Aktualitet

Ibrahim Krusa është 70 vjeç dhe vjen nga fshati Zogjaj i Bulqizës për të rrëfyer historinë e tij në emisionin “Me Zemër të Hapur”, në News24.

Ishte viti 1974 kur së bashku me bashkëshorten vendosën të birësonin një fëmijë, për shkak se nuk po arrinin dot të bëheshin prindër.
Në shtëpinë e fëmijës, në Tiranë, morën Shpëtimin, asokohe 5-vjeçar, të cilin e rritën me shumë dashuri dhe përkushtim. Aktualisht, ai është i martuar dhe babai i 2 vajzave.

Ishte data 12 qershor e vitit të kaluar, kur Ibrahimi u nda me të, pasi ishin kthyer nga Maqedoni, vend ku Shpëtimi punonte, dhe më pas ai u zhd.uk. Që nga ajo ditë e deri më sot asnjë telefonatë dhe asnjë kontakt me asnjë pjesëtar të familjes. Ka lënë në shtëpi nusen së bashku me 2 vajzat e vogla, të cilat jetojnë me Ibrahimin dhe bashkëshorten e tij. Ai i bëri një apel të birit të kthehet në familje, sepse e presin e shoqja dhe 2 vogëlushet.

Rrëfimi i të moshuarit:

Ibrahim Krusa: Nuk ka as nënë as babi. Nuk i kam pyetur për prindërit. Ditëlindja e Shpëtimit është datë 13.03.1979, ka lindur në Berat. Ma lavdëruan edukatorët, më thanë është djalë i mirë dhe i zgjuar. Unë doja djalë. Nuk e mbaj mend ditën e parë kur kam trokitur në derën e shtëpisë së fëmijës. Nuk ishte djalë i keq. Ne shkuam në gjykatë dhe e birësuam. Shpëtimi u afrua shumë me ne.

Shpëtimi ka bërë shtatë vite shkollë. Filloj të konsumonte duhan. Të vërtetën e birësimit e ka mësuar në moshën 12-vjeçare. Kur e mësoj të vërtetën nuk na tregoi neve. Të vërtetën ia thanë të tjerët. Nëse do t’i thoja sot, do ti ngelte hatri. Atë ditë më tha: unë vij vetë në shtëpi, pse më vjen mbrapa?

Iku në mal për dru dhe prit se mos vjen, s’ka. Kur e morëm vesh ne, Shpëtimi ka ikur për Greqi. Kishte lënë kalin në mal dhe kishte ikur. Unë nuk do ta lejoja të ikte, sepse ishte i vogël. Unë kisha qejf ta çoja në shkollë, por u tërhoq, nuk shkoi. Mësuesit më thonin “Shpëtimi nuk është në rregull, shikoje mirë”.

E gjetëm në fshatin Bulerat të Gjirokastrës, merrej me dele si çoban. Ai qëndroi dy vjet atje, u kthye në moshën 17-vjeçare. Kur shkova për ta marrë, ishte pak i larguar. I thashë “a do vish në shtëpi”, “po, do vij, si s’do vij”, më tha. Pastaj ikte në Greqi, vinte. Pasi bëri 25 vjeç, e martuam, me dëshirën e tij. Me bashkëshorten shkonin mirë. Pastaj, pasi bëri dy vajzat, filloi punën në Dibër të Madhe.

Atje filloi të mos merrte në telefon. Shkova e takova dhe i thashë “pse nuk flet me nusen e fëmijët”. Më tha “s’kam telefon”. Pastaj më tha ta prisja diku, se do shkonte te berberi të qethte flokët, por nuk u kthye më. Prej asaj kohe nuk kemi pasur më kontakte me të, por e di që nuk është më në Dibër të Madhe. Djali i dajës së tij më tha që para tre muajsh e ka parë në Gjirokastër.

Shoku i Shpëtimit në lidhje telefonike për emisionin “Me Zemër të Hapur”: E kam parë nga fundi i muajit shtator deri në fund të muajit tetor të vitit 2018. E njoh mirë këtë person, kam pirë kafe me të, kam ndenjur me të. Më ka thënë që jam i martuar, kam dy fëmijë, jam nga Dibra.

