Intervista

Politikani Nard Ndoka ishte i ftuar special ditën e sotme në ‘Ndryshe’, në Top Albania Radio.
Ndoka, i cili ju përgjigj pa asnjë ngurrim disa pyetjeve shumë pikante nga prezantuesit, Salsano dhe Adi, foli për gjithçka rreth politikës, nisur nga mendimi i tij për situatën Berisha-Basha që po kryeson vëmendjen e mediave dhe duke vazhduar me Edi Ramën.

Por, politikani nuk mundi t’i shpëtonte pyetjes së momentit në lidhje me ‘trekëndëshin’ Bora-Donald-Beatrix!

“E kam ndjekur nëpër rrjete sociale. Me Donaldin, jam njohur nga një emision, ishte tip interesant. Kështu si e ka marrë do vazhdojë edhe me burrat (qesh)”, tha ai.

Nëse do të kishte një “Big Brother” me politikanë, ja cilat nga gratë e politikës do të donte brenda shtëpisë ai: “Do doja Spiropalin, Ballukun dhe Grida Dumën”.

Liri Berisha ka treguar në emisionin “Rudina” njohjen me Nënë Terezën dhe familjen e saj, histori të shkëputura nga jeta, të cilët i ka përmbledhur në librin e publikuar së fundmi që i dedikohet pikërisht kësaj figure të madhe.

Berisha ka rrëfyer se njohjen e dytë me Nënë Terezën e ka pasur atëherë kur ka parë në mediat italiane që kjo figurë e madhe e kombit shqiptar, mori çmimin Nobel për Paqen.

“Njohja e dytë ka qenë në më shumë se pas dy dekadash kur mediat italiane jepnin me bujë se një grua shqiptare mori çmimin Nobel të Paqes dhe kjo grua e imët në fizik, me atë çmimin në dorë thoshte me krenari se jam me gjak shqiptare, ishte hera e parë që bota mësoi prejardhjen e saj. Më vinte keq se televizioni shtetëror shqiptar e censuronte këtë lajm.

Aty mora vesh se Nënë Tereza ishte ajo vajza me emrin Gonxhe. Pasi ra komunizmi, e kam takuar disa herë, por ky takim ishte vërtetë kënaqësi, sepse më lidhte fëmijëria, familja, do takoja një grua që e nderonte gjithë bota dhe ishte shumë e çuditshme se si ajo deri 4 dekada nuk mund të futej në shtetin e saj. Kisha parë vuajtjet e nënës së saj”, është shprehur Liri Berisha.

“E kam njohur Nënë Terezën në moshën 15-vjeçare, në një kohë kur nuk dija se çfarë shkruanin gazetat e huaja për të, kur në Shqipëri nuk flitej asnjë fjalë, nuk e njihte askush. Në thellësinë time, më çonte emri i saj tek familja dhe origjina e saj, për të cilën kisha dëgjuar të flitej me shumë nderim për atë familje. Pastaj në rrugën e Kavajës ka qenë një shtëpi ku banonte motra dhe nëna e Nënë Terezës.

Ne shkonim shpesh atje, aty kam njohur nënën dhe motrën e saj dhe më bënte shumë përshtypje si në familjen tonë diskutohej për ato zonjat me një lloj nderimi dhe keqardhjeje. Një ditë, kur e pyeta mamin, kush janë ato dy gra, ajo më tha që nuk janë gra, por zonja. Atë kohë ishte e ndaluar fjala zonjë, ishte shoqe e lejuar. Pastaj më tregoi historinë e familjes së saj, për Nënë Terezën dhe si i ishte përkushtuar një misioni në Indi”, tha më herët gruaja e ish-kryeministrit Berisha.

Shkrimtari i njohur Zija Çela në një intervistë të gjatë për jetën në TCH me gazetarin Edi Manushi, kujtoi në një mënyrë ndryshe djalin e tij Dritanin, që u nda nga jeta në vitin 2005, nëntë muaj pasi vuajti nga sëmundja e ka ncerit. Në atë kohë, shkrimtari me bashkëshorten shkuan në Parma të Italisë, për të kaluar muajt e fundit me djalin e tyre të vetëm.

