Aktualitet

Dashi

Gjatë kësaj fundjave duhet të bëni kujdes në raport me të tjerët, si në familje edhe në punë. Duket sikur jeni gati për luftë dhe çdo gjë mund të shkaktojë sherr, edhe pse nuk jeni ju provokuesi i problemeve. Do të jeni gati për tu përballur ndaj çdo provokimi, duke u përgjigjur në mënyrën më të ashpër të mundshme, ndaj këshillohet që të ruani qetësinë sa më shumë.

Demi

Kjo fundjavë do të rezervojë për ju dy ditë rikuperimi, të cilat do ju shërbejnë për të harruar një javë aspak pozitive. Kjo është një periudhë e veçantë në jetën tuaj, gjatë së cilës jeni përballur me shumë ndryshime të cilat ju kanë transformuar. Kjo gjë do ju shërbejë për mirë, pasi nuk do të pranoni në mënyrë pasive vendimet e të tjerëve, vetëm për ti kënaqur dhe duke dëmtuar vetëm. Ka ardhur momenti që të mendoni më shumë për veten tuaj.

Binjakët

Ju pret një ditë pozitive, edhe sepse Hëna nuk është më në kundërshti me ju. Gjatë kësaj fundjave, çdo gjë do të ecë më së miri në dashuri, ndaj përfitoni për të bërë projekte me partnerin/en, për të rikuperuar kohën e humbur.

Gaforrja

Gjatë kësaj jave mund të ndiheni disi të lodhur dhe kjo gjë do të bëjë që të mos çoni deri në fund çdo synim që i keni vendosur vetes. Mundohuni që të mos stresoheni për këtë gjë. Raportet ndërpersonale do të përmirësohen, ndaj përfitoni për tu relaksuar.

Luani

Kjo ditë është mjaft pozitive sa i takon çështjeve profesionale, sidomos për ata që e kanë të përqendruar punën pikërisht në këtë periudhë. Sa i takon dashurisë, këshillohet që të jeni të sinqertë. Mundohuni që të jeni edhe më të kuptueshëm me njeriun që doni.

Virgjëresha

Të lindurit e kësaj shenje i pret një ditë e bukur sa i takon dashurisë, ku yjet do të jenë në favorin tuaj, por do të jenë edhe më shumë duke nisur nga 8 tetori, në sajë të kalimi tranzit të Venusit, ndaj përfitoni. Kush është vetëm duhet të frekuentojë vende dhe njerëz të rinj, pasi mundësitë nuk do të mungojnë. Ata që janë çift prej kohësh, do mund të mendojnë për projekte të rëndësishme.

Peshorja

Ju pret një e shtunë stresuese dhe nën ritmin e duhur, gjatë së cilës do të ketë dyshime në dashuri. Mos merrni vendime të nxituara, pasi shpesh inati do ju shtyjë që të reagoni keq. Do të jeni disi të lodhur edhe fizikisht, ndaj mundohuni që të përfitoni për të pushuar më shumë.

Akrepi

Kjo e shtunë do të jetë neutrale, por pas pak ditësh do të merrni rezultatet e shpresuara në sferën profesionale. Duhet të tregoni më shumë kujdes ndaj shëndetit dhe formës fizike.

Shigjetari

Përfitoni nga kjo fundjavë për t’iu dedikuar vetes, duke u kujdesur më shumë për shëndetin tuaj dhe për të pushuar më shumë. Duhet të rrisni vetëvlerësimi, pasi çdo problem me të cilin do të përballeni, do të rezultoni fitimtar.

Bricjapi

Gjatë kësaj fundjave mund të ketë të papritura në dashuri! Mund të përballeni me debate të vogla apo probleme me të cilat duhet të ballafaqoheni papritur, shkruan noa.al. Mundohuni që ti përdorni fjalët me kujdes dhe të shmangni tensionet.

Ujori

Do të keni dëshirë që të ndiheni të përkëdhelur ose të përkëdhelni dikë, ndoshta duke i blerë një dhuratë. Mundohuni që krahas diçkaje materiale, ti dhuroni pak qetësi dhe relaks. Në këtë periudhë jeni lodhur shumë, ndaj keni nevojë që të pushoni.

