Aktualitet

Zgjerimi i Greqisë, flet profesori shqiptar: Kjo marrëveshje bëhet një herë në jetë

Aktualitet, Opinione, Politike / /

Fjalimi i kryeministrit grek Kiriakos Mitsotakis në Parlament se Greqia do të rritet dhe ashtu siç do të marrë 12 milje nga Egjipti dhe Italia, shpreson që këtë ta arrijë edhe me Shqipërinë, futi të gjithë opinionin në një spirale patriotizmi, por edhe meraku se çfarë fshihet pas asaj marrëveshjeje për detin që shpesh nuk kuptohet qartë.

Profesori i Shkencave Inxhinierike dhe Detarisë, Osman Metalla, ishte i ftuar në “Ditari” në A2 për të na shpjeguar në terma më të thjeshtë se çfarë kërkon Greqia dhe çfarë mund të marrë vërtet.

“Duhen sqaruar disa koncepte fillimisht. Kemi detin territorial, një zonë nga 0 deri në 12 milje dhe të gjitha shtetet bregdetare kanë të drejtë të kenë territor në det nga 0 deri në 12 milje. Ky det është territor i vendit, siç është toka. Më pas, vjen zona ekonomike ekskluzive, që nis nga pika 0 deri në 200 milje, nëse gjeografia e lejon një gjë të tillë. Tashmë, ne jemi njohur me deklaratat e kryeministrit grek që ka thënë se Greqia do të zgjerojë territorin e saj në det. Kjo është e drejta e saj, por ajo që është shqetësuese është loja e Greqisë që thotë se Shqipëria e ka lejuar Greqinë të shtyjë gjerësinë e saj në detin territorial. Këto janë deklarata jokorrekte sepse nuk e përcakton Shqipëria gjerësinë e palës greke në det. Palët negociojnë mbi bazën e deklarimeve të bëra. Pse Greqia kërkon të ndryshojë tani rregullat e lojës? Është e drejtë e saj që të zgjerohet deri në 12 milje, por këtë të drejtë nuk ka pse ta zgjidhë përmes palës shqiptare”, tha Metalla.

Sipas profesorit, “kjo është një marrëveshje që bëhet një herë në jetë dhe është shumë e rëndësishme”, duke shtuar se “është fatkeqësi që kjo marrëveshje përdoret politikisht”.

“Deti nuk është as i të majtëve dhe as i të djathtëve. Është e rëndësishme përbërja e grupit negociator, që duhet të ketë të gjithë spektrin e interesave që ka pala jonë dhe është shumë e rëndësishme transparenca e negociatave. Marrëveshja e 2009 pati problemin e transparencës dhe po i njëjti problem është për negociatat e këtyre dy viteve të fundit. Ka munguar transparenca dhe kjo shton edhe misterin dhe hamendësimet. Deri më sot, i vetmi informacion që kemi patur për marrëveshjen e detit kanë ardhur gjithmonë pas deklarimeve të ngazëllyera të palës greke. Opinioni shqiptar nuk ka as minimumin e informimit mbi vendimmarrjen e grupit negociator”, tha Metalla./A2CNN

Zgjerimi i Greqisë, flet profesori shqiptar: Kjo marrëveshje bëhet një herë në jetë Read More »

Moti/ Bëhuni gati.Çfarë pritet në Ballkan nga nesër?

Aktualitet / /

Lajme të mira na vijnë nga sinoptikanët, sa i përket dy ditëve në vijim, 28 dhe 29 gusht 2020.

Referuar njoftimit të Shërbimit Meterologjik ushtarak bëhet e ditur se dy ditët që vijnë moti do të jetë i kthjellët dhe temperaturat do të jenë të larta.

Kështu nëse keni parashikuar që të kaloni fundjavën në plazh, moti është favorizues.

“Temperaturat në vlerat e mëngjesit parashikohen me një rritje të lehta nga 15°C në zonat malore deri në 22°C në ato të ulta. Në vlerat e mesditës parashikohet një rritje prej 2-3 grad dhe temperatura nga 33°C në zonat malore deri në 37-38°C në ato të ulta”, thuhet ndër të tjera.

Njoftimi i plote I SHMU:

Vendi ynë vijon të ndikohet nga kushtet e qëndrueshme atmosferike dhe në këtë mënyrë vijojnë edhe ditët me mot të kthjellët dhe të nxehtë. Por, duke nisur nga dita e nesërme gradualisht mbi rajonin e Ballkanit depërtojnë masat e nxehta nga Afrika e Veriut.

Në këtë mënyrë edhe nesër pritet mot i kthjellët në të gjithë territorin por njëkohësisht i nxehtë. Temperaturat në vlerat e mëngjesit parashikohen me një rritje të lehta nga 15°C në zonat malore deri në 22°C në ato të ulta. Në vlerat e mesditës parashikohet një rritje prej 2-3 grad dhe temperatura nga 33°C në zonat malore deri në 37-38°C në ato të ulta.

Po kështu edhe dita e Shtunë do të ketë mot të kthjellët në të gjithë territorin përjashtuar vranësirat e pakta kalimtare në relievet malore. Era për këto dy ditë do të fryjë me drejtim nga kuadrati i jugut kryesisht e lehtë dhe shpejtësi 1-10m/s.

Moti/ Bëhuni gati.Çfarë pritet në Ballkan nga nesër? Read More »

Vendim i Ministrisë së Arsimit

Aktualitet, Arsim / /

Nga ministria e Arsimit është botuar sot udhëzuesi i ASCAP që tregon për skenarët e ndryshëm, të cilët do të zbatohen në shkolla të ndryshme për të siguruar distancimin social, shëndetin e nxënësve dhe mësuesve, kur të kthehen në shkolla.

Por çfarë do të ndodhë nëse ndonjë nxënës infektohet? Kësaj dileme u jep përgjigje ministrja e Arsimit, Besa Shahini duke njoftuar se në të tilla raste do të bëhet deri mbyllja e shkollës dhe do të tamponohen të gjithë nxënësit aty ku është gjetur një i infektuar.

Ministrja sqaroi edhe me video se si do të veprohet nëse një nxënës apo mësues do të dalë pozitiv me Covid-19:

“Protokollet e sigurisë së shëndetit e përcaktojnë qartë se si do të veprohet në rast se një nxënës, një mësues, apo një grup nxënësish del që është infektuar me Covid-19. Tamponimi ndodh për të gjithë grupin. Mbyllet klasa apo e gjithë shkolla në rast se klasa ka patur komunikim apo kontakt me të tjerët dhe për një periudhë kohore të paracaktuar, që mund të jenë 2 apo 3 javë, grupi i nxënësve që do të jetë karantinuar do të vijojë mësimin në kushte shtëpie. Kjo është dhe arsyeja pse RTSH Shkolla do të punojë paralelisht me të gjithë procesin mësimor që do të zhvillohet në objektet shkollore”, shprehet ajo.

Ndërsa pyetjes se “si do të rregullohet ngarkesa mësimore e mësuesve, nëse ata do të punojnë me më shumë turne dhe a do të shtohet numri i mësuesve”, Shahini nënvizon:

“Ne kemi planifikuar shtimin e numrit të mësuesve sipas nevojave. Nëse sëmuret një mësues apo nëse do duhet të mbulohen turne, ne kemi buxhet tashmë të shtuar për të mbuluar çfarëdo nevoje që mund të dalë gjatë vitit për të siguruar një mbarëvajtje sa më të mirë të procesit mësimor”.

Në lidhje me pyetjen se “pse po vazhdohet me xhirimet në RTSH Shkollë kur është deklaruar që shkollat do të hapen”, Shahini sqaron se ky kanal i dedikuar do të transmetojë të njëjtat orë mësimore që do të zhvillohen në shkollë në mënyrë që nxënësi të ketë mundësi të ndjekë leksionet edhe në rast se qëndron në shtëpi. /noa.al/

Vendim i Ministrisë së Arsimit Read More »

Test logjik/ Gjeni ku është fshehur personi i arr atisur nga b urgu

Aktualitet / /

Kjo foto ka në përmbajtje një test logjik, që mund të duket i thjeshtë, por në fakt jo.

Bëhet fjalë për një të bu rgosur që është ar ratisur, dhe duhet gjetur se në cilën shtëpi është fshehur.

Po të shohim me kujdes, pranë shtëpive janë edhe tre makina.

Dy prej tyre janë në të njëjtin drejtim, ndërsa tjetra në drejtim të ndryshëm.

Nëse nuk arritët ta zbulonit, i bu rgosuri ishte fshehur në shtëpinë A pasi kjo është e vetmja shtëpi ku makina ishte drejtuar në rrugë për një arratisje të shpejtë. /noa.al/

Test logjik/ Gjeni ku është fshehur personi i arr atisur nga b urgu Read More »

Meta reagon nga vlora për detin : Shqiptarët të jenë të sigurt,Presidenti mbron gjithmonë kushtetutën

Aktualitet / /

Edhe Presidenti Ilir Meta ka reaguar për çështjen e kufirit detar me Greqinë.

Një ditë pasi kryeministri grek Kyriakos Mitsotakis deklaroi i sigurt në parlament se Greqia do të zgjerohet deri në 12 milje në Jon, kjo deklaratë ndezi debate në vendin tonë.

Nga Vlora, ku ishte sot, Meta tha se do t’i qëndrojë vendimit të Gjykatës Kushtetuese deri në fund.

“Shqiptarët duhet të jenë të sigurt që Presidenti gjithmonë do të mbrojë Kushtetutën”.

“Për çështjen në fjalë do të respektojë vendimin e Gjykatën Kushtetuese dhe këtë duhet të bëjnë të gjithë institucionet tona”, – u shpreh Presidenti Ilir Meta.

Kujtojmë se Gjykata Kushtetuse e Shqipërisë rrëzoi marrëveshjen mes dy qeverive për detin, në vitin 2009, por nuk dihet nëse ka ndonjë marrëveshje tjetër, të arritur së fundmi.

Ndërkohë, aktualisht vendi ynë është pa Gjykatë Kushtetuse.

Presidenti Meta e bëri deklaratën e tij gjatë ceremonisë, në kuadër të 100 vjetorit të Luftës së Vlorës, zhvilluar në Drashovicë.

Meta ndau disa çmime vlerësimi për atdhetarë të spikatur në atë zonë, kur edhe foli edhe mbi marrëveshjen detare Shqipëri- Greqi, pas interesimit të mediave.

/NOA.al

Meta reagon nga vlora për detin : Shqiptarët të jenë të sigurt,Presidenti mbron gjithmonë kushtetutën Read More »

Moti/ Ja si parashikohet të jenë temperaturat në orët në vijim

Aktualitet / /

Ditën e sotme në vend parashikohet të mbizotërojnë masat ajrore të qëndrueshme.

Moti përgjithësisht, do të jetë me diell dhe vranësira të pakëta kalimtare, bën të ditur Shërbimi Meteorologjik Ushtarak.

Era, do të fryjë nga kuadrati i veriut e lehtë e mesatare në bregdet.

Valëzimi në det, i forcës 2-3 ballë.

Temperaturat parashikohen në:
zonat malore 17°C deri në 30°C

zonat e ulëta 18°C deri në 36°C

zonat bregdetare 21°C deri në 33°C

Moti/ Ja si parashikohet të jenë temperaturat në orët në vijim Read More »

Vjen reagimi nga qeveria shqiptare për zgjerimin e kufijëve detar të Greqisë me 12 milje

Aktualitet, Problematika / /

Ministria për Evropën dhe Punët e Jashtme të Shqipërisë, tha të mërkurën në një reagim të saj për Zërin e Amerikës, se zgjerimi i kufirit detar të Greqisë nuk ka të bëjë me kufirin ujor shqiptaro-grek.

Reagimi i autoriteteve shqiptare pasoi deklaratën e bërë të mërkurën në parlament nga Kryeministri i Greqisë Kyriakos Mitsotakis se qeveria e tij do të paraqesë një projektligj, për të shtyrë kufirin perëndimor të ujërave territorialë në Detin Jon nga 6 në 12 milje detare. Zoti Mitsotakis po ashtu deklaroi se Ministri i Jashtëm grek Nikos Dendias kishte vënë në dijeni edhe homologët e tij italian dhe shqiptar.

Ministria e Jashtme e Shqipërisë iu përgjigj interesimit të “Zërit të Amerikës” për këtë temë, duke thënë se “lidhur me deklaratat për zgjerimin së shpejti të gjërësisë së Detit Territorial të Greqisë nga 6 në 12 milje detare, theksojmë se kjo është një çështje që rregullohet nga e drejta ndërkombëtare dhe konkretisht nga Konventa e së Drejtës së Detit (UNCLOS) e Montego Bay e vitit 1982”.

Ministria e Jashtme shprehet se “Shqipëria dhe Greqia, si shtete fqinje që ndajnë zona detare, janë tashmë të angazhuara për arritjen e një marrëveshje të re në frymën e mirëkuptimit dhe interesit reciprok, bazuar në parimet dhe normat e së drejtës së detit, praktikën ndërkombëtare, si dhe duke respektuar dhe vendimin e Gjykatës Kushtetuese”.

Në reagimin e saj për VOA, Ministria e Jashtme shton se “Greqia, ashtu si çdo shtet tjetër palë e konventës, aty ku e lejon gjeografia dhe për sa kohë që nuk cënohen të drejtat sovrane të një shteti tjetër, gëzon të drejtën që të zgjerojë gjerësinë e Detit Territorial sipas parashikimeve të UNCLOS”.

Shqipëria dhe Greqia po diskutojnë gjatë vitet e fundit mbi përcaktimin e kufijve detarë midis tyre. Një marrëveshje e mapërshme mes dy qeverive u rrëzua nga Gjykata Kushtetuese e Shqipërisë dhe bisedimet nisën nga fillimi me grupe të reja negociatore.

Në një mesazh në Tëitter të martën, Ministri i Jashtëm grek Niko Dendias, shkruante se kishte folur në telefon me Kryeministrin Edi Rama lidhur me marrëdhëniet dypalëshe dhe zhvillimet në rajon.

Ministri i Jashtëm i Greqisë pritet do të shkojë së shpejti në Tiranë për bisedime me homologun e tij shqiptar./balkanweb

Vjen reagimi nga qeveria shqiptare për zgjerimin e kufijëve detar të Greqisë me 12 milje Read More »

Reagon Erion Braçe: Qetësohuni, nuk na ka pushtuar kush

Aktualitet, Politike, Problematika / /

Pas deklaratave të kryeministrit Kyriakos Mitsotakis se Greqia do t
Toka, deti e gjithcka tjeter qe zoti na fali ne keto ane e qe ligjet nderkombetare e kombetare na garantojne, nuk i mbron histeria, por dija, qetesia, qartesia, ligji, pasioni dhe dashuria per cdo centimeter toke e det te ketij vendi!

Nuk ka kush kohe e deshire ti jape ze asaj qe eshte e padobishme; Tani na duhet bashkim, unitet, as akuza e as gjyq banal pa prova e fakte qe bejne copash, percajne kete vend e kete popull!

Keshtu qe qetesohuni e kujtoni se si kohe me pare ra si antikushtetuese nje marreveshje e nje pushteti te degraduar; Me qetesi, qartesi e mbeshtetur fort ne ligj! Jemi po te njejtet!ë zgjerojë nga 6 në 12 milje ujërat territoriale në detin Jon, ka reaguar zv. kryeministri Erion Braçe. Përmes një postimi në Instagram Braçe mundohet të qetësojë ata që sipas tij e kanë kontaktuar të shqetësuar për atë çka po ndodh.

“Qetësohuni! Nuk na ka pushtuar kush e as po na rrëmben kush tokë, det! Kujtoni se si kohë më parë ra si antikushtetuese një marrëveshje e një pushteti të degraduar. Me qetësi, qartësi e mbeshtetur fort ne ligj! Jemi po te njejtet!”- shkruan Braçe në postimin e tij.

Postimi i plotë i Erion Braçes: Qetesohuni! Histeria nuk eshte fuqia jone, eshte dobesia jone!

Po u drejtohem ju te gjitheve qe keni mesyre prej oresh ne inbox ketu, facebook, whatsapp; QETESOHUNI! NUK NA KA PUSHTUAR KUSH E AS PO NA RREMBEN KUSH TOKE, DET!

Nuk u jam pergjigjur deri tani se isha ne pune, ne zone, me njerezit, pra as me ka ikur mendja e as me eshte mekur zeri! Por edhe sepse nuk dua te ushqej histerine qe na ze e ben tape ne te tilla raste!
Toka, deti e gjithcka tjeter qe zoti na fali ne keto ane e qe ligjet nderkombetare e kombetare na garantojne, nuk i mbron histeria, por dija, qetesia, qartesia, ligji, pasioni dhe dashuria per cdo centimeter toke e det te ketij vendi!

Nuk ka kush kohe e deshire ti jape ze asaj qe eshte e padobishme; Tani na duhet bashkim, unitet, as akuza e as gjyq banal pa prova e fakte qe bejne copash, percajne kete vend e kete popull!

Keshtu qe qetesohuni e kujtoni se si kohe me pare ra si antikushtetuese nje marreveshje e nje pushteti te degraduar; Me qetesi, qartesi e mbeshtetur fort ne ligj! Jemi po te njejtet!

Reagon Erion Braçe: Qetësohuni, nuk na ka pushtuar kush Read More »