Aktualitet

E vërteta e raportimit skandaloz në RAI3/ Autoritetet italiane: Nuk korrespondon me realitetin, Shqipëria rezultate të rëndësishme në luftën ndaj kanabisit

Aktualitet, Opinione / /

Autoritetet italiane specifikojnë se lajmet e përcjella nga kronika në RAI3 për rritje domethënëse të kultivimit të kanabisit në Shqipëri, nuk korrespondojnë me të dhënat e vërteta dhe nuk mund të hedhin hije mbi efikasitetin real në ndryshimin e kultivimit të kanabisit dhe rezultatet e rëndësishme të arritura gjatë viteve të fundit.

Kryeministri Edi Rama solli në vëmendje zhvillimet e konferencës ndërkombëtare në Napoli në kuadër të projektit IPA 2 , duke theksuar se kjo është e vërteta zyrtare e raportimit skandaloz të RAI3.

“Ja edhe e vërteta zyrtare për raportimin skandaloz të RAI3! Faleminderit autoriteteve të policisë italiane që na ndihmojnë përditë në afirmimin e fitores së përbashkët kundër kultivimit të kanabisit dhe në këtë rast na ndihmuan të fitojmë ndaj një gënjeshtre të madhe mediatike”, u shpreh Rama.

Në kuadër të konferencës ndërkombëtare të projektit IPA 2 që po zhvillohet në Napoli jo vetëm u konfirmua bashkëpunimi i shkëlqyer midis dy vendeve në fushën e luftës ndaj krimit të organizuar dhe drogës, por i është dhënë një sqarim i plotë edhe kronikës së Rai3 në të cilën flitej për një raport të rezervuar të policisë italiane mbi rritjen domethënëse të kultivimit të kanabisit në territorin shqiptar.

“Autoritetet kanë specifikuar se shifrat e publikuara nga lajmi i publikuar në kronikën në fjalë, nuk korrespondojnë me të vërtetën dhe nuk hedhin hije mbi efikasitetin e luftës ndaj kultivimit të kanabisit që ka arritur rezultate të rëndësishme gjatë viteve të fundit” – thuhet në përmbledhjen e konferencës.

Në konferencën e Napolit, janë mbajtur edhe takime bilaterale Itali-Shqipëri, pjesë e të cilave ishin zv.ministri i Brendshëm italian, Vito Crimi, drejtori i Policisë së prefekturës, Franco Gabrielli nga pala italiane dhe zv.ministri i Brendshëm shqiptar, Julian Hodaj dhe ambasadorja shqiptare Anila Bitri së bashku me delegacionet respektive./atsh

E vërteta e raportimit skandaloz në RAI3/ Autoritetet italiane: Nuk korrespondon me realitetin, Shqipëria rezultate të rëndësishme në luftën ndaj kanabisit Read More »

Gjendet skafi i fuqishem i braktisur tek Plazhi i Vjeter ne Vlore

Aktualitet, Lajmi i fundit / /

Gjendet një skaf I braktisur në zonën e Plazhit të Vjetër pranë Pyllit të Sodës në Vlorë.

Mjeti ujor është me tre motorë dhe me gjatësi rreth 10 metra dhe me ngjyrat gri dhe te bardhe

Nuk ka të dhëna ende nëse skafi është kthyer nga Italia apo do të nisej drejt brigjeve fqinje për qëllime të trafikut të drogës.

Megjithatë njëra pistë është edhe nisja e emigranteve nga Lindja e Mesme drejt Italisë.

Gjendet skafi i fuqishem i braktisur tek Plazhi i Vjeter ne Vlore Read More »

Koronavirusi, mjeku Kalo: Asnjë rast i dyshuar, kemi laboratorë që përcaktojnë virusin

Aktualitet, Shendetesi / /

Në Shqipëri nuk ka asnjë rast të dyshuar të koronavirusit të ri, ndërkohë që vendi ynë ka laboratorë e teste që përcaktojnë praninë ose jo të këtij virusi.

Kështu u shpreh mjeku infeksionist Tritan Kalo i ftuar në një studio televizive, nga ku theksoi se “çdo i sëmurë ose çdo individ qoftë edhe nga ato që kanë udhëtuar në Kinë dhe që kanë ardhur në Shqipëri, nuk janë të përjashtuar të kontaktojnë gripin dhe të shfaqin gripin, jo koronavirusin. Këta njerëz duke ndenjur ne mjedisin familjar, nuk përjashtohen në ato 14 ditë që mendohet se mund të shfaqen edhe simptomat klinike, të bien në kontakt me gripin që qarkullon”.

