Aktualitet

Media në zi, ndahet nga jeta gazetarja e njohur shqiptare

Aktualitet / /

Është ndarë nga jeta ditën e sotme gazetarja e njohur e Radio Tiranës së Jashtme, Natasha Këlliçi (Dulaku).

Ajo ka qenë redaktore letrare në Shtëpinë Botuese “Naim Frashëri” gjatë viteve 1972-1974.

Këlliçi u shqua për redaktimin e veprave të disa prej shkrimtarëve tanë më të shquar, ndër të cilët; Skënder Drini, Dhimitër Xhuvani, Teodor Laço, Kico Blushi, etj,.

Më 1992 Natasha nisi të punonte gazetare në Radion e Jashtme. Ndonëse në një profil krejt te ri, ajo u shqua për reportazhet dhe intervistat radiofonike me personalitete më te njohura të kohës, për probleme social-politike që lindën pas rrëzimit të komunizmit në Shqipëri. Dhe shumë shpejt u rendit krahas gazetarëve më të mirë të mikrofonit te viteve 1950-2000, Pirro Nace, Timo Luto, Alfons Gurashi, Agron Cobani, Amali Dhamo, Zamira Koleci, etj,.

Veçanërisht popullor u bë emisioni “Mesazhe malli’, në Radion e Jashtme, që ishte një komunikim i shqiptarëve me të afërmit e tyre të emigruar në vende të ndryshme të botës, dhe radioreportazhe për dukuritë e reja pas rrëzimit të komunizmit.

Më 1999 ajo se bashku me të shoqin, shkrimtarin dhe pubicistin, Skifter Këlliçi dhe familjen, u vendos në Boston, dhe nuk u shkëput nga veprimtaria shoqërore, duke u bërë edhe presidente nderi e Shoqatës së Grave Shqiptare. Krahas përfaqësuesve të shquar të inteligjencës së Diasporës, ajo ishte pjesëmarrëse aktive në debatet për problemet që po kalon sot shoqëria shqiptare.

Media në zi, ndahet nga jeta gazetarja e njohur shqiptare Read More »

Gazetari përlotet në studion e emisionit: Kampi është ferr,Alvini duhet marrë

Aktualitet, Problematika / /

Gazetari Taulant Kopliku është përlotur në studion e emisionit ku po flitet për historinë e vogëlushit Alvin Berisha i cili ka mbetur në kampin sirian Al-Hol.

“Ai fëmijë duhet marrë. I tha i ati ke për të ngrënë ,ai thotë s’kam lekë. Aty duhet të paguash. Imagjinoni ai i jepte zemër të atit,” tha Kopliku.

“Lidhjet me kampin janë të pamundura për të qenë periodike, Autoritetet e kampit nuk përgjigjen. Sa i përket lajmeve në media, mbeta i befasuar për alarmin që u bë sepse nuk është në të mirë të sjelljes së djalit në shtëpi.

Në zonën rreth kampit ka pasur luftime. Në brendësi të kampit ka pas tentativa për të carë rrjetën edhe përplasje mes grupeve brenda kampit. Alvini është ndër të vetmit fëmijë që është i pashoqëruara të paktën disa fëmijë kanë nënë, Babai i Alvinit nuk u lejua të rrinte, paraqiste rrezik, mund të përfundonte shumë keq”, tha ai më tej.

Gazetari përlotet në studion e emisionit: Kampi është ferr,Alvini duhet marrë Read More »

Elvis Naçi: Si u mashtruan shqiptarët për të shkuar në Siri?

Aktualitet, Opinione, Problematika / /

Cila është lidhja mes Islamit dhe Shetit Islamik? Si u mashtruan shqiptarët për të shkuar në Siri?

Për këtë foli në Open në Top Channel teologu i njohur Elvis Naçi.

“Po flasim për 79 meshkuj. Po ta krahasojmë me numrin e besimtarëve është shume i vogël. Duhet të theksojmë se shumë nga këto persona ishin mercenarë, janë persona të paguar. Kanë shfrytëzuar varfërinë. I kanë thënë se do marrësh kaq dollar dhe kaq do marrësh kur të marrësh atje. Janë mashtrua sepse u kanë thënë se lufta do të mbarojë shumë shpejt, por që nuk ndodhi kështu”- tha Naçi.

Naçi vazhdoi duke thënë edhe se sot është situate më mirë ku fryma radikale nuk ka kaq shumë influencë sa më herët, ku Naçi iu referua viteve 2012.

