Debat

Murrizi u bëri thirrje ndërkombëtarëve që ta kuptojnë këtë situat, ndërsa i quajti deputetët e Kuvendit vemje që presin për të pasur një vend në Kuvend.

Ish-deputeti Myslim Murrizi ka qenë i ftuar ditën e sotme në “Breaking” në Top News teksa ka komentuar situatën mes grupeve politike në vend.

Sipas Murrizit e gjithë kjo situatë është një teatër të pështirë, teksa ai u bëri thirrje ndërkombëtarëve që ta kuptojnë këtë situat.

Ndër të tjera Murrizi i quajti deputetët e Kuvendit vemje që presin për të pasur një vend në Kuvend.

“Nëse shkojmë dhe u imponohemi qytetarëve shqiptarë që o do të zgjedhësh kryehajdutët e Ramës ose hajdutët që u bënë të urryer në 2013, nuk ëhstë zgjidhje kjo. Të jeni të bindur që nuk fitojmë besim dhe nuk shkundim zemra qytetarësh opozitarë, por dhe socialistë që kanë votuar Ramën që ujanë të mërzitur, në mllef apos që e urrejnë qeverinë Rama nga prerja në besë se çfarë u premtoi në fushatë apo çfarë bëri realisht, ky që flet në Shëngjin për legalizimin, mbani mend atë kur u ul në gjunjë në Kamëz me Pjerin Ndreun, nëse nuk legalizohen do të jap dorëhqejen, keni ujë sot?

Një muaj me Lulin, tre muaj me Mulin, tre muaj me Berishën, tre muaj nuk e dinë as vetë se ku janë, nuk i lënë. Basha bën pjesë tek ai grup njerëzish që unë fola, Basha ka qenë kalë nga 2005 deri në 2013, nëse është kujtu sot për të fol për mëkatet e qeverisjes së Berishës është shumë i vonuar, dua ta thotë një njeri që nuk ka qenë pjesë e tenxheres së atij pushteti, nuk njihnin as normë as gjë, duke qenë edhe LSI me ata, shif rrushi rrushin edhe piqen. Nuk lejohet të punosh një asnjë institucion kur je deputet, i kemi parë ato përralla në 2005, sot jemi në 2025 gati, ata të 2005, për ata që i besuan, se unë kam qenë armik në atë kohë, s’kam qenë pjesë e pushtetit 2005-2013 sepse nuk jam leckë këpuce, vemje që të pres për një karrige të qelbur në Kuvend në paradhomë të kryetarit, kam kandidu i pavarur dhe 100 herë të më kthesh në kohë 100 herë atë do të bëj, në 2005 e di që pati deklaruar 700 mijë dollarë, unë po flas për 2022, në kohë pandemie e kishte rrit pasurinë me 1 milionë e kusur euro, nuk lejohet deputet të punosh në asnjë organizëm ndërkombëtar, ai nëse është 007…, kishte tjetërsu pasurinë, edhe Basha mund të ketë pasur qejf për të përfituar sa më shumë nga rrëmbimi i vulës së PD, nga zvarritja në kalendrat greke pavarësisht në shkallë gjykate, që të futej në zgjedhje duke pasur vulën si hajdut, për të përfituar sa më shumë njga kjo situatë ku pjesa më e madhe reale e opozitës s’është as mish as peshk, por nuk e lënë dhe unë kam bindjen që edhe nëse nuk e kanë kuptuar akoma ndërkombëtarët teatrin e pështirë të këtyre që ditën bëjnë sikur zihen dhe natën ndajnë paratë me njëri-tjetrin prej 30 vitesh, i ftoj ta kuptojnë”, tha Murrizi.

Sali Berisha i ka cilësuar krejtësisht politike akuzat që rëndojnë ndaj tij dhe dhëndrit të tij, Jamarbër Malltezit.

Ai ka përjashtuar si opsion largimin nga funksionet e tij politike, ndërsa ka theksuar se do i shkohet të vërtetës deri në hallkën e fundit që është Gjykata e Strasburgut.

“Sot nuk është vetëm SKAP. Është një sistem, ka një Konventë Europiane të të Drejtave të Njeriut. Konventa Europiane e të Drejtave të Njeriut ju njeh të gjithë qytetarëve shqiptarë të drejtën e drejtimit në Strasburg.

