Intervista

Kryebashkiaku i Bulqizës, Lefter Alla, u bë njeriu më “viral” pardje, teksa postoi me krenari në rrjetet e tij sociale një rrugë të shtruar në njësinë administrative që drejton. Mirëpo, kjo rrugë ishte krejt ndryshe nga të tjerat, e një modeli që nuk mund t’i shkonte në mendje as inxhinierit më të zot.

Në të dyja anët “shirita” prej betoni, ndërsa në mes bosh. Pak a shumë një imitim i rrugës së trenit, me shina betoni më të gjera se ato prej çeliku. Pati reagime të pafundme mbi këtë “shpikje” të Allës, u bënë mijëra “meme” me të, në fund u justifikua edhe vetë kryebashkiaku në fjalë, duke thënë se kaq janë mundësitë e bashkisë…

Megjithatë, “shpikja” e tij ka shkrirë së qeshuri cilindo që e ka parë, edhe një spikere televizive në një televizion lokal, e cila teksa ishte duke transmetuar (lexuar) lajmin në fjalë e ka humbur seriozitetin. Ajo ka shpërthyer në të qeshura, aq sa edicioni i lajmeve është eklipsuar tërësisht nga ky moment.

Me siguri, në këtë botë virtuale, e qeshura e spikeres së lajmeve është vërë tejet “virale”, tani po rivalizon në këtë drejtim edhe vetë rrugën e Allës. Në këtë rast nuk dimë si të themi, është për të qarë apo për të qeshur me investimin e kryebashkiakut të Bulqizës. Përgjigjen mund ta japë secili prej jush, nisur nga këndvështrimi që e shikon gjënë. Për spikeren televizive, ishte për “ta mbajtur barkun me dorë”…

Opinionistja e Big Brother VIP, Balina Bodinaku është prej vitesh partnerja e analistit e gaztearit të njohur Andi Bushatit. Edhe pse për disa kjo gjë ishte e panjohur, u desh që të ishte në qendër të mediave Bodinaku për të treguar disa detaje nga jeta e saj personale.

Në një intervistë Balina ka folur për marrdhënien e saj me partnerin dhe ka treguar se sa o kujdesshëm është ai në raport me opinioniste e Big Brother.

“Andi im është i kujdesshëm, është i pranishëm, është me mua në çdo gjë që bëj, e në çdo rast kur kam nevojë për dikë. I jam pafund mirënjohëse Zotit, universit, apo çfarëdo lloj force, apo rrethane që e solli në jetën time. Thënë kjo, ai do tallet me mua e do më ngacmojë një vit rresht, pasi të lexojë këto që po them për të. Dhe përveç kësaj, duke qenë ai vetë shumë diskret, e i rezervuar për jetën e tij, unë bëj mirë ta mbyll me kaq (Qesh)”,- ka thënë ajo.

Bedria, ka ardhur në “Ka Një Mesazh Për Ty” nga “E Diela Shqiptare” në Tv Klan me kërkesën e vajzës së saj, Veronikës. Kjo e fundit ka një mesazh për të, por përpara se Bedria të dijë se kush qëndron pas ekranit, ajo rrëfen historinë e saj me vajzën.

Veronika është arabe, e lindur në Itali, ku edhe jetojnë dhe Bedria e ka marrë fare të vogël në familjen e saj, ku e ka rritur me shumë dashuri. Bedria rrëfen se Veronikën e ka dashur që në momentin e parë, por e ka ndierë paragjykimin në Shqipëri kur vizitonte vendin, ndryshe nga Italia.

Bedrie: Kur erdha në Shqipëri, më shihnin shumë keq, kudo që ikja, në autobus, në dyqan. Kurse babai im ishte 102 vjeç dhe më la një amanet e më tha që: “Këtë vajzë rrite e kthehu në vendin tënd”. Unë vajzën e rrita, por kur ishte 7 vjeçe u fut asistenca sociale. Donin ta merrnin, “ku është i ati, ku është e ëma, pse fle këtu?”, unë s’kisha dokumente. Nuk kam lënë psikologe të komunave, arrita dhe në gjykatë e i thashë: Çfarë po bëj? Po rris një fëmijë. Nuk është pasuria për t’i dhënë kësaj fëmije. Po i jap dashuri”. Të gjithë u trembën që do ta merrte asistenca sociale, unë i bëra shumë ballë, pa dokumente, vetëm me dashurinë dhe unë e kam sot 21 vjeçe. Jam shumë e lumtur me familjen.

Ardit Gjebrea: Cili ishte momenti kur i ke treguar Veronikës që nuk është vajza jote?

