Deputeti Halit Valteri duket se e ka marrë seriozisht krijimin e partisë së re para zgjedhjeve të ardhshme parlamentare.
Deputeti i opozitës parlamentare ka shkuar dje në Kuvend me kostum të ri. Fotografi i Kuvendit e ka uruar atë me këtë rast, si për kostumin, ashtu edhe për partinë që ka krijuar.
Valteri është bërë pjesë e partisë së re që drejtohet nga Myslim Murrizi.
“Partia Lëvizja Demokratike e Shqipërisë” e sapo themeluar nga Myslim Murrizi përfshin edhe deputetë të tjerë të opozitës parlamentare, veç Halit Valterit, si Arlind Çarçani dhe Alban Zeneli.
Në kuadër të muajit të ndërgjegjësimit për kancerin e gjirit, ministrja e Shëndetësisë ka apeluar gratë që të tregohen të kujdesshme dhe jo neglizhente.
“Nëse do duhet të bënim një apel sot, apeli do të ishte i thjeshtë për çdo grua, për çdo nënë, ju lutem mos neglizhoni asgjë nëse ka diçka që nuk shkon në shëndetin tuaj. Sot në strukturat shtetërore ofrohet kontrolli i gjirit falas.
Nuk i kushton asgjë një gruaje që një ditë, 1 orë, 10 minuta, të kryejë mamografinë, nuk i kushton asgjë për të mundësuar depistimin e hershëm dhe për të fituar jetën”, tha Manastirliu nga një aktivitet në Elbasan.
Duke theksuar se vetëm në tre vitet e fundit është investuar në 6 spitale rajonale të cilët janë pajisur me mamografë të rinj, Manastirliu deklaroi se nëpërmjet miratimi të Programit Kombëtar për Depistimi e Kancerit të Gjirit synohet që çdo grua e moshës 50 – 69 vjeç të kryejë në kohë diagnostikimin me qëllim kapjen e hershme të tumorit të gjirit.
“Nëpërmjet këtij programi ne synojmë që çdo grua e moshës 50 – 69 vjeç të mundet të realizojë mamografinë një herë në 2 vjet duke synuar kapjen e hershme të tumorit të gjirit.
Nëse sot, me rritjen e numrit të mamografive në spitalet rajonale, kemi arritur që të mundet të ekzaminojmë më shumë se 20 mijë gra në vit, synimi i parë i programit të depistimit të hershëm të kancerit të gjirit është dyfishimi i numrit të grave të cilat kryejnë ekzaminimin e gjirit nëpërmjet mamografive”, tha Manastirliu.
Manastirliu tha se janë 688 gra të diagnostifikuara në vitin 2019 me kancer gjiri dhe më shumë se 5 mijë gra që vuajnë nga kjo sëmundje në vendin tonë. /noa.al/
Një incident ka ndodhur në inaugurimin e shtëpisë se Gjergj Fishtës, ku mori pjesë dhe kryeministri Edi Rama.
Ish-deputeti Eduart Ndocaj ka tentuar të futet në ambientet që po zhvillohet aktiviteti por nuk është lejuar nga garda se nuk kishte ftesë.
Policia gjithashtu ka shoqëruar ish-deputetin Ndocaj.
Në momentin e shoqërimit janë mbledhur banorë të zonës dhe forca të shumta policie.
Ndocaj njihet edhe me epitetin ‘deputeti kaubojs’ për shkak të kapelës që mbante gjithmonë në kokë. Së fundmi ai bëri bujë me ndryshimin drastik të pamjes, pas ndërhyrjeve dhe dietave për t’u dobësuar. /tch
Mjeku i njohur Tritan Kalo thotë se që nga koha e gripit spanjolll, dhe tani, trinomi më efektiv i përballjes me Covid-19 është maska, distancimi fizik dhe higjena personale e kolektive.
“Pikërisht në rrugëtimin tonë të përçdominutshëm të përballjes me sfidën mbarëbotërore të infeksionit nga Sars-Cov2/Covid-19, po ndeshemi dita-ditës me “shumë maska GJITHOLLOGËSH dhe me pak fytyra PROFESIONISTËSH”, dijedashësish dhe dijepërhapësish të pa militantizuar”, shkruan ndër të tjera mjeku, ndërsa bën thirrje që këta “gjithologë” të ndalojnë së krijuari tymnajë për ndonjë post deputeti në zgjedhjet e ardhshme.
“Il poppolo Albanese sot me shumë se kurrë DUHET drejtinformuar dhe drejtorientuar përpara një DIMRI të ashpër jo vetëm klimatik por dhe epidemiologjik në përballjen me sfidën mbarëbotërore të infeksionit nga Sars-Cov2/Covid-19 DHE infeksionet e shumta respiratore virale e bakteriale të kësaj stine”, vijon ai.