“Është vështirë të thuash që këta që infektohen ose këta që vijnë të infektuar në shërbimi e sëmundjeve infektive janë të prekur nga koronavirusi. Pa u izoluar dhe pa u përcaktuar prania e tij,nuk mund të jepet asgjë. Ne, hë për hë nuk kemi asnjë rast i cili është përcaktuar ose izoluar koronavirusi i ri në përmbajtjen e sekrecioneve ose në gjak. Ka laboratorë të mirëpërcaktuar ose laboratorë të referencës në Institutin e Shëndetit Publik që përcakton mire me testet që ka, përcakton praninë ose jo të këtij virusi në organizmin tonë. Janë teste që bëjnë diagnostikimin”, u shpreh ai.

Më tej, mjeku informoi se koronavirusi është virus i ri i një familjeje të vjetër.
“Virusi është virus njëlloj, nuk do ndonjë veçanti të madhe njohja. Është një virus i ri i një familje të vjetër që njihet që nga 1960, qarkullon si grip ose probleme më shumë tek kafshët. Ka dhënë dy epidemi si të Sarsit ku ka pasur edhe raste kufitare në Shqipëri, 4 në Itali dhe 1 në Rumani por që asnjë prej tyre nuk ka pasur vdekje. Asnjë i sëmurë me SARS i diagnostikuar në Europë ose në Kanada ku ka pasur një numër të madh rastesh, nuk ka pasur mortalitet”, -shpjegoi ai.

Doktori u shpreh se këtyre njerëzve që kthehen nga Kina fillimisht i është bërë skrinimi në Shangai, më pas në ndalesën që kanë bërë në Abu-Dabi, skrinimi i tretë është bërë në Athinë para se të hyjnë në Shqipëri. “Pra, kanë kaluar 3 filtra dhe kanë marrë informacion mjaft që të mund të kenë parasysh që në të gjithë botën nuk i kanë karantinojnë në mjediset spitalore”.

Sipas doktorit, Shqipëria mund të ndjekë të njëjtën taktikë siç po ndjek Anglia e Kanadaja ku individët e ardhur nga Kina qëndrojnë për 14 ditë për skrining, për të shmangur çdo indicje të mundshme.

“Shërbimi i Urgjencës po trajnohet që të këtë kujdes në mënyrën e vajtjes, pritjes, diagnostikimit, të transportimit dhe sjelljes së shërbimit të sëmundjeve infektive”, -tha ndër të tjera ai./atsh

Koronavirusi, mjeku Kalo: Asnjë rast i dyshuar, kemi laboratorë që përcaktojnë virusin Read More »

Jugu i vendit, me “markë të veçantë” turistike

Aktualitet, Turizem / /

Zhvillimi i turizmit dhe integrimi urban synojnë ta kthejnë jugun e vendit në një destinacion, “markë të veçantë”, turistike shqiptare.

Një projekt i mbështetur nga Banka Botërore që po zbatohet vitet e fundit ka në fokus krijimin e një infrastrukture marketingu sipas modeleve më të mira ndërkombëtare, që do të mbështesë zhvillimin e turizmit në vendin tonë.

Sipas njoftimit të prokurimit të publikuar në faqen e Bankës Botërore, po kërkohet një konsulent që do të japë shërbimin e zhvillimit të tregut në jug të Shqipërisë.

Shtatë detyrat kryesore të konsulentit janë: Krijimi i brandeve (markave) të turizmit për secilën bashki duke analizuar statusin aktual, pozicionimin dhe zbatimin e markës.

Zhvillimi i uebsajteve për çdo bashki që do të bëhet në bashkëpunim me entitetet lokale të menaxhimit të turizmit dhe bashkitë për ecurinë 2 vjeçare të uebsajteve dhe për të monitoruar rezultatet, rifreskuar informacioni. Konsulenti do të kërkohet që të krijojë uebsajtet dhe t’i menaxhojë ato në mënyrë të vazhdueshme t’i monitorojë dhe të raportojë për rezultatet.

