Avancuar në Shkollën e Trupës Bunavi.

Lajmi bëhet i ditur nga ministrja e Mbrojtjes, Olta Xhaçka, e cila theksoi se “ushtarët e rinj, mes të cilëve edhe 10 vajza, u përgatitën për postin e tyre luftarak në specialitete të ndryshme si Këmbësori, Logjistikë, Ndërlidhje dhe Polici Ushtarake”.

Ushtarët më të aftë u nisën më 19 shkurt të këtij viti për në Shkollën e Trupës në Bunavi, ku për rreth 3 muaj iu nënshtruan Stërvitjes Individuale të Avancuar. Ata u përzgjodhën pas testimeve fizike, intelektuale dhe psikologjike nga Qendra e Personel Rekrutimit të Forcave të Armatosura. Pjesë e kandidatëve për ushtarë/detarë ishin edhe 10 vajza. /atsh

Ferma blegtorale “Tris Alb”, një nga fermat model në Shqipëri, falë mbështetjes nga Agjencia për Zhvillim Bujqësor dhe Rural po rrit kapacitetet e saj prodhuese, duke arritur sot të prodhojë deri në 6,5 tonë qumësht në ditë. Ambientet e kësaj ferme u vizituan sot nga Kryeministri Edi Rama i shoqëruar nga drejtoresha e përgjithshme e AZHBR-së, Frida Krifca dhe nga kryetari i bashkisë Fier, Armando Subashi.

“Jemi në një nga fermat blegtorale më të mëdha në Shqipëri. Ka rreth 470 krerë. Kemi ndihmuar nëpërmjet skemës kombëtare me ndërtimin e stallës së tretë që i duhet fermës për shtimin e kapaciteteve”, tha Frida Krifca, drejtoreshë e AZHBR.

Kjo fermë, bashkëpunon me rreth 300 fermerë për bazën e ushqimit duke pasur kështu një impakt të madh në zonë. Investimet në këtë sipërmarrje synojnë rritjen e prodhimtarisë, standardeve dhe konkurrueshmërisë, duke u përgatitur për tregun e Bashkimit Europian, në vijim të procesit të integrimit.

“Siç thonë shqiptarët, oreksi vjen duke ngrënë. Ne kemi rreth 470 krerë. Rreth 230 i kemi në prodhimtari qumështi dhe shpresojmë të shkojmë tek 650-700 me stallën e re që po bëjmë”, u shpreh sipërmarrësja.

Kryeministri Rama u shpreh se “do bëjmë çmos që t’ju mbështesim se nuk është problemi vetëm tek mbështetja e individëve, apo e sipërmarrjeve që krijojnë këtë vlerën e shtuar dhe ciklin e mbyllur, por është tek shembulli, tek modelet që të tjerët të mësojnë që nuk mund të vazhdojë më bujqësia që rri tek kjo copa ime dhe pres nga qielli që të vijë qeveria të m’i bëjë të gjitha”.

“Duhen shtuar forcat, duke u bashkuar dhe duke ndërtuar një marrëdhënie tjetër. Nuk ka asnjë mundësi tjetër e prandaj ne jemi shumë të prirur të mbështesim këto modele. Ju keni bërë një model ekselent dhe ne ju jemi mirënjohës”, tha Kryeministri Rama.

Me rreth 25 punëtorë të përhershëm dhe disa dhjetëra të tjerët sezonalë, “Tris Alb” synon të modernizojë proceset e punës dhe ambientet e kompleksit blegtoral, duke rritur kështu edhe numrin e punonjësve të përhershëm. Kryeministri vlerësoi punën e bërë në këtë fermë dhe u shpreh se ky është modeli që duhet ndjekur nga fermerët në të gjithë vendin. /atsh

Drejtuesi i Prokurorisë pranë Gjykatës së Rrethit Gjyqësor Vlorë, Ardian Ylli do të kalojë në procesin e Vetingut më 15 korrik.

Komisioni i Pavarur i Kualifikimit ka përshpejtuar axhendën e “skanimit” të gjyqtarëve dhe prokurorëve për muajin korrik.

Komisioni i Pavarur i Kualifikimit njoftoi se më 15 korrik do të zhvillohet seanca dëgjimore me drejtuesin e Prokurorisë pranë Gjykatës së Rrethit Gjyqësor Vlorë, Ardian Ylli.

Po ashtu, KPK ka shpallur dhe trupën gjykuese që përbëhet nga Roland Ilia, Valbona Sanxhaktari, Olsi Komici.

