Intervista

Këngëtari i njohur, Sabiani, ka dhënë intervistën e tij të parë pas daljes nga shtëpia më e famshme në Shqipëri.
I ftuar në emisionin “Fun Club BB VIP” u shpreh se ka mbetur i habitur nga mbështetja e madhe që i ka dhënë publiku. Sipas tij, kaq mbështetje që ka tani nuk e ka pasur në 21 vite karrierë të suksesshme.

Duke folur për afrimitetin me Ilirin, këngëtari i njohur tha se është afruar me të për shkak se ishte i pjekur dhe kishte një karrierë të bukur e të vështirë.

Ndërsa i pyetur për marrëdhënien e mirë që pati me Donaldin, me të cilin Iliri ka pasur debate mjaft të forta, Sabiani u shpreh se “ai është një artist”.

“Donaldi nuk është djalë i keq, është djalë i mirë. Donaldi është artist, një djalë i talentuar, pak që nuk i kontrollon nervat. Ashtu si unë ndonjëherë. E ndjeja më afër atë se sa banorët e tjerë. Iliri donte të kuptonte se pse e doja kaq shumë Donaldin, se kam parë disa komente. Unë shikoja një artist të vogël, sa për jetën personale nuk e kam paragjykuar. Kisha Trixën që e njihja që nga jashtë, që 18 vjeçe. E shikoja si gocën time”, tha Sabiani.

Donaldi dhe Triksa janë çifti më i komentuar në BBV. Vëmendjes së tyre nuk i kanë shpëtuar as aktorë të mirënjohur.

Aktorja Rajmonda Bulku ka folur në lidhje me situatat e krijuara në Big Brother. Në një emison televiziv ajo tha se e ndjek herë pas here për shkak të Monika Lubonjës. Bulku tha se nuk i pëlqen fakti se Monikës i përmendin moshën, pasi aty mund të hyjë kushdo dhe të mos paragjykohet. Ndërsa për lidhjen mes Donaldit dhe Beatrix, Bulku tha se e sheh me syrin e aktores dhe se skenat e tyre janë të përshtatshme për filma er otikë.

‘Unë njoh një brez tjetër, ato vajzat e reja nuk i njoh. Kam parë një natë këtë çiftin e dashuruar. Ai djalë dhe ajo vajzë duhet ta thonë fort nëse janë të sinqertë në atë që bëjnë. Duhet ta mbrojnë atë që rrinë gjithë kohën të përqafuar. Një natë i kam parë që ata ishin një film. Aty jashtë, diku ishte një zja rr dhe kamera që kompozimet ishin shumë të bukura, ajo ka një portret më të bukur sesa ai vlonjati. Kamera kishte punuar për të qenë një skenë er otike pa u puthur dhe mua më pëlqeu shumë si xhirim. Ata kanë hyrë në një lojë. Por ata ishin shumë të bukur në atë xhirim’.

Motra e këngëtarit të njohur, Alban Ramosaj, Beatrix Ramosaj, prej disa javësh ndodhet brenda shtëpisë së “Big Brother VIP” dhe ka pak kohë që ka nisur një romancë me aktorin e humorit, Donald Veshaj.

Fillimisht vëllai i këngëtares së njohur u shpreh se ka qenë dakord me hyrjen e saj në BB VIP.

“Kisha mendime të ndryshme, por në fund thashë, pse jo?! Unë e njoh më mirë se kushdo Trixën, është njeriu më pozitiv dhe i sjellshëm. Ajo ka atribute që shumë femra duhet ta marrin shembull, pavarësisht se këto kohë është interpretuar ndryshe… Trixa është futur me një qëllim, të krijojë kujtime të bukura, të jetojë siç ka qejf, pa asnjë lloj djallëzie Është një njeri që jeton poetikisht dhe dëshiron të krijojë momente, tha Albani.

Ky i fundit foli gjithashtu dhe për raportin e saj me Donaldin dhe se si i ka përjetuar komentet në rrjet.

“Ka qenë pak shqetësuese, por kur rri mendoj, kuptoj që nuk kanë idenë çfarë po flasin. Nuk na prek sepse ne e dimë se kush është Beatrix, e vërteta gjithmonë del. Nuk kemi asnjë lloj shqetësimi, shqetësimi i vetëm është që më ka marrë malli… Unë jam shumë i lumtur. Ajo gjithmonë ka patur problem të gjejë dikë që ta dashurojë dhe ta dojë. Është shumë e mirë pa pikë djallëzie. Ajo motra ime jeton nëpër filma, dashuron pa kushte, lum ai që do mund ta bëjë për vete… Donaldin nuk e kam takuar asnjëherë, as nuk kam shkëmbyer asnjë fjalë të vetme me të”, tha Albani.