Krijimi dhe menaxhimi i profileve në mediet sociale për çdo bashki përmes vendosjes së profileve të medieve për çdo bashki fillimisht në Facebook dhe Instagram si dhe menaxhimi i vazhdueshëm i këtyre kanaleve përgjatë dy viteve, së pari, në anglisht.

Zhvillimi i fotove me cilësi të lartë dhe videove për çdo bashki si dhe zonat përreth që nuk tregojnë vetëm burimet dhe atraksionet e zonës por edhe aktivitetet që mund të eksplorohen në këtë zonë. E njëjta gjë aplikohet dhe për videot. Materialet do të vendosen në uebsajt, rrjete sociale si dhe do të printohen.

Dizejnimi dhe printimi i broshurave me hartën e çdo bashkie duke mundësuar përmbajtje për turizmin në bashkëpunim me autoritetet e menaxhimit të turizmit.

Për të paktën dy vjet mbështetje marketingu në çdo bashki dhe përgatitja e strategjisë së mirëmbajtjes së aktiviteteve përtej kohës së konsulencës si dhe promovimi i produkteve të turizmit që do të ekzekutohen në këto dy vite.

Detyra 7 është ajo e monitorimit të rezultateve përgjatë implementimit 2-vjeçar si dhe dorëzimi në mënyrë të rregullt i raporteve mbi rezultatet si dhe vlerësimet cilësore dhe sasiore./atsh

Jugu i vendit, me “markë të veçantë” turistike Read More »

Rama citon Sokratin: Kur përfundon rrahja e mendimeve, shpifja bëhet vegël në duart e humbësit

Aktualitet / /

Kryeministri Edi Rama ka cituar sot një nga shprehjet e filozofit të madh grek, Sokratit në rubrikën “Fjalë të çmuara”.

“Kur përfundon rrahja e mendimeve, shpifja bëhet vegël në duart e humbësit”, është shprehur Kryeministri Rama duke përcjellë thënien e Sokratit.

Duke cituar fjalë të shenjta nga librat e shenjtë, por edhe nga personalitetet botërore, Kryeministri Rama ka përcjellë këto dy muaj apelin e solidaritetit dhe ndihmës njerëzore ndaj të prekurve nga tërmeti i 26 nëntorit./atsh

Rama citon Sokratin: Kur përfundon rrahja e mendimeve, shpifja bëhet vegël në duart e humbësit Read More »

Nesër, ditë zie në Kosovë

Aktualitet, Lajmi i fundit / /

Presidenti i Kosovës, Hashim Thaçi, pas rënies në krye të detyrës të pjesëtarit të Policisë së Kosovës, Sami Thaçi, ka shpallur ditën e enjte, më 30 janar 2020, ditë zie, në shenjë nderimi shtetëror.

Në pajtim me legjislacionin në fuqi, në ditën e zisë, të shpallur për ta nderuar jetën dhe veprën e policit Sami Thaçi, flamuri shtetëror ngrihet në gjysmështizë në të gjitha objektet shtetërore të Republikës së Kosovës, brenda dhe jashtë vendit.

Gjatë ditës, presidenti Thaçi ka ndarë edhe urdhrin “Hero i Kosovës” për policin Sami Thaçi.

“Heroizmi i Samiut, Enverit, Izetit dhe i dhjetëra policëve të rënë në krye të detyrës është krenari e Republikës së Kosovës. Sakrifica e tyre në mbrojtje të rendit dhe ligjit na obligon që të punojmë edhe më shumë për një Kosovë të qetë e stabile dhe një vend më të mirë për gjithë qytetarët tanë”, ka thënë kreu i shtetit. /atsh

Nesër, ditë zie në Kosovë Read More »

Përfunduan Shkollën e Magjistraturës, betohen 15 gjyqtarë të rinj

Aktualitet, Lajmi i fundit / /

15 gjyqtarët e rinj të cilët kanë përfunduar Shkollën e Magjistraturës në vitin akademik 2018-2019 janë betuar sot në mbledhjen e radhës të Këshillit të Lartë Gjyqësor.

Në fjalën përshëndetëse, kryetarja e Këshillit, Naureda Llagami, u shpreh se gjyqtarët që betohen sot janë brezi i dytë i gjyqtarëve për të cilët Këshilli ka kryer një verifikim të thelluar të pasurisë dhe figurës, përpara emërimit të tyre. Proces të cilin gjyqtarët nën betim e kaluan me sukses.

