Aktualitet

Ambasadori italian në Shqipëri Fabrizio Bucci është i bindur se do hapen negociatat e Shqipërisë me BE këtë vit

Teksa foli në Universitetin “Luigj Gurakuqi” të qytetit, diplomati italian tha se Italia është partner besnik i vendit tonë duke e mbështetur që prej vitit 2000 për t’u anëtarësuar në BE. Në fjalën e tij, Bucci i dha përparësi reformës në drejtësi, realizimi i së cilës do të garantojë integrimin e vendit tonë në Europën e Bashkuar. Ai theksoi se janë plotësuar disa kritere të vendosura nga BE, por duhet të vazhdohet me realizimin e reformave të rëndësishme në vend.

Më tej, përfaqësuesi i Italisë në vendin tonë tha se nëse Shqipëria merr “ok” për çeljen e negociatave nuk do të thotë se do të përfshihet direkt në tregun e përbashkët europian, pasi faza e negociatave kërkon disa vite kohë për të përfunduar.

“Po ndihmojmë Shqipërinë në Reformën në Drejtësi. Jemi të pranishëm në çdo sektor në jetën shqiptare. Këtë raport të veçantë e dërgojmë edhe në Bashkimin Europian. Italia çdo herë ka mbështetur Shqipërinë për tu anëtarësuar në BE, duke filluar nga viti 2000. Italia, gjithmonë, ka qenë miku dhe avokati më i ngushtë i Shqipërisë në marrëdhënien me BE. Italia ka ushtruar presion që Shqipëria të avancojë për integrimin në BE. Kemi një shprehje ‘na ndihmoni, të ju ndihmojmë’ dhe mënyra më e mirë është që Shqipëria të ecë përpara me reformat. Reformat në Shqipëri janë të shumta, por reforma në drejtësi është më e rëndësishmja për integrimin. BE bën kujdes të veçantë për këtë. Reforma në drejtësi i jep siguri të së drejtës për sipërmarrjet që duan të veprojnë në Shqipëri. Vendimi i Këshillit të Europës është shoqëruar me disa kritere që duhen përmbushur nga Shqipëria dhe disa janë kryer. Jam besimplotë që brenda këtij viti do të hapen negociatat. Negociatat do të hapen kur te thirret konferenca ndërqeveritare mes qeverisë shqiptare dhe BE. Negociatat do të zhvillohen mes ekspertësh shqiptarë dhe të Brukselit. Nuk flasim më nëse Shqipëria do të hyjë apo jo në BE, por kur do të hyjë. Hapja e negociatave nuk është një fund, por një fillim. Tani fillon ‘ndeshja’ e vërtetë. Shpresojmë që këtë vit do të hapen negociatat dhe të jetë një proçes i shpejtë, edhe pse zgjat disa vite”, u shpreh në Shkodër ambasadori i Italisë në Shqipëri Fabrizio Bucci.

Këtë të hënë rinis gjyqi ndaj Presidentit Ilir Meta në Gjykatën Kushtetuese. Por presidenti Meta duket se ‘nuk e vret mendjen’, pasi vetëm pak minuta para se të nisë seanca në Kushtetuese e njoftuar për në orën 10:00, ai ka postuar një foto nga liqeni i Tiranës, ku mesa duket ka dalë për ecje.

“Të dashur miq ju uroj një javë të mbarë!”, shkruan Presidenti krahas fotos, në dukje i pashqetësuar për gjyqin e tij.

Presidenti ka zgjedhur të mos marrë pjesë fizikisht në gjyqin që po zhvillohet ndaj tij, duke ia lënë në dorë mbrojtjen juristeve, të cilët u bënë shkak që procesi te zvarritej pasi kërkuan kohë për të njoftuar kreun e shtetit për atë që ndodhi në seancë.

Më 3 shkurt Presidenca paraqiti një fashikull prej 140 faqesh, ku vihej në pikëpyetje legjitimiteti i Kuvendit që shkarkoi Ilir Metën, ndërsa mazhoranca socialiste u akuzua për hakmarrje politike.

Parashtrimet e juristëve të Ilir Metës nuk bindën gjyqtarët kushtetues të cilët drejtuan një mori pyetjesh në adresë të kreut të shtetit.
Procesi që po zhvillohet ndaj Ilir Metës në Kushtetuese po tregon se hallkat e gjyqësorit nuk ndryshojnë shumë nga njëra tjera, pasi tre mbledhje nuk mjaftuan për të mbyllur gjyqin ndaj kreut të shtetit.

Presidenti Ilir Meta ka kujtuar në 5-vjetorin e vdekjes poetin e madh Dritëro Agolli.

Meta ka postuar një foto, ku shihet duke pirë një kafe teksa kujton Dritëro Agollin me vargjet e vjershës “Kur të jesh mërzitur shumë.

Postimi i Metës:

Me qetësi dhe poezi, duke kujtuar Dritëroin e madh, me rastin e 5-vjetorit të ndarjes prej nesh:

“Po kur të jesh mërzitur shumë,

Në raft të librave kërkomë,

Atje do të jem i fshehur unë,

Në ndonjë varg a ndonjë shkronjë,

Mjafton që librin pak ta heqësh

Dhe unë do zbres, do vij pas teje;

Ti si dikur me mall do qeshësh,

Si një blerim pas një rrekeje”