Aktualitet

Vlorë,takimi i PS me strukturat drejtuese të kësaj force politike në të gjithë jugun e vendit, nën drejtimin e Gramoz Rucit

Aktualitet, Politike / /

Nën drejtimin e kryetarit të kuvendit Gramoz Ruci, njëkohësisht dhe drejtuesi politik i PS-se për jugun e vendit, zhvillohet në Vlorë, takimi i PS- me strukturat drejtuese të kësaj force politike në të gjithë jugun e vendit, kryetaret e bashkive në të gjithë jugun, prefektet, deputetet dhe kryetarët e partive të kësaj force politike në jug të vendit.

Gramoz Ruci ka qenë i pranishëm në Vlorë, në kremtimin e 99 vjetorit të luftes së Vlorës, ndersa prania e tij në Vlorë ka vijuar dhe me këtë takim të rëndësishëm të PS-së për jugun, që vjen menjeherë pas nisjes së punimeve të kuvendit për këtë sesion të ri politik.

Takimi është zhvilluar me dyer të mbylluar, pa praninë e medias, ndërsa edhe informacionet rreth zhvillimeve që do të ketë ky takim kanë qenë mjaft të rezervuara.

Vlorë,takimi i PS me strukturat drejtuese të kësaj force politike në të gjithë jugun e vendit, nën drejtimin e Gramoz Rucit Read More »

Balliu: Prokuroria të nisë procedimin penal ndaj Kajmakut

Aktualitet, Opinione, Politike / /

“Agim Kajmaku i është shmangur drejtësisë, prokuroria duhet të nisë procedimin penal”, tha sot në një deklaratë për mediat, ish-deputeti i PD-së, Klevis Balliu.

Në vijim, Balliu tha se megjithëse provat tashmë i ka në dritë të diellit, Arta Marku e përfshirë nga ethet e konfirmimit, kërkon nga PD të dhënat që i ka në sistem.

“Sipas dokumentacionit zyrtar të autoriteteve greke rezulton e provuar se shtetasi Agim Kajmaku Alias Jorgo Toto i është shmangur drejtësisë greke për përballjen me një akuzë, që parashikon të paktën 10 vjet burg. Përveç kësaj ai ka mashtruar në formularin e dekriminalizimit, veprim ky që përbën vepër penale dhe prokuroria duhet të nisë menjëherë procedim penal ndaj të zgjedhurit të Vorë”, theksoi ai.

Po ashtu Balliu akuzon kryeministrin Rama për heshtje ndaj rastit të Agim Kajmakut.

“Provat e publikuara nga Partia Demokratike nuk mundet t’i kundërshtojë dhe as t’i mohojë dot”, tha ai. /atsh

Balliu: Prokuroria të nisë procedimin penal ndaj Kajmakut Read More »

Ruçi: 99-vjetori i Luftës së Vlorës,rrezaton në historinë e Shqipërisë

Aktualitet, Histori / /

Kryetari i Kuvendit, Gramoz Ruçi, mori pjesë sot në kremtimin e 99-vjetorit të Luftës së Vlorës, ndërsa një kurorë në nderim të luftëtarëve të Luftës së Vlorës.

Në ceremonitë kremtuese morën pjesë pasardhës të veteranëve të Luftës së Vlorës, veteranë të Luftës Antifashiste Nacional-Çlirimtare dhe pasardhës të tyre, deputetë, drejtues të pushtetit vendor dhe personalitete të jetës politike e shoqërore të Vlorës, historianë e studiues etj.

Në fjalën e tij Ruçi tha se sot të gjithë shqiptarët patriotë do të dëshironin të ishin në Vlorë. “Jo vetëm për Luftën e Vlorës dhe rrezatimin e saj në historinë e Shqipërisë. Por për bukuritë që ajo ofron si skela e parë në Europë. Për trimërinë, mençurinë dhe urtësinë që e karakterizon. Për hijeshinë që rrezaton ndër të gjitha viset shqiptare. Për mësimet historike dhe aktuale që na ka dhënë dhe na jep të gjithëve”, tha Ruçi.

