Aktualitet

Dashi

Kjo fundjavë do të shënojë një rënie të ndjeshme nga pikëpamja emocionale. Qielli parashikon rikuperime, por vetëm për javën në vijim. Nëse ka tensione, bëni durim pasi situata është kalimtare. Për gjithë ata që presin një lajm, fundi i muajit do të dhurojë surpriza të bukura.

Demi

Kjo e diel do të sjellë mjaft ndihmë për të lindurit e kësaj shenje. Dhjetori do të jetë shumë më i mirë krahasuar me nëntorin. Në punë dhe në dashuri, nëse duhet të çoni përpara disa çështje të mbetura pezull, veproni me kujdes. Tregohuni të matur me shpenzimet, pasi së fundmi keni pasur shumë dalje.

Binjakët

Shumë shpejtë duhet të bëni disa llogari, sidomos lidhur me situatat të cilat i keni të vështira për tu menaxhuar. Dita parashikohet interesante lidhur me ndjenjat, për shkak të ndikimit të favorshëm të Venusit. Kush duhet të çojë përpara një projekt, është mjaft i favorizuar nga yjet. Shumë shpejtë do të arrini një synim që i keni vendosur vetes, por kjo gjë do të varet nga energjia juaj.

Gaforrja

Jeni duke jetuar një situatë konfliktuale qysh prej fillimit të muajit. Gjatë muajve të fundit keni mbyllur një çështje interesante dhe ju është dashur që të merreni me situata të komplikuara për tu menaxhuar. Mirëpo tashmë do të keni mundësi për të rikuperuar.

Luani

Ky është muaji i forcës në dashuri. Gjërat do të ecin ndryshe, ku do të ketë ndonjë ngadalësim në çështjet ekonomike. Shumë nga të lindurit e kësaj shenje do të marrin kënaqësi në punë dhe ndoshta edhe ndonjë detyrë të re. Kush ka nisur një angazhim të ri, do të ndihet disi i lodhur, kjo edhe për shkak të vështirësive ekonomike. Gjatë kësaj të diele, parashikohet diçka speciale sa i takon ndjenjave.

Virgjëresha

Projekte të mëdha ju presin në periudhën në vijim. Dëshira për të ndryshuar dhe për të jetuar emocione të reja, bëhet gjithnjë e më e fortë. Kush ka jetuar një krizë javëve të fundit, tashmë do të jetë më mirë. Gjithsesi do ju duhet që t’i bëni llogaritë me ndonjë çështje që kërkon përfundime të shpejta.

Peshorja

Kjo e diel do të jetë relativisht e qetë, veç mundohuni që të flisni më pak. Në ditët e kaluara, ka pasur diçka që ju ka acaruar. Sa i takon formës fizike, rikuperimi do të jetë i ndjeshëm. Bëni mirë që të vlerësoni çdo takim. Kjo është një periudhë e favorshme dhe do të zgjasë disa ditë.

Akrepi

Disa mendojnë se dashuria e vërtetë është ajo që shkakton vuajtje dhe për këtë arsye kërkojnë njerëz tërësisht të lirë. Por pavarësisht të gjithave, kjo është një periudhë e dashurive të mëdha dhe pasioneve që e bëjnë zemrën të rrahë fort.

Shigjetari

Mesi i muajit do të sjellë shumë fat në dashuri, në takime dhe në miqësi. Nëse duhet të bëni për vete dikë, ky është momenti i duhur. Megjithatë këto ditë do të jenë të ngarkuara me përgjegjësi të rënda.

Bricjapi

Lëreni mënjanë nacionalitetin, pasi në dashuri duhet ta lini veten të udhëhiqet nga instinkti. Jeni përballur me muaj të vështirë, por dikush mund të gjejë një rrugë zgjidhje ndaj lidhjeve komplekse, megjithëse nuk do arrini që të rrini larg dashurisë. Edhe nëse jeni përballur me një ndarje, mund të shkohet larg, mjafton që të keni vullnetin e mirë.