Peshqit

Kjo e shtunë do të sjellë rikuperim pas një jave mjaft të ngarkuar. Ka ende disa shqetësime që nuk ju lënë të qetë, por mundohuni që ti largoni vetëm për pak, pasi keni nevojë që të qetësoheni paksa.

“Reforma në Drejtësi të marrë përpara gjithë këtë pisllëk zhuli. Janë ca njerëz që nuk kanë kaluar akoma në Veting, të cilët duan të kapërcejnë çdo lloj radhe për të kaluar në “sitë”,- tha zv.kryeministri Erjon Braçe, pas daljes nga seanca gjyqësore ndaj ish-kreut të Kadastrës së Durrësit, Liridon Pula, ku ishte i pranishëm.

Në një prononcim për mediat, Braçe tha se në drejtorinë e Regjistrimit të Pasurive në Durrës apo ALUIZN-in, ne kemi pas probleme kohë pas kohe, probleme të vjetra të trashëguara nga mënyra se si janë administruar këto zyra.

“Kohë pas kohë ka pasur lëvizje të drejtuese dhe ndjekje penale. Pikërisht se prokuroria ka ngritur një akuzë kundrejt një punonjësi që është dhe drejtuesi i zyrës së re, pra Agjencisë Shtetërore të Kadastrës. Prokuroria ka ngritur një akuzë kundrejt drejtuesit të zyrës së re, të Kadastrës, nuk bëhet fjalë për Hipotekën, Aluiznin, por i referohet një institucioni të ri bazuar funksionimi i tij mbi një ligj tjetër të ndryshëm nga ligjet për dy institucionet e mëparshme”, theksoi ai.

Braçe tha se i takonte të ishte aty për të parë akuzën që ka ngritur prokurori ndaj një punonjësi të shtetit shqiptar dhe natyrisht për të dëgjuar punonjësin në dëshminë e tij përkundrejt akuzës të ngritur nga prokurori.

“Pa më të voglin diskutim që është akti final i një historie të gjatë gati një mujore, shantazhi presioni, shantazhi kriminal mbi punonjësin që sot ishte me pranga në sallën e gjyqit. Presioni kriminal që nuk është bërë për çështjen në fjalë për të cilën është akuzuar por për pallate monstruoze që duhet të legalizohen në këtë qytet dhe të regjistrohen në këtë qytet. është bërë jo për çështjen, por presion në mënyrë të qartë për disa vjedhje të tjera, të mëdha shumë të rënda, në kohë të ndryshme në zonën e Gjirit të Lalëzit dhe më tutje duke ardhur për Durrës”, tha ai.

Po ashtu Braçe tha se “Ai punonjësi i shtetit atje sipër pavarësisht shantazhit në të cilin ka qenë ka refuzuar të bëhet pjesë e këtyre veprimeve kriminale dhe unë dyshoj shumë pas asaj që dëgjova përreth një orë e gjysmë që e gjithë akuza e ngritur me të është e paprovuar mbështetur në prova dhe në fakte por ka edhe lajthitje marramendëse që u referohen rregulloreve që sot nuk janë në fuqi që i kërkojnë drejtuesit të Kadastrës Shtetërore të sillet si drejtor i institucioneve që kanë qenë më parë”.

“Të akuzosh për shpërdorim detyre duhet të provosh që vepra që ka konsumuar është kryer me dashje, dhe duhet të provosh vepra ka sjellë dëme, publike, pra shtetit, private, qytetarit. Duhej të ishte e provuar që drejtuesi i Kadastrës duhej të kishte sjellë dëme të qarta mbi shtetin, dhe dëme mbi privatët. Kompanitë që ka bërë ndërtime në Lalëz ose partnerët e saj që janë pronarët e truallit, nga asnjëri nuk ka asnjë pretendim mbi veprimet që ka bërë Regjistruesi. Kjo tregon që çdo gjë në gjykimin tim personal është e stisur dhe prokurori dhe gjykatësja në fjalë do duhet të provojnë në Apel ato që edhe pasi u vu në diskutim, prokurori tha: Ne deri në këtë moment kemi këto, nëse ju do sillni prova të tjera ne mund të ndryshojmë qëndrim. Duhet të theksoj se në referencë të Kushtetutës nuk është i akuzuar që sjellë prova, duhet të jetë prokurori që sjellë prova. Nuk është i akuzuari që sjell prova, por prokurori që duhet të vërtetojë fajësinë. E kuptoni se në ç’shkelje të rëndë kushtetuese është ky prokuror?”, tha ai

Braçe vuri theksin të Reforma në Drejtësi dhe Vetingu i gjyqtarëve dhe prokurorëve dhe për disa duhet dhe kapërcyer çdo radhe për t’i futur në sitë.

