Aktualitet

Ministrja e Financave dhe Ekonomisë Anila Denaj, e vijoi edhe sot turin e komunikimeve të drejtpërdrejta me biznesin për të qenë pranë tyre me mbështetjen financiare të Qeverisë për punonjësit, me zbatimin e Garancive Bankare dhe për të dëgjuar nevojat për të ardhmen.

Kryeministri Edi Rama publikoi pamje nga vizitat e ministres Denaj me biznesin, ndërsa bëri të ditur se jemi gati të vëmë në lëvizje planin kombëtar “Shqipëria 2030”, për rimëkëmbjen dhe zhvillimin e ri ekonomik e social të Shqipërisë.

Ministrja Denaj i njohu përfaqësuesit e biznesit me mundësitë për të përfituar nga garancitë sovrane të akorduara nga qeveria në ndihmë të biznesit për pagat, por edhe për investimet, si dhe me urdhërin e firmosur nga Kryeministri dhe Banka e Shqipërisë për shtyrjen edhe me tre muaj të tjerë të pagesës së kësteve të kredive

Një nga përfaqësuesit e biznesit i komunikoi ministres Denaj se Banka i kishte kërkuar të niste pagesën e këstit të kredisë për muajin qershor.

Denaj e informoi atë se Kryeministri dhe Guvernatori i Bankës së Shqipërisë kanë firmosur për ndërprerjen edhe për një tremujor tjetër pagesën e kësteve të kredive.

“Përpiquni të negocioni me bankat për tre muaj të tjerë. Përfitoni, sepse kjo marrëveshje është realizuar dhe këmbëngulni. Sigurisht ai është detyrim dhe si i tillë duhet paguar. Por ngrirja e kësteve të kredive, pagesa e pagave dhe garancia sovrane për paga dhe investime ju ndihmojnë“, u shpreh ministrja Denaj.

Sipas Denaj, e gjithë përpjekja për tu ringritur do të kërkojë pak kohë, e durim. Sikurse e kapërcyem mbylljen, vijoi ministrja, duhet të jemi të kujdesshëm edhe gjatë kësaj periudhe kohe për të ruajtur veten me maska e doreza, sepse asnjë nga ne nuk do të dëshironte të mbyllej.

“Paralelisht duke respektuar masat të kthejmë mbrapa edhe klientelën”, tha ajo.

Ministrja u ndal edhe në një tjetër biznes i cili kishte përfituar bonusin prej 40 mijë lekësh për punonjësit e tij.

“Kemi vënë re nga disa vizita që jo të gjitha bizneset e dinë që qeveria shqiptare ka mundësuar një garanci për kredi që bankat e nivelit të dytë mund të ju a japin me risk më të ulët sepse kanë garancinë“, tha Denaj.

Nëse ju e shikoni se vështirësia operacionale nuk përballohet em nivelin e xhiros, tha Denaj, shkoni në bankë adresoni nevojën për garancinë e dytë e cila është një garanci e mundësuar që prej muajit maj

“Është një garanci ku bankat vënë 40 % të riskut dhe qeveria vendos 60% të riskut. Për 6 muaj biznesi nuk paguan interes dhe kjo mundëson që për këtë periudhë ti nuk ke presionin e shlyerjes. Do të thosha që janë mundësi që duhet ti shfrytëzojmë“, deklaroi ministrja./atsh

Kryeministri Edi Rama publikoi sot pagesat e kryera ndaj një biznesi në Durrës, i cili në takimet me kryetarin e Partisë Demokratike, Lulzim Basha deklaron se nuk kanë përfituar asgjë.

“Teatri vazhdon. Të qash se s’qesh dot”, thuhet në mesazhin që shoqëron pamjet.

Kreu i PD-së, Lulzim Basha më 14 maj vizitoi biznesin “NICOLE.K” në Durrës duke deklaruar se “qytetarët nuk kanë marrë asnjë ndihmë ekonomike”.

Ndërkohë më 14 maj, biznesi “NICOLE.K” rezulton përfitues i 2 pagave për 3 punonjës në datat 14 prill dhe 8 maj.

