Në Greqi ka me mijëra shqiptarë që përmbushin detyrimin ushtarak, si kusht për të marrë nënshtetësinë. Por dy prej tyre, duket se kanë marrë gradën “gjeneral” dhe kanë vënë nën urdhra ushtarët, madje në gjuhën shqipe.
Mediat greke i kanë bërë jehonë një videoje që ka qarkulluar së fundmi në rrjetet sociale.
Në video, dy të rinj që flasin shqip u japin urdhra ushtarëve grekë, të cilët i kanë vënë në rreshtore dhe i detyrojnë të brohorasin një emër, që mesa duket është emri i moderatorit të njohur nga Kosova, Meriton Mjekiqi.
Gjithashtu 2 të rinjtë duket sikur po “përshëndesin” edhe shokët e tyre nga Shqipëria në “rrugën 5 Maji”, siç edhe përmendet në video.
Njëri prej tyre i cili duket të ketë një rol drejtues në repartin ushtarak, urdhëron ushtarët grekë të përsërisin emrin e njërit prej djemve që po përshëndesin, “Me Ri Ton”, ndërkohë ushtarët e përsërisin pa hezitim.
Mediat greke e kanë cilësuar si një skandal dhe kanë nisur hetimet.
Videoja e diskutueshme, e postuar në Instagram, tregon qartë fytyrat e autorëve.
“Shumë përdorues të internetit pyesin se si është e mundur që dy shtetas të huaj të jenë në radhët e ushtrisë greke dhe të urdhërojnë ushtarët grekë”, thuhet më tej në artikullin e medias greke./NOA.al
Një ditë më parë emisioni “Stop” transmetoi dëshminë e vajzës së të mondjerës që ndërroi jetë nga Covid-19 në spitalin “Shefqet Ndroqi”.
Ajo tregoi se veç parave që merrte prej saj, sanitarja Tire Alldervishi i zhvaste para edhe një kushëririt të saj, të quajtur Titi, ndërsa pas denoncimit u prangos sanitarja.
Kushëriri i saj ka dëshmuar sot në “Stop” Tv Klan, sesi i jepte të hollat Tires, e cila nuk kënaqej kurrë.
Veç shumës, që i linte kushërira, Titi thotë, se jepte para ekstra për Tiren, pasi kjo e fundit ankohej, se ishin pak.
Dëshmia e nipit të së ndjerës, Titi:
Unë kam një dyqan fruta-perime edhe Tiren e kam njohur si kliente, që vinte blinte aty edhe me një fjalë ra muhabeti, që unë kisha çuar tezen në spital… i thashë unë: “O Tire më është shtruar tezja në spital. Në qoftë se ke mundësi me më ndihmuar, me e pa, me i bo hyzmet. Ajo tha- po, e shoh unë! Paret m’i lente kushërira dhe ngaqë ishte në punë më thoshte jepja pak Tires lekët edhe unë lekët ia fusja në një qese, në kartopecetë dhe ia fusja ke qesja dhe çdo ditë e Zotit, ajo vinte merrte lekët në mëngjes. Përveç këtyre, kur vinte pasdite, m’u ankonte, më thoshte, që Ani më ka dhënë pak lekë edhe unë ngaqë e kisha teze, më vinte keq, i jepja dhe unë ndonjë gjë nga të mijat”.
Gazetarja: Sa herë ka ndodhur kjo?
Nipi i të ndjerës, Titi: Kjo ka ndodhur 4-5 herë, që i jepja nga të miat, plus atyre, që lente Ani nga 70-60-40 përditë.
Gazetarja: Sa para afërsisht i keni dorëzuar gjatë gjithë kësaj periudhe, pothuajse për një muaj?
Nipi i të ndjerës, Titi: Po vetëm turni i parë, që m’i lente Ani lekët mua, se ishte në punë dhe lekët e Anit unë ia jepsha Tires, përditë nga 70-60-40 mijë lekë, plus që jepja unë për tezen time, se më vinte keq dhe jepja dhe unë, se mu ankonte, që më ka dhënë pak.
Gazetarja: Tirja pretendonte, që këto para i ndante me të tjerë, apo ishin për shërbimin e saj?