Ujori

Ky është një muaj i veçantë. Kush do të udhëtojë, do të përjetojë momente elektrizuese. Historitë që do të lindin tani, do të përballen me disa dyshime, shkruan noa.al. Çiftet e formuara prej kohësh, do të përjetojnë distancë emocionale ose për shkaqe pune.

Peshqit

Do të ketë një vullnet të mirë i cili do të reflektohet në raportet në çift ose ato miqësore. Janë ditë të cilat kanë një rëndësi të madhe. Do të ndiheni më mirë edhe fizikisht. Do e keni më të lehtë që të bëni takime. Brenda fundit të vitit do të ketë zhvillime pozitive, për shkak të ndikimit të favorshëm të Hënës.

Kryeministri Edi Rama ka dhënë të shtunën një videomesazh për qytetarët lidhur me menaxhimin e pasojave të tërmetit të 26 nëntorit.

“Miqtë e mi, besoj kemi bërë më të mirën deri në këtë moment, edhe pse e mira nuk ka fund, dhe me siguri ka pasur edhe plot të meta e gabime ndoshta në këtë rrugë, për të kapërcyer një mal të madhe hallesh imediate, që duheshin e duhen adresuar me shpejtësi. Ama kemi sistemuar në kohë rekord mijëra e mijëra njerëz, që nga hotelet me 4 e 5 yje, e deri në shtëpitë e apartamentet me qira. Kemi sistemuar dhe vazhdojmë të sistemojmë mijëra të tjerë në çadra dimërore pranë banesave të tyre të dëmtuara në zonën e fshatit, nga ku me të drejtë ata nuk duan të lëvizin.

“Kemi angazhuar qindra qindra inxhinierë e specialistë, vendas dhe të huaj, për të inspektuar dhe përcaktuar shkallën e dëmeve. Kemi nisur punën për rindërtimin në bashkëpunim me organizatat solidare me njerëzit në nevojë, me Elvisin, me Arbrin e Marinin për shtëpitë në fshat, dhe me arkitektë të huaj dhe vendas për planet e rindërtimit të Durrësit, Shijakut, Krujës, Fushë-Krujës, Laçit dhe për ndërhyrjen tërësore në Thumanë, ku do të përqendrohet për një model shembull rilindjeje, apo për ndërhyrje të nevojshme në Kavajë, ose deri në Lezhë. Kemi sensibilizuar komunitetin ndërkombëtar me shumë shpejtësi, duke arritur të krijojmë bindjen e liderëve europianë për domosdoshmërinë e një konference donatorësh, të cilën me vendim të KE është tashmë e vendosur do ta mbajmë në Tiranë, mes fundit të janarit dhe shkurtit, por në varësi të raportit përfundimtar të dëmeve. Raporti po shkruhet në bashkëpunim me ekspertë të BE dhe OKB të specializuar në këtë aspekt. Nuk do të jetë e lehtë t’i bëjmë gjërat shumë mirë dhe shumë shpejt, në mënyrë që brenda vitit 2020 askush të mos mbetet pa perspektivën e qartë dhe konkrete.

“Qëllimi im është që brenda vitit 2020 të gjithë banorët e fshatit që kanë humbur shtëpinë ta gëzojnë vitin e ri në shtëpi të re, shumë të bukur, të fortë dhe patjetër me kushte shumë më të mira se ajo që kishin. Ndërsa brenda qershorit 2021 të gjithë banorët që kanë humbur shtëpinë në qytete dhe që nuk mund të kthehen, për shkak se nuk kanë mundësi rindërtimi, të jenë në apartamente të reja. Shembullore pra, për ambicien tonë, për Shqipërinë që duam”, tha kryeministri Rama./atsh

Kryeministri Edi Rama u shpreh sot në një videomesazh se “ndërkohë vazhdojnë intensivisht hetimet e policisë kriminale me prokurorinë për të dokumentuar përgjegjësit e çdo krahu e niveli për dëmet e shkaktuara si pasojë e abuzimeve në ndërtim.

