Aktualitet

Të butë, të mëndafshtë, të këndshëm. Le t’u japim mirëseardhjen veshjeve më të dashura të këtij dimri: fustanet velur.

Pavarësisht nëse do të ishte i gjatë apo i shkurtër, apo në gjatësi të mesme, me një fustan të tillë do të jeni ‘mbretëresha e mbrëmjes’.

Një fustan velur i zi është gjithmonë i bukur dhe me të s’do të gaboni kurrë. E njëjta gjë vlen edhe për ngjyrat e tjera të vjeshtës: kafe, jeshile e errët, gri dhe bordo.
Për ato më romantiket edhe ngjyra rozë pudër dhe e kaltër dhurojnë një pamje të paharrueshme.

Në këtë prag festash ku fustan është zgjidhja e duhur si për një drekë ku mund të zgjidhni një model komod po ashtu dhe për darkë ku mund të zgjidhni një model më ekstravagant dhe me ngjyrë të ndezur.

Shfletoni galerinë me disa modele nga fustanet velur më të bukur për këtë vit për tu frymëzuar për natën e ndërrimit të viteve./atsh

Ministrja e Drejtësisë Etilda Gjonaj ka marrë pjesë në ceremoninë e organizuar sot me punonjësit e Policisë së Burgjeve për t’u shpërndarë certifikatën e mirënjohjes dy punonjësve që kanë mbushur moshën e pensionit.

“Pjesë e 85 punonjësve të policisë të cilëve iu dorëzua certifikata e mirënjohjes ishin edhe Kiço Ferra dhe Fran Ruçi të cilët sapo kanë mbushur moshën e pensionit pas një jete të tërë pune në sistemin e burgjeve. Jam e bindur që të gjithë këta burra dhe gra do të jenë një shembull tejet pozitiv edhe për të rekrutuarit e rinj”, tha Gjonaj.

Po ashtu, Gjonaj shton se “punonjësit e policisë me eksperiencën më të gjatë në burgje, e meritojnë plotësisht certifikimin e mirënjohjes sonë për vitet e sakrificës, përkushtimit, profesionalizmit dhe vigjilencës me të cilën ata kanë ushtruar profesionin e tyre duke nderuar uniformën e dinjitetit që mbajnë veshur”.

“Në kuadër të reformës që kemi ndërmarrë në të gjithë sistemin penitenciar, kam pasur dhe vijoj të kem në vëmendje punën që bëjnë punonjësit e burgjeve të cilët meritojnë respekt, siguri dhe paga dinjitoze. Edhe pse kemi pasur një rritje të ndjeshme të rrogave, mjeteve logjistike dhe infrastrukturës, ende na ngelen shumë objektiva për t’u përmbushur në raport me kontributin e tyre”, u shpreh ajo. /atsh

Operatori i Sistemit të Shpërndarjes së Energjisë Elektrike (OSHEE) njofton se 1500 punonjës janë në gatishmëri për të garantuar furnizim pa ndërprerje të energjisë elektrike në të gjithë vendin.

OSHEE po ndjek planin e masave per festat e fundvitit, bazuar mbi rregulloret e gatishmërisë, e cila përmban udhëzimet-skemat e ndërhyrjes në raste avarish.

Janë afro 1500 punonjës të vendosur në gatishmëri në pikat kritike të rrjetit elektrik, në shërbim të rritjes së sigurisë të furnizimit me energji.

OSHEE bën të ditur se, “abonentët e OSHEE-s, mund të përdorin numrat e kontakteve të dispecerive, sipas rajoneve, referuar hartës, bashkë me numrin unik call center 04 227 4141, në shërbim 24 orë për çdo avari apo problem që mund t’ju paraqitet gjatë festave të fund vitit me shërbimin e energjisë elektrike”./atsh

Kur flasim për dimrin përjetimet dhe mendimet mund të jenë të ndryshme. Ka persona që stinën e ftohtë e pëlqejnë dhe ka të tjerë që nuk e preferojnë aspak.

Përtej preferencave, dimri njihet si stina ku viruse të ndryshme gripale prekin organizmin për shkak të motit të ftohtë.

Pyetjes se, nëse kjo periudhë e vitit i bën mirë trupit i përgjigjen e ekspertët.

I ftohti dhe truri

Nëse e keni pyetur veten a është i ftohti mirë për shëndetin e trurit tuaj, përgjigja është po. Ekspertët thonë se, truri funksionon më mirë dhe më shpejt kur ndodhet në një ambient të ftohtë të, në krahasim me të nxehtin. Kështu që shëtitjet herë pas here jashtë ambienteve të mbyllura gjatë dimrit janë rifreskuese për trurin.

Djeg kaloritë

Gjatë periudhave të të ftohtit trupi harxhon më shumë energji për të mbajtur një temperaturë të balancuar trupi. Për këtë arsye ju ndihmon që të digjni më shumë kalori e të dobësoheni.

Largon alergjitë

Nëse keni alergji nga mjedisi i jashtëm, gjatë dimrit nuk keni pse të shqetësoheni. Polenet, lulet apo pemët gjatë dimrit nuk janë aspak prezente, ndaj ju mund të dilni e të shëtisni të qetë kudo që dëshironi.

Kundër inflamacionit

Nëse vuani nga fryrja e kyçeve, duarve apo e këmbëve, gjatë dimrit ky problem do të jetë më pak i pranishëm. Kjo sepse temperaturat e ftohta e ndihmojnë organizmin që të qetësojë zonat ku po zhvillohet inflamacionit.

Flini më mirë

Temperatura e trupit është më e ulët gjatë kohës kur flini gjumë. Gjatë verës procesi i uljes së temperaturës për të siguruar gjumë të mirë zgjat rreth dy orë, ndërsa në dimër kryhet shumë më shpejt.

I bën mirë lëkurës

Moti i ftohtë i bën mirë lëkurës sipas ekspertëve. Temperaturat e ftohta ngushtojnë enët e gjakut që kalojnë në lëkurë dhe funksionojnë si një tonik natyral. Sigurisht bëhet fjalë për temperatura të ftohta normale dhe jo për periudha të acarta të papërballueshme për trupin e njeriut./atsh