“Vazhdoj të insistoj se reforma ne drejtësi të marrë përpara gjithë këtë pisllëk zhuli. Ky është vetëm një rast, por imagjinoni sa raste të tjera ka që qytetarët merren në qafë nga zhuli dhe krimi që është i instaluar në mënyrën më të qartë të mundshme në sistemin e drejtësisë. Janë ca njerëz që nuk kanë kaluar akoma në Veting, të cilët duan të kapërcejnë çdo lloj radhe për të kaluar në Veting për t’i dhënë fund krimit përkundrejt interesit publik dhe qytetarëve”, theksoi ai. /atsh

Shqipëria renditet ndër 10 shtetet me kabinet qeveritar më të balancuar sa i përket gjinisë.

Bashkë me Spanjën, Finlandën, Nikaraguan, Suedinë, Ruandën, Kanadanë, Kolumbinë, Kosta Riken, Salvadorin, Shqipëria renditet ndër 10 shtetet në botë me përfaqësim të lartë gjinor, sipas Rrjetit Ndërkombëtar të Njohurive të Grave në Politikë.

Aktualisht ka 22 kabinete të balancuara gjinore, nga të cilat 14 kanë të paktën 50% të grave ministra.
Sipas Rrjetit Ndërkombëtar të Njohurive të Grave në Politikë, gratë vazhdojnë të jenë nën-përfaqësuar globalisht në pozicione udhëheqëse politike. Të dhënat nga UN Women dhe Harta e Grave në Politikë e Unionit Ndër-Parlamentar 2019 tregon se gratë përbëjnë 24.3% të të gjithë parlamentarëve dhe 20.7% të ministrave të qeverisë, në janar 2019.
Megjithëse është larg nga barazia dhe ekuilibri gjinor, kjo përfaqëson një kohë të mirë për gratë në politikë.
Sipas të njëjtave të dhëna, vetëm nëntë vende kishin 50% ose më shumë gra në pozita ministrore më 1 Janar 2019. Këto ishin Spanja (64.7%), Nikaragua (55.6%), Suedia (54.4%), Shqipëria (53.3%) , Kolumbia (52.9%), Kosta Rika (51.9%), Ruanda (51.9%), Kanada (50%) dhe Franca (50%).

Më poshtë jepen edhe të dhënat në lidhje me barazinë dhe kabinetet e balancuara gjinore. Që nga 1 shtatori 2019, ka 14 kabinete qeveritare të përbëra nga të paktën 50% e grave janë ministre:

1. Spanjë

Kabineti aktual i kryeministrit të kujdestarisë Pedro Sánchez përfshin gjashtë burra dhe dhjetë gra, duke e bërë Spanjën vendin me përqindjen më të lartë të grave ministra me 62.5%.

2. Finlanda

Qeveria e kryeministrit Antti Rinne është e përbërë nga shtatë burra dhe 11 gra ministra. Përqindja e grave ministra është 61.1%. Klikoni këtu për të mësuar më shumë.

3. Nikaragua

Kabineti aktual i Presidentit Daniel Ortega Saavedra përfshin shtatë burra dhe dhjetë gra. Pjesa e grave ministra është 58.8%. Klikoni këtu për të mësuar më shumë.

4. Suedia

Suedia ka qeverinë e parë të vetëshpallur feministe në botë. Kabineti i kryeministrit Stefan Löfven është i përbërë nga dhjetë burra dhe 12 ministra gra. Përqindja e grave ministra është 54.5%. Klikoni këtu për të mësuar më shumë.

5. Shqipëria

Kryeministri dhe Ministri i Punëve të Jashtme Edi Rama riorganizuan kabinetin e tij në fund të vitit 2018. Qeveria përbëhet nga tetë ministra gra nga gjithsej 15, duke sjellë proporcionin e grave ministra në 53.3%.