“Ky vit është një vit i rëndësishëm për Shqipërinë dhe shqiptarët. Është viti i 75 vjetorit të çlirimit nga pushtuesit nazifashistë e kolaboracionistët. 2019 është pragu i 100 vjetorit të parlamentarizmit shqiptar, i vitit kur shqiptarët treguan se nuk janë vetëm një komb luftëtarësh, por edhe një popull që e do dhe punon për ndërtimin e demokracisë”, tha ai.

Më tej, Ruçi shtoi se është një koincidencë domethënëse që fillimi i parlamentarizmit dhe lufta e Vlorës kanë ndodhur në të njëjtin vit.

“Të dyja këto ngjarje ishin prova të fuqishme të zhvillimit politik të shoqërisë shqiptare, të rritjes së ndërgjegjes kombëtare dhe të bashkimit në emër të sovranitetit dhe integritetit të Shqipërisë. Fitorja e Vlorës ishte vulosja e fitores së Lushnjës”, tha ai.

Gjithashtu, Ruçi tha se Në këtë vit të 75 vjetorit të çlirimit, populli i Vlorës e Labërisë, si gjithë populli shqiptar, është krenar për kontributin që dha gjatë Luftës së Dytë Botërore.

“Unë kam ndjekur e përshëndetur të gjitha ngjarjet e shënuara të Luftës Nacional-Çlirimtare në këtë 75 vjetor. Kam inkurajuar përpjekjet e Qeverisë, të Komisionit të posaçëm për 75 vjetorin e çlirimit dhe të institucioneve për kremtimin e kësaj ngjarjeje monumentale me nderimin që i takon. Përgëzoj përpjekjet e organizatës së veteranëve dhe familjeve të dëshmorëve për përkujtimin dhe festimin e ngjarjeve kryesore të Luftës Antifashiste Nacional-Çlirimtare dhe ruajtjen e transmetimin e vlerave antifashiste.E vërteta e kësaj Lufte as mund të mohohet, as mund të errësohet. Asnjë kontribut tjetër nuk mund të sillte çlirimin e Shqipërisë pa luftën e Ushtrisë Nacional-Çlirimtare. Ishte lufta e Ushtrisë së partizanëve shqiptarë që e vendosi Shqipërinë në anën e duhur të historisë dhe në krahun e aleancës më progresiste të kohës”, tha ai./atsh

Ruçi: 99-vjetori i Luftës së Vlorës,rrezaton në historinë e Shqipërisë Read More »

Himarë mbyllet pika e grumbullimit të mbetjeve në Vishaj, nis rehabilitimi

Aktualitet, Problematika / /

Mbyllet përfundimisht pika e grumbullimit të mbetjeve në fshatin Vishaj, në hyrje të Himarës, duke zgjidhur një nga problematikat e hershme të venddepozitimeve ilegale të mbetjeve urbane.

Pasi ka përfunduar pastrimi i territorit pritet të nisë faza e fundit e rehabilitimit, që parashikon mbjelljen e pemëve për ta shndërruar zonën në një mjedis të gjelbër.

Ministri i Turizmit dhe Mjedisit Blendi Klosi shprehet se, “zgjidhim një nga problematikat e hershme të venddepozitimeve ilegale të mbetjeve urbane. Mbyllim përfundimisht pikën e grumbullimit të mbetjeve në fshatin Vishaj, në hyrje të Himarës, ku ka përfunduar pastrimi i territorit dhe ku pritet të nisë faza e fundit e rehabilitimit, që parashikon mbjelljen e pemëve me qëllim shndërrimin e zonës në mjedis të gjelbër”.

“Mbetjet urbane, që ndahen për riciklim do të shkojnë në stacionin e ri të stabilizimit të mbetjeve, ngritur në Vumblo të Himarës, ndërsa pjesa tjetër do të dërgohet në Bajkaj”, tha Klosi.

“Mbrojmë mjedisin, ulim nivelin e ndotjes, mbrojmë jetën e qytetarëve, zhvillojmë industrinë legale të riciklimit larg zonave turistike, në përputhje me standardet e BE-së, ulim kostot e transportit dhe sasinë e mbetjeve, që depozitohen në landfill”, përfundoi ministri i Turizmit dhe i Mjedisit Blendi Klosi. /atsh

Himarë mbyllet pika e grumbullimit të mbetjeve në Vishaj, nis rehabilitimi Read More »

Prindërit humbën jetën në aksident, 4 vajzat e familjes Karazajmi me shtëpi të re në Tiranë

Aktualitet, Lajmi i fundit / /

4 vajzat e familjes Karazajmi kanë një shtëpi të re në Tiranë. Lajmin e bëri të ditur ministrja e Mbrojtjes Olta Xhaçka sipas së cilës nuk ka emocion më të bukur sesa të qënit bashkë për të ndihmuar.