“Sot janë kryer arrestimet e para, hetimet vazhdojnë pa pushim dhe mos dëgjoni ju lutem ato që gam-gamosin përnatë nëpër tendat mediatike duke u çjerrë me çehren e vrarë, pse nuk ka arrestime. Nuk dinë se si është puna, s’dinë gjë tjetër, veç llafeve ulur në kolltuqet e atyre tendave ku mblidhen si burrat e vjershave të Andon Zako Çajupit”, tha Rama.

“Një merak dua ta ndaj me ju. Arsyeja pse po ju shqetësoj me këtë mesazh. Siç e keni parë, opozita ka qenë inekzistente në detyrën e saj, përveç daljeve rutinë të Lulzim Bashës të cilin e përshëndes edhe tani, edhe një herë, dashamirësisht, për një vetëpërmbajtje në momentet tejet të vështira për njerëzit, ku u përpoq të mos bëhej i tepërt me fjalorin e rëndë të politikës së tij të përditshme. Por ama, nuk mund të mos e kritikoj, me keqardhje, për refuzimin e përsëritur dhe absurd, që të japë së bashku me opozitën një dorë në këtë situatë, duke u ulur në tryezën e bashkëpunimit me njerëzit dhe për njerëzit. Nuk e di pse refuzon, por di që refuzimi në këtë situatë është mungesë e plotë e përgjegjësisë”, theksoi ai.

“Meraku im është që opozita, hë për hë njerëzit rrotull Lulzim Bashës ka nisur të japë shenjat e para të një lufte të egër balte, ku me sa duket do të përpiqet dita-ditës të përdorë gjuhën e baltës për t’ju helmuar dhe mërzitur si zakonisht me gënjeshtra, akuza, shpifje, apo gjysmë të vërteta, që janë edhe gënjeshtra më të mëdha në fakt, siç thotë edhe një fjalë e mençur. Po kjo është puna e tyre dhe e Bashës që me siguri do e marrë shpejt flamurin e asaj lufte. Unë nuk dua të merrem me ta dhe nuk do të merremi me ta. Pra do të përpiqem të mos lejoj edhe që edhe njerëzit rreth meje të merren me ta. Se unë dhe të gjithë ne duhet të merremi me sfidën jashtëzakonshme që na ka vënë përpara Zoti apo natyra duke na goditur të gjithëve si s’ka më rëndë, por edhe duke na dhënë një mundësi të jashtëzakonshme që të ngrihemi së bashku përtej politikës, përtej vetvetes. Pra, duhet dhe do të ngrihemi edhe përtej vetvetes duke dhënë maksimumin sa më njerëzisht, sa më shqiptarisht për ata fatkeqë që u dëmtuam më shumë se ne të tjerët, për njëri-tjetrin dhe për fëmijët tanë padyshim dhe kështu për vendin tonë i cili duhet të dalë shumë më i fortë pas tërmetit”, u shpreh kryeministri.

“Nuk dua t’ju rrokanis kokën me shumë llafe por dua t’ju siguroj vetëm për një gjë që ka rëndësi për të gjithë. Unë do të bëj çmos që çdo qindarkë e angazhuar për këtë sfidë të shpenzohet me mençuri dhe ndershmëri do të bëj çmosin që transparenca të jetë maksimale dhe këtu besoj që do t’ja dalim edhe falë edhe Komitetit Kombëtar të Rindërtimit ku jemi bashkuar përtej politikës, pa dallim feje pa dallim bindjesh apo dakortësisht që mund të kemi në ditë të zakonshme për shqiptarët e goditur nga fatkeqësia natyrore. Do të bëj çmosin që këtë krizë të madhe të shkaktuar nga kjo fatkeqësi ta kthejmë në një mundësi të madhe për të krijuar shembuj kuptimplotë të Rilindjes Urbane e Sociale duke u bërë bashkë”, tha kryeministri Rama.