Nipi i të ndjerës, Titi: Jo, ajo thonte, që duhet t’i jap dhe të tjerëve, 10-të infermierit, 20-të nuk e di. Unë ia jepja lekët, me një fjalë vetëm për turnin e parë, këto 60, 70, 40 varet sa ishin, sa do i ndanin, sa kishin bo llaf ato me një fjalë, se..
Gazetarja: Ju keni prova për këto, që po thoni?
Nipi i të ndjerës, Titi: Provat mund të jenë aty, ka dhe kamera aty, ajo vinte përditë, çdo ditë vinte aty.
Gazetarja: Jeni gati, që provat tuaja, por dhe dëshminë tuaj t’ia vini në dispozicion organeve të drejtësisë?
Nipi i të ndjerës, Titi: Po, gati jam!
Një tjetër dëshmitare tregon, sesi i është trajtuar i ati në spitalin “Shefqet Ndroqi”. Mbaresa Crroj nga Bulqiza punon infermiere në Itali, po kur iu shtrua i ati në spital la gjithçka e u vendos në një hotel pranë Sanatoriumit. Mbaresa thotë për emisionin “Stop” se i ka dhënë Tires 50 euro vetëm për t’i hequr mjekrën të atit.
Por ky i fundit lihej i pangrënë e i papastruar. Mbaresa është e bindur se i ati ndërroi jetë nga pakujdesia, pavarësisht, se ajo ka paguar më shumë se 4 mijë Euro ryshfet. Ajo është gati, që versionin e saj ta dëshmojë para drejtësisë.
Mbaresa Crroj:
Po, përshëndetje! Atëherë unë jam gjendur si puna e asaj vajzës, që ka folur për mamin e saj edhe unë jam gjet në të njëjtin problem. Babai im u shtrua me datë 24 Nëntor dhe ka dalë në fund të Dhjetorit. Gjatë gjithë kohës, 1 muaj, që ka qenë aty, 1 muaj e 10 ditë më duket, unë lashë çunin këtu në Itali dhe vajta në Shqipëri, lashë punën, lashë çunin, lashë shtëpinë, lashë çdo gjë edhe vajta të shikoj babin. Aty në atë spital, është vetëm tregti, është vetëm lekë. N.q.s ti nuk jep lekë nuk shikohesh. Neve lekët i kemi dhënë nga mëngjesi deri në darkë, çdo ditë, të gjithëve infermierët, ka pas raste, që 3-4 infermierë nuk na kanë marrë lekë, që janë treguar me të vërtetë… edhe doktori, që ndiqte babin tim, ai nuk na ka marrë asnjë lek, të tjerët të gjitha, të gjitha…
Problemi është, që unë personalisht me gjithë vëllain tim, çdo ditë në mëngjes ngriheshim në orën 6:00 dhe i lenim lekët atyre që kishin ndenjur dhe të pasdites edhe në mëngjes turni i parë infermierët jo sanitarët, infermierët i kanë marrë. Edhe n.q.s doni të shikoni janë telekamerat aty edhe hapni edhe shikoni, se i gjeni vetë çdo gjë, çdo pikë vetë i gjeni. Pastaj janë ato lokalet aty përballë, se janë dhe të shkathëta infermieret sot, aty futen edhe bëjnë takime me familjarët dhe ia marrin lekët.
Po jo lekë me 5 mijë lekë, se 5 mijë lekëshi atyre ju duket asgjë. E kam bërë provë një ditë, nuk kam dhënë lekë për 24 orë dhe nuk ma kanë nxjerrë babin në telefon, e pastaj e dini, që atë robotin, që ka mësuar vetëm një fjalë, ka ngrënë, ka pirë, e kemi larë, e kemi ndërruar. Babi im ka vdekur edhe për të ngrënë edhe për të pirë. Kanë qenë raste, që i kanë vjedhur edhe pijet, që neve kemi çuar nga jashtë-brenda, kemi pasur dhe fakte për këto, se kam dhe njerëz aty brenda unë, që shkonin e shikonin babin tim, në çfarë situate është dhe gjendjen shëndetësore të tij. E kanë gjetur pa ujë, pa lëngje edhe pa supë. Ajo shoqja, që është aty te dera, që vjen e merr çdo ushqim të gjithë familjarëve, ajo merrte lekë, për të futur ushqimin aty brenda.