Në këtë mënyrë, së bashku me brezin e parë të magjistratëve të emëruar në korrik 2019, në më pak se një vit, sistemit gjyqësor shqiptar i shtohen 25 gjyqtarë me integritet dhe aftësi të larta profesionale.

Duke u uruar sukses për emërimin në detyrë, Llagami, theksoi nevojën që ka shoqëria shqiptare dhe vendi për gjyqtarë profesionistë dhe të përkushtuar në zbatim të Kushtetutës dhe kuadrit ligjor në fuqi.

Menjëherë pas përfundimit të betimit, Këshilli vendosi caktimin në pozicion në gjykatat e vendit të 15 gjyqtarëve të rinj, bazuar në vendet e lira në dispozicion të tyre.

Kështu, Erlanda Agaj caktohet në pozicion gjyqtare pranë Gjykatës së Rrethit Gjyqësor Fier, Marko Boshku caktohet në pozicion gjyqtar pranë Gjykatës Administrative të Shkallës së Parë Shkodër. Elisabeta Gjoni caktohet në pozicion gjyqtare pranë Gjykatës së Rrethit Gjyqësor Krujë, Klejda Çapja caktohet në pozicion gjyqtare pranë Gjykatës së Rrethit Gjyqësor Berat, Artur Prenga caktohet në pozicion gjyqtar pranë Gjykatës së Rrethit Gjyqësor Pogradec, Mirjan Mustafaj caktohet në pozicion gjyqtar pranë Gjykatës Administrative të Shkallës së Parë Shkodër, Kostandina Kuro caktohet në pozicion gjyqtare pranë Gjykatës së Rrethit Gjyqësor Shkodër. Iva Zemani caktohet në pozicion gjyqtare pranë Gjykatës së Rrethit Gjyqësor Korçë.

Enisa Shahini caktohet në pozicion gjyqtare pranë Gjykatës Administrative të Shkallës së Parë Korçë. Ema Shaholli caktohet në pozicion gjyqtare pranë Gjykatës Administrative të Shkallës së Parë Gjirokastër. Shkëlzen Liçaj caktohet në pozicion gjyqtar pranë Gjykatës së Rrethit Gjyqësor Sarandë. Xhevdet Lika caktohet në pozicion gjyqtar pranë Gjykatës së Rrethit Gjyqësor Dibër. Ligoraq Toshi caktohet në pozicion gjyqtar pranë Gjykatës Administrative të Shkallës së Parë Korçë. Hazbi Balliu caktohet në pozicion gjyqtar pranë Gjykatës Administrative të Shkallës së Parë Gjirokastër. Florin Demollari caktohet në pozicion gjyqtar pranë Gjykatës së Rrethit Gjyqësor Kukës. /atsh

Përfunduan Shkollën e Magjistraturës, betohen 15 gjyqtarë të rinj Read More »

Ndryshimet për “Maturën Shtetërore 2020” paraqiten para maturantëve të “Ismail Qemalit”

Aktualitet, Arsim / /

Në gjimnazin “Ismail Qemali” në Tiranë është organizuar sot takimi me maturantët e këtij viti për prezantimin e risive dhe ndryshimeve të Maturës Shtetërore.

E pranishme në këtë aktivitet ka qenë zëvendësministrja për Arsimin Parauniversitar, Nina Guga dhe drejtoresha e Qendrës së Shërbimeve Arsimore, Rezana Vrapi.

Ndryshimet thelbësore në rregulloren e “Maturës Shtetërore 2020” kanë qenë fokusi kryesor i këtij prezantimi. Disa prej tyre janë vlerësimi elektronik i provimeve, rritja e cilësisë së administrimit të provimeve, shtimi i masave disiplinore etj.

Njëkohësisht, nxënësit dhe mësuesit u njohën me dy botimet e fundit të QSHA-së: “Matura Shtetërore Gjuha Shqipe dhe Letërsia” dhe “Matura Shtetërore 2019, teste dhe skema vlerësimi, gjuhët e huaja, matematika dhe lëndë me zgjedhje (për gjimnazin)”, të cilat do t’i orientojnë nxënësit dhe do t’i ndihmojnë ata për t’u përgatitur më mirë./atsh

Ndryshimet për “Maturën Shtetërore 2020” paraqiten para maturantëve të “Ismail Qemalit” Read More »