Aktualitet

Rreth 60% e fermerëve në 12 qarqet e vendit kanë aplikuar në Skemën Kombëtare 2020, për të përfituar subvencione në blegtori.

Agjencia e Zhvillimit Bujqësor dhe Rural, bën të ditur se, 4 mijë e 700 fermerë kanë aplikuar për të përfituar nga masa e mbështetjes për blegtorinë nga 7 434 që është numri total i aplikimeve që kanë kryer deri tani fermerët në shkallë vendi.

Fondi i programit për bujqësinë dhe zhvillimin rural, për vitin 2020 adreson mbështetje financiare të drejtpërdrejtë për blegtorët duke i subvencionuar ata për krerë bagëti.

Skema Kombëtare 2020 adreson mbi 65% të fondit të saj në financimin e fermerëve për fermat me jo më pak se 70 krerë dele dhe/ose dhi, në vlerën 1 200 lekë/krerë, por jo më shumë se 360 000 lekë për subjekt, ndërsa për fermat me jo më pak se 5 krerë lopë, në vlerën 10 000 lekë/krerë, por jo më shumë se 500 000 lekë për subjekt.

Gjatë vitit që lamë pas fermerët përfituan subvencion për çdo faturë të shitjes së qumështit te grumbulluesit. Në 2019, fermerët blegtorë përfituan në total 40 milionë lekë përmes skemës së qumështit me 10 lekë për litër.

Aplikimet në Skemën Kombëtare të mbështetje në Bujqësisë 2020 u çelën në 16 maj dhe mbyllen në 19 qershor. /atsh

Policia Vlorës ka intensifikuar kontrollet e saj për zbatimin nga ana e qytetarëve dhe bizneset masave dhe protokolleve të caktuara për mos përhapjen e koronavirusit.

Artion Duka, Kreu i Policisë së Vlorës, në një prononcim për mediat ka bërë të ditur se kontrollet do intensifikohen, veçanërisht nëpër lokale dhe bare.

“Siç dhe jeni në dijeni edhe qyteti i Vlorës është bërë një nga pikat e nxehta për sa i përket situatë së COVID-19. Policia ka shtuar masat për kontrollin dhe zbatimin e rregullave për aktin normativ të dalë nga kjo situatë. Ne kemi dalë për të parë nëse respektohen rregullat, distancimi fizik, masat që duhen marrë për mbarëvajtjen e jetës së qytetarëve”,- tha Duka.

“Dua t’i bëjë apel qytetarëve të Vlorës, ne si qytetarë duhet t’i shmangim në maksimum grumbullimet. Ne si Polici kemi marrë përsipër të mos i lejojmë këto lloj grumbullimesh. Është përgjegjësi individuale nëse do tentojnë të grumbullohen dhe ne do zbatojmë ligjin me rigorozitet”,- tha Duka.

“Qytetarët e Vlorës duhet të ruajnë distancim fizik në ceremonitë mortore, pasi duke nisur nga sot do i monitorojmë dhe këto ceremoni. Do zbatojmë me rigorozitet aktin normativ. Ne do i japim një autorizim për mjete që do shoqërojnë të ndjerin”,- tha më tej Duka.

“Doja t’i bëja thirrje personave të infektuar dhe familjarëve të tyre, që janë në shtëpi, të respektojnë mos daljen nga banesa dhe të respektojnë karantinimin. Ne kemi të gjithë emrat dhe kontaktet. I kemi bërë thirrje të mos dalin dhe të respektojnë rregullat e karantimit. Kemi bashkëpunuar dhe me bashkinë e Vlorës për t’i dërguar ushqime me qëllim për të eliminuar daljen e tyre nga banesa”,- tha Kreu i Policisë së Vlorës.

“Sa i takon kontrolleve në bare e lokale, ne në këtë rast, jemi forcë mbështetëse e inspektorateve që kanë për detyrë monitorimin e këtyre aktiviteteve. Të gjithë bar kafet me ambientet e mbyllura nuk do të funksionojnë. Ato të hapura duhet të respektojnë distancimin fizik. Kjo gjë s’bëhet vetëm me urdhër, por duhet dhe sensibilizim për distancimin fizik. Tani jemi futur në një pikë rreziku për situatën COVID-19. Qyteti i Vlorë nuk është më vetëm me një vatër, por ka disa vatra dhe nuk përcaktojmë dot një zonë apo një tjetër. I kemi në monitorim çdo ditë të gjitha zonat dhe të gjithë qytetin për respektimin e masave”, -garantoi Kreu i Policisë së Vlorës, Artion Duka./atsh

Kryetari i PD-së Lulzim Basha ka zhvilluar sot një takim me fermerët në Ndroq.

Basha shprehet se “fermerët që përbëjnë gjysmën e popullsisë dhe jetojnë me tokën me bujqësinë e blegtorinë janë lënë komplet jashtë vëmendjes. Nuk kanë marrë asnjë lloj mbështetje, jo vetëm tani, por për 7 vite me radhë, pjesa dërmuese e fermerëve nuk kanë marrë subvencione. Ata punojnë nga mëngjesi deri në darkë dhe nuk kanë garanci të nxjerrin dhe të sheshin në treg prodhimet. Mungesë totale mbështetje, braktisje totale, ndërkohë që qindra e miliona euro që këta njerëz paguajnë nga TVSH, faturat e energjisë shkojnë për 4-5 oligarkë”.

Ai shtoi se “qeveria ka paguar vetëm 90 milionë euro për të gjithë shqiptarët për tre muaj të pandemisë”.

“Për fermerët shqiptarë paketa jonë është e qartë. Ne do të kemi subvencionet siç ka edhe Kosova dhe Maqedonia e Veriut dhe subvencionet nuk do të shkojnë për grumbulluesit, por drejtpërdrejtë te prodhuesit dhe në bazë të prodhimit do të marrin subvencionet. Prodhimi i tyre do mbrohet dhe asnjë prodhim i huaj nuk do të hyjë në doganat shqiptare pa patur një tarifë të barazvlefshme me subvencionet që ata marrin nga qeveritë e tyre”, tha ai.

Basha theksoi se “prodhimet e fermerëve shqiptarë do të jenë të parët në tregun tonë, ndërkohë që do nxisim dhe eksportin”.

“Me uljen e çmimit të naftës dhe heqjen e taksës që i ka kushtuar prej viti 2013, 240 lek për litër çdo shqiptari, ne do të mundësojmë që prodhimet tona të bëhen më konkurruese”, theksoi Basha. /atsh

Moti sot parashikohet i paqëndrueshëm. Hera herës kthjellimet do të pasohen nga zhvillime vranësirash.

Shërbimi Meteorologjik Ushtarak bën me dije se reshjet e shiut do të vijojnë me intensitet të ulët e mesatar. Lokalisht në orët e paradites reshjet do të marrin karakter shtrëngatash me shkarkesa elektrike.

Era do të fryjë me drejtim veriperëndim-jugperëndim e lehtë e mesatare, kryesisht në bregdet. Valëzimi në dete parashikohet i forcës 2-3 ballë.

Temperaturat parashikohen:

QYTETET Temperaturat në °C Sigla
Shkodër 17/23 re diell shi rrufe
Kukës 15/25 re diell shi rrufe
Lezhë 17/25 re diell shi rrufe
Dibër 12/25 re diell shi rrufe
Durrës 17/25 re diell shi rrufe
Tiranë 18/26 re diell shi rrufe
Elbasan 17/26 re diell shi
Berat 14/28 re diell shi
Vlorë 17/27 re diell shi
Korçë 12/22 re diell shi
Gjirokastër 12/28 re diell shi
Sarandë 15/26 re diell shi/atsh