6. Ruanda

Qeveria e kryeministrit oudouard Ngirente përfshin 25 ministra, ndër të cilat 13 janë gra (52%). Ruanda ka përqindjen më të lartë të grave deputete në Dhomën e Deputetëve të saj me 61.3%.

7. Kanada

Me marrjen e detyrës në nëntor 2015, Kryeministri Justin Trudeau emëroi një kabinet barazie. Pas riorganizimit më të fundit në Mars 2019, barazia gjinore mbeti me gjithsej 17 burra dhe 17 gra ministra.

8. Kolumbia

Presidenti Iván Duque njoftoi kabinetin e parë të barazisë në Kolumbi në gusht 2018. Ekipi aktual qeveritar është i përbërë nga tetë burra dhe tetë ministra gra.

9. Kosta Rika

Kabineti aktual prej 24 anëtarësh i Presidentit Carlos Alvarado përfshin aq burra sa gra ministra. Klikoni këtu për të mësuar më shumë.

10. El Salvador

Më 1 qershor 2019, Presidenti Nayib Bukele njoftoi në përurimin e tij një qeveri barazi me tetë burra dhe tetë ministra gra.

11. Guinea-Bissau

Në korrik 2019, një dekret presidencial njoftoi një qeveri të re nën udhëheqjen e Kryeministrit Aristides Gomes me tetë burra dhe tetë ministra gra.

12. Haiti

Kryeministri i ri Fritz-William Michel njoftoi një kabinet pariteti në korrik 2019. Megjithatë, një riorganizim qeveritar një muaj më vonë, barazia u mbajt me nëntë burra dhe nëntë gra ministra.

13. Moldavia

Në qershor të vitit 2019, zonja Maia Sandu u zgjodh Kryeministre e Moldavisë nga Anëtarët e Parlamentit. Qeveria e saj e re është e përbërë nga pesë burra dhe pesë gra ministra.

14. Afrika e Jugut

Në maj të vitit 2019, kabineti i dytë i Presidentit Cyril Ramaphosa u përurua. Përfshinë 14 burra dhe 14 gra ministra.

Pranë barazisë, por jo mjaft, aktualisht ekzistojnë tetë kabinete të balancuara gjinore ku gratë zënë të paktën 40% të posteve ministrore. Këto janë Franca (48.6%), Etiopia (47.6), Peru (47.4), Norvegjia (42.8%), Zvicra (42.8%), Seychelles (41.6%), Gjermania (40%) dhe Islanda (40%).

Pak historik për përfaqësimin e grave në politikë në nivel qeveritar

Kuotat janë opsioni më i mirë për të siguruar përfaqësimin e grave, çka bëri që për herë të parë në historinë e Shqipërisë, parlamenti në 2017 të përfaqësohej nga numri më i lartë i grave ministre.

Kështu, për herë të parë në historinë e Shqipërisë në 2018, Parlamenti pati numrin më të lartë të grave ministre (10 nga 20 ministra në qeverinë me prurje teknike dhe 7 nga 14 ministra në qeverinë e re 2017). U zgjodhën 39 gra deputete, 22 prej të cilave për herë të parë si përfaqësuese në Parlament.

Aktualisht, kabineti qeveritar përbëhet nga kryeministri i vendit, zv/kryeministri, 6 ministra burra dhe 8 ministre gra. //atsh

Programi IPARD II, financon grant 65% të vlerës së investimit 10 mijë deri 400 mijë euro në agroturizëm.

“Diversifikimi i fermave dhe zhvillimi i biznesit” ose siç njihet ndryshe “agroturizëm”, është një prej masave që do të vijojë të mbështesë programi IPARD II, në mbështetje të bujqësisë edhe në thirrjen e dytë të aplikimeve që hapen më 30 tetor 2019.

Agjencia e Zhvillimit Bujqësor dhe Rural, njofton se, programi IPARD II, shënon një buxhet total prej 10.87 milionë euro në këtë thirrje.

Përqindja e mbështetjes me fonde publike është 65% e totalit të shpenzimeve të pranueshme të investimit, për projekte që kapin vlerën e financimit me një minimum vlere 10,000 euro dhe maksimum investimi 400,000 euro./atsh