Ishte i vetmuar, rri pak si me stres, por nuk më ka thënë gjë për këtë. I merret pak goja, duket i stresuar, nuk rri në një vend. Bisedova me ca shokë, që të gjejnë adresën e saktë të tij, ku ka jetuar vjet, që të shohin nëse është akoma aty.

Sipas Insitutit të Gjeoshkencave ditën e sotme (e diel dt.20) dhe nesër (e hënë dt.21) nuk priten reshje në të gjithë qarqet.

TEMPERATURAT

Sot (e hënë dt.21) temperaturat minimale dhe maksimale të ajrit pritet të arrijnë:

në bregdet: 14 / 24 °C

në vendet e ulëta: 13 / 27 °C

në vendet malore: 9 / 23 °C

ERA

Sot (e hënë dt.21) era pritet të fryjë e lehtë deri mesatare.

Moderatorja Ola Bruko është larguar nga drejtimi i emisionit “Shqiptarët për shqiptarët.
Në një reagim, ajo shprehet:

Ndjej detyrimin te shkruaj dy fjale per te gjithe ata njerez qe kane nisur te me shkruajne qe prej ores 21.00 kur ne ekranin e Neës24 nisi sezonin e ri emisioni aq shume i dashur per mua dhe per ta “Shqiptaret per shqiptaret”.
Per ata por edhe per te tjeret qe pyesin veten “çfare po ndodh?”..

Une nuk do te jem me moderatorja e programit tuaj te dashur, por vetem pjese e ekipit te tij.
Ky nuk ishte nje vendim i imi!

Do deshiroja qe askush te mos ndikohej nga ky detaj per te dhene kontributin per ata njerez qe kane vertet h.alle e nuk duan te dine fare se kush moderon e kush jo!
Une vazhdoj te besoj te miresia!

Uroj edhe ju!”
Gazetari Artan Kristo ndërkohë ka treguar se Elvis Naçi ka blerë kohën televizive dhe se i vendos vetë rregullat për emisionin.

“Arsyeja është fare e thjeshtë. Sipas të dhënave jozyrtare, (të verifikuara sigurisht) Elvis Naçi ka blerë kohën televizive dhe, “meqë topin e kishte ai, penalltinë do e gjuante ai”.
Ola nuk duhej të drejtonte më emisionin. Nuk kishte rëndësi që nuk është gazetar, nuk kishte rëndësi që di, apo nuk di të drejtojë emisione, por e rëndësishme është që ai jep paratë dhe ai duhet te bëjë ligjin.

Ai dhe jo gazetari duhet te caktojë kush drejton emisionin, kush është i ftuar, kujt duhet t’i bëhet reklamë, si duhet të vishet drejtuesja, e mbuluar, apo pa xhihab, etj etj.
Sepse ai paguan dhe ai është gjthëçka. I talentuari , gazetari, profesionisti është një hiç, një njeri që hiqet nga ekrani me një të kërcitur gishti…”, shprehet ai.
Elvis Naçi ka blerë që prej vitit të shkuar hapësirën televizive në News 24, ku nëpërmjet veprave të bamirësisë, fshihet edhe propaganda fetare.(TemA)

Kishte shpresa se do ta dëgjonte të fliste djalin e saj, por bota i ra mbi kokë.

Sokoli nuk do të mund të dëgjojë e flasë dot. Kur nëna e Sokolit doli përballë doktorit dhe ai i tha se asgjë s’mund të bëhej, frymëmarrja iu bë e vështirë.

Sokoli vetëm 6 vjeç nuk ka nerv koklear dhe implanti i siguruar nga të gjithë shqiptarët përmes emisionit ‘shqiptarët për shqiptarët’ nuk do të mund të kryhet.

Nëna e Sokolit flet e përlotur për momentin kur doktori i tha se i biri nuk do të dëgjojë apo flasë asnjëherë.

Nëna e Sokolit: Mjeku na la një kohë tre muaj derisa të kryhej ndërhyrja por zemra po më thoshte sikur nuk do të kishte sukses pas asaj përgjigje. Në tre muajt e verës e kam pritur me shumë vështirë me padurim. Erdhi rezultati për JO…. Por falë Zotit djalin e kam mirë, më kupton me shenja, aftësitë i ka shumë të mira. Jam shumë e lumtur edhe me këtë dhuratë që Zoti më ka dhënë, unë do jem një mbështetje për të gjithë jetën. Sokolit i mungonte nervi koklear dhe pa këtë nuk e arrinte dot atë që kërkonte mjeku, operacioni do kishte funksionuar vetëm nëse ai do të kishte nervin koklear. Nuk i heq shpresat nga Zoti. Nuk i dihet jetës.

