-Shërbimi Meteorologjik Ushtarak bën me dije se moti sot parashikohet me vranësira deri në orët e pasdites i shoqëruar reshje shiu të dobëta. Prej orëve të mesditës vranësirat do të vijnë në shpërbërje deri në kthjellim në mbrëmje.
Era do të fryjë me drejtim juglindje – veriperëndim 1-10 m/s, duke bërë që deti të jetë i forcës 2-3 ballë.
Temperaturat parashikohen:
QYTETET Temperaturat në °C Sigla
Shkodër 7/16 diell re
Kukës 2/12 re
Lezhë 7/16 diell re
Dibër 1/8 re
Durrës 8/17 diell re
Tiranë 6/16 diell re
Elbasan 5/15 shi diell re
Berat 4/16 shi diell re
Vlorë 7/18 shi diell re
Korçë 1/10 re
Gjirokastër 2/15 shi diell re
Sarandë 7/19 shi diell re
Atsh
Reforma e ujit po vijon me ritme të larta në qytetin e Vlorës dhe në njësitë administrative të tij.
Ndërmarrja e Ujësjellës-Kanalizimeve Vlorë po vijon punën për formalizimin e të gjithë abonentëve, ndërsa po kryen kontrolle në të gjithë qytetin, duke penalizuar të gjithë abonentët që nuk paguajnë.
Po ashtu, UK Vlorë ka vijuar ndërhyrjet për riparimin e avarive në rrjetin e furnizimit me ujë të pijshëm.
Konkretisht është ndërhyrë në zonën e “Ujit të Ftohtë” dhe në lagjet “Lirim” dhe “Kushtrimi”, ku u riparuan disa avari në rrjetin e furnizimit me ujë./atsh
Pak minuta më parë kanë lënë spitalin edhe nxënësit e fundit që po mbaheshin në observim në spitalin rajonal të Fierit, si pasojë e intoksikimit në ngjarjen e ndodhur në shkollën “Janaq Kinica”.
Pasi kanë marrë trajtimin e duhur mjekësor, të gjithë nxënësit kanë lënë spitalin.
Gjatë ditës së sotme, spitali rajonal i Fierit trajtoi rreth 60 nxënës me shenja të intoksikimit dhe neuroza paniku. Sipas mjekëve, gjendja e tyre shëndetësore paraqitet e mirë.
Nxënësi e gjimnazit “Janaq Kilica” në qytetin e Fierit janë dërguar sot në spital për shkak të disa problemeve me frymëmarrjen dhe në lëkurë.
Sipas Policisë së Fierit, është dyshuar se në shkollë është hedhur spraj piperi, që ka shkaktuar këto simptoma.
Gjithashtu nxënësit janë vizituar sot dhe ministrja e Arsimit, Sportit dhe Rinisë, Besa Shahini e cila ka parë nga afër gjendjen e gjimnazistëve e tyre./atsh
Enkelejda Muçaj do të jetë avokatja e re e Përgjithshme e Shtetit.
Këshilli i Ministrave miratoi në mbledhjen e sotme vendimin për emërimin e Enkelejda Muçaj në postin e Avokates së Përgjithshme të Shtetit.
“Në mbështetje të Kushtetutës dhe ligjit “Për Avokaturën e Shtetit”, me propozimin e Kryeministrit, Këshilli i Ministrave vendosi që Enkelejda Muçaj të emërohet Avokat i Përgjithshëm i Shtetit. Ky vendim hyn në fuqi menjëherë”, thuhet në
Policia e Tiranës në kuadër të luftës kundër informalitetit, ka finalizuar operacionin policor të koduar “NDËRMJETËSI”, prej nga u arrestuan 5 persona dhe u shpallën në kërkim 2 të tjerë.