Unë asaj i kam dhënë njëherë 5 mijë lekë në fillim fare, që i kam dhënë dhe numrin të më lidhi me infermierët, e kam parë çdo ditë e më keq… Ajo shoqja… Ani, që unë e respektoj si motrën time, aty tek hoteli jemi bërë si motër e vëlla pavarësisht, se nuk kam lidhje me asnjërin, të bënte vetë puna nga e keqja aty… Ajo vinte çdo ditë me portofolin plot me lekë. Dhe shoqja, që është arrest, ajo Tirja aty, një natë ka fol me mua dhe më kërkoi 50 euro për ti rruajtur babit fytyrën edhe çfarë tjetër, mos e ki problem “ta laj unë, ta shpëlaj unë”. Shkoj e marr një batanije aty me 2 mijë lekë dhe ja ndërroj çdo ditë. Gjëja, që më jepte më neveri është, që ato të sëmurët atje, marrin rrobat nga jashtë, batanije me sëmundje pa larë, t’ua vejnë të sëmurëve nuk është mirë, se neve po luftojmë Covid, meqë Covid është aty.
Mbaresa Crroj: Ne kemi harxhuar shumë lekë…kemi harxhuar shumë lekë… Unë kam pasur 4 000 euro, plus të miat e të vëllait… Nuk jemi kursyer, nuk jemi kursyer për asnjë gjë, asnjë gjë vetëm, se të bëhesh babi më mirë kap e jep, se 5 000 lekshja dhe 10.000 lekshja o shpirti im, atje nuk janë asgjë. Aty nuk hante bukë, nuk hante bukë 5000 lekshe-10.000 lekëshe. Dinë infermierët, e dinë shumë mirë se kush, nuk dua t’i bëj dëm asnjë njeriu, po infermierët vetëm, vetëm ato e dinë, se kush ka marrë lekë, kush e ka parë babin tim. Babai im ka ik vetëm nga pakujdesia.
Ai nga 98 kg burrë, 98 kg burrë, erdhi 40 kg. Këmbët e atij, pulpat e atij nuk shikoheshin. Është normal, që Covid e ka bërë atë punë, punën e saj, poooo… ai kishte vdekur edhe për bukë dhe për ujë… Aty brenda në spital, aty brenda vidhen ilaçe. Ne kemi blerë shumë ilaçe, shumë ilaçe, si unë edhe të tjerët…vidhen dhe ilaçet e të sëmurëve. Unë babin një ditë e kam gjetur pa larë pa ndërruar, i kishte hipur më fal për shprehjen, pisllëku deri në kapuç. Edhe kur e them këtë, e di ajo që e ka larë babin tim. Atë ditë, 5 herë ia kam kërkuar pizhamet, të gjithë ndërresat të m’i nxjerrin përjashta. Po a rri njeriu, një i sëmurë me Covid me pulmone të copëtuar, me mushkëri të copëtuar, të rrijë në pisllëk dhe urinë deri në kapuç? Ky është spitali i Covid..!
Gazetarja: Jeni gati ta dëshmoni para drejtësisë versionin tuaj?
Mbaresa Crroj: Si jo?! Po! Po! Ka pas dhe raste, që kanë hyrë nga jashtë brenda, i kanë futur brenda njerëzit, se kërkojnë 150 euro, për t’u fut për të pa të sëmurin.
Në mandatin e dytë PS qeverisi e vetme dhe mori 74 mandate, por iu bashkuan edhe disa deputetë të PDIU që u larguan nga opozita si dhe kandidat socialdemokrat, Tom Doshi.
Për mandatin e tretë PS premton një rezultat edhe më të mirë se kaq.
Sekretari i Përgjithshëm i Partisë Socialiste, Taulant Balla, ka vënë bast në një studio televizive, lidhur me numrin e mandateve që do të sigurojë PS-ja më 25 prill.
Balla tha se PS do të marrë 74 mandate në zgjedhjet e 25 Prillit.
Është ky “basti” i Taulant Ballës në panelin me analistët Preç Zogaj e Lorenc Vangjeli këtë të premte.