Bedrie: Ka qenë vetëm tre vjeçe. Ardit Gjebrea: Aq e vogël?

Bedrie: Më thoshin të gjithë “mos i trego”, por unë nuk mbaj dot gjë, i dua drejt. Ishte tre vjeçe, e thirra te divani dhe i thashë” Veronika, unë jam mamaja jote, por nuk jam e vërteta. Mamaja e vërtetë quhet Nadia, por unë jam ajo që të kam rritur dhe unë do jem mamaja jote”. Ajo hyri në kuzhinë, qau dhe u kthye mbrapsht, m’u hodh në qafë. Që atë ditë ajo u rrit e lirë, sido që të flisnin njerëzit nga mbrapa, ajo e dinte të vërtetën dhe nuk i bënte përshtypje.

Pikërisht ky është edhe momenti kur Veronika shfaqet në ekran dhe Bedria nuk e pret aspak, por entuziazmohet thellësisht, duke treguar sërish sa të fortë e kanë lidhjen mes tyre.

Veronika: Ma… Bedrie: Shpirt.

Veronika: Dua të të falënderoj që më ke rritur, edhe pse e sëmurë, kur të thoshin që duhej të rrije atje, ti ktheheshe gjithnjë në darkë në shtëpi që mos të më lije mua vetëm sepse isha shumë, shumë e vogël dhe të dua shumë.

“Mjeshtrja e Madhe” e këngëve Myfarete Laze në një intervistë në emisionin “Fol me mua” në Fax News rrëfen të gjithë trajektoren e saj në muzikë dhe pse sot është më pak aktive me shfaqjen në skenë.

Është ndër këngëtaret e rralla aktive në muzikë, pavarësisht dekadave që ka në skenë. Skena nuk e lodh kurrë, madje e mban gjallë, por teksa vitet shkojnë, ajo gjithnjë e më tepër po kultivon te vetja filantropinë.

Laze thotë se nuk ka hequr kurrë dorë nga arti por vitet e fundit nuk ka pasur promovimin e duhur nga televizionet kombëtare. Ajo shprehet se edhe pse njerëzit mund të harrojnë shpejt, lajmotivi i një kënge të bukur nuk harrohet kurrë.

“Kam qëndru në skenë me ato vlera deri në momentin që e kupton kur duhet të tërhiqesh, ishte jetë e mbushur artistike”-tha ajo.

Pjesë nga intervista: –Këngëtare në vitet ’80 më një frymë të re europiane. Kishe një talent dhe karriera nuk ishte dhe aq e gjatë, a ndenje mjaft në skenën shqiptare?

Laze: Ardhja ime në skenë ka qenë krejt e rastësishme, erdhi nga kujdesia e prinderve të mi për prirjet që kasha por ajo që më formoi them se është studimi i kantos, gjë që jua sugjeroj të gjithë artistëve të rinj. Unë erdha nga një qytet me eksperienca të jashtzakonshme me artistë, me impostim vokal dhe zë gjoksi. Kuptohet që konkurrenca në Tiranë ishte e madhe.

-Sa vjec ishe kur dole për herë të parë në këngën e Festivalit?

Laze: 18 vjece. Erdha aty ku tërë këtan këngëtarë I kam adhuru dhe I kam imitu në shtëpi, doja të bëhesha si ata.

U prita shumë mirë, u martova, bëra fëmijë dhe kuptova që edhe familja e arti kanë rëndësi. Kam qëndru në skenë me ato vlera deri në momentin që e kupton kur duhet të tërhiqesh, ishte jetë e mbushur artistike.

Gjithmonë kam kënduar këngët e mia, që janë kompozuar vetëm për mua.

-Kur ka qenë kënga e fundit e krijuar për ty?

Laze: Kënga e fundit ka qenë para 2 vitesh, është një Festival qytetar me muzikë shkodrane dhe u bë një këngë për qytetin tim.

Është e bukur si kënga e bilbilit dhe kam fitu cmimin e parë.

E kam ruajtur këngën por nuk jam promovu sa duhet në Tv Kombëtare.
Njerëzit edhe harrojnë shpejt ama lajmotivi i këngëve të bukura nuk harrohet kurrë.

Nuk iu ndava festivalit deri në vitin 1994, pastaj kur u bënë këngët me playback u shkëputa. Pastaj u riktheva në 1999, ku ishte një kohë e frikshme dhe e zhurmshme.

Edhe unë isha shumë e paqartë nëse duhet të këndoja. Në vitet 2000 kam sjellë një këngë që ua kam kushtu të gjithë mërgimtarëve.

