Aktualitet

Presidenti Ilir Meta uroi sot besimtarët ortodoksë dhe të gjithë shqiptarët kudo që ndodhen për festën e Pashkës duke theksuar se “le të falim më shumë solidaritet mbarëkombëtar dhe paqe, me fjalë e vepra të thjeshta dashurie”.

“Sivjet, një armik i padukshëm, që po kushtëzon mendimet dhe sjelljet tona të përditshme, na detyron mos ta kremtojmë siç do donim këtë Festë të Madhe e të Shenjtë. As Dritën e Ngjalljes nuk do mundemi dot ta marrim sot në Kishë dhe ta kalojmë nga dora në dorë, për ta çuar në shtëpitë tona. Por Krishti i Ngjallur na mëson: MOS KINI FRIKË! Nxënësit e Tij të vërtetë, duhet të bëhen “dritë e botës”. Kështu le të shndrisë drita juaj përpara njerëzve, që të shikojnë veprat tuaja të mira dhe të lavdërojnë Atin tuaj në qiej”, – nënvizoi Meta.

Kreu i Shtetit shprehet se “me kurajën dhe shpresën që na fal Krishti i Ngjallur dhe me Ngjalljen brenda nesh, le ta përjetojmë këtë Ditë të Bekuar dhe mesazhin e saj në thellësitë e zemrës dhe shpirtit tonë dhe ta përhapim atë jo vetëm brenda familjeve tona, por edhe tek të afërmit e miqtë tanë që ndodhen fizikisht larg nesh, tek të moshuarit, të sëmurët, të vetmuarit dhe njerëzit më në nevojë”.

“Le të falim sot më shumë solidaritet mbarëkombëtar dhe paqe, me fjalë e vepra të thjeshta dashurie, le të ndajmë sot të mirat dhe gëzimet tona, për të ndriçuar honet e errëta të ndasive, zbrazëtisë së brendshme, vetmisë dhe varfërisë, veçanërisht të atyre që vuajnë nga mjerimi, dhimbjet dhe braktisja”,/r.e/ tha Meta.

Presidenti u shpreh se “le të shpërndajmë sot Dritën e Ngjalljes tek të gjithë, për të mbështetur njëri-tjetrin në betejën e përgjithshme për t’u çliruar nga frika dhe pandemia dhe për t’u bashkuar me njëri-tjetrin në një përpjekje të re në të mirë të lirisë së shpirtit, drejtësisë, të vërtetës, begatisë, mirëkuptimit, pajtimit, vëllazërimit dhe dinjitetit tonë njerëzor. Le të lutemi sot edhe për heronjtë e ditëve tona, mjekët dhe infermierët, e për këdo që është në vijën e parë të mbrojtjes së shëndetit dhe të sigurisë të çdo qytetari. Por edhe për priftërinjtë e klerikët që në krye të misionit të tyre hyjnor e fisnik po bëjnë aq shumë për ne të gjithë në këto momente tepër të vështira, veçanërisht për komunitetet më të përvuajtura”.

Një urim të veçantë, vijoi Meta, kam sot për komunitetin e dashur të shqiptarëve në Greqi dhe Shtetet e Bashkuara të Amerikës të prekura rëndë nga pandemia, dhe për të gjithë bashkëatdhetarët tanë kudo në botë.

“Uroj të kremtojmë Pashkën me frymë, energji dhe shpresa të ripërtërira, me ngjallje të vërtetë në shpirtrat e zemrat tona, për një shoqëri solidariteti dhe përgjegjësie të përbashkët”, – përfundoi Meta./atsh

Shërbimi Meteorologjik Ushtarak bën me dije se moti sot në vendin tonë parashikohet i kthjellët në të gjithë territorin përjashtuar vranësirat e pakta kalimtare transparente. Era do të fryjë me drejtim juglindje – jugperëndim 1-8 m/s. Valëzimi në dete parashikohet i forcës 0-1 ballë.

Temperaturat parashikohen:

QYTETET Temperaturat në °C Sigla
Shkodër 8/25 Diell re transparente
Kukës 8/26 Diell re transparente
Lezhë 8/25 Diell re transparente
Dibër 7/25 Diell re transparente
Durrës 10/23 Diell re transparente
Tiranë 9/25 Diell re transparente
Elbasan 9/26 Diell re transparente
Berat 4/26 Diell re transparente
Vlorë 8/24 Diell re transparente
Korçë 5/23 Diell re transparente
Gjirokastër 4/26 Diell re transparente
Sarandë 9/23 Diell re transparente/atsh

“Se pas dimrit vjen një verë, që do kthehemi njëherë, pranë vatrës, pranë punës, anës Vjosës, anës Bunës”.

Me këto vargje marrë nga poezia “Anës lumenjve” e Fan Nolit, Kryeministri Edi Rama përcolli një tjetër mesazh inkurajues sot përmes rubrikës “Fjalë të çmuara”.

Ndërkohë që në Shqipëri vijojnë të zbatohen masat kundër përhapjes së COVID-19, duke kufizuar më tej lëvizjen e qytetarëve, autoritetet shtetërore vazhdojnë t’i bëjnë thirrje atyre të qëndrojnë në shtëpi dhe të zbatojnë të gjitha rregullat e distancimit social. /atsh