Art-Kulture

UNESCO ka vlerësuar punën që po bën Shqipëria në drejtim të promovimit dhe mbrojtjes së vlerave të trashëgimisë kulturore.

Për të dytën herë brenda pak muajsh ministrja e Kulturës, Mirela Kumbaro është takuar me drejtoreshën e përgjithshme të UNESCO-s, Audrey Azoulay, takim ky që u mbajt në Paris, në selinë e UNECO-s, aty ku është hapur ekspozita “Një dritare në trashëgiminë kulturore të Shqipërisë”.

“Audrey Azoulay jo vetëm një mikeshë e mirë, por edhe një dashamirëse e vëmendshme e Shqipërisë për kauzat tona të përbashkëta: Edukimin dhe Kulturën. Kënaqësi dhe nder që të merrja përgëzimet e saj në emër të UNESCO-s, për punën që po bën Shqipëria me Trashëgiminë Kulturore”, thotë ministrja Kumbaro.

Ekspozita dhe takimi me drejtoreshën Audrey Azoulay në selinë e UNESCO-s vjen në kuadër të 60-vjetorit të anëtarësimit të Shqipërisë në këtë organizatë. Ekspozita u çel një ditë më parë nga ministrja e Kulturës dhe do të qëndrojë e hapur për disa ditë. Pjesë e kësaj ekspozite është një koleksion i ikonave bizantine, i piktorëve të rrallë shqiptarë. Me rastin e 60-vjetorit të anëtarësimit të Shqipërisë në UNESCO, në mesin e muajit tetor u organizua në Shqipëri një aktivitet, ku u evidentua puna kolosale e bërë ndër vite për të mbrojtur dhe promovuar vlerat e trashëgimisë tonë kulturore.

Pak mbi Shqipërinë në UNESCO…

Qyteti antik i Butrintit ishte pasuria e parë që u bë pjesë e trashëgimisë botërore në vitin 1992. Më pas vijoi puna me pranimin e Gjirokastrës, Beratit dhe Isopolifonisë. Aktualisht,  Shqipëria ka aplikuar pranë kësaj organizate me pasuri të tjera. Është duke u shqyrtuar dosja për praninë në po këtë listë të Liqenit të Ohrit për pjesën shqiptare, si zgjerim i pjesës maqedonase. Miratimi pritet të ndodhë në sesionin e korrikut 2019. Më pas do të aplikohet për qytetin antik të Apolonisë, Amfiteatrin e Durrësit, Varret e Selcës apo Kështjella e Bashtovës.

Ndërkaq, në bashkëpunim me UNESCO-n ka nisur puna për hartimin e Planit të Integruar të Menaxhimit të Parkut të Butrintit, i cili do të përfundojë vitin e ardhshëm./atsh

106 vjet më pas, në të njëjtën lagje ku u ngjiz ideja e Shqipërisë së Pavarur, në Bukuresht, Atashe Kulturor në Ambasadën e Shqipërisë, Soprano e mirënjohur Arlinda Morava, organizoi një mbrëmje magjike plot sharm e kulturë të denjë për festën më të bukur të Shqiptarëve, Ditën e Flamurit.

Në këtë mbrëmjes festive nuk munguan zonjat e fisshme të “Bucharest Ladies Quintet”, të drejtuar me plot virtuozitet nga violinistja Andreea Stefanescu.

Një vlerë e shtuar e mbrëmjes ishte Dorotheea Petrea, aktorja e shquar rumune, e cila interpretoi me mjeshtëri pjesë nga poezi të shkrimtarit tonë të madh Ismail Kadare./atsh

Tirana u përzgjodh ndër 3 finalistet për çmimin europian mbi veprimtarinë transformuese gjatë vitit 2018. Kryeqyteti shqiptar u vlerësua në mënyrë specifike për aksionin lidhur me rritjen e hapësirës së gjelbër urbane rreth qytetit. Tirana u vlerësua gjithashtu edhe për angazhimin e qytetarëve në aksionet e ndërmarra për transformimin e qytetit.

“Një pjesë e madhe e politikave të zbatuara gjatë kësaj kohe në qytetin e Tiranës kanë rënë në sy jo vetëm nga qytetarët e Tiranës por edhe përtej Tiranës”, tha Mazniku.

Për zëvendës kryebashkiakun e Tiranës, ky çmim i shkon të gjithë qytetarëve të Tiranës që morën pjesë në aksionin e pyllit orbital rreth e qark qytetit.

“Ne, gjatë sezonit të mbjelljeve, vitin që shkoi, prej muajit nëntor deri në muajin mars, prill arritëm të mbillnim më shumë se 126 mijë pemë”, deklaroi Mazniku.

Dy finalistet e tjera ishin Bolonja, për rritjen e angazhimit qytetar lidhur me rigjenerimin e komunave urbane dhe qyteti belg i Gentit, për transformimin e sistemit vendor të ushqimit nëpërmjet modeleve të qeverisjes pjesëmarrëse.

Një ngjarje e paprecedentë ka ndodhur në parapremierën e “Delegacionit” u shndërrua në një skenë fyese për të ftuarit, ku një prej tyre është edhe aktori i madh Ndriçim Xhepa. Ky i fundit, teksa shkonte për të parë filmin ku ka një ndër rolet kryesore, është ndaluar të hyjë nga rojet. Edhe pse i prezantua, ai nuk lejohej të hynte brenda ç’ka ka ngjallur irritimin e tij. Aktori ka dalë jashtë i fyer deri sa menjëherë kanë ardhur Agron Domin organizator i festivalit dhe Ilir Butkën kryetar i Qendrës Kombëtare të Kinematografisë. Të dy i kërkonin Xhepës të hynte në sallë, sepse interpreton në filmin që shfaqej, por ai tanimë refuzon.