“Ka ekstrezimëm mendor që sjell ekstremizëm të dhunshëm. Këtu kemi gabuar. Këtu nuk ka pasur një bashkëpunim të mirë mes institucioneve fetare me ato shtetërore”- tha Naçi./TCH

Elvis Naçi: Si u mashtruan shqiptarët për të shkuar në Siri? Read More »

Ishte 21 vjeç, i pastrehë. Beri miliona nga yotube dhe sot jeta e tij “zhytet” në luks.

Aktualitet, Kuriozitete / /

Ben Phillips ka zbuluar se ai ishte pa shtëpi para se të bëhej një i njohur në mediat sociale falë videove të tij në platformën e famshme “Youtube”.
Sipas mediave të huaja, 26-vjeçari nga Bridgend në Uells, ka 15 milionë ndjekës nëpër platformat e tij në mediat sociale dhe tani jeton një jetë luksoze falë marrëveshjeve të mëdha sponsorizuese me kompani përfshirë KFC dhe Audi. Ai gjithashtu ka botuar dy libra, zotëron një kompani mediatike dhe jo vetëm – kështu që është mjaft i zënë.

Ben Phillips ka më shumë se 15 milionë ndjekës në të gjithë Facebook, YouTube dhe Instagram.

Ben, i cili u bë i njohur për shpërndarjen e videove ku shihet duke bërë shaka me vëllanë e tij Elliot, ka fituar tanimë shumë para dhe ka 18 vetura – ai tanimë jeton në një rezidencë i vetëm, jashtë vendlindjes.

Jeta e tij e vështirë

Sidoqoftë, kjo nuk ka qenë gjithmonë e njëjtë në jetën e tij. Ben ka zbuluar se si 21 vjeç, ai flinte në lobet e hoteleve në Londër, pasi nuk kishte një shtëpi të tij.

Duke u rritur me prindërit e tij, punëtorë të një punëtorie të tyre, Ben thotë se kishte ëndërruar të ishte një lojtar ragbi ose të punonte për Apple kur ishte më i ri, por më pas në 21 vjeç ai vendosi të shkojë në Londër për të provuar për të qenë i suksesshëm vetë.

Përveçse një sensacion në YouTube, Ben zotëron një kompani globale të mediave dhe është autor shumë i shitur

Ben thotë se ai kishte një aftësi për t’i bërë njerëzit të qeshnin, kështu që ai filloi të bënte video me shaka për publikun në Londër, por nuk kaloi shumë para se paratë e tij filluan të shpenzoheshin dhe ai u detyrua të linte strehimin e përkohshëm në të cilin qëndroi.

Ai përfundoi në lobet e hoteleve të zbukuruara, të tilla si Savoy, ku do të përfundonte natën në një karrige. Kështu, ai vendosi të kthehej përsëri në Uells, ai pastaj filloi të bënte video me Elliot, përcjell Telegrafi.

Videoja e tyre Penny Prank, në të cilën Ben inkurajoi Elliot të hidhte një vështrim në një monedhë “lundruese”, shkoi virale dhe ky mund të thuhet se ishte hapi i parë në karrierën e tij në mediat sociale.

Ben me të dashurën e tij Georgia

YouTuber-i tani po bën thirrje që mediat sociale të mësohen në shkolla, kështu që një gjeneratë e re mund të imitojë suksesin e tij.
“Media sociale është një karrierë e suksesshme. Gjërat janë të ndryshme nga kur shumë prindër janë rritur. Ne po jetojmë në një ditë dhe moshë të ndryshme tani. Ne nuk mund të anashkalojmë mediat sociale”.

“Duhet të jetë një lëndë në shkollë, ky është një mjet. Duhet të mësohet”.

“Ne duhet t’i mësojmë ata si të postojnë dhe t’i mësojnë ata si të jenë të suksesshëm”.

Markat Ben ka punuar me marka të mëdha si Audi, Nokia dhe KFC

Duke ofruar këshilla për yjet e mediave sociale, ai i inkurajoi ata që të fillojnë të filmojnë, duke shpjeguar se “sekondën që filloni të regjistroni, është momenti kur filloni të merrni rezultate”.

Ben shpesh shënjestron vëllain e tij Giles në videot e tij

Por çfarë e bën më të veçantë këtë njeri, thuhet se është fakti se me gjithë suksesin e tij të jashtëzakonshëm, Ben mbetet i përulur, përcjell Telegrafi.

