Lajmi i fundit

Në seancën e dytë plenare të legjislaturës së X të Kuvendit të Shqipërisë është votuar Kryetari i Kuvendit të Shqipërisë.

Me 79 vota pro dhe 4 vota kundër, në krye të Parlamentit është zgjedhur Lindita Nikolla, e cila u propozua nga kryeministri Edi Rama në këtë detyrë.

Ishin 137 deputetë të cilët morën pjesë në votim, prej të cilave 83 ishin të vlefshme!

Porosia që Basha ju la më herët demokratëve u vu në zbatim, ata nuk votuan për Nikollën, por në shenjë pro teste grisën fletën e votimit.

Nga ana tjetër, ish Kryeministri Berisha pas betimit si deputet u largua pa marrë pjesë në votimin e kryetarit të Kuvendit.

Ndryshe nga qëndrimi i deputetëve të Partisë Demokratike, deputetët e LSI mbajtën një qëndrim ndryshe, ata votuan për kryetaren e re të Parlamentit, Lindita Nikollën.

Lajmi në përditësim…

Sali Berisha nuk do të jetë anëtar i Grupit Parlamentar të Partisë Demokratike në Parlamentin e Shqipërisë. Ky ishte vendimi që njoftoi mbrëmjen e djeshme kryedemokrati Lulzim Basha, i cili shtoi se ky vendim do të jetë deri në zbardhjen e plotë të çështjes së Berishës me Departamentin Amerikan të Shtetit.

Në seanncën e parë plenare që do të zhvillohet ditën e sotme Sali Berisha do t’i bashkohet Monika Kryemadhit dhe Petrit Vasilit, si deputetë që nuk do të jenë pjesë e ndonjë grupi parlamentar. Në këtë listë bëjnë pjesë edhe Agron Çela (LSI), Erisa Xhixho (LSI), Gertjan Deda (PSD), Gledis Çeliku (PSD) dhe Meri Markiçi (PSD).

Ndërkohë nuk dihet nëse aleatët e PD-së që u zgjodhën deputetë nga lista e koalicionit PD-AN do të qëndrojnë në të njëjtin grup parlamentar me PD apo do të krijojnë një grup të ri parlamentar, pasi kushtet i plotësojnë.

Këta janë deputetët opozitarë që mund të krijojnë një grup të ri parlamentar:

Agron Duka (PAA)

Andia Ulliri (PLL)

Dashamir Shehi (LZHK)

Eralda Bano (PR)

Fatmir Mediu (PR)

Lindita Metaliaj (PR)

Nustret Avdulla (PDIU)

Shpëtim Idrizi (PDIU)

Vangjel Dule (PBDNJ)

Kryedemokrati Lulzim Basha vendosi që të përjashtonte nga grupi i Partisë Demokratike, ish-kryeministrin Sali Berisha. Ky vendim i tij vjen pas vendimit të DASH për shpalljen non grata të tij.

Por Top Channel ka mësuar se disa deputetë kanë dalë kundër vendimit të Bashës për të përjashtuar Berishën.

Deputetët që kanë dalë kundër janë: Oerd Bylykbashi, Tritan Shehu, Albana Vokshi, Luçiano Boçi, Flamur Noka, Bujar Leskaj.

Kujtojmë se aktualisht në selinë blu është duke u mbajtur mbledhja e grupit dhe kryesisë së madhe të Partisë Demokratike.

Berisha tha se ky vendim nuk ishte dakorduar me Berishën për këtë vendim, gjë që nuk është aprovuar nga këta deputetë.

Konkretisht deputeti Bujar Leskaj ka thënë se ky vendim ishte i gabuar, ndërsa Flamur Noka ka thënë se me këtë vendim po mohohet historia e Partisë Demokratike.