Gjithashtu, KPK ka vendosur që seancën dëgjimore më gjyqtarin pranë Gjykatës së Rrethit Gjyqësor Tiranë, Ilir Mustafaj, që ishte parashikuar në kalendar më 11 korrik ta shtyjë më datën 18 korrik.

Kështu, Komisioni i Pavarur i Kualifikimit do të zhvillojë një seancë dëgjimore me subjektin e rivlerësimit Ilir Mustafaj, më 18 korrik, ora 08:45.

Trupa gjykuese që do të dëgjojë gjyqtarin pranë Gjykatës së Rrethit Gjyqësor Tiranë, Ilir Mustafaj, përbëhet nga Lulzim Hamitaj, Valbona Sanxhaktari, Xhensila Pine.

Drejtuesi i Prokurorisë pranë Gjykatës së Rrethit Gjyqësor Vlorë, Ardian Ylli dhe gjyqtari pranë Gjykatës së Rrethit Gjyqësor Tiranë, Ilir Mustafaj, do të përballen me Vetingun për tre kriteret klasike të verifikimit: të pasurisë, kriterin etik dhe atë profesional. /atsh

Deri në datën 25 tetor 2019, të gjitha bizneset e regjistruar në Qendrën Kombëtare të Biznesit duhet të kenë të hapur një llogari bankare.

Botimi në Fletoren Zyrtare i ndryshimeve ligjore për procedurat tatimore, konsiston në reduktimin e ekonomisë informale dhe reduktimin e parasë cash.

Sipas relacionit që shoqëron këtë ligj, ndryshimet i adresohen rekomandimeve të Komitetit Moneyval, që parashtron detyrimin e të gjithë tatimpaguesve persona fizikë/juridikë, përfshirë edhe organizatat jofitimprurëse për të pasur llogari bankare biznesi.

Ndërkohë, parashikohet që mos të jenë subjekte të këtij detyrimi tatimpaguesit, persona fizikë tregtarë të cilët realizojnë qarkullim vjetor, rrjedhimisht edhe qarkullim të parasë fizike, në vlera të ulëta mbi 2 milion lekë./atsh

Pas reshjeve të shiut me intensitet të lartë gjatë mbrëmjes së kaluar, situata në të gjitha rrugët e qytetit të Vlorës është rikthyer në normalitet.

Vlora është zgjuar sot në normalitet të plotë dhe kjo falë punës së punonjësve të Ujësjellës-Kanalizimeve Bashkia Vlorë, të cilët gjatë gjithë natës ishin në terren, në ndjekje të situatës.

Largimi në një kohë të shkurtër i ujit nga rrugët e qytetit, erdhi si pasojë e punës së vazhdueshme për normalizimin e situatës, por edhe e ndërhyrjeve të shpeshta në rrjetin e kanalizimeve.

Me mjete të specializuara, si dhe angazhimin e të gjitha strukturave u arrit normalizimi i plotë i situatës.

Falë angazhimit intensiv gjatë gjithë natës, ditën e sotme Vlora i është rikthyer normalitetit.

Fotot sjellin momente nga situata normale në qytet dhe punës gjatë reshjeve. /atsh

Ministria e Brendshme ka propozuar projektligjin “Për trajtimin financiar me pension shërbimi të punonjësve të Policisë së Shtetit që ndërpresin marrëdhëniet e punës”, i cili është i domosdoshëm për faktin se, detyrat institucionale që ligji i ngarkon Policisë së Shtetit, janë të një rrezikshmërie e vështirësie shumë të lartë në raport me detyrat institucionale që kanë strukturat e tjera shtetërore që aktualisht janë subjekte të ligjit për pensionet e ushtarakëve.

Në relacionin shpjegues për projektligjin, MB thekson se nga viti 1991 dhe në vazhdim kanë humbur jetën në krye të detyrës 223 punonjës policie dhe janë plagosur 248.

Gjatë këtyre viteve ka dhe punonjës policie të vrarë apo plagosur pas ndërprerjes së karrierës nga elementë kriminal, që janë vetëvrarë apo kanë pësuar trauma të rënda psikike/psikologjike për shkak të kryerjes së detyrave të vështira dhe specifike, duke sjellë paaftësinë e tyre për punë në Policinë e Shtetit në një moshë relativisht të re.

Punonjësi i policisë, për vetë natyrën e punës në këto struktura, e ka të limituar periudhën e ushtrimit të detyrave të cilat kërkojnë aftësi të larta fizike dhe rrjedhimisht do të largohen nga strukturat e policisë, para arritjes së moshës për pension pleqërie. Ndërkohë, që punësimi i tyre në shërbimet e tjera publike/private është thuajse i pamundur, pasi mosha dhe arsimimi i tyre ndikojnë ndjeshëm në një mundësi të tillë.