Ben nuk është i vetmi që ka fituar shumë para nga Youtube

Ndikimi i YouTube në jetën tonë nuk mund të injorohet – madje njerëzit që merren me këtë profesion vlerësohen si më me ndikim në botë.

Arsyeja është shumë e thjeshtë: ata janë të lakmuar nga mediat dhe reklamuesit për aftësinë e tyre për të arritur dhjetëra miliona ndjekës çdo ditë. Dhe për ta dëshmuar këtë, do t’u tregojmë se sa të pasur ata – dhe njëri prej tyre është vetëm shtatëvjeçar. Bëhet fjalë për Ryan, të Ryan ToysReview që është kanali më i fituar i YouTube, që vlerësohet se ka një pasuri prej 22 milionë dollarë.

Prindërit e djalit thuhet se filluan të dokumentojnë vlerësimet e tij të lodrave në mars të vitit 2015 dhe tani kanë grumbulluar më shumë se 18 milionë abonentë. Gjithashtu edhe Transmetuesi Australian i lojërave, Daniel “DanTDM” Middleton ishte YouTuber më i paguari i vitit të kaluar me 16.5 milionë dollarë të ardhura.

Fitimet e Middleton u rritën falë një turneu botëror që përfshinte katër shfaqje të shitura në Shtëpinë e Operës në Sidney dhe një markë të veshjeve personale. Si i veçantë mund të llogaritet edhe Logan Paul që vlerësohet të ishte transmetuesi i katërt për nga profiti në YouTube vitin e kaluar. Por marka e tij personale mori një rënie pasi ai ngarkoi një video të një trupi të vdekur që gjeti në pyllin Aokigahara të Japonisë, një vend që është famëkeq për vetëvrasje.

Si rezultat, YouTube e hoqi Paulin nga programi i Preferuar nga Google, duke ndikuar në të ardhurat e tij nga reklamat. /Telegrafi/

Ishte 21 vjeç, i pastrehë. Beri miliona nga yotube dhe sot jeta e tij “zhytet” në luks. Read More »

“Njerëz të padukshëm” sjell historinë frymëzuese të kirurgut 82-vjeçar, dr. Janul Barxho

Aktualitet / /

“Njerëz të Padukshëm” solli sot historinë frymëzuese të mjekut kirurg, dr. Janul Barxho, i cili edhe pse në moshën 82-vjeçare vazhdon të shërbejë me përkushtim në Spitalin e Përmetit.

Nga pasioni te kirurgjia, te ai për bujqësinë, jeta e kirurgut Barxho vjen përmes rrëfimit të tij për ERTV-në.

“Unë jam kirurgu i parë në këtë spital dhe e kam ushtruar profesionin në kushte mjaft të vështira godine, pajisjesh dhe përvoje. Gjatë gjithë karrierës time profesionale mund të kem bërë mbi 5 mijë operacione”, – thotë ai.

Çdo ditë dr. Barxho kryen konsulta e vizita në Spitalin e Përmetit, për 3 orë nga ora 09:00-12:00. Njëkohësisht në çdo orë të ditës dhe natës nëse ka urgjenca.

“Jam 82 vjeç. Nga lartësia e këtyre viteve shoh që kam bërë edhe unë diçka në shërbim të qytetit dhe të popullit të Përmetit. Me fëmijët është marrë kryesisht gruaja, unë nuk kisha shumë kohë të merresha me ta. Madje të them të drejtën nuk i shikoja se, i lija në gjumë dhe i gjeja në gjumë”, – tregon ai.

Dr. Barxho shprehet se mbresa i ka lënë vetëm operacioni i parë, ndërsa kujton kohën kur është kryer ky operacion. “Atë ditë nga Kryetari i Degës deri te polici më i thjeshtë ishin te dera e sallës së operacionit. Qesharake të them se për llampë qendrore ne kemi marrë një prozhektor të lapidarit në qendër. E adaptuam dhe e bëmë llampë ndriçimi. Kirurgjia ka një gjë, o të ngre, o të fut në dhe… duhet ta dashurosh profesionin”, – thotë ai.