“Vace insistonte në fillimet e karrierës që të këndonim të dyja në Festival, unë dola jashtë në skenat e huaja, mora shkollë, ishte regjimi që nuk të lejonte të performoje cdo gjë ti doje.

Publiku bërtiste: Shkodrane, shkodrane!

Kjo gjë nuk më ka penguar për të marrë suksesin e këngës. Unë isha 18 vjece dhe detyrimisht do sillja dicka të re, dëgjoja shumë muzikë italiane. Nuk këndoja dot këngë franceze deri në vitin ’90 por edukohesha me to, i dëgjoja. Atëherë kërkohej një këngëtare ndryshe nga tenori dhe unë isha e talentuar në këtë drejtim.

Doktori i VIP-ave, Skerdi Faria edhe pse sot është një ndër mjekët më të pasur, fillesat e veta nuk i ka pasur edhe aq të lehta. I ftuar në emisionin ‘Glamour Zonë’, ai ka rrëfyer të kaluarën e tij plot sakrifica.

Ester Bylyku: Cila ka qenë periudha më e vështirë për ty? Që ti mbase e ke vuajtur

Skerdi Faria: Unë në Tiranë, kam qenë një konviktor. Mbaj mend që nuk ngopeshim me bukë. Por këto nuk i quaj vuaj tje, sepse edhe sot ka njerëz që nuk ngo pen me bukë, dhe ka njerëz që kanë vua jtur shumë më tepër se sa unë.

I burgosi përjetë Fabio Dushku në një intervistë telefonikë në studion e Shqipëria Live dha versionin e tij për rrëmbimin e Kozak Braçit,një personazh i njohur në Instagram.
Sipas Dushkut, nuk kemi të bëjmë me një rrëmbim, por ky ishte thjesht një ‘leksion’ sipas tij për Kozakun , për të cilin ai thotë se dikur kanë qenë miq, por ai e kishte tepruar prej kohësh me deklarata nëpër rrjetet sociale.

Dushku, i kërkoi falje edhe nënës së Kozakut , për rastin në fjalë.

“Me Kozakun, njerëzit e tij, kemi pas marrëdhënie të mira, më vjen keq për familjen e tij, nënës së tij i kërkoj falje, por Kozaku tejkaloi çdo limit njerëzor, unë jam në burg tani, ai merret me Instagram me gjëra, me rrjetet sociale degjenerohen kot, shahen, ky është shembull shumë i keq, i kanë trejkaluar sumë gjërat. Kozaku e nisi si me shaka, po i tejkaloi gjërat, e coi ku s’mbante më ujë pilafi, pastaj gjithë fisi im u ngrit, po u thashë lërë se do e zgjidhim”,tha Fabio Dushku në Shqipëria Live.

Pyetje: Rrëmbimin e nxite ti?

Dushku: Po çca rrëmbimi, aman, Kozakun thjesht e futën në makinë dhe i futën 5 shpulla, në një lagje tjetër, që të mos shkonte ndonjë nga fisi dhe ta vriste i dhanë një mësim ca shokë.

Dhe ajo u bë gabimisht publike, se shokët e mi duke parë ato çfarë ka bërë ai, nga adrenalina u futën live. Unë tani nuk jam shok me atë, po njerëzit i tij i kam miq kemi ngrënë në një pjat në burg. Rrjete sociale une s’kam se jam në burg, i përdor vëllai, im. Nuk tregohen dhëmbët në internet.

Avokati i njohur Spartak Ngjela ka treguar sot për herë të parë në një komunikim me rubrikën ‘Opinion’ në ‘News24’ be tejën e tij me koronavirusin.
Në një lidhje skype Ngjela tha se tashmë është negativizuar, ndërsa shtoi se virusin e kaloi në shtëpinë e tij dhe lehtë. Mes të tjerash avokati pohoi se ishte infektuar me Covid pasi kishte bërë vaksinën. Ndër të tjera ai tha se shumë pak njerëz të politikës e dinin.

“Shumë mirë jam. Kam përfunduar të gjitha. Dal, bëj, por ruhem nga korentet ende. E kalova në shtëpi. Isha post-vaksinë. 2-3 ditë pata shqetësim, kisha medikamente. Kisha pak temperaturë. Kam përshtypje që e kaluan edhe masën mjekët me përkujdesjen. Kryeministri dhe ministrja e Shëndetësisë se ka ditur kam përshtypjen. Kush më pyeti e thoja. I thoja në raport me veten time se nuk gënjej. Jo jo, s’kam pasur lidhje politike me ish-kryeministrin, por profesionale, medicinale (Me Bashën). Tani mund të hapet linja, pasi nuk e kanë ditur. As ju nuk e dinit.”, tha ai.