SHKRIMI I PLOTË:
KOHË KOVIDIANE…..23.10.2020…. RIKUJTESË….M.D.H. – është trinomi Maskë apo mbulim i rrugëve të hyrjes së infeskionit në trupin tonë, Distancim fizik kur është mundëshme, Higjenë personale dhe kolektive, në të cilën kemi bazuar përpjekjet tona si shoqëri për të parandaluar infektimin apo për të ulur rreziqet e përballjes me sfidën mbarëbotërore të infeksionit nga Sars-Cov2/Covid-19…. ….”Në rrugëtimin e gjatë të jetës do të ndeshësh shumë maska dhe pak fytyra” – shprehet Luigji Pirandelli….
PIKËRISHT në rrugëtimin tonë të përçdominutshëm të përballjes me sfidën mbarëbotërore të infeksionit nga Sars-Cov2/Covid-19, po ndeshemi dita-ditës me “shumë maska GJITHOLLOGËSH dhe me pak fytyra PROFESIONISTËSH”, dijedashësish dhe dijepërhapësish të pa militantizuar….
Gjithkush që ka ndonjë hamendësi dyshuese në dëmprurjen rrënimtare të infeksionit nga Sars-Cov2/Covid-19, apo të përpjekjeve jetëshpëtuese të MANTELBARDHËVE dhe personelit tjetër mjeksor le të urdhërojë e të kqyrë nga afër punën e një EKIPI shëmbullor në ngrehinën e Shëndetësisë Publike të Covid-1/Shërbimi i Sëmundjeve Infektive në QSU “Nënë Tereza”….
Përjetoni së bashku me ta vështirësitë e punës dhe të përpjekjeve të tyre në këtë përballje, përpara se të bëni komente të pabukta dhe shpesh tymnajëkrijuese nëpër TV-të e ndryshme apo statuset tuaja në shtypin e shkruar dhe në rrjetet sociale….
”Il poppolo Albanese” sot me shumë se kurrë DUHET drejtinformuar dhe drejtorientuar përpara një DIMRI të ashpër jo vetëm klimatik por dhe epidemiologjik në përballjen me sfidën mbarëbotërore të infeksionit nga Sars-Cov2/Covid-19 DHE infeksionet e shumta respiratore virale e bakteriale të kësaj stine….
PROTAGINISTËVE të kërkimit të ndonjë posti deputeti në Zgjedhjet e ardhëshme Parlamentare të 25 Prillit 2021, apo të kërkimit të ndonjë posti në strukturat e Ekzekutivit a të Administratës Publike të cilat do të dalin si produkt i këtyre zgjedhjeve, MIQËSISHT u lutem që në skemat e diskurit të tyre më shumë të politizuar dhe më pak të tharmuar me objektivitet shkencor, shoqëror dhe optimizëm përçues, të përçojnë sa më pak shpirt dyshues ose përbaltues ndaj PUNËS, PROFESIONALIZMIT dhe PËRPJEKJEVE të ARMATËS së mjekëve, infemjerëve, teknicienëve të imazherisë e laboratorëve klinikë, farmacitëve, administratorëve, koordinatorëve, barrelmbajtësve, shoferëve dhe punonjësve të rendit, të cilët rrezikojnë për çdo sekondë jetët e tyre në këtë përballje me sfidën mbarëbotërore të infeksionit nga Sars-Cov2/Covid-19…..
M.D.H. ka qënë dhe mbetet trinomi i thelbit të përpjekjeve të Shoqërisë Njerzore në përballjet më të gjitha Pandemitë që prej kohës së largët të Gripit Spanjoll në 1918 – 1920, PA NËNVLERËSUAR këtu aspak, përkundrazi, PUNËN, PROFESIONALIZMIN dhe PËRPJEKJET e stafeve mjeksore gjatë përkujdesjes ndaj të sëmurëve prej këtyre pandemive….
MIRËKUPTIMI, MIRËBESIMI dhe BASHKËVEPRMI midis “il poppolo Albanese” dhe personelit që shërben në Strukturat Shëndetsore Publike dhe jo vetëm, përbëjnë simbiozën e përpjekjeve tona jetëmbrojtëse dhe jetëshpëtuese të të sëmurëve nga Sars-Cov2/Covid-19….
JU faleminderit GJITHOLLOGËVE për durimin në leximin e mesazhit të mësipërm dhe shpresoj në mirëkuptimin e tyre….FUNDJAVË sa më të mbarë ju kolegëve, të afërmve, miqve, dashamirësve dhe bashkëkombasve të mi….
PANIK jo e jo, KUJDES e DROJË po dhe vetëm po….Together forever!!!!
Kryetari i Partisë Demokratike Lulzim Basha deklaroi sot se Partia Demokratike po nxit drejtësinë të bëjë detyrën, sepse nuk e ka bërë.
I pyetur në një intervistë televizive për kallëzimet që PD ka bërë në SPAK, Basha tha se SPAK duhet të përgjigjet.