Dr. Barxhos i janë akorduar dy tituj nga këshilli bashkiak i Përmetit, titulli “Mirënjohja e qytetit” dhe “Qytetar Nderi”, ndërsa nga Urdhri i Mjekut “Certifikatë mirënjohje për ushtrimin e detyrës me profesionalizëm”. /atsh

“Njerëz të padukshëm” sjell historinë frymëzuese të kirurgut 82-vjeçar, dr. Janul Barxho Read More »

Rama: Komunikime me Macron dhe drejtuesit e vendeve të tjera, rruga jonë vazhdon pa asnjë ekuivok

Aktualitet, Politike / /

“Mosmarrja e një vendimi të merituar për Shqipërinë për çeljen e negociatave është rezultat i një përplasje të brendshme në tryezën e familjes europiane, por rruga jonë vazhdon pa asnjë lëkundje dhe pa asnjë ekuivok për të bërë detyrat e shtëpisë që janë të qarta”.

Kështu deklaroi sot Kryeministri Edi Rama, në një prononcim për shtyp pas mbledhjes së kryesisë së Partisë Socialiste.

Natyrisht, tha ai, “kemi rënë të gjithë dakord për faktin se kjo nuk ndryshon asnjë gjë në trajektoren strategjike të vendit, të Partisë Socialiste dhe të qeverisë sonë”.

Ndërkohë, Rama tha se “në ditët në vijim ka një sërë komunikimesh të përcaktuara në axhendë me Presidentin e Francës dhe me një sërë drejtuesish të tjerë të vendeve anëtare për të kuptuar ecurinë e mëtejshme të procesit”.

“Nga ana tjetër, pa diskutim që në aspektin praktik ne jemi të qartë që duhet të vazhdojmë çdo ditë punën, sepse edhe nëse do të kishim marrë një ‘Po’ të shumëpritur dhe të merituar disa ditë më parë, detyrat janë po ato që janë edhe pa atë ‘Po’. Pra, ecim përpara me reformën zgjedhore dhe brenda vitit të ngjisim shkallën e parë të miratojë në parlament të gjitha rekomandimet e OSBE/ODIHR-it, si pjesë e ligjit zgjedhor. Po ashtu të presim, se në këtë aspekt nuk kemi ne diçka më shumë për të bërë, plotësimin e Gjykatës Kushtetuese dhe me radhë të gjitha pikat e përcaktuara nga Bundestagu gjerman, që janë të rëndësishme për ne dhe jo të nevojshme për Gjermaninë dhe BE-në”, – tha Rama.

I pyetur lidhur me kërkesën e opozitës për dorëheqje, Rama tha se “nuk ka asnjë gjë të re, pasi ata kanë punuar shumë fort dhe nuk kanë lënë gur pa luajtur për të dështuar procesin”. “Nuk ia kanë dalë, sepse ne ia kemi arritur të kapërcejmë pengesën e ngritur artificialisht në 6 muajt e parë të vitit duke marrë mbështetjen e fuqishme të Kancelares Merkel dhe të Gjermanisë”, – tha Rama.

Kryeministri tha se “faktikisht, qoftë Maqedonia e Veriut, qoftë Shqipëria, nuk ka arritur të marrë atë që u takonte jo si rezultat i një rezerve substanciale ndaj tyre, por si rezultat i një përplasje të brendshme në tryezën e familjes europiane, ku sot është materializuar ajo që kisha paralajmëruar prej disa kohësh me të gjitha fjalimet e mia në parlament, një konflikt mbi të ardhmen e BE-së”, – tha Rama.

Në këtë pikë, Rama u shpreh se “nuk besoj se ne këtu, apo ata në Maqedoninë e Veriut kanë më shumë në dorë sesa të bëjnë detyrat e tyre të shtëpisë dhe detyrat e shtëpisë janë shumë të qarta”.

“Dielli ka dalë përsëri, dita ka filluar përsëri dhe rruga jonë vazhdon pa asnjë lëkundje dhe pa asnjë ekuivok. Ne duam të bëjmë Shqipërinë europiane për shqiptarët, për fëmijët tanë dhe këtë do të bëjmë”, – tha Rama. /atsh

Rama: Komunikime me Macron dhe drejtuesit e vendeve të tjera, rruga jonë vazhdon pa asnjë ekuivok Read More »

Diplomohen 402 oficerë, Lleshaj: Modernizojmë Policinë e Shtetit

Aktualitet, Arsim, Lajmi i fundit / /

Në Ministrinë e Brendshme është organizuar sot ceremonia e diplomimit dhe certifikimit të studentëve që përfunduan studimet Bachellor në Fakultetin e Sigurisë dhe Hetimit, studentëve të ekselencës që përfunduan kursin profesional për policimin, si dhe të kursantëve që përfunduan kolegjin profesional të lartë, Kolegji i Policisë. “Sot diplomohen 208 kursantë si oficerë të patrullës së përgjithshme të Policisë së Shtetit, 194 nënkomisarë si menaxherë të Policisë,” u shpreh ndër të tjera drejtori i Akademisë së Sigurisë, Drejtues i Lartë Bilbil Mema.