Ka një gjykim publik pastaj për të gjitha gjërat dhe publiku është një gjykatë në vetvete. Është gjykata e ligjit, por është dhe publiku, është Strasburgu. Do të luftohet për të vërtetën deri në fund,” – u shpreh Berisha.

Sipas tij nëse gjendet një dokument i vetëm që vërteton fajësinë, ai nuk do të jetë më ai që është, por nënvizoi se nuk mund të pranojë asgjë të bazuar në gënjeshtra.

“Jeta ime është betejë për të vërtetën. 32 vite më parë, Sali Berisha ka qenë kardiolog, ndjehej kalorës ose princ në atë profesionin e tij, isha shumë i pasionuar pas shkencës, udhëtoja jashtë, brenda, kisha punime të publikuara në gjithë botën që janë dhe sot, pra vendimi im pa kthim për të luftuar diktaturën ishte betejë për të vërtetën, nuk ishte betejë për privilegje, unë i kisha, isha njeri i privilegjuar,” – u shpreh Berisha.

Ish-kryeministri Sali Berisha është vënë nën hetim për privatizimin e ish-kompleksit “Partizani”, ndërsa ndaj tij rëndon akuza e korrupsionit pasiv.

I ftuar në “Top Talk”, gazetari i kronikës Artan Hoxha ka deklaruar se situata në të cilën gjendet aktualisht kreu i Rithemelimit është pasojë e vendimit të Departamentit Amerikan të Shtetit për ta shpallur ‘non grata’.

Sipas Hoxhës, bazuar në precedentët e mëparshëm, dy janë mënyrat se si funksionon SHBA; të godasin direkt ose të thajnë burimet. Gazetari theksoi se kur Berisha u shpallë ‘non grata’ për minim të demokracisë dhe përfshirje në afera korruptive ishte paralajmërimi i parë për t’u tërhequr.
Fakti që ish-kryeministri vendosi të përballej duke mos bërë hap pas, solli pasojën tjetër, që është ‘tharja e burimeve’ që e financojnë në fushatat e tij; familjarët.

Artan Hoxha: Berisha nga vendimet e Departamentit Amerikan të Shtetit ka dy akuza kryesore; së pari, për minim të demokracisë në vend dhe së dyti, i përfshirë në aferat korruptive.

Tani nëse e shikojmë si fabul, përfshirë edhe mënyrën si kanë vepruar më parë SHBA-të për raste të ngjashme, ata kanë dy mënyra; ose të godasin direkt, ose të thajnë burimet. Në rastin konkret ata i dhanë ‘non grata-n’ Berishës me qëllim që ai të largohej dhe të tërhiqej. Berisha bëri të kundërtën, vendosi të përballej, kështu që ata ndërmorën hapin e dytë e ‘tharjes së burimeve’.

Unë mendoj se hapi tjetër i SPAK-ut do të jetë të godasë të gjithë rrethin e afërt të Berishës dhe paratë që financojnë aktivitetin e Berishës.

Gjithmon, kjo është ajo çka mendoj unë bazuar nga çfarë kam informacion apo procedura e ndjekur gjatë viteve të fundit në SPAK, bazuar edhe në kontaktet që kam pasur apor rastet kur kam shkuar vetë në Prokurorinë e Posaçme për të dhënë informacion si njeri mbi të dhëna që disponoja, sepse nuk mund të jem 100% i sigurt.

Amerikanët të godasin fillimisht në mënyrë të drejtëpërdrejtë dhe në qoftë se ti vendos të përballesh me ta, ata të thajnë burimet. Që të thajnë trungun, ata kanë vendosur të presin rrënjët. Por kush janë rrënjët në këtë rast? Nëse ti bllokon 5.4 milionë euro dhe vazhdon të kërkosh paratë tek familjarët e tjerë të rrethit të ngushtë të Berishës, atëhere praktikisht e lë atë si një qytetar i thjesht. E kthen në një njeri që nuk mund të përballet dhe të financojë një fushatë të tillë, fushatë që synon më tepër sesa të sqarojë organet e drejtësisë. Synon të mbajë rreth vetes përkrahësit, militantët e tij, dhe të krijojë një rrethanë ekstraligjore që t’i shpëtojë një përballje me drejtësinë. Në këto momente Berishës i mbetet vetëm të vendos se çfarë do të bëjë me vendimin që i ka komunikuar gjykata për detyrimin për paraqitje dhe dorëzimin e pasaportës për të mos lejuar lëvizjen jashtë territorit të Shqipërisë.