Aktualitet

Kryeministri Edi Rama sqaroi sërish sot se “kufiri është i mbyllur dhe as nuk mund të dalë, as nuk mund të hyjë dot njeri”.

“Duke parë se mediet vazhdojnë i kuptojnë dhe komunikojnë sipas qejfit informacionet apo pohimet tona, madje edhe kur janë krejt të qarta e të stërpërsëritura, po ristërpërsëris: kufiri është i mbyllur. As nuk mund të dalë, as nuk mund të hyjë dot njeri”, – tha Rama.

Kryeministri theksoi se “ne jemi në një luftë botërore dhe si gjithë bota, po mbrohemi me masa e me rregulla që deri dje nuk i imagjinonim se mund të ishin e vetmja mbrojtje e shëndetit të popullit”.

“Mbyllja e kufijve është njëra prej tyre. Dhe le të hidhen përpjetë ata që nuk duan të kuptojnë, bashkë me nxitësit apo simpatizantët e tyre, që nuk duan që Shqipëria ta fitojë këtë luftë, po kufiri nuk hapet për asnjë që vjen në pikën kufitare me teorinë e ‘faktit të kryer’”, – tha Rama.

Kryeministri tha se “kujt nuk do që ta mbrojë jetën e tij, jemi ne që do t’ia imponojmë dhe nuk do ta lemë të marrë në qafë veten apo të tjerët”.

Ndërkohë, Rama tha se “afatet e dokumenteve të çfarëdolloji kanë rënë në çdo vend, sepse qytetarët nuk janë përgjegjës për djegien e afatit të tyre”. “Kështu që të gjithë të rrinë aty ku ndodhen dhe të mos kërkojnë të pamundurën në këto kushte”, – shtoi ai.

Ndërkohë, kush ka një arsye jetike, të verifikuar nga konsullata më e afërt dhe nuk rri dot pa lëvizur drejt kufirit tokësor, sipas Kryeministrit, “do të mund të shkojë në shtëpi vetëm pasi të karantinohet 14 ditë në një dhomë brenda një strukture hoteliere pranë kufirit, me shpenzimet e veta”.

“Nga kjo mundësi përjashtohen kategorikisht qytetarët që janë rezidentë në vende të tjera, të cilët, e përsëris, nuk do të hyjnë dot në Shqipëri me teorinë e faktit të kryer! Më shani e më mallkoni mua sa të doni, po që ne t’i vemë zjarrin e Koronës këtij vendi, duke këputur hallkat e kufirit nga zinxhiri i mbrojtjes, që deri tani pa na mban në këmbë siç duhet, kjo është e pamundur”, – tha Rama./atsh

Personaliteti i këtyre shenjave të zodiakut është i jashtëzakonshëm, ato kanë aftësinë të shndërrojnë një ditë me shi, në një ditë të vërtetë pranvere, për njerëzit përreth tyre.

Zbuloni nëse jeni pjesë e tyre:

SHIGJETARI

Pa dyshim, Shigjetari është shenja më e lumtur nga të gjitha. Ndoshta është për shkak se ata kanë një sens të natyrshëm aventure dhe lirie. Kur ndjehen keq, ata kanë një mekanizëm të integruar të shpëtimit nga dhimbja, që i lejon të kthehen për të qenë sërish të lumtur.

LUANI

Pak a shumë si Shigjetari, këta njerëz janë tamam si fëmijë të lumtur. Ata kanë etje për pozitivitet dhe e gjejnë gjithmonë, pavarësisht se çfarë ndodh. Edhe pse ata mund të mos jenë në gjendje të eleminojnë me magji trishtimin siç bën Shigjetari, ata janë gjithësesi një nga shenjat më të lumtura të zodiakut.

DASHI

Duke përfunduar shenjat e zjarrit, Dashi është shenjë mjaft e lumtur. Ata kanë një prirje për t’u kujdesur për të tjerët. Zakonisht, ata e largojnë kollaj humorin e keq, pasi me vetëdije preferojnë të jenë të lumtur dhe të shkujdesur. / meb.al

Mjekja Ornela Gelaj beson se jeta do të triumfojë, ndaj vendosi ti bashkohej ekipit mjekësor shqiptar për të dhënë kontributin në Itali.

Ministrja e Shëndetësisë dhe Mbrojtjes Sociale, Ogerta Manastirliu ka publikuar arsyen pse mjekja shqiptare vendosi të japë kontributin e saj në spitalin e Breshias.

Ornela Gelaj thotë se beson se jeta do të triumfojë ndaj edhe vendosi t’i bashkohej ekipit të mjekëve italianë në vijën e parë të përballjes me COVID-19.

“Unë besoj se jeta do të triumfojë, ndaj pranova menjëherë t’i bashkohem ekipit të mjekëve italianë në vijën e parë të përballjes me COVID-19. Pavarësisht vështirësive, këtu mbizotëron fryma pozitive dhe do t’ia dalim për ta përballuar këtë situatë” -thotë doktoreshë Ornela Gelaj, pjesë e ekipit shqiptar që sot luftojnë në vijën e parë të luftës në spitalin civil të Breshias në Itali. /atsh