Një ditë djali më kërkoi kamer të vjetër. Ia bleva, e vendosi diku dhe më tha me shenja eja ulu, donte të fliste atje u preka shumë. I falënderoj shumë shqiptarët që bënë të pamundurën për Sokolin, që kontribuuan por ja që fati i djalit nuk ishte i mirë.

Po ashtu Flavia vuan nga i njëjti problem me dëgjimin dhe të folurën dhe nëse nuk operohet, atëherë edhe ajo do të mbetet shurdh-memece.

Nëna e Sokolit, Liljana: Kur e mora përgjigjen e Sokolit, që djalit nuk i funksionin aparati, unë mendova që këto para që i dhuruan shqiptarët përse mos të shkojnë për një fëmijë të vogël. Meqë paratë u nisën për një fëmijë, që implanti koklear meqë nuk i funksioni djalit tim Sokolit, të funksionojë për një fëmijë tjetër. Mua rasti i Flavias më ka prekur shumë, jashtë mase. Aq lot sa kam derdhur për Sokolin aq shumë kam qarë edhe për Flavian kur unë lexova mesazhin e saj. Dëshira ime ishte që paratë e Sokolit të shkojnë për Flavian me gjithë zemër me gjithë shpirt, që Flavia t’i dëgjojë prindërit e saj kur t’i thërrasin…

Historia e Flavias së vogël është po aq e dhimbshme. Një vajzë që shndërrit mirësi, por që fatkeqësisht nuk dëgjon dhe nuk flet dot. Dhimbja e nënës së saj është e madhe.

Nëna e Flavias: Ishte fëmija jonë i parë, gëzimi i parë. Siç do çift kur vjen fëmija i parë gëzimi është i madh. Kemi qenë shumë të përkushtuar, unë bashkëshorti vjehrra, Flavia po rritej ne prisnim se ajo do reagonte, do i përgjigjej emrit të saj. Kur Flavia mbushi një vjeç ne i bëmë vizitën e parë, por testi i dëgjimit i doli negativ. Për ne të dy u shemb bota kur na thanë se vajza nuk dëgjon.

Babai i Flavias është një dibran i fortë dhe para kameras e mban veten, por në fytyrë dhimbja i shfaqet kollaj. Kur është pranë të bijës dhe flet për emisionin shqiptarët për shqiptarët thotë se gjithçka do ta jepte, jetën, banesën gjithçka, vetëm që e bija të dëgjonte dhe t’i thoshte baba.

Babai i Flavias: Kur shkuam në spital më thanë se nuk mund të vendosi as kufje por vetëm duhet të kryejë operacion. Operacioni kushton shumë, unë më një rrogë jam. Dua të shes shtëpinë por kjo nuk është me letra, nuk e merr njeri. Do dilja të jetoja në çadër vetëm që fëmija të dilte në jetë… Jetën time do jepja që Flavia t’i kthehej jetës normale si gjithë fëmijët e tjerë. Kjo dhimbje i tejkalon të gjitha. Çdo ditë është vuajtje për mua. Para fëmijës jam i pafuqishëm, gjithë ky burrë që dukem kështu…se di!”

Nëna e Flavias takon nënën e Sokolit, Liljanën. Dy nënat shqiptare përqafohen teksa Liliana thotë se paraja është thjesht një copë letër krahasuar me jetën e Flavias. E uron nënën e Flavias dhe shpreson që ajo të marrë një lajm të mirë për të bijën, ndryshe nga lajmi i rëndë që mori ajo për të birin, Sokolin.

Elvis Naçi: Spo gjejmë fjalë. Kemi mbetur pa tekst me këtë gjest që ke bërë Lilijana. Gjesti yt është kthyer në shpresë, vepra juaj dhe e bashkëshortit tuaj është e madhe. Të garantoj se nëse gjesti i bukur i Liljanës nuk do të ishte këtu, ta kesh të sigurt se ne dhe të gjithë shqiptarët do na kishe gati për të kontribuar për Flavian.