Nurmi dy i PS tha në emisionin “Java në RTSH” se vota e demokratëve po shkon për fatet politike të Agron Dukës, Fatmir Mediu, Nard Ndokës dhe aleatëve të tjerë të PD.
“Të premten e parë pas 25 Prillit unë do të vij këtu tek studio e “Javës në RTSH” dhe do ta ballafaqojmë rezultatin”.
“Partia Socialiste do të ketë të paktën 74 mandate për të qeverisur vendin. Ajo që po ndodh në krahun opozitar, nuk i bën mirë vetë Partisë Demokratike”, tha Balla.
“Demokratët e thjeshtë ndihen sot të fyer sesi vota që ata japin lidhet me fatin politik të Gonit, Nardit, Fatmirit etj. Ky lloj “Dushku” nuk duhet të përsëritet. Një subjekt politik në vitin 2013 që u zhduk pas zgjedhjeve kërkonte të hyjë në listat e PS dhe ne ishim të qartë që askush nuk mund të hyjë brenda listës së socialistëve” – tha Taulant Balla, i sigurt në mandatin e tretë të PS-së.
Taulant Balla do të udhëheqë fushatën e PS-së në Elbasan.
/NOA.al
Kreu i Partisë Demokratike Lulzim Basha i ftuar në “Opinion” deklaroi se zgjedhjet e 25 prillit janë referendum për ndryshim.
Ai tha se vendi ndodhet në një udhëkryq historik dhe se opozita do të jetë në përkrah me çdo shqiptar.
Pyetjes nëse do të largohet nga kreu i PD-së nëse nuk fiton në zgjedhjet e 25-prillit, Basha iu përgjigj:
“Sot po diskutohet për fatin e Shqipërisë, jo për të ardhmen time. Sot shumica e dërrmuese e shqiptarëve duan ndryshim. Sfida e koalicionit jo largimi i Ramës, ai është i vetëlarguar. Ne jemi të bindur 100% se me pjesëmarrjen masive të votuesve shqiptarë më 25 prill, do të garantohet jo vetëm ndryshimi i qeverisë por edhe një kulturë e re politike që ka në themel zgjedhjet e lira dhe demokratike. Nuk ka asnjë mundësi që shumicës që kërkon ndryshim t’i mbyllet goja”, tha Basha.
Nëse humbni zgjidhjet ju ikni nga PD?
Basha: Sot po diskutohet për fatin e Shqipërisë, jo për të ardhmen time. Sot shumica e dërrmuese e shqiptarëve duan ndryshim. Sfida e koalicionit jo largimi i Ramës, ai është i vetëlarguar. Ne jemi të bindur 100% se me pjesëmarrjen masive të votuesve shqiptarë më 25 prill, do të garantohet jo vetëm ndryshimi i qeverisë por edhe një kulturë e re politike që ka në themel zgjedhjet e lira dhe demokratike.
Çfarë do bësh më 26 qershor nëse i humb zgjedhjet?
Basha: Nuk ka asnjë mundësi që shumicës që kërkon ndryshim t’i mbyllet goja
Kryeministri Edi Rama, ka sqaruar se në maskën anti-Covid që mban në fytyrë, nuk është e stampuar logoja e Partisë Socialiste, por janë lule dhe germa që atë personalisht e intrigojnë.
“Kjo është maska ime, nuk është logo e PS. Janë germa dhe lule të dashura për mua dhe yje që janë po ashtu pjesë e figurave që më intrigojnë. Lexojini si të doni. Dikush i lexon PS dhe dikush ndryshe. Nuk është logoja e Partisë Socialiste”, ka thënë Rama.
Në fakt, ndaj kryeministrit Edi Rama ka pasur akuza nga opozita në KQZ, se përdor maskë me simbole partike, që sipas Kodit Zgjedhor nuk lejohet të përdoret në aktivitete qeveritare katër muaj para zgjedhjeve parlamentare. /noa.al/
Një video e publikuar në mediat sociale ka tro nditur autoritetet greke. Sipas mediave të vendit fqinj, Shtabi i Përgjithshëm i Ushtrisë ka dhënë alarmin orët e fundit, pasi në këto pamje pretendohet se shqiptarët u japin urdhra ushtarëve grekë.