“Nuk hyj brenda se nuk kam biletë. E kam parë filmin tre herë, nuk dua ta shoh më. Do rri jashtë të pi një kafe”. Ndërkaq, Ilir Butka dëgjohej të thoshte se ia kish dhënë biletën e tij kryeministrit, e Agron Domi, premton t’i japë Xhepës, biletën e tij. Xhepa refuzon, ata i luten, e tërheqin për krahu, tanimë bashkë me hostess-en e kinemasë që ka dalë nga dera që u përplas të gjithëve. Gazetarët janë përkrah, shohin çdo gjë, dëgjojnë çdo gjë, madje edhe e xhirojnë skenën. Xhepa pranon të hyjë pas lutjeve, i kërkohet ndjesë dhe i thuhet “se nuk e njohën”, shkruan gazetarja e kulturës Fatmira Nikolli e cila raporton mbi situatën e krijuar.

Ditët e fundit të Tetorit në Craiova  të Rumanisë  pas një pune gati 4 mujore u finalizuan “Ditët e Vlorës” ideuar dhe organizuar nga deputeti Fate Velaj dhe me mbështetjen e Bashkisë së Craiovës dhe Qeverisë Rumune.

Një tur shkëmbimesh kulturore që nisi me inagurimin e bustit te heroit tonë Kombëtar Skënderbeut të skulptorit Sali Koko i vendosur pranë Bulevardit “Nicolae Iorga”!Një cermoni emocionuese dhe mbreslënëse me pjesëmarrjen e deputetëve të Parlamentit Shqiptarë dhe Rumunë si dhe Kryetarit të Bashkisë Vlorë Dritan Leli,Prefektit dhe kryetarit të qarkut Vlorë Flamur Mamaj dhe Ervis Mocka.

Një nga sheshet e qytetit te Craiovës do te mbaj emrin e Heroit tonë Kombëtar Skënderbeut, busti i të cilit është realizuar nga skulptori Sali Koko.Nën një atmosferë feste inagurimi u bë nga deputeti Fate Velaj, deputeti Rumun Bogdan Stoica,Kryetari i Bashkisë së Craiovës si dhe Kryetari i Bashkisv Vlorë z.Leli.

Pas fjalimeve të rastit ishte Ansambli Polifonik “Cipini” që përshëndeti aktitetit me një minikoncert me këngë të repertorit të tyre !

Dita do te vazhdonte më tej me të tjera aktivitete në Universitetin e Craiovës në një konferencë dhe nënshkrimin e një Memorandumi bashkëpunimi midis dy Universiteteve si dhe  celja e ekspozitës fotografike me pejsazhe nga Vlora e mjeshtrit të fotografisë Ahmet Axhushi.

Mbyllet kështu turi i vizitave në Universitet për të kaluar në Bashkinë e qytetit me nënshkrimin e binjakëzimit të Bashkisë së Craiovës dhe Bashkisë së Vlorës nga kryetarët respektivë.

Aktivitetet vijuan dhe në ditë në vazhdim me koncertin e Aulon Nacit në Art Museum Craiova mbrëmje muzikore me vepra nga poetë Shqiptarë si Dritero Agolli, Ismail Kadare, Fatos Arapi, Visar Zhiti, Fate Velaj,etj interpretuar në rumanisht nga aktori rumun Angel Rababoc  me muzikë shqiptare, Piano-Aulon Naci, Violinë-Vilson Guri dhe Dejon Bendaj .

Gjithashtu u zhvilluan bisedime me administratorin e turizmit të qytetit 350.000 banorësh si dhe me atë të krahinës 1milion banorësh për hartimin e programeve turistike. Ata u shprehën të entuziazmuar për aeroportin e Vlorës dhe deshirojnë që me ndërtimin e tij, të ketë lidhje direkte, Vlore-Craiova.

“Ditët e Vlorës” vijojnë  me komedinë  “Njeriu që pa vdekjen me sy ” të Viktor Eftimiut luajtur mjeshtërishtë nga aktorët e trupës së Teatrit “Petro Marko” me regji të Elma doresit,skenografi të Drini Shehut dhe muzik të Artur Dhamos.Shfaqja u prit me duartrokitje dhe emocione nga publiku në Univeritetin e Arteve të Craiovës

Kështu u përmbyllën me sukses “Ditët e kultures Vlonjate ” në Craiova të Rumanisë ideuar dhe organizuar nga deputeti Fate velaj .

Ky ishte manifestimi disa ditor i vlerave kulturore , artistike dhe historike shqiptare dhe në vecanti vlonjate në  Rumani !

TV Kombëtar i Rumanisë, i kushtoi kronika të përditshme aktiviteteve që u realizuan  në kuadër të “Ditët e Vlorës” në Craiova./labërianews/

https://www.facebook.com/fate.velaj.9/videos/2267962373439529/?t=0

https://www.facebook.com/fate.velaj.9/videos/2266847503551016/?t=0

https://www.facebook.com/fate.velaj.9/videos/2266167396952360/?t=0

https://www.facebook.com/fate.velaj.9/videos/2266080053627761/?t=0