Sipas njoftimit të Policisë së Tiranës, nga operacioni u arrestuan, Sh. A., 35 vjeç, banues në Tiranë, administrator i një shoqërie, për veprat penale “Krijimi i skemave mashtruese lidhur me tatimin mbi vlerën e shtuar”, “Falsifikimi i vulave, stampave ose formularëve”, “Fshehja e të ardhurave” dhe “Mospagim i taksave dhe tatimeve”. S. H., 32 vjeç, banues në Tiranë, me detyrë specialist në Drejtorinë e Përgjithshme të Tatimeve, për veprat penale “Krijimi i skemave mashtruese lidhur me tatimin mbi vlerën e shtuar”, “Falsifikimi i vulave, stampave ose formularëve”, “Fshehja e të ardhurave”, “Mospagim i taksave dhe tatimeve” dhe “Shpërdorimi i detyrës”; “E. A., 34 vjeç, banues në Tiranë, administrator i zyrës së kontabilitetit në një firme private, për veprat penale “Krijimi i skemave mashtruese lidhur me tatimin mbi vlerën e shtuar”, “Falsifikimi i vulave, stampave ose formularëve”, “Fshehja e të ardhurave”, “Mospagim i taksave dhe tatimeve” dhe “Shpërdorimi i detyrës”; L. R., 33 vjeç, banues në Tiranë, ekonomist tek zyra e kontabilitetit në një firme private, për veprat penale “Krijimi i skemave mashtruese lidhur me tatimin mbi vlerën e shtuar”, “Falsifikimi i vulave, stampave ose formularëve”, “Fshehja e të ardhurave” dhe “Mospagim i taksave dhe tatimeve”, A. K., 51 vjeç, banues në Tiranë, i përfshirë në skemën e mashtrimit, pasi ka bërë deklarimet e subjekteve fiktive, për veprat penale “Krijimi i skemave mashtruese lidhur me tatimin mbi vlerën e shtuar”, “Falsifikimi i vulave, stampave ose formularëve”, “Fshehja e të ardhurave” dhe “Mospagim i taksave dhe tatimeve””,-njofton Policia
“Gjithashtu u shpallën në kërkim shtetasit me iniciale I. D. dhe D. S., për veprat penale “Krijimi i skemave mashtruese lidhur me tatimin mbi vlerën e shtuar”, “Falsifikimi i vulave, stampave ose formularëve”, “Fshehja e të ardhurave” dhe “Mospagim i taksave dhe tatimeve”. Për të gjithë këta shtetas, Gjykata e Rrethit Gjyqësor Tiranë ka caktuar masën e sigurimit “Arrest në burg“”.- njofton Policia.
“Nga hetimet e kryera ka rezultuar se shtetasit e mësipërm, në bashkëpunim me njëri-tjetrin kanë regjistruar 4 subjekte fiktive dhe gjatë viteve 2018-2019 kanë bërë ndërmjet tyre shitje fiktive në vlera të konsiderueshme monetare që arrijnë vlerën 130.052.820 lekë, duke i shkaktuar shtetit, nëpërmjet tatimit mbi vlerën e shtuar, një dëm financiar në vlerën 20.568.304 lekë. Materialet procedurale i kaluan Prokurorisë pranë Gjykatës së Shkallës së Parë Tiranë, në ngarkim të shtetasve të mësipërm, për veprat penale “Krijimi i skemave mashtruese lidhur me tatimin mbi vlerën e shtuar”, “Falsifikimi i vulave, stampave ose formularëve”, “Fshehja e të ardhurave”, “Mospagim i taksave dhe tatimeve” dhe “Shpërdorimi i detyrës””,, bëri të ditur policia./atsh
“Kuvendi i Shqipërisë e shkarkon Presidentin e Republikës dhe procesi certifikohet nga Gjykata Kushtetuese, ndërsa Presidenti i Republikës, në gjuhë popullore, i vjen anash Kuvendit në kuptimin e të drejtës Kushtetuese për të shkarkuar apo shpërndarë Kuvendin”.
Kështu u shpreh sot në një prononcim për mediet, kryetari i grupit parlamentar të Partisë Socialiste, Taulant Balla, duke iu përgjigjur aludimeve se Presidenti i Republikës mund të shpërndajë parlamentin pas 15 marsit.
“Diskutohet me patos në lloj-lloj banaku, studiosh, dyshemeje, rruge, bulevardi, se njëri që fryhet do të dali e do të shpërndajë parlamentin, e si këto historia. Të jemi serioz për gjërat që flasim. Republika e Shqipërisë është një Republikës e pastër parlamentare, e kulluar, dhe Presidenti i Republikës, Ilir Meta i zgjedhur në atë detyrë nga Kuvendi i Shqipërisë e di fare mirë këtë mungesë të së drejtës së Presidentit të Republikës për të pasur këtë lloj qasje në marrëdhënie me Kuvendin e Shqipërisë”, tha Balla.
Ai theksoi se “Presidenti i Republikës ta ketë të qartë se është nën hetim nga Kuvendi, për sa i përket shkeljeve të njëpasnjëshme Kushtetuese”.
“Dua ta nxis komisionin hetimor që në një kohë sa më të shpejt t’i lexojë para shqiptarëve shkeljet e Kushtetutës nga Presidenti. Mos ja zini veshët kot dhe mos jepni më arsye për diskutim në tryezat e kafeneve dhe shtëpive të shqiptarëve me historinë që Presidenti pas 15 marsit shpërndan Kuvendin. Është qesharake dhe nuk duhet marrë në konsideratë”, tha Balla.