Bëhet fjalë për dy të rinj shqiptarë, njëri prej tyre me banim në rrugën “5 Maji” në Tiranë, të cilët me sa duket kanë rol drejtues në një repart ushtarak.
Pasi flasin shqip në video dhe përshëndesin shokët e tyre në Shqipëri, dy të rinjtë urdhërojnë ushtarët e tjerë të rreshtuar që të veprojnë sipas udhëzimeve të tyre.
“Skuadra, gati tu! Para marsh“, dëgjohet të thotë njëri prej tyre fill pas videos duke qeshur më pas me njëri-tjetrin.
Pas publikimit të videos, Shtabi i Përgjithshëm i Ushtrisë së Greqisë ka nisur një hetim në lidhje me rrethanat e xhirimit të saj dhe nëse në të ka fyerje për Greqinë apo ushtrinë vendase.
Mediat greke thonë se videoja e publikuar në Instagram është e diskutueshme, pasi nuk është bërë publike koha kur është postuar.
“Shumë përdorues të internetit, pyesin se si është e mundur që dy shtetas të huaj të jenë në radhët e ushtrisë greke dhe të urdhërojnë ushtarët grekë”, raportojnë mediat greke.
Siç kuptohet nga ajo që thonë, shqiptarët nuk fyejnë Greqinë, thjesht përshëndesin shokët e tyre në Shqipëri, duke i publikuar më pas pamjet në Instagram. Në fakt, janë disa mijëra shqiptarë që përmbushin detyrimin ushtarak në shtetin grek./noa.al/
Një biznesmen në dosjen hetimore ndaj Adriatik Llallës. Ai është Klodian Allajbeu, administrator i Spitalit Amerikan. I pyetur në pro kurorinë e Posaçme, më 15 janar 2020 biznesmeni Allajbeu ka pranuar se prej disa vitesh ka marrëdhënie miqësore me ish-prokurorin e Përgjithshëm, me të cilin njihet që kur ai ishte student në Turqi dhe kanë lidhje të ngushta familjare që prej asaj kohe.
Biznesmeni Allajbeu është marrë në pyetje përderisa konsiderohet si person që ka dijeni për rrethanat e hetimit. Kjo për faktin se ka ndërmjetësuar mes një shtetasi gjerman dhe ish-prokurorit të Përgjithshëm për marrjen e një shtëpie me qira dhe pagesën e shkollimit të fëmijëve, raporton hashtag.al.
“Kam njohje me një shtetas gjerman me emrin Hilman Meyer, me banim në Bremen, Gjermani. Ai ka qenë instruktori im i hipizmit”- shpjegon Allajbeu. Ai rrëfen më tej se në Bremen të Gjermanisë në vitin 2016 ka takuar Adriatik Llallën i cili ishte zhvendosur atje bashkë me familjen. Për shkak të njohjeve – shprehet Allajbeu – i sigurova Llallës një shtëpi me qira. Ndërsa vetë ai kishte kontaktuar një shkollë ndërkombëtare në Bremen për të rregjistruar të dy fëmijët.
Siç tregon dosja e Prokurorisë e poseduar nga Hashtag.al, Llalla ka marrë një shtëpi me qira që kushtonte 17 mijë euro në vit. Pagesën e qirasë e ka bërë bashkëshortja e Adriatik Llallës, i cili vetë nuk ka qenë i pranishëm.
Allajbeu thotë se pagesat janë kryer nga fondet e saj dhe jo nga ai. “Nuk më kujtohen vlerat e paguara nga bashkëshortja e Adriatikut.”- thotë biznesmeni.
Llalla i ka kërkuar Allajbeut ndihmë për të kryer dhe pagesat e shkollës së fëmijëve, pasi duhej të realizoheshin në një periudhë të shkurtër kohore dhe nëpërmjet rrugëve bankare. Për këtë arsye Allajbeu thotë se i ka kërkuar ndihmë të njohurit të tij Hilman Mayer i cili e ka realizuar pagesën nëpërmjet llogarive bankare.
Pagesa për shkollën e fëmijëve është bërë në kesh nga