Aktualitet

Një muze i vyer për përdoruesit e Instagramit, është hapur në Vjenë, me hapësira interaktive për të rinjtë që të krijojnë artin e tyre. I mbushur me mure shumëngjyrëshe dhe objekte gjigande, muzeu ka gjithçka që nevojitet për selfien perfekte.

“Numri i të rinjve që shkojnë nëpër muze ka rënë ndaj ne po përpiqemi ta luftojmë këtë fenomen me median sociale”, thotë Petra Scharinger, bashkëkrijuese e muzeut Nofilter.

Ata preferojnë të jetojnë online në vend që të ndërveprojnë me botën reale.
Të rinjtë, janë mes përdoruesve më të mëdhenj të sajteve të medias sociale. Në Britani, nëntë nga 10 adoleshentë përdorin mediat sociale si Instagrami, Facebooku dhe Whatsapp. Muzeu është i mbushur me ekspozita interaktive që ftojnë njerëzit të argëtohen. Ka 24 salla të ndryshme në muze.

Muzeu Nofilter në Vjenë i bashkohet kështu një numri homologësh anë e mbanë botës që kanë në shënjestër përdoruesit e medias sociale.

Një shembull është Muzeu i Akullores në SHBA, që ka rezultuar shumë popullor dhe ka më shumë se 390 mijë ndjekës në llogarinë e tij në Instagram. /atsh

Edhe pse shpesh debatohet për atë se kush tradhton më shumë, mashkulli apo femra, na duhet patjetër t’ju themi që gjërat janë pak a shumë të barabarta, mirëpo është çështja se a mashtrojnë për shkaqe të njëjta.

Madje, 50 për qind e femrave të martuara dhe 60 për qind e meshkujve të martuar në ndonjë moment të jetës kanë pasur aferë dashurore, janë rezultatet e hulumtimit të revistës “The Journal of Couple and Relationship Therapy”.

Ekspertët për lidhje ndërmjet çifteve kanë provuar të sqarojnë se cili është shkaku që femrat vendosin të tradhtojnë.

Duke pasur parasysh që situata e secilit është e veçantë, e kishin të vështirë që të zgjidhnin një shkak të vetëm për ç’arsye femrat tradhtojnë.

Derisa disa besojnë që meshkujt tradhtojnë vetëm për shkak të nevojave fizike, ndërkaq femrat tradhtojnë për shkak të nevojave emocionale, në realitet, gjërat janë shumë më të komplikuara.

Ekspertët thonë që meshkujt duhet të mbajnë në mend një gjë, që femrat në vend të parë janë femra, pastaj janë bashkëshorte dhe nëna.

Nëse mashkulli fillon të mos i kushtojë kujdes dhe nuk tregon afsh ndaj bashkëshortes së vet, nuk do të duhej të befasohej nëse ajo ato i kërkon te dikush tjetër.

Fermerët po rrisin interesin e aplikimit pranë Agjencisë së Zhvillimit Bujqësor dhe Rural, me investime të reja në bujqësi dhe blegtori, për të përfituar financim nga Skema Kombëtare të mbështetjes.

Të dhënat e fundit të përditësuara nga Agjencia e Bujqësisë dhe Zhvillimit Rrural tregojnë se për të gjitha masat që mbështet kjo skemë ka pasur aplikime që në total kapin shifrën 1476. Në këtë shifër nuk përfshihen aplikimet për dorëzim prodhimi për anije peshkimi.

Sipas AZHBR-së, për masës 1: Për tufën bazë të matrikulluar me dele/dhi, shënohen 550 aplikime.

Në masën 3: Bletaria, regjistrohen 569 aplikime; Masa 5: Mbjellje ullishte, numri rendor i aplikimeve në fond ka ndryshuar nga numri rendor 213 në numrin rendor 248 aplikime në fond; Masa 5.1: Përmirësimi ullishtesh të degraduara, vija e financimit ka shkuar në fund të listës, pasi ka patur skualifikime gjatë kontrollit administrativ të dosjes së aplikimit; numri rendor i aplikimeve në fond ka ndryshuar nga numri rendor 5 në numrin rendor 23 aplikime në fond; Masa 6: Ujitje me pika, numri rendor i aplikimeve në fond ka ndryshuar nga numri rendor 37 deri tek numri rendor 86 aplikime në fond; Masa 2: Mbështetje për dorëzimin e qumështit lëndë e parë në pikat e grumbullimit për fermat me lopë/të imta, dhe Masa 4: Dorëzim prodhimi për anije peshkimi, aplikimet janë në fond, sipas parimit “Kush sjell faturat i pari renditet i pari” njoftoi AZHBR.

Qeveria miratoi në fillim të vitit kriteret se si do të ndahet fondi i subvencioneve prej 5 milionë eurosh, i miratuar në buxhetin e vitit 2019 për Ministrinë e Bujqësisë dhe Zhvillimit Rural. Afro 4 milionë euro do të përdoren kryesisht për rritjen e konkurrueshmërisë së produkteve blegtorale e të peshkimit si dhe uljen e kostove të prodhimit nëpërmjet pagesave të kafshëve të matrikulluara, për dorëzimin e qumështit, açuget dhe sardelet e peshkuara, ndërsa një pjesë do të shkojë për mbështetjen e diversifikimit të aktiviteteve ekonomike në zonat rurale. Rreth 1 milion euro të tjera do të shkojnë si grante për projektin “Zhvillimi i qëndrueshëm i sektorit të ullirit”, dhe do të përdoret për shtimin e sipërfaqeve të mbjella me ullinj, për përmirësimin e mekanizimit dhe rritjen e kapaciteteve të prodhimit të vajit të ullirit. /atsh

Shqipëria renditet ndër dhjetë qeveritë me ekuilibrin më të lartë gjinor në botë.

Kryeministri Edi Rama publikoi sot raportin e Rrjetit Ndërkombëtar të Njohurive të Grave në Politikë, ku Shqipëria renditet ndër 10 shtetet në botë me përfaqësim të lartë gjinor, bashkë me Spanjën, Finlandën, Nikaraguan, Suedinë, Ruandën, Kanadanë, Kolumbinë, Kosta-Rikën, Salvadorin.

Kuotat janë opsioni më i mirë për të siguruar përfaqësimin e grave, çka bëri që për herë të parë në historinë e Shqipërisë, parlamenti në 2017 të përfaqësohej nga numri më i lartë i grave ministre.

Kështu, për herë të parë në historinë e Shqipërisë në 2018, Parlamenti pati numrin më të lartë të grave ministre (10 nga 20 ministra në qeverinë me prurje teknike dhe 7 nga 14 ministra në qeverinë e re 2017). U zgjodhën 39 gra deputete, 22 prej të cilave për herë të parë si përfaqësuese në Parlament.

Aktualisht, kabineti qeveritar përbëhet nga tetë ministra gra nga gjithsej 15, duke sjellë proporcionin e grave ministre në 53.3%./atsh