Lidhur me mitingun e 2 marsit, Balla tha se “si organizator i vjetër i shumë e shumë protestave dhe takimeve elektorale të PS-së më duket si diçka normale të mbledhësh tok anëtarë partie që kanë mbetur siç thoshte Basha, nga falimentimi i shpk-së.
“Kjo që po ndodh nuk ka të bëjë me marrëdhënie ndërinstitucionale por kemi të bëjmë thjesht dhe vetëm me një garë të brendshme brenda opozitës, ku është çelur një sezon gare për lidershipin e saj. Ne kemi njohur deri tani kryetar Bashën, asi të mbaroj ky proces zgjedhor brenda opozitës do të dimë kush është kryetari i opozitës”, tha Balla./atsh
“Në ambicien tonë, Rindërtimi nuk është thjesht një politikë strehimi në zona të caktuara, por është një mundësi e re për vendin që të ecë me një shpejtësi të re drejt një situate më të mirë ekonomike, urbane dhe sociale”.
Kështu deklaroi sot kryeministri Edi Rama, në mbledhjen e Komitetit Kombëtar të Rindërtimit, të cilës iu bashkuan edhe përfaqësuesit më të mëdhenj të komunitetit të Donatorëve.
Kryeministri theksoi se “Programi i Rindërtimit nuk është thjesht një program që duhet të trajtoj dëmet nga tërmeti, por është një mundësi e jashtëzakonshme për të ndërtuar në të njëjtën kohë një program që duhet të jetë një model transparence, efikasiteti dhe rezultatesh të shkëlqyera për njerëzit së pari e mbi të gjitha për Shqipërinë”.
Rama tha se “duke bërë këtë gjë së bashku ne përcjellim një mesazh mjaft të qartë për komunitetin e Donatorëve dhe për popullin shqiptar dhe këtë e bëjmë duke theksuar objektivin tonë të përbashkët për të bërë më të mirën, me atë fillim fantastik që patëm më 17 shkurt në Bruksel”.
“Ne e dimë shumë mirë që ka rezultate të ndryshme në përballimin e katastrofave dhe situatave pas tyre në vende të ndryshme dhe po kështu edhe brenda të njëjtit vend. Ka përvoja suksesesh të mëdha, siç ka edhe përvoja të hidhura dështimi. Ne kemi bërë detyrat e shtëpisë, i kemi kaluar të gjitha ato dhe jemi përpjekur të kuptojmë se si është ndërtuar suksesi, apo përse ka ndodhur dështimi. Mbështetur në të gjitha këto dhe duke qenë mjaft i vetëdijshëm se për ne kjo është përvoja e parë, sepse na duhet të merremi me diçka që Shqipëria nuk është marrë kurrë më parë, menduam se gjëja më e mirë për të bërë është të kërkonim me mjaft përulje ndihmën tuaj”, tha Rama.
Ai tha se pjesëmarrja e ndërkombëtarëve në këtë tryezë, jo thjesht do të garantojë palët, por edhe mund të sjellë këtu mjaft njohuri falë ekspertizës të jashtëzakonshme që kanë ndërtuar përgjatë shumë viteve në vendet dhe organizatat e tyre”./atsh
Shërbimi Meteorologjik Ushtarak bën me dije se moti sot parashikohet fillimisht me vranësira të dendura shoqëruar me reshje shiu të herëpashershme me intensitet të ulët dhe mesatar në formën e shtrëngatave dhe stuhive. Më pas duke nisur nga orët e mesditës mot me alternime kthjellimesh dhe vranësirash. Në momentin e zhvillimit të vranësirave reshje shiu të dobta dhe lokale.
Mjegull / mjegullinë, për shkak të reshjeve. Era do të fryjë me drejtim juglindje – veriperëndim 1-10m/s, duke bërë që deti të jetë i forcës 0-1 ballë.
Temperaturat parashikohen:
QYTETET Temperaturat në °C Sigla
Shkodër 6/13 Shi diell/re
Kukës 5/8 Shi diell/re
Lezhë 6/13 Shi diell/re
Dibër 4/7 Shi diell/re
Durrës 9/15 Shi diell/re
Tiranë 10/16 Shi diell/re
Elbasan 6/12 Shi diell/re
Berat 6/14 Shi diell/re
Vlorë 7/14 Shi diell/re
Korçë 5/8 Shi diell/re
Gjirokastër 7/12 Shi diell/re
Sarandë 8/13 Shi diell/re/atsh