“Prej ditës së djeshme, 4 vajzat e familjes Karazajmi janë banoret më të reja të Tiranës. Me mbështetjen e qindra qytetarëve, të cilët iu bashkuan nismës së “Fundjava Ndryshe” ato kanë tashmë një shtëpi të re, shumë pranë shkollës së tyre”, shprehet ajo.

Po ashtu, Xhaçka shton se “Nuk ka emocion më të bukur sesa të qenit bashkë në ndihmë të 4 vajzave, prindërit e të cilave humbën jetën pak muaj më parë, si pasojë e një aksidenti.

“Faleminderit gjithkujt prej jush për solidaritetin dhe mbështetjen!”, shprehet ajo./atsh

Prindërit humbën jetën në aksident, 4 vajzat e familjes Karazajmi me shtëpi të re në Tiranë Read More »

Çelet thirrja e dytë për punësimin e ekselentëve, 219 pozicione të lira

Aktualitet / /

Departamenti i Administratës Publike (DAP) hapi sot thirrjen e dytë për punësimin e ekselentëve në administratën shtetërore.

DAP njofton se janë në dispozicion 219 pozicione pune, për të cilat të interesuarit mund të aplikojnë deri në 20 shtator 2019.

Kushdo që ka përfunduar studimet me mesatare 9 ose 10 dhe zotëron diplomë të çdo niveli përfituar nga viti 2015 e në vijim mund të aplikojë për këto pozicione pune.

Tashmë çdo student ekselent që është në kërkim të një vendi pune mund të aplikojë në platformën punetembare.al dhe dap.gov.al.

“Je në kërkim të një eksperience pune në administratën shtetërore? Mund të aplikosh tani në platformën punetembare.al dhe dap.gov.al ku janë 219 pozicione pune. Afati i aplikimit 20 shtator 2019”, njofton DAP.

Punësimi i ekselentëve në administratë është një proces i nisur në kuadër të Paktit për Universitetit dhe nismës “Administrata që Duam”./atsh

Çelet thirrja e dytë për punësimin e ekselentëve, 219 pozicione të lira Read More »

20 vite jetë sedentare dyfishon rrezikun nga vdekja e parakohshme

Aktualitet, Shendetesi / /

Të jetosh për 20 vite një jetë sedentare dyfishon rrezikun për vdekje të parakohshme në raport me ata që janë fizikisht aktivë për të njëjtin hark kohor, sipas një studimi norvegjez që është prezantuar në Paris në kongresin e Shoqërisë Europiane të Kardiologjisë dhe zhvilluar nga Universiteti Trondheim.

Shkencëtarët kanë studiuar të gjithë banorët e Norvegjisë nga 20 vjeç e sipër, duke vëzhguar në periudha të ndryshme kohore për 20 vite nivelin e tyre jetës sedentare apo aktivitetin fizik të zhvilluar, kështu që të mund të studiojnë ndryshime të mundshme të zakoneve në kohë.

Ata i ndanë kampionët në tre grupe, ata që nuk ishin aktivë, grupin që bënte aktivitete në mënyrë të moderuar dhe ata që bënin në mënyrë intensive.

Më pas janë regjistruar në kohë të gjitha rastet e vdekjes dhe arsyet e tyre. Sipas këtyre të dhënave doli se në raport me grupin e atyre që ishin aktivë për dy orë ose më shumë në javë, kush ishte dhe ka zhvilluar një jetë sedentare për një periudhë prej 20 vitesh kishte një raport dy herë më të lartë që të vdiste për shkaqe të ndryshme dhe tre herë më të lartë për shkak të sëmundjeve të zemrës.

