Shqipëria do të mbizotërohet nga alternime kthjellimesh dhe vranësirash duke sjellë reshje shiu që herë pas here do të jenë në formën e rebesheve. Nga reshjet rrezikohen përmbytje lokale në disa qytete si, Shkodër, Lezhë, Durrës, Vlorë dhe Gjirokastër.
Sipas Meteoalb, sot temperaturat do të pësojnë një rënie të lehtë, ku do të variojnë: në zonat malore, nga 07°C në 16°C, në zonat e ulëta nga 16ºC në 24°C dhe në zonat bregdetare nga 15°C në 23°C. Era do të fryejë në drejtim Jugperwndimor ndërsa forca e valëzimit në det do të jetë 5-6 ballë.
Agjencia Kombëtare e Mbrojtjes Civile u ka dërguar shkresë zyrtare 5 prefekturave pasi në veri-perëndim dhe në jug të vendit priten stuhi dhe reshje të mëdha shiu, të cilat mund të shkaktojnë përmbytje të vendit.
Në një njoftim të ministrisë së Mbrojtjes thuhet se është kërkuar gatishmëri e të gjitha strukturave të pushtetit lokal dhe të merren masa parandaluese për zonat më të rrezikuara. AKMC, agjencia në varësi të Ministrisë së Mbrojtjes, u ka dërguarshkresë prefekturave Shkodër, Lezhë, Fier, Vlorë, Gjirokastër./ I.M-Dritare.net
Ish-kryeministri Sali Berisha ka komentuar çështjen e detit. Nëse ai do të ishte kryeministër, çështja e detit në Shqipëri-Greqi nuk ekzistonte. Kështu deklaroi sot në studion e emisionit “Zonë e Lirë”.
“Do zgjidhja Shqipërinë dhe interesat e saj. Natyrisht, fqinjët të respektuar, të nderuar, por Shqipëria është një vend i cili duhet të ndërtojë marrëdhënie miqësore me të dy këto vende… Kemi firmosur një marrëveshje në 2009 dhe i kam qëndruar gjithmonë asaj marrëveshje. Problemi është këtu, imagjinojmë se Shqipëria do anësojë kundër Greqisë apo kundër Turqisë, nuk duhet të imagjinohet. Shqipëria duhet të mbajë një qëndrim në interesin e saj kombëtar, Shqipëria uron që të zgjidhet konflikti nëpërmjet dialogut.
Po të isha kryeministër unë, në mënyrë absolute çështja e detit në Shqipëri-Greqi nuk ekzistonte. Dy qeveri greke njëra pas tjetrës, të dyja pranuan të shkojmë në Gjykatë. Erdhi Rama dhe tha ‘jo, s’kam punë me Gjykatat’. Gjykata Kushtetuese e rrëzoi marrëveshjen atëherë, isha kundër atij vendimi të Gjykatës. Asgjë nuk ka ndryshuar në raportin me detin në këndvështrimin tim. Këta pasi negociuan 2 vite, u detyruan t’i thonë palës greke se tani ne kemi vendimin e Gjykatës Kushtetuese… Greqia pranoi negociatat me Shqipërinë me 6 milje”, tha Berisha.
Nje detaj i ri ka dale ne drite ne lidhje me rr embimin e Bleona Mates. Emisioni ’Pa Gjurmë’ në Report TV rikthen për të disatën herë edhe këtë të premte, historinë e zhd ukjes së Bleona Matës. E ftuar në studio nëna Bukurie Veizi, zbulon një fakt të rëndësishëm, atë se vajza është parë nga banorët e fshatit Zapod duke u tërhequr z va rrë në rrugë.
Sipas dës hmitarëve, vajza është marrë nga dy persona të panjohur duke kaluar anën tjetër të malit, atje ku e priste një makinë me ngjyrë të zezë dhe një tjetër tip Fuoristradë e ka ndjekur nga pas. Fshehja e këtij detaji nga banorët, kur pol icia mbërriti në vendngjarje, mban pe ng një tjetër të vërtetë të asaj dite. Ata u tërhoqën nga kjo dës hmi, duke dhënë para uniformave blu një tjetër variant, se vajza që qante nuk ishte Bleona, por një tjetër fëmijë i fshatit Zapod.
‘Në momentin kur u bënë disa orë, afro 5 orë kërkimi dhe dolën të gjitha ato nëna dhe gra për ta kërkuar vajzën, më thanë se është parë një burrë me flokë të gjata dhe një djalë i ri me çantë shkolle, me triko me kapuç që e tërhiqnin vajzën zva rrë rrugës. E hipën, një herë në një makinë të zezë dhe një grup tjetër iu vu pas, një tjetër makinë Fuoristradë, ngjyrë e bardhë. Një grua i ka dalë para, duke i thënë: ‘C’po bëni?- dhe ata kanë mbyllur derën. Të gjithë e njihnin vajzën, e dinin dhe në momentin kur erdhi policia e fshehën menjëherë, nga fr ika se do t’i merrnin në pyetje.
Ato gra duhet të vinin dorën në zemër, të tregonin kr imin në atë moment. Kur erdhi policia e mbyllën çeshtjen se kishin fr ikë. E kanë parë shumë mirë Begzim Isën ( i ak uzuar nga nëna e Bleonës, Bukurie Veizi, si personi që ka gisht në rrë mbinin e vajzës). Begzim Isën e ka parë edhe ish-vjehrra ime. Ajo e njeh shumë mirë. ‘E pashë, -tha: ishte me triko me kapuç dhe çantë, u vu pas 5 vajzave, pastaj lëshoi Qamilja lopën’.
Po banorët e zonës e dalluan Begzim Isën ? ‘Banorët e kanë parë Begzimin kur ka shku përpjetë por pastaj kur është marrë vajza zvarrë ka qenë dhe një tjetër person. Me ne ata reaguan menjehërë, por kur erdhi policia jo. Ishte një burrë me flokë të gjata, tërhiqte vajzën zvarrë, na thanë. Vajza qante, kërkonte nënën. Kur erdhi policia i shuan këto gjëra, nga fr ika. E din gjithë zona, e din gjithë fshati Zapod, se kush e ka marr Bleonën dhe nuk e di pse e mbanjnë kaq fshehtë’.
Nëna në studio hedh poshtë pistën se diçka e keqe mund t’i ketë ndodhur atë ditë Bleonës. ‘Absolutisht nuk më shkon mendja. Si ka mundësi t’i ketë ndodhur largqoftë një gjë e keqe, qoftë e ujkut, apo e arushës, siç thoshte policia. Nuk ka asnjë shenjë’. Askush nga fshati nuk reagoi, në momentin që panë vajzën të tërhiqej zva rrë ? ‘Ata thanë që ishte një burrë dy metra i gjatë, me flokë të gjatë.
Ata kanë dalë, kanë parë duke bërë sehir se cfarë po ndodh. Për momentin ka parë dy makina njëra me targa Vlore dhe tjetra me xhama të zinj. Sipas tyre makinat janë larguar me shpejtësi marramendësi. Fillimisht e kanë parë bregut të malit duke u tërhequr zvarrë, pastaj kur janë parë makinat ka mbaruar muhabeti. Kur erdhi policia, banorët e mohuan këtë duke thënë se mund të ketë qenë një prind duke rra hur fëmijën e vet. Nga momenti në moment ata e fshehën. Dhe vajzat nuk treguan kurrë. Aty vlon diçka, se vajzën nuk e përpiu toka. Këtu është një plan i përgatitur, fëmijën e kanë dhënë me dorë. Por për cfarë e kanë dhënë, vetëm 5 vajzat dhe Zoti e di’.
Sot dosja për Bleona Matën në prokurori është pezulluar, ndërsa nëna e vajzës nuk ka ende në dorë qoftë një kopjo të saj. I jeni drejtuar ndonjëherë prokurorisë për të marrë dosjen e Bleona Matës ? ‘I jam drejtuar disa herë, por më kanë thënë se dosjen e kemi ne dhe nuk ka për cfarë të duhet kopjo e dosjes tënde, qoftë në Kukës, qoftë në Tiranë. Dhe unë nuk e kuptoj dot qoftë një kopje të dosjes, pse nuk e kam. Mua më takon si nënë që të di informacionin e fla ktë të Bleona Matës.
Unë dua të dij deri ku kemi arritur me ceshtjen e Bleonës. Nuk më kanë dhënë as kopjen e dosjes, as në Kukës as në Tiranë. Ceshtja ime është vetëm Strasburgu të ma zgjidhi, për Shqipërinë nuk kam më besim’. Që në nisje të emisionit investigativ ‘Pa Gjurmë’, nga viti 2018 e deri më sot historia e Bleona Matës që u zhd uk, teksa kulloste bagëtinë në mal, sëbashku me 5 vajza të afërme të saj vijon të ngjallë tek publiku mjaft reagime.
Dhia “Kuqja e Matit” është një nga shumë burimet gjenetike autoktone të vendit tonë. Ajo e ka origjinën nga zonat e bashkisë Klos, qarku i Dibrës.
Kuqja e Matit është një racë tipike lokale për rajonin e Matit për shkak të adaptimit dhe performancës së saj të mirë me relievin, kushtet gjeografike e klimatike si dhe bimësinë që e karakterizon këtë zonë.
Kuqja e Matit është menaxhuar historikisht nga fermerët në zonë, duke transferuar traditën dhe njohuritë e tyre nga një brez në tjetrin.
Kjo racë është e adaptuar më së miri dhe është gjithashtu rezistente ndaj sëmundjeve dhe parazitëve. Në veçanti, me ngrohjen globale, adaptimi dhe rezistenca e kësaj race në kushte më të ngrohta është mbresëlënëse.
Një tjetër vlerë e shtuar e kësaj race, është dhe përmbajtja në nivel mjaft të kënaqshme e yndyrës dhe proteinës të cilat variojnë 3.28% deri 3.71% proteinë dhe 2.6% deri në 6.18% yndyrë.
Blegtorët e kësaj zone, vitet e fundit me mbështetjen financiare të qeverisë përmes Skemës Kombëtare, po orientohen në ruajtjen dhe zhvillimin e tufave të dhisë së racës “Kuqja e Matit”, prodhimi i qumështit dhe nënprodukteve të saj janë mjaft të kërkuara nga tregu dhe konsumatorët.
Në kuadër të projektit PNUD “Forcimi i burimeve njerëzore, kuadrit ligjor dhe kapaciteteve institucionale për zbatimin e Protokollit të Nagojës”, i mbështetur nga GEF (Global Environment Facility) në bashkëpunim me Ministria e Turizmit dhe Mjedisit, si dhe me qëllim ruajtjen e biodiversitetit dhe vlerave gjenetike autoktone, Shoqata Kombëtare e Blegtorëve Shqiptarë (LEAA) ka realizuar projektin ”Identifikimi dhe sjellja në vëmendje të publikut dhe politikëbërësve te Vlerave të Dhisë “Kuqja e Matit”.
Valbona Ylli, drejtoreshë e projektit LEAA, shprehet se projekti synon të mbrojë këtë racë autoktone që është në rrezikun e saj të zhdukjes apo dhe të problematikave të tjera. Edhe pushteti lokal është mjaft i interesuar për mbrojtjen e dhisë “Kuqja e Matit”.
Kryetari i bashkisë Klos, Ilmi Hoxha, ka mirëpritur ndërhyrjen e projektit dhe në bashkëpunim me skemat e subvencionit siç tha ai, “krahas investimeve në infrastrukturë që po ndërmerr qeveria, synojmë të nxisim fermerët në shtimin e këtyre tufave me këtë racë dhe në promovimin e produkteve të bulmetit nga “Kuqja e Matit”. /atsh
Parku i Shtëpisë së Pavarësisë është një tjetër gur në mozaikun e transformimit rrënjësor të qytetit të Vlorës, që po bëhet përditë e më tërheqës, si dhe do të kalojë kufijtë e vendit tonë.
Kështu deklaroi sot Kryeministri Edi Rama në prezantimin e projektit të ndërtimit të parkut të Shtëpisë së Pavarësisë.
“Vlora do të kthehet vit pas viti në një nga motorët më të fuqishëm të industrisë së turizmit shqiptar, duke rritur më tej punësimin, të ardhurat dhe vlerën e pasurive të paluajtshme të zonës. Ky park do të lidhë bulevardin “Ismail Qemali” me buzën e detit dhe Lungomaren, ku më në fund do të dalë në dritë shtëpia më e rëndësishme e Shqipërisë, e fshehur pas gardheve e kioskave prej dekadash të tëra; do mbillen shumë pemë e gjelbërim dekorativ, në një tjetër hapësirë fantastike për banorët, vizitorët dhe turistët”, – tha Rama.
Kryeministri Rama u shpreh se “projekti do të sjellë lidhjen e bukur mes bulevardit të ri të Lungomares dhe do të krijojë një hapësirë krejt ndryshe e të re për gjithë banorët, por edhe për vizitorët e ditës dhe turistët në Vlorë duke iu ofruar një mundësi të gjithëve pavarësisht moshave për të pasur më shumë hapësirë dhe më shumë ndërveprim me njëri-tjetrin, sepse jam i bindur se ky park do të jetë shumë i jetuar gjatë çdo dite”.
“Kjo është shtëpia më e rëndësishme e Shqipërisë dhe për fat të keq për shumë shumë kohë është një shtëpi që ka mbetur e vetmuar ndërkohë që duhet të jetë e hapur e plot me njerëz në mënyrë të vazhdueshme. Mënyra sesi është rrethuar dhe ka humbur pas gardheve e kioskave e ka bërë të pamundur që edhe kjo shtëpi e vogël në përmasë, por kaq e rëndësishme nga pikëpamja historike të jetë pjesë e rasteve që e bën Vlorën të vizituar jo thjesht për detin, diellin, por edhe për historinë e saj”, – nënvizoi Rama.
Kryeministri Rama u shpreh se “projekti është pjesë e zinxhirit që i kalon përmasat e ngushta të një qyteti kur vjen puna tek aspektet e veta urbanistike e arkitektonike, njësoj si Lungomare, si sheshi ‘Skënderbe’, si shëtitorja pranë detit në Himarë, njësoj si një sërë projektesh të tjera do ti kalojë kufijtë e vendit, do shikohet në publikime urbanistike e arkitekturore e do jetë pjesë e konkurseve të mëdha ndërkombëtare siç ishte Lungomare apo sheshi ‘Skënderbe’ që fitoi çmimin si hapësira më e bukur publike e ndërtuar në Europë”.
“Ne me këtë projekt rrisim edhe hapësirën e gjelbër të zemrës së qytetit dhe krijojmë një mundësi urbanistike të re për të lidhur gjithë aksin kryesor”, tha Rama./atsh
Kryeministri Edi Rama konfirmoi se do të jetë sërish kandidat për deputet në qytetin bregdetar, ndërsa theksoi se “me Vlorën më ka lidhur fati, historia e familjes dhe sigurisht më lidh pafundësisht dashuria për këtë bukuri akoma të pazbuluar”.
Në fjalën e tij në prezantimin e projektit të ndërtimit të parkut të Shtëpisë së Pavarësisë në Vlorë, Rama tha se “në Vlorë kam qenë edhe përpara se të bëhesha kryetar i Partisë Socialiste, në Vlorë kam qenë edhe kur u bëra kryetar i PS-së, në Vlorë jam edhe tani që jam kryeministër, dhe në Vlorë do të jem deri kur të jem kryeministër, dhe në Vlorë do jem pasi të mos jem më kryeministër, madje do jem më shumë, se do kem më pak angazhime për të shkuar në çdo cep të Shqipërisë”.
“Mos hapni llafe që unë nuk do jem në Vlorë. Bëni kujdes nga çfarë dëgjoni, se çfarë nuk dëgjohet sot në Shqipëri. Mjafton të hapësh televizorin dhe nuk di njeriu se çfarë të besojë. Besojnë pa bërë asnjë verifikim. Lëre të hapësh ato kanalet e portalet nëpër xhepa aty, pastaj bëhet mullar çfarë del prej aty”, – nënvizoi Rama duke shtuar se më ikën mendja kur me thonë “dil shiko realitetin”.
“Këta që me thonë mua ‘dil shiko realitetin’, nuk do arrijnë dot të bëjnë në jetën e tyre aq metra sa unë kam bërë kilometra nëpër Shqipëri. Nuk do kem nevojë të bëj këto kilometra, por do bëj më shumë metra rreth e rrotull Vlorës”, – tha Rama.
Kryeministri Rama tha se “këtu jemi të gjithë së bashku për të luftuar për ta zbuluar këtë bukuri jo vetëm për vete dhe fëmijët tanë, por për gjithë botën mbarë, që Vlorës t’i dalë zëri gjithandej jo vetëm në Shqipëri, por në të gjitha gjuhët si vendi ku mund të shkosh e të kalosh ditë të paharrueshme duke shijuar bukuritë e natyrës apo Zotit dhe duke shijuar mikpritjen dhe vlerat e krijuara së bashku nga njerëzit”./atsh
Kryeministri Edi Rama sot nga Vlora, ku mori pjesë në prezantimin e projektit të bulevardit të ri që do të ndërtohet pranë Lungomares, në fjalën e tij, nuk u ndal vetëm tek ky projekt.
Rama foli edhe për fushatën elektorale, para zgjedhjeve të reja paralamentare të 25 prillit 2021.
Rama foli kryesisht për masat financiare, që u morën gjatë pandemisë, si dhe ato që pritet të miratohen për bizneset dhe rritjen e pagave për mjekët, duke iu dhënë përgjigje kritikave. Po ashtu shprehu bindje për një fitore historike të PS-së, në zgjedhjet e ardhshme.
“Atyre që thonë pse u kujtove tani, u them që unë jam kujtuar edhe kur zotrote flije gjumë, çdo ditë e çdo natë,” – tha Rama. – “Por të rrisësh kontributet nga shteti për njerëzit, të heqësh komplet TVSH-në, tatimin e fitimit mbi një kategori siç është ajo e sipërmarrësve të vegjël, nuk është fjalë goje dhe nuk bëhet se do t’i ta bësh, por sepse do dhe mund ta bësh kur janë krijuar kushtet për ta bërë”.
Lidhur me vendimet e fundit, Rama tha se ky është një “detyrim më i madh në kushtet kur i kemi parë me sytë tanë, ata që nuk duan sdo shikojnë kurrë sado që Zoti ua ka dhënë të dy kokërdhokët e syve, se çfarë janë mjekët në vend, pyll pa derra nuk ka, ka mjekë, infermirë, në çdo fushë njerëz që fusin duart në xhepat e njerëzve, por janë këta që i kemi ringritur nga gremina që po e përballon me dinjitet e sukes goditjen tronditëse të virusit, ama sot ne kemi munëdësi të bëjmë edhe këtë, pra të rrisim edhe pagat dhe kjo nuk ka lidhje se ne kemi zgjedhje në prill, fare”, – tha Rama.
Më tej nga Vlora, ku ka kandiduar si deputet, Kryeministri Rama deklaroi i sigurt se PS do të fitojë zgjedhjet për një mandatin e tretë historik.
“Zgjedhjet ne i fitojmë si me këto, si pa këto, kjo nuk diskutohet. Se përtej denglaxhinjve dhe atyre që kanë pakënaqësit të natyrshme, nuk ka qenë e lehtë për asnjë familje, të përballojë gjithë këtë stres, që nga nëntori kur ta tërmeti, populli është shumë i mënçur. Populli do flasë prapë, siç ka folur dhe do flasë drejt dhe do t’i japë zotit atë që është e zotit, Çezarit atë që i takon Çezarit”, tha Edi Rama, duke shprehur bindjen e plotë, se i takon edhe një mandat tjetër.
Kryeministri përkundrejt zërave të fundit rikonfirmoi sot se ai do të kandidojë sërish në Vlorë në zgjedhjet e 25 prillit të vitit të ardhshëm.
“Në Vlorë kam qenë edhe më parë se të bëhesha kryetar, në Vlorë isha edhe kur u bëra kryetar i PS-së,” – tha Rama dhe, – “në Vlorë jam edhe tani që jam kryeministër dhe në Vlorë do jem edhe kur të mos jem më kryeministër, madhe do jem më shumë atëherë se do të kem më pak angazhime”.
Ai nuk fshehu edhe pretendimet e kundërshtarëve apo kritikëve, që e inatosin më shumë.
– “Më ikën mendja kur më thonë ik shiko realitetin. Këta që më thonë nuk do arrijnë të bëjnë as metra, aq sa unë kam bërë kilometra në Shqipëri” – theksoi Rama.
Kryeminsitri Rama u fol se do të kandidonte në Durrës, ose Tiranë, në zgjedhjet e ardhshme, por nga Vlora ku ishte sot, ai zbuloi se do të kandidojë sërish aty, madje aty sheh edhe frymëzimin nga ku beson se do t’i burojë edhe “fitorja e mandatit të tretë historik” të socialistëve.
Ambasada Kineze në Shqipëri ka dhuruar sot 150 “pemë miqësie”, me rastin e 100 vjetorit të Tiranës Kryeqytet.
Ambasadori kinez në Shqipëri Zhou Ding dhe nënkryetarja e Bashkisë së Tiranës për Marrëdhëniet me Jashtë, Anuela Ristani, mbollën disa nga pemët në parkun e Liqenit Artificial në Tiranë.
Duke folur në ceremoni, Zhou tha se pemët, dhuruar përpara 71 vjetorit të themelimit të Republikës Popullore të Kinës, e cila festohet më 1 tetor, simbolizojnë miqësinë e përjetshme midis dy vendeve, kjo edhe me rastin e dy përvjetorëve.
Zhou tha se Tirana është një qytet i fortë dhe i gjallë. “Pavarësisht tronditjeve, disa tërmeteve dhe pandemisë COVID-19, banorët këtu gjithmonë përballen me sfida, vështirësi me guxim dhe solidaritet.”
Ambasadori kujtoi se në fillimin e shpërthimeve të COVID-19 në Kinë, bashkia e Tiranës nisi një fushatë për të mbështetur Kinën në betejën e saj, kundër pandemisë, duke refuzuar gjithashtu stigmatizimin dhe diskriminimin.
“Ne jemi shumë krenarë që kemi një mik të vërtetë si Shqipëria dhe po aq krenar për kontributet e fundit të Kinës, me pajisje mjekësore, në betejën e Shqipërisë kundër pandemisë,” – shtoi Zhou.
Zhou tha se Tirana po ecën përpara, në rrugën e zhvillimit. Ai tha se Kina është e gatshme të punojë së bashku me Shqipërinë dhe Tiranën, në promovimin e rimëkëmbjes së ‘gjelbër ekonomike’.
Në fjalët e saj, Ristani vlerësoi dhuratën e ambasadës kineze.
“Kjo është absolutisht një dhuratë shumë e veçantë për Tiranën, më e veçantë se në çdo vit tjetër, veçanërisht në këtë kohë të vështirë, kur nuk është e lehtë që të kemi miqtë tanë të pranishëm gjatë festimeve tona,” – tha Ristani.
Midis të pranishmëve në ceremoni ishte Shefi i Grupit Parlamentar të Miqësisë midis Shqipërisë dhe Kinës, Anëtari i Parlamentit, Bashkim Fino.
Fino falenderoi ambasadën kineze dhe ambasadorin në emër të Kuvendit të Shqipërisë dhe popullit shqiptar, për ndihmën e vazhdueshme, që i është dhënë Shqipërisë.
Fino e quajti dhuratën e 150 pemëve një “ndihmë të madhe dhe kujdes të jashtëzakonshëm të treguar nga Ambasada Kineze”.