“Juve ju lutem vetëm që të keni besim dhe sa më shumë durim dhe për çdo akuzë që do të dëgjoni jo u vodh këtu jo u vodh ajo, të jeni të bindur se unë do të kërkoj verifikimin dhe argumentimin e saktë nga ana jonë, të çdokujt që mund të akuzohet apo çdo gjëje që mund të vihet në akuzë dhe nëse ka vërtetë bazë, do merren masa që çdo abuzues të shporret nga radhët tona dhe të shkojë në duart e drejtësisë nëse kjo do të jetë ajo që meriton dhe çdo abuzim të adresohet. Por, ju lutem mos bini pre e baltës së përditshme që mesa duket do të rrjedhë lumë dhe mos prisni nga unë dhe na të merremi me përgënjeshtrimin e përditshëm të çfarë do të nxjerrë gjuha e baltës në javët dhe muajt në vijim.

Kini durim dhe besim ne së bashku do të bëjmë histori, përfundoi Rama. //atsh

“Ligji i ri për mediet synon të rregullojë një sektor të parregulluar më parë, që janë publikimet elektronike ose ndryshe portalet dhe në asnjë rast nuk cenon lirinë e shtypit”.

Kështu deklaroi sot në një intervistë për ATSH-në, anëtari i komisionit të medies, deputeti i Partisë Socialiste, Musa Ulqini.

Ulqini tha se “projekti në fjalë që ka ngjallur kaq shumë diskutime, ka si objekt të tij dhe synon që të rregullojë për herë të parë në Republikën e Shqipërisë publikimet elektronike”.

Sot, tha ai, Shqipëria ka një ligj që rregullon medien e shkruar, ka një ligj që rregullon mediet audiovizive, pra televizonet dhe radiot, dhe ky projektligj synon të rregullojë një sektor të parregulluar, që janë publikimet elektronike ose portalet.

“Edhe në Shqipëri portalet janë bërë tashmë një faktor shumë i rëndësishëm i informimit të publikut, që ka sjellë vërtetë një gjë të re në mënyrën se si informohet dhe i ka dhënë një fuqi më të madhe pluralizmit të shtypit. Por edhe kjo gjë ka nevojë për rregullime”, tha Ulqini.

Ai garantoi se “ky nuk është një ligj kundër lirisë të medies, por përpiqet të rregulloj sektorin sipas disa standardeve demokratike mbi mënyrën se si informohet publiku nga portalet”.

Ulqini sqaroi se këtu nuk bëhet fjalë për “Facebook-un” apo mënyrën se si qytetarët e përdorin teknologjinë e re, por bëhet fjalë për portalet të cilat duhet të respektojnë disa standarde që tashmë janë shumë të njohura dhe kanë të bëjnë me të drejtat e njeriut, me privatësinë, me paanësinë dhe me të drejtën e autorit apo transparencën etj.

“Ligji i ri përpiqet të vendos disa rregulla të qarta në mënyrën e funksionimit të një sektori që është shumë i fuqishëm, që ka një rol shumë të madh në shoqëri sot dhe që e ka ndikuar për mirë padiskutim pluralizimin, por që ka edhe probleme që duhen rregulluar me standarde demokratike”, tha Ulqini.

I pyetur se çfarë parashikon ligji kundër lajmeve të rreme (Fake News), Ulqini tha se ligji kërkon pikësëpari formalizimin e sektorit, pra që të gjitha portalet të jenë të regjistruara me të dhëna të sakta si: adresa e selisë, të punësuarit etj. Një pjesë e portaleve sot, sipas tij, nuk dihet se ku i kanë selitë dhe nga ku publikojnë.