Nga ana tjetër ata që zhvillonin një nivel mesatar të aktiviteteve fizike kishin një rrezikshmëri për vdekje prej 60% nga të gjitha shkaqet dhe 90% për shkak të sëmundjeve të zemrës në raport me bashkëmoshatarët që zhvillonin aktivitete fizike.

“Rezultatet tona tregojnë se për të arritur përfitimin maksimal për shëndetin nga ana e aktivitetit fizik në aspektin e mbrojtjes nga vdekja e parakohshme, duhet të jesh fizikisht aktiv ndër vite. Madje mund të reduktohet rreziku nga vdekja edhe duke u bërë aktiv fizikisht, edhe pse mund të kesh pasur një të kaluar të karakterizuar nga jeta sedentare”, shpjegon autori i këtij studimi, Trine Moholdt. atsh

20 vite jetë sedentare dyfishon rrezikun nga vdekja e parakohshme Read More »

Shtatori me temperatura në 33 gradë, si parashikohet moti në vazhdim

Aktualitet / /

Edhe pse me mbarimin e muajit gusht janë larguar edhe temperaturat e larta, muaji shtator pritet që të jetë i nxehtë sidomos në dhjetëditëshin e parë, ku temperaturat do të arrijnë deri në 33 gradë celcius.

Në një lidhje telefonike për News 24 sinoptikania, Lajda Porja tha se temperaturat e larta do të vijojnë edhe në shtator. Sipas saj temperaturat duke i krahasuar me gushtin janë më të ulëta por duke i krahasuar me temperaturat mesatare të muajit shtator janë 3 -4 gradë më të larta. Ndërsa reshjet intensive pritet që të jetë të spostuara në pjesën e dytë të vjeshtës, në muajin tetor dhe nëntor.

“ Ka pasur një rënie të lehtë të vlerave termike në orët e para të mëngjesit , duke e bërë disi më të freskët duke e krahasuar me muajin përvëlues që në sapo kaluam. Gushti në të gjitha ditët e tij ka pasur vlera termike shumë më të larta sesa ato normale.
Edhe pse temperaturat kanë pasur një rënie në orët e para të mëngjesin, në orët e mesditës pritet që temperaturat të luhaten nga 27-33 gradë. Duke i krahasuar me gushtin janë më të ulëta por duke i krahasuar me temperaturat mesatare të muajit shtator janë 3 -4 gradë më të larta. Parashikohet që temperaturat e larta të mbeten prezent deri në datën 10 shtator. Edhe në zonat bregdetare është një kohë shumë e përshtatshme për të gjithë ata që nuk kanë pasur mundësi të bëjnë pushime në muajin gusht.

Megjithatë pasditen e sotme pritet që të ketë zhvillim të vranësirave duke sjellë rrebeshe shiu, të cilat do të jenë kryesisht të përqendruara në zonat jug, juglindore por edhe në zonat qendrore, në Elbasan, Krujë dhe në Tiranë. Këto rrebeshe do të zgjasin shumë pak. Në bregdetin e Jonit gjatë pasdites dhe mbrëmjes pritet të ketë erëra deri në 64 km\h duke bërë që deti të jetë mjaft i trazuar.
Por kjo situatë do të jetë vetëm sot pasi nesër pritet që këto reshje të zhvendosen vetëm në ekstremin verior dhe kryesisht në zonat lokale qendrore në malësinë e Elbasanit, apo edhe në Krujë e më pas pjesa tjetër do të jetë e qëndrueshme.
Krahasuar me vendet fqinjë, Italia, Bosnja, Serbia dhe Mali i Zi të cilat presin gjatë këtyre dy ditëve stuhi të fuqishme të erës, rrebeshe shiu, Shqipëria megjithëse do të ketë reshje nuk pritet që të ketë reshje problematike.
Pra shtatori parashikohet që të ketë shumë ditë me diell dhe me temperatura të larta sic është parashikuar, do të ketë shumë pak ditë më shi. Ndërkohë që ditët me shi pritet që të vijnë në dhjetëditëshin e fundit të shtatorit por me intensitet të ulët. Ndërsa reshjet intensive pritet që të jetë të spostuara në pjesën e dytë të vjeshtës, në muajin tetor dhe nëntor”- tha sinoptikania Lajda Porja.

Shtatori me temperatura në 33 gradë, si parashikohet moti në vazhdim Read More »