Lajmi i fundit

Objektivi qeverisë është lufta ndaj evazionit, formalitetit dhe rritja e ekonomisë.

Ministrja e Ekonomisë dhe Financave, Anila Denaj tha sot në një intervistë televizive se, realizimi i të ardhurave nuk shikohet vetëm në raport me planin por edhe me rritjen nga një vit në tjetrin dhe ne këtë vit ne jemi me një rritje 2.3% dhe ndërkohë ka shumë elementë të tjerë pozitiv. Por mbi të gjitha objektivi është lufta kundër evazionit dhe informalitetit si gangrenë e madhe e jetës sociale edhe ekonomisë së vendit.

Denaj tha se, “ne synojmë një rritje ekonomike 3-4% më shumë në ekonominë shqiptare por do të vendosim një standard të ri në ekonominë shqiptare”.

“Vetëm në tremujorin e tretë të 2019 ekonomia u rrit me 3,8% mos të harrojmë 6 mujorin e parë në kushtet e krizës politike dhe tre mujorin e fundit të vitit 2019 ku vendi u përfshi nga tërmeti, e megjithatë ekonomia u rrit 2.9% ndërsa rritja ekonomike në vijim synon rritje 4%”, tha Denaj . /atsh

Pak minuta më parë kanë lënë spitalin edhe nxënësit e fundit që po mbaheshin në observim në spitalin rajonal të Fierit, si pasojë e intoksikimit në ngjarjen e ndodhur në shkollën “Janaq Kinica”.

Pasi kanë marrë trajtimin e duhur mjekësor, të gjithë nxënësit kanë lënë spitalin.
Gjatë ditës së sotme, spitali rajonal i Fierit trajtoi rreth 60 nxënës me shenja të intoksikimit dhe neuroza paniku. Sipas mjekëve, gjendja e tyre shëndetësore paraqitet e mirë.

Nxënësi e gjimnazit “Janaq Kilica” në qytetin e Fierit janë dërguar sot në spital për shkak të disa problemeve me frymëmarrjen dhe në lëkurë.

Sipas Policisë së Fierit, është dyshuar se në shkollë është hedhur spraj piperi, që ka shkaktuar këto simptoma.

Gjithashtu nxënësit janë vizituar sot dhe ministrja e Arsimit, Sportit dhe Rinisë, Besa Shahini e cila ka parë nga afër gjendjen e gjimnazistëve e tyre./atsh

Enkelejda Muçaj do të jetë avokatja e re e Përgjithshme e Shtetit.

Këshilli i Ministrave miratoi në mbledhjen e sotme vendimin për emërimin e Enkelejda Muçaj në postin e Avokates së Përgjithshme të Shtetit.

“Në mbështetje të Kushtetutës dhe ligjit “Për Avokaturën e Shtetit”, me propozimin e Kryeministrit, Këshilli i Ministrave vendosi që Enkelejda Muçaj të emërohet Avokat i Përgjithshëm i Shtetit. Ky vendim hyn në fuqi menjëherë”, thuhet në

Më herët këtë post e mbante Artur Metani. /atsh

Operacioni Forca e Ligjit u ka dërguar sot kërkesat për vetëdeklarim të pasurisë dy shtetasve të dënuar për vepra të ndryshme penale.

Në njoftim thuhet se, “në zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL vijon intensivisht punën për kryerjen e veprimeve komplekse, në bashkëpunim me strukturat e tjera të Policisë së Shtetit”.

Në këtë kuadër, OFL u ka dërguar kërkesat për vetëdeklarim të pasurisë shtetasve: F. H., banues në Krujë, i dënuar për veprën penale “Vjedhja me dhunë”; T. Ç., banues në Elbasan, i dënuar për veprën penale “Trafikim i lëndëve narkotike”.

Brenda 48-orësh, këta individë, si subjekt i Ligjit Special, duhet t’u përgjigjen me shkrim të gjitha pyetjeve të OFL-së.

Më pas, përgjigjet e marra do t’i dërgohen SPAK-ut, për veprime të mëtejshme.

OFL bën me dije se të gjithë personat që iu është dërguar kërkesa me shkrim për vetëdeklarimin e burimeve të pasurisë, i kanë plotësuar formularët dhe i kanë dorëzuar pranë OFL-së, e cila ka vijuar me procedurat, sipas përcaktimit në Aktin Normativ nr. 1, të datës 31 janar 2020.

“OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë”, thuhet në njoftimin e Policisë së Shtetit./atsh

Sipas Shërbimit Meteorologjik Ushtarak, moti për ditën e sotme parashikohet me reshje shiu të herëpashershme me intensitet të ulët dhe mesatar në veriperëndim e perëndim në orët e mëngjesit.

Më tej do të përfshijnë të gjithë vendin, lokalisht në formën e shtrëngatave shoqëruar me shkarkesa elektrike.

Në të gjitha zonat malore e deri në lartësitë kodrinore do të ketë reshje dëbore, këto hera herës të dendura në veri e verilindje. Reshjet do të ndërpriten në orët e pasdites.

Era do të mbizotërojë nga veriperëndimi, hera herës e fortë përgjatë vijës bregdetare si dhe zonat luginore të vendit, duke u pasuar nga valëzim i forcës 4 dhe 5 ballë.

Temperaturat parashikohen:

QYTETET Temperaturat në °C Sigla
Shkodër 3/10 re shi
Kukës 0/7 re borë
Lezhë 4/13 re shi
Dibër -2/5 re borë
Durrës 6/13 re shi
Tiranë 3/12 re shi
Elbasan 1/11 re shi
Berat 0/12 re shi
Vlorë 6/13 re shi
Korçë -2/7 re borë
Gjirokastër -1/10 re shi borë
Sarandë 6/14 re shi
/atsh