Një pikë e rëndësishme që parashikohet në këtë ligj, sipas Ulqinit, “ka të bëjë me detyrimin që kanë portalet që çdo vit të paraqesin në AMA një raport për paratë me të cilat janë financuar dhe mënyrën se si janë shfrytëzuar këto financime”.

“Kjo është jashtëzakonisht e rëndësishme sepse është një nga kërkesat e gjithë institucioneve europiane që monitorojnë Shqipërinë, që të bëhen të njohura mënyra se si financohen portalet. Është shumë e rëndësishme që medie të mos ketë financime që vijnë nga para të pista të krimit, nga politika, nga biznese për të organizuar një luftë të pandershme konkurrence, ose dhe nga jashtë, nga burime të cilat mund të cenojnë edhe sigurinë kombëtare”, tha ai.

Për deputetin socialist, ky ligj vendos disa rregulla dhe i jep garanci shumë të madhe qytetarit, që kur një portal ka një ‘Fake News’, në një kohë të shkurtër ai të paraqesë me shkrim kundërshtimin e tij dhe portali nëse e gjykon të arsyeshme e publikon përgënjeshtrimin. “Por nëse portali nuk bie dakord në këtë mes futet AMA, Këshilli i Ankesave, që e shqyrton kërkesën e qytetarit dhe kur e gjykon që qytetari ka të drejtë e detyron portalin ta publikojë përgënjeshtrimin”, sqaroi Ulqini.

Ai shtoi se “ligji përpiqet të vendos rregulla kundër ‘Fake News’ dhe të gjitha lajmeve që cenojnë të drejtat e fëmijëve, dezinformojnë publikun, cenojnë apo nuk respektojnë të drejtën e autorit”.

“Në rast se një portal transmeton pornografi për fëmijë, gjëra që lidhen me terrorizmin dhe gjëra që cenojnë në mënyrë flagrante sigurinë kombëtare, atëherë AMA ka të drejtë që t’i kërkojë që brenda disa orëve ta heqë nga portali, dhe nëse nuk reagon atëherë i drejtohet AKEP-it dhe e bllokon portalin”, tha Ulqini.

Ulqini po ashtu hodhi poshtë të gjitha pretendimet se ligji cenon lirinë e medias. “Ligji i ka specifikuar shumë qartë gjërat dhe në këtë rast asnjë nuk është kundër. Vetë drejtuesit e portaleve janë dakord që të vendosen rregulla, por natyrisht që reagojnë për mungesë të informimit, luftës politike, por edhe për shkak se preken disa interesa, sepse në shumicë ata që e kundërshtojnë kanë portale vetë dhe është një sektor informal”, tha Ulqini.

Ai shprehu garancinë që ligji është një përpjekje për të vendosur rregulla demokratike që i shërbejnë edhe qytetarëve, edhe atyre që punojnë në ato portale, sepse sot të gjithë gazetarët që punojnë nëpër portale, punojnë në të zezë.

Ulqini hodhi poshtë edhe pretendimet se propozimet, sugjerimet, kërkesat, apo ankesat që po bëhen si nga ndërkombëtarët edhe nga shqiptarët nuk po dëgjohen.

“Ne si komision kemi bërë disa seanca dëgjimore, kemi ftuar të gjithë sidomos ata që i kundërshtojnë, kemi dëgjuar me vëmendje ankesat e tyre dhe tani grupi i ekspertëve, unë jam një nga relatorët e këtij projektligji pasi janë disa relatorë, me ekspertizën juridike të parlamentit, ekspertët e Këshillit të Ministrave që kanë hartuar projektin po i vlerësojmë dhe konsiderojmë të gjitha shqetësimet që kanë ata të cilët janë kundër. Kjo lidhet me sasinë e gjobave, rolin e Këshillit të Ankesave dhe elementë të tjerë që kanë të bëjnë me raportin mes portalit, qytetarit dhe shtetit”, tha Ulqini. /atsh