Ndërsa Drejtori i Përgjithshëm i Policisë së Shtetit, Ardi Veliu tha se në 4 vitet e fundit janë mbi 2500 djem e vajza që janë arsimuar në Akademinë e Policisë dhe janë bërë pjesë e Policisë së Shtetit.

“Gjatë viteve të fundit Policia e Shtetit i është nënshtruar një procesi të gjerë reformimi, i cili ka konsistuar në ndryshimin e organizmit strukturor, performancës e prezantimit në komunitet por më i rëndësishëm është ndryshmi rrënjësor i strategjisë dhe programeve të arsimit dhe trajnimit të trupës policore. Rritja e nivelit të kapaciteteve profesionale, duke bërë pjesë të Policisë punonjës nga specialistë të fushave, të cilat nuk mund të përgatiten në Akademinë e Sigurisë, përmirësim i balancës në barazisë gjinore ku është synuar që punonjëset e gjinisë femërore në policinë e shtetit nga viti në vit të rrisin ndjeshëm përfaqësimin e tyre. Policia e Shtetit është orientuar drejt filozofisë më të përparuar të policimit, asaj të policimit në komunitet, si dhe drejt rritjes së kapaciteteve profesionale, duke bërë pjesë të saj studentë që kanë mbaruar me rezultate të larta në disa degë specifike”, – tha ndër të tjera Veliu, duke veçuar faktin se pas një procesi tejet transparent për përzgjedhjen e fituesve nga 589 konkurrentë që kishin përfunduar studimet në degët Ekonomi, Financë, juridik dhe IT, 36 prej tyre kanë përfunduar sot ëndrrën e tyre për të qenë në radhët e Policisë.

Ndërsa ministri i Brendshëm, Sandër Lleshaj nënvizoi rëndësinë që ka ky brez i ri oficerësh të Policisë të cilët kanë ndjekur kursin e Policisë Kriminale dhe atë për Patrullë të Përgjithshme.

“402 djem e vajza i bashkohen sot radhëve të Policisë së Shtetit duke shënuar kështu një moment të rëndësishëm ripërtëritje dhe modernizimi të saj. Krahas atyre që përfunduan kolegjin e Policisë për t’u bërë pjesë e bazës solide të saj, 158 të tjerë përfundojnë studimet e larta dhe bëhen pjesë e trupës drejtuese si nënkomisarë policie, ndërkohë që 36 studentë që i kanë përfunduar më parë me rezultate të larta studimet universitare, përfundojnë sot kursin e oficerit të Policisë Kriminale dhe i bashkohen strukturave të specializuara të hetimit. Kjo prurje e konsiderueshme cilësore, e përzgjedhur ndër mijëra kandidatë, shënon një hap tjetër të rëndësishëm në kuadër të një programi të madh të qeverisë shqiptare për të përmirësuar në mënyrë rrënjësore nivelin profesional të Policisë së Shtetit”, u shpreh ndër të tjera Lleshaj.

Nga ana tjetër, ai shtoi se së shpejti do të hapen programe të reja për 600 të rinj e të reja që fillojnë Akademinë e Sigurisë.

“Ne do ta thellojmë më tej procesin e modernizimit të Policisë së Shtetit, duke vijuar me konsekuencë programin e rritjes dhe të përtëritjes së saj. Pas pak ditësh do të hapim programet e reja, për rreth 600 të rinj e të reja që fillojnë Akademinë e Sigurisë, 60 prej të cilëve do të jenë përsëri nga radhët e studentëve të shkëlqyer, që i kanë përfunduar ndërkohë studimet universitare në degë të përzgjedhura,” u shpreh ministri.