Në këtë intervistë, Zija Çela tregon natën e fundit me Dritanin që vu ante në shtrat dhe takimin siç e quan ai, me Zotin…

Ndalemi pak, si e shënjoi jetën tënde Zija, kjo ngjarje, dhe doja ta lidhja me atë takimin me Zotin që ti pate kur ishe i vogël, të tha ato fjalë që na tr onditi të gjithëve…

Tani ka qenë, përveçse biri im, ka qenë miku im më i madh se këtë e thonë gjithë baballarët për djemtë e tyre, ka qenë shok, mik bashkëpunëtor. Tani ka lënë libra të përkthyer nga letërsia italiane, disa kryevepra të Dino Buzatit, Palo Kalvinos e shumë të tjerëve të cilët vazhdojë të ribotohen.

Tani është nd arë nga jeta në moshën 36 vjeçare, ne i kemi ndenjur 9 muaj te koka në Parma në Itali. Kur erdhi nata e fundit, se mjekët e paralajmëronin, isha me time shoqe te dhoma dhe Tani ishte në hekën e fundit më është kujtuar episodi i Biblës kur Zoti, për të vënë në provë Abrahamin, sesa e donte zotin i kërkoi djalin. Abrahami e mori, i vu ri thi kën në qafë, por Zoti ia hoqi nga dora dhe i vuri dashin. Atëherë unë kam ngritur kokën dhe duke e ditur fort mirë se dash aty nuk kishte përveçse tim biri, kam ngritur kokën dhe i kam thënë: Zot, tashi, tashi merre Dritanin meqë e doke kaq shumë. Dhe me këto fjalë jam ndarë prej birit tim.

Kam parë gjithë atë javë që djelli lind këtej dhe Hëna është ala në qiell. Duket e çuditshme, sepse kozmozi ka trajketorët e veta dhe Hëna është zonja e Natës, fanari i Ditës është Dielli. Dhe pyes veten ndonjëherë: pse dalin këto? Pse thy hen rregullat e kozmosit? A mos vallë nga dëshira për ta parë njëri tjetrin? pa u përball dielli me hënën? Dhe në këtë fuqi kozmike depërton malli, malli për Dritanin. Dhe nganjëherë më duket sikur arrij të shoh sesi ndrin fytyra e tij atje te Parajsa e Zotit. Por kështu është jeta Zotit pyetje nuk i bëhen. Unë e ndjej që është brenda meje dhe pa i bërë pyetje me besim ecet përpara. Tani na ka lënë Lonën që e dua si bijën time sepse ajo nuk vuri fat tjetër, rriti fëmijet. La Kevinin djalin e vet 5 vjeç dhe vajzën 3 muajshe Livien. Ato janë dy zemrat e gjyshit.

Ermal Meta është një ndër shqiptarët i cili me talentin e tij ka ngritur lart emrin e Shqipërisë. Prej vitesh këngëtari po shijon majat e suksesit në Itali, mirëpo asnjëherë nuk e ka harruar ardheun e tij.
Së fundmi Ermali ka dhënë një intervistë për “Radio Italia” dhe “Corriere della Sera”, ku ka folur për këngën e tij më të re por edhe për jetën private.

Ai ka thënë se ka pasur një familje të tm errshme tradicionale duke shtuar se babai i tij nuk ishte një njeri i mirë.

“Familjet mund të jenë ose jo tradicionale. Ajo që nevojitet është dashuria: Unë kisha një familje tradicionale që ishte e tme rrshme. Babai im nuk ishte njeri i mirë, do të kisha preferuar një mijë herë diçka ndryshe. Pra, mendoni për fëmijët e dhu nuar ose gratë që v uajnë dh unën”, është shprehur Meta.

I pyetur në lidhje me Shqipërinë, Ermali është kthyer pas në të shkuarën duke thënë se shqiptarët kanë kaluar një kohë të vështirë.
“Shqipëria ka kaluar një kohë të vështirë. Kur isha i vogël ishte e ndaluar të dëgjoja muzikë të huaj, regjimi kishte fr ikë nga ajo që vinte nga jashtë, aq sa për të thënë “kazino” thoshim “Amerikë”. Kështu tha edhe gjyshja ime, burrin e morën kur ai ishte 30 vjeç dhe ajo ishte 24. Para se të vija në Itali, as nuk e dija se çfarë do të thoshte të shikoje jashtë. Mendoja për Italinë dhe mendoja boshllëkun. Kështu kur mbërritëm në Pulia më kujtohen rrugët e mëdha dhe të drejta, sepse në Shqipëri ishin të gjitha kthesa, për të mos zbarkuar ar miqtë”, shtoi ai.