Gazetari zbulon punën e parë të ministrit të Brendshëm Bledi Çuçi, ka lidhje me policinë, ja çdo ndodhe
Gazetari Artan Hoxha, ka zbuluar disa detaje nga fillimi i karrierës së ministrit të Brendshëm, Bledi Çuçi.
Ai ka thënë se Çuçi ka qenë fillimisht oficer i policisë gjyqësore dhe për herë të parë e ka takuar atë, kur ai e ka marrë në pyetje, pasi kishte 3 padi për shkak të shkrimeve të tij.
Hoxha u shpreh se Bledi Çuçi ka një eksperiencë në polici dhe sipas tij kjo mund të jetë një ndër arsyet se përse ai është i përshtatshëm për këtë pozicion.
“Mendova se do të ishte ndonjë emër i panjohur që vjen nga institucione apo ambiente që nuk i njohim, por bëri një zgjidhje tjetër. Besoj se këtë e bëri për të shmangur një mos dekretim nga Presidenti, dy personazhe që janë dekretuar më parë nga Presidenti. Nuk mendoj se kërkon një dorë të fortë, por një ministër që të jetë i qartë për detyrën e vet dhe të ndajë qartësisht përgjegjësitë që ka ky dikaster me policinë, jo një ministër që merr edhe rolin e drejtorit të përgjithshëm.
Unë jam çuditur pse Çuçi u zgjodh ministër Bujqësie, jo i Brendshëm. Mes atyre që ka Rama në kabinet, është më optimali për ta çuar në atë dikaster. Sepse në CV-të e tij, ka thënë ku ka punuar është marrë me reformën zgjedhore, etj, por Çuçi ka qenë oficer i policisë gjyqësore sapo ka mbaruar gjyqësorin, pranë prokurorisë së Tiranës.
Më ka rastisur në atë kohë se kam pasur 3 padi, kam punuar në atë kohë në Gazetën Shqiptare dhe kam patur padi nga Kryeministri në atë kohë. Në atë kohë jam marrë në pyetje nga Bledi Çuçi dhe oficerët e tjerë.
Kanë qenë tre procese, sigurisht në të tre rastet i fituam. Aty e kam njohur Bledi Çuçin, nuk do doja të isha në ato rrethana se aty kam qenë i marrë në hetim, ndërsa Çuçi ishte oficer që bënte pyetjet dhe merrte informacione. Pavarësisht se ishte i ri në detyrë, ka qenë mjaft korrekt në punën e tij, nuk kam parë në atë kohë
Në situata të tilla prokuroria mban anën e më të fortit, p[or në atë kohë Çuçi nuk ka mbajtur anë, por ka shkuar deri në fund në kërkim të së vërtetës. Në atë kohë kam bërë një artikuj për kontrabandën e hidrokarbureve. Se çfarë ishte për në Kosovë regjistrohej në Durrës dhe kalonte për Kosovë, dhe më rezultoi se kalonte shumë më tepër hidrokarbure dhe ajo nuk kishte shkuar në Kosovë, por kalonte kontrabandë nga autoritetet doganore dhe shitej në Shqipëri.
Atë që ai kërkonte të dinte është nga e kisha marrë unë informacionet, se personazhet që kisha unë në shkrim kishin lidhje dhe përfitonin nga shitja e hidrokarbureve. Në proces u thirrën zyrtarë të lartë të ministrisë së Brendshme. Nga ajo kohë kam mbajtur kontakte me Çuçin, më pas shkoi kancelar. Çuçi ka edhe një avanvtazh, duke ardhur nga policia gjyqësore, ai njeh, ka qenë në koherecë me metodat e hetimit, ngjarjet”,- tha Hoxha.