Punonjësit e këtij biznesi që kanë përfituar pagat janë:
Paga e I

Dhori Lleshi Union Bank 26,000 14/04/2020
Xhuliana Muça Union Bank 26,000 14/04/2020
Kastriot Muka Union Bank 26,000 14/04/2020

Paga e II

Dhori Lleshi Union Bank 26,000 08/05/2020
Xhuliana Muça Union Bank 26,000 08/05/2020
Kastriot Muka Union Bank 26,000 08/05/2020

Biznesi “NICOLE.K” është gjithashtu përfitues i pagës së 3-të për 3 punonjësit më datë 3 qershor 2020

Paga e III

Dhori Lleshi Union Bank 26,000 03/06/2020
Xhuliana Muça Union Bank 26,000 03/06/2020
Kastriot Muka Union Bank 26,000 03/06/2020

62 448 qytetarë kanë marrë 3 paga lufte, ndërsa 166 571 qytetarë kanë marrë pagesën 40 mijë lekë.

Prej paketës së parë dhe Paketës së Zgjeruar kanë përfituar gjithsej çerek milioni shqiptarë, ndërsa pagesat vazhdojnë./atsh

Programi IPARD II i bashkëfinancuar nga qeveria shqiptare dhe BE, me një total financimi prej 94 milionë euro ka transformuar zhvillimin e sektorit të bujqësisë në vendn tonë në shumë drejtime biznesi dhe ka nxitur punësimin e të rinjve.

Mnistria e Bujqësisë dhe Zhvillimit Rural, po përgatitet të hapë thirrjen e tretë në programin IPARD II, pas realizimit me sukses të dy thirrjeve të para të këtij programi që financon nga 50-70% të vlerës së investimit për tre masa mbështetëse: Investime në fermë, agropërpunim dhe agroturizëm.

Aktualisht Agjencia e Zhvillimit Bujqësor dhe Rural, (AZHBR) zbatuese e këtij Programi po punon krahas shqyrtimit të e 371 aplikimeve me një kërkesë për fond prej 82.4 milionë euro, edhe për hapjen e një thirrje tjetër, përtej pritshmërisë pozitive të zbatimit të IPARD për thirrjen e Tretë në mbështet të masave të reja mbështetëse për fermerët.

Aktualisht në thirrjen e Dytë për Masa 1 janë kryer 148 aplikime, me 23.25 milion euro; Masa 3: 93 aplikime me 34.53 milionë euro dhe Masa 7: 130 aplikime me 24.62 milionë euro.

Programi synon të mbështesë fermerët, shoqëritë e bashkimit bujqësor, stabilimentet e përpunimit ushqimor, personat fizikë, juridikë, mikro-sipërmarrjet dhe sipërmarrjet e vogla private jo bujqësore që kryejnë investime në sektorin bujqësisë.

Investimet përfshijnë prodhimin dhe përpunimin në sektorin e qumështit, mishit, fruta perimeve, vreshtave, investime mund të kryhen në akuakulturë, si dhe në lidhje me shërbimet për popullsinë e zonave rurale, turizmin natyror, si dhe prodhimin e energjisë së rinovueshme./atsh

Data 12 dhe 13 qershor shënon festën e Shna Ndout, ku si çdo vit besimtarë të shumtë i drejtohen Kishës së Laçit.

Kryeministri Edi Rama ka publikuar një video nga Kisha e Shna Ndout që bën bashkë besimtarët e të gjitha feve në vendin tonë.

“MËNGJES I SHENJTË nga kisha Shna Ndou”, shprehet Rama krahas videos nga ky vend i paqtë.

Ndryshe nga vitet e tjera, për shkak të pandemisë, besimtarët nuk kanë mundur të ndjekin të 13-të të martat e e kësaj feste të shenjtë, ritual i cili fillon që nga mesi i muajit mars dhe që përfundon në 12 dhe 13 qershor.

Kisha e Shna Ndout në Laç prej vitesh është bërë vendi i bashkimit të besimtarëve të të gjithë besimeve nga të gjitha qytetet si shenjë e tolerancës dhe harmonisë fetare që ekziston në Shqipëri.

Kjo kishë për të gjithë pelegrinët është burim besimi, shprese, dashurie dhe optimizmi./atsh

Presidenti Ilir Meta ka uruar të gjithë besimtarët për festën e Shna Ndout.

Duke publikuar foto nga Kisha e Laçit, Meta ka uruar besimtarët për një jetë të mbushur me dashuri dhe begati.

“Në këtë Natë të Bekuar të Shna Ndout, u bashkohem lutjeve tuaja për një jetë më të begatë, të mbushur plot lumturi e mbarësi për ju e familjet tuaja, dhe uroj përzemërsisht të keni bekimet e Shenjtit”, shprehet Meta./atsh