Disa punonjës policie për shkak të nevojave të veçanta të punës, si dhe kur ekziston një situatë reale dhe e rrezikshme ndaj jetës dhe familjes tyre, apo kur për qëllime të zbulimit të krimeve të rënda, infiltrohen në grupe të strukturuara apo organizata kriminale, mund të transferohen jashtë vendbanimit të tyre, gjë që detyron bashkëshortin/en të ndërpresë marrëdhënien e punës. Në këto kushte, me largimin e punonjësit nga policia, familja e tij do të mbetet pa mbështetje ekonomike dhe do të duhet të përballojë jetesën vetëm me pensionin e parakohshëm të tij.

Shkalla e vështirësisë në punë të punonjësve të Policisë së Shtetit është me e lartë se e punonjësve të institucioneve tjera që janë subjekte të ligjit për pensionin e ushtarakëve, pasi ata përballen çdo ditë me elementë kriminal, kryejnë veprime policore me rrezikshmëri të lartë për jetën e shëndetin e tyre si ndalime/arrestime, kapje të personave të kërkuar dhe operacione policore që kërkojnë jo vetëm përgatitje të lartë fizike, por edhe një moshë relativisht të re.

Sipas MB, nevoja e trajtimit financiar dinjitoz të punonjësit të policisë siç përcaktohet në këtë projektligj, pas ndërprerjes së marrëdhënies së punës, buron edhe nga dispozitat e neneve 46 dhe 49 të ligjit nr. 108/2014 “Për Policinë e Shtetit”, të ndryshuar, në të cilat përcaktohet se nëse punonjësi i policisë, pas hyrjes në fuqi të këtij ligji, ndërpret marrëdhënien e punës dhe përfiton pension të parakohshëm suplementar apo pension shërbimi, nuk ka të drejtë të rikthehet në polici.

Në nenin 46, pika 3, përcaktohet se punonjësit, të cilit i shkurtohet funksioni organik në kuadër të pakësimit të limitit të përgjithshëm organik të policisë dhe nuk ka vend të lirë për gradën që mban, i ofrohet një funksion i një niveli më të ulët, duke ruajtur gradën për një periudhë deri në një vit.

Pas kalimit të këtij afati, në pamundësi sistemimi për gradën që ka, punonjësi lirohet nga policia dhe duhet të trajtohet sipas kritereve të përcaktuar në këtë projektligj.

Aktualisht, mosha mesatare e punonjësve të policisë është 45.6 vjeç. Me miratimin e këtij projektligji për një periudhë prej 3 vitesh mosha mesatare e punonjësve të policisë ulet në 44.1 vjeç.

Projektligji është një garanci për punonjësit e policisë që janë në marrëdhënie pune dhe një vazhdim logjik i statusit të tyre kur ndërpresin karrierën.

Miratimi i këtij projektligji do të ndikojë, në cilësinë e punës dhe të performancës së punonjësve të policisë në detyrë, në rezultatet në luftën kundër krimit në përgjithësi dhe krimit të organizuar në veçanti, në treguesit e luftës kundër korrupsionit si brenda dhe jashtë policisë, si dhe në objektivitetin e zbatimit të ligjit.

Nisur sa më sipër, projektligji është në harmoni të plotë me reformën e pensioneve të ndërmarrë nga qeveria, me skemat tjera të sigurimit suplementar për kategoritë e tjera të punonjësve të shtetit, me kontributin real të punonjësve të policisë së shtetit në skemën e sigurimit suplementar dhe në raport të drejtë me kontributin që ata japin për rendin e sigurinë publike dhe luftën kundër kriminalitetit.atsh

Kolegji i Posaçëm i Apelimit ka shkarkuar nga detyra Gjyqtaren e Shkallës së Parë, Alma Brati.

Brati ishte konfirmuar më herë në detyrë nga Komisioni i Pavarur i Kualifikimit, (KPK) por Komisioneri Publik apeloi vendimin me argumentin gjyqtarja ka bërë “deklarim të pamjaftueshëm” të pasurisë.

Në KPA u paraqitës prova të reja, të cilat kanë mjaftuar që trupa gjykuese të shkarkojë nga detyra gjyqtaren.

Brati ishte dhe kandidate për në Këshillin e Lartë Gjyqësor, por u dorëhoq një ditë para votimeve./atsh

Komisioni i Jashtëm i Vlerësimit, që do të realizojë fazën e parë të Vettingut në Policinë e Shtetit ka publikuar listën e punonjësve të policisë që do të marrin pjesë në shortimin që do bëhet prej këtij komisioni në kuadër të procesit të vlerësimit të figurës së punonjësit të policisë

Janë rreth 250 punonjës policie me grada të larta të cilët do të kalojnë të parët sitën e Vetingut.

Komisioni i Jashtëm i Vlerësimit, i asistuar edhe nga Sekretariati Teknik përkatës po mbledh dhe përpunon informacionet nga institucionet publike dhe subjektet private për të bërë edhe ballafaqimin dhe verifikimin me çfarë është deklaruar ne deklaratat individuale Informacionet mblidhen nga të gjitha institucionet publike dhe subjektet private. Hartohen raporte specifike për secilin nga komponentët, pra integritet, pasuri dhe profesionalizëm, vihen në dispozicion në punonjësit në vlerësim që mund të japë shpjegime të mëtejshme, të bëjë observime apo të paraqesë kundërshtime dhe në fund diskutohen në një seancë dëgjimore të hapur për mediet dhe publikun. Deri në qershorin e ardhshëm pritet që të ketë përfunduar procesi për punonjësit e parë, ndërsa më pas për gradat më të ulëta. Faza e parë pritet të mbyllet në qershor 2020.

Plotësimi i vendeve për punonjësit e policisë që nuk do të kalojnë vetingun do të bëhet nga të diplomuarit e akademisë së sigurisë.

Sipas planifikimit dhe ligjit për vettingun në Policinë e Shtetit, të parët që do të kontrollohen janë 31 drejtues të lartë të Policisë së Shtetit, 12 punonjës në Shërbimin për Çështjet e Brendshme dhe Ankesave si dhe dy punonjës të Gardës së Republikës. Vlerësimi në fazën e parë do të bëhet nga një Komisionit i jashtëm i përbërë prej 15 personash, që do të ndahen në tre grupe, ndërsa fazat përfundimtare, ajo e dytë dhe e tretë do të bëhen nga Shërbimi për Çështjet e Brendshme dhe Ankesave.

Komisioni i Jashtëm i Vlerësimit (KJV) është organ i krijuar nga ligji Nr.12/2018, datë 5.3.2018, “Për vlerësimin kalimtar dhe periodik të punonjësve të Policisë së Shtetit, Gardës së Republikës dhe Shërbimit për Çështjet e Brendshme dhe Ankesat në Ministrinë e Brendshme”, i ndryshuar.

Komisioni i Jashtëm i Vlerësimit përbëhet nga 15 anëtarë dhe mbështetet gjatë veprimtarisë së tij nga një sekretariat teknik i përbërë nga 15 anëtarë. 5 anëtarë të Komisionit të Jashtëm të Vlerësimit kanë ardhur nga konkurrimi i hapur, 5 nga trupa pedagogjike dhe 5 janë caktuar nga ILDKPKI. Komisioni i Jashtëm i Vlerësimit është i organizuar në 5 trupa vlerësimi, me nga 3 anëtarë secila.

Procesi i vlerësimit kalimtar të punonjësve ka për objekt: a) vlerësimin e pasurisë; b) kontrollin e figurës; c) vlerësimin e aftësive profesionale. Procesi i vlerësimit kalimtar bazohet në parimin e ligjshmërisë, të barazisë përpara ligjit dhe të proporcionalitetit, duke garantuar të drejtën e punonjësve për një proces të rregullt ligjor.

Misioni i KJV-së është zbatimi i ligjit, duke garantuar transparencën e procesit të vlerësimit kalimtar, besueshmërinë tek qytetari, tek agjencitë e tjera ligj zbatuese, tek partnerët ndërkombëtarë, duke rritur cilësinë e Policisë, Gardës dhe Sh.Ç.B.A për më shumë siguri te qytetarët.

Lista e punonjësve të Policisë së Shtetit që do t’i nënshtrohen vlerësimin kalimtar dhe periodik, në shortin e parë (aktualisht në detyrë)

Nr Emër Atësi Mbiemër Pozicioni
1 Ardi Zenel Veliu Drejtor i Përgjithshëm i Policisë së Shtetit
2 Aida Sharaf Hajnaj Zv/Drejtor i Përgjithshëm i Policisë së Shtetit
3 Tonin Tom Vocaj Drejtor i Departamentit të Policisë Kriminale
4 Gjovalin Bardhok Loka Drejtor i Departamentit për Sigurinë Publike
5 Eduart Sali Merkaj Drejtor i Departamentit për Kufirin dhe Migracionin
6 Idajet Luftar Faskaj Drejtor i Departamentit të Marrëdhënieve Ndërkombëtare
7 Theodhori Stefan Gravani Drejtor i Departamentit për Shërbimet Mbështetëse
8 Arben Maman Saliu Drejtor i Drejtorisë Standarteve Profesionale
9 Rebani Kaso Jaupi Drejtor i Drejtorisë Menaxhimit të Informacionit dhe Mbrojtjes së të Dhënave
10 Albert Abdullah Dervishaj Drejtor i Drejtorisë së Rendit Publik
11 Mitat Fari Tola Drejtor i Drejtorisë së Policisë Rrugore
12 Sokol Selam Bizhga Drejtor i Drejtorisë së Forcave Lëvizëse Operacionale
13 Skënder Zef Doda Drejtor i Drejtorisë së Menaxhimit dhe Drejtimit
14 Xhevahir Farik Karaj Drejtor i Drejtorisë së Kufirit
15 Shaban Qazim Nexhi Drejtor i Drejtorisë së Migracionit
16 Gëzim Man Goçi Drejtor i Qendrës së Mbyllur të të Huajve e Kufirit dhe Migracionit
17 Nikoll Preng Rica Drejtor i Drejtorisë së Burimeve Njerëzore
18 Janaq Filip Xhelili Drejtor i Drejtorisë së Mbështetjes Logjistike (I transferuar përkohësisht)
19 Bledar Shyqyri Çeliku Drejtor i Drejtorisë Kundër Narkotikëve dhe Trafiqeve
20 Lutfi Haxhi Minxhozi Drejtor i Drejtorisë për Krimet Ekonomike dhe Financiare
21 Arben Col Dashi Drejtor i Drejtorisë kundër Krimeve ndaj Personit dhe Pasurisë
22 Pellumb Beshir Seferi Drejtor i Kabinetit te Drejtorit te pergjithshem te Policise se Shtetit
23 Bujar Zenel Ahmeti Drejtor i Drejtorisë Forcës së Posaçme Operacionale
24 Ardian Lefter Çipa Drejtor i Drejtorisë Mbrojtjes së Dëshmitarëve dhe Bashkëpunëtorëve të Drejtësisë
25 Artan Pajo Shkëmbi Drejtor i Drejtorisë Hetimore Qëndrore
26 Ernest Thoma Dimashi Drejtor i Drejtorisë së Teknologjisë së Informacionit
27 Arjan Sedat Rugji Drejtor i Drejtorisë së Protokollit
28 Andi Bahri Likaj Drejtor i Drejtorisë së Bashkëpunimit dhe Koordinimit (I transferuar përkohësisht)
29 Xhevahir Selam Çeloaliaj Drejtor i Institutit të Policisë Shkencore
30 Gledis Agron Nano Drejtor i Drejtorisë së Antiterrorit
31 Xhafer Hasan Bajrami Drejtor i Drejtorisë së Financave

Lista e punonjësve të Gardës së Republikës që do t’i nënshtrohen vlerësimin kalimtar dhe periodik, në shortin e parë (aktualisht në detyrë)

Nr Pozicioni Emri Mbiemri
1 Komandant i Gardës Gramoz Sako
2 Zv/ Komandant i Gardës Besim Shabani

Lista e punonjësve të SHÇBA që do t’i nënshtrohen vlerësimin kalimtar dhe periodik, në shortin e parë (aktualisht në detyrë)

Nr Pozicioni Emri Mbiemri
1 Drejtor i Përgjithshëm i SHÇBA Muhamet Rrumbullaku
2 Zv/Drejtor i Përgjithshëm Nuri Loca
3 Zv/Drejtor i Përgjithshëm Adriatik Ago
4 Drejtor i Drejtorisë së Hetimit Altin Curri
5 Drejtor i Drejtorisë së Verifikimit të Pastërtisë së Figurës dhe Monitorimit të Brendshëm Florian Sulejmani
6 Drejtor i Inspektimit dhe Ankesave Oltion Shehu
7 Drejtor i Drejtorisë Rajonale Tiranë Arben Caka
8 Drejtor i Drejtorisë Rajonale Durrës (Lezhë) Fatos Balla
9 Drejtor i Drejtorisë Rajonale Shkodër (Kukës Dibër) Edmond Papa
10 Drejtor i Drejtorisë Rajonale Elbasan Korçë Dritan Darda
11 Drejtor i Drejtorisë Rajonale Vlorë Gjirokastër Durim Sota
12 Drejtor i Drejtorisë Rajonale Fier, Berat Arben Frashëri/atsh