Ndër programet ambicioze në proces ministri përmendi kampusin e ri të Policisë së Shtetit dhe Akademisë së Sigurisë, komisariatet e reja të Policisë, Policinë Shkencore, fuqizimin dhe modernizimin e flotës së automjeteve, pajisjet individuale dhe kolektive të Policisë, modernizimin e Policisë Kriminale, asaj Kufitare etj. /atsh

Diplomohen 402 oficerë, Lleshaj: Modernizojmë Policinë e Shtetit Read More »

Bllokohen 298 tonë karburant jashtë standardit të tregtimit

Aktualitet, Lajmi i fundit, Problematika / /

Inspektorati Shtetëror Teknik dhe Industrial, në bashkëpunimin me Drejtorinë e Përgjithshme të Doganave, bllokuan një sasi prej 298 tonë karburant, në një vendburim në Bashkinë Finiq, e cila ishte jashtë standardeve të tregtimit. Nga kontrolli i ushtruar në këtë vendburim u konstatua se mungonte vërtetimi teknik, si dhe u evidentuan probleme me cilësinë e produktit.

Aksioni u ndoq nga afër nga ministrja e Infrastrukturës dhe Energjisë, Belinda Balluku, së bashku me kryeinspektorin e ISHTI, Admir Abrija dhe zëvendësdrejtorin e Doganave, Ylber Kalaja.

“Inspektorati Shtetëror Teknik dhe Industrial në kuadër të planit antiinformalitet, bashkë me administratën doganore, bën një plan kontrolli dhe gjatë kontrollit kemi konstatuar 298 tonë naftë bruto, e cila është e stokuar në këtë vendburim, pa vërtetimin teknik. Menjëherë kemi njoftuar administratën doganore që të hetojë në lidhje me fiskun e produktit”, bëri të ditur kryeinspektori Abrija.

Duke ju referuar parametrave të produktit të sekuestruar, zëvendësdrejtori i Doganave tha se ky është një produkt me risk dhe me shkallë monitorimi shumë të lartë. “Për vetë parametrat që kanë rezultuar, ky produkt rezulton të jetë një ndër produktet me risk dhe me shkallë monitorimi shumë më të lartë, për vetë mundësinë e përdorimit dhe si lëndë djegëse për ngrohje apo për elementë të tjerë”, nënvizoi Kalaja.

Ministrja Belinda Balluku e cilësoi aksionin në fjalë si provën e radhës për angazhimin e qeverisë në luftën kundër informalitetit duke paralajmëruar se aksionet do të vijojë edhe në javët në vijim në të gjithë territorin e vendit. “Ky është një sulm frontal kundër informaliteti, të cilin ne do ta vazhdojmë. Të gjithë entet shtetërore, si Ministria e Infrastrukturës dhe Energjisë, si Ministria e Financave dhe të gjithë agjencitë apo drejtoritë në varësi të tyre, janë të fokusuar tek lufta kundër informalitetit dhe askush nga ne nuk ka plan që të ndalojë”, nënvizoi Balluku.

Ministrja e Infrastrukturës dhe Energjisë theksoi se koordinimi mes agjencive dhe institucioneve përkatëse, si në këtë rast, rrisin eficiencën e aksioneve, ndërsa nxiti bashkëpunimin mes ISHTI-t dhe administratës doganore, me qëllim evidentimin e shkeljeve dhe marrjen e masave përkatëse për subjektet që abuzojnë.

“Në rastet kur kemi aksione të koordinuara, eficienca e aksionit është më e lartë dhe unë do t’ju sugjeroja dhe do t’ju nxisja që dhe në të ardhmen të ketë një bashkëpunim të hapur midis drejtorive dhe Inspektoratit Teknik për të goditur sa më shumë, qoftë parregullsitë cilësore, që janë shumë të rëndësishme, ashtu dhe parregullsitë fiskale. Për të vendosur një herë e mirë në tregun e karburanteve në Shqipëri një legjitimitet të plotë për sa i përket tregtimit, cilësisë dhe sigurisht për sa i përket të gjithë rregullimit të këtij sektori, i cili ndër vite lë shumë për të dëshiruar”, theksoi Balluku.

Nga analizat e kryera rezultoi se lënda prej 298 tonësh, e bllokuar në këtë pikë vendgrumbullimi, kishte parametra të pazakontë sa i takon nivelit të squfurit por edhe nivelit të flakërimit. Nga ana e inspektorëve të ISHTI-t subjektit ju kërkuar edhe pajisja me vërtetimin teknik, pasi nuk plotësonte kushtet e sigurisë. /atsh

Bllokohen 298 tonë karburant jashtë standardit të tregtimit Read More »