“Natyrisht që mund dhe duhet të përgjigjen. Është detyrë e çdo institucioni të bëjë transparencën para shqiptarëve, edhe më shumë kur bëhet fjalë për diçka që sot rëndon shëndetin dhe jetën e shqiptarëve. Sepse nuk kemi ardhur rastësisht tek inceneratorët. Nuk është se na u tek të fillonim ne të merreshim me aferën e inceneratorëve”, tha ai.
“Për më shumë se tri javë, që para se të niste ajo që duket që është një shpërthim i dytë i pandemisë, unë, Partia Demokratike i kemi kërkuar qeverisë të marrë masa. Kemi nxjerre një plan me pesë pika. Ky plan natyrisht kushton lekë dhe ne kemi treguar se ku t’i marrin këto lekë”, u shpreh Basha.
“Gjatë kohës që ne i kërkojmë qeverisë dhe ajo bën veshin e shurdhët dhe numrat e të infektuarve rriten, numri i mjekëve që largohen në Gjermani rriten, numri i shtretërve të gatshëm për të plotësuar nevojat për pacientët ulet, numri i personave që humbin vendin e punës rritet, numri i bizneseve që falimentojnë rritet”, theksoi Basha.
“Numri i bizneseve që falimentojnë rritet, çfarë shohim, shohim thesarin e shtetit që javë për javë ka pagesa për koncesione korruptive ku bie në sy pagesa për të ashtuquajturit inceneratorët apo djegës të plehrave dhe kjo na ka sjellë në mënyrë të natyrshme te denoncimi i kësaj afere edhe para dy ditësh ndërkohë që përfaqësuesit tanë çonin kallëzimin për inceneratorin e Elbasanit këta paguan 300 milionë lekë inceneratorit të Elbasanit. Mendoni se sa mjekë mund të ishin mbajtur këtu në Shqipëri për t’i shërbyer pacientëve shqiptarë e të mos ishin larguar siç po largohen në mënyrë të frikshme drejt Gjermanisë”, tha Basha.
Basha foli edhe për numrin e testimeve. “Ky është një ilustrim se sa teste për banorë bëhen në rajon dhe në vende të zhvilluara. Shikoni ku është Shqipëria, një test për 26 banorë. Shikoni ku është Serbia për 7, 12 Bosnja, 9 Maqedonia e Veriut, 8 Mali i Zi, këtu jemi ne. Pse? Sepse Shqipëria nuk bën mjaftueshëm testime. Kjo tregon që në vend që të bëhen testime, gjurmime dhe të ndërpritet zinxhiri i infeksionit, qeveria harxhon lekët për inceneratorët”.
“Në këtë aferë janë përzierë edhe politikanët e korruptuar, edhe krimi i organizuar. Prandaj SPAK-u vetë, ekzistenca e SPAK-ut, arsyeja e ekzistencës së SPAK-ut, është hetimi me shpejtësi dhe me transparencë dhe vënia para përgjegjësisë e atyre që në kohë pandemie i çojnë në duart e mafies”, tha Basha. /ata
Shumë emra të njohur të grupit të kaluar parlamentar nuk do të jenë më pjesë e PD-së në Kuvendin e ardhshëm.
Komisioni i Vlerësimit të PD ka skualifikuar mbi ish-10 deputetë, mes të cilëve përfshihet Ervin Salianji, Endri Hasa, Nada Mecorapja, Lindita Metaliaj, Romeo Gurakuqi, Xhemal Gjunkshi, Fatbardha Kadiu, Orjola Pampuri.
Kryetarja e LSI-së, Monika Kryemadhi ka zhvilluar sot një takim me të rinjtë dhe të rejat në zyrat e Lëvizjes Socialiste për Integrim. Kryemadhi iu përgjigj edhe deklaratës së Ramës.
Monika Kryemadhi tha se Rama, me zullumet që vazhdon të bëjë, do të digjet në fund në tiganin e shqiptarëve.
“Edi Rama të vazhdojë me këto zullume që bën. Le të vazhdojë, se te tigani i shqiptarëve do digjet”, shprehet Kryemadhi.
Kryeministri Edi Rama ishte sot në Farkë, në familjen Qordja, ku u dha çelësin e banesave të ndërtuara nga tërmeti i 26 nëntorit të vitit të kaluar. Atje ai deklaroi se opozita I është qepur me tigan e peshk.
“Aaa, ishte tigani…Në këtë pikë i dashur ne socialistët dhe ju demokratët kemi të njëjtin hall me këta të tiganit. Këtu na bashkon halli. O ju, o ne na qepen me tigan në dorë dhe thonë duam peshk. Ky është halli i përbashkët që do ta zgjidhim besoj. Ky është helmi i përditshëm. I dinë njerëzit budallenj, por nuk i hanë këto lloj karremash për të përfunduar në tiganin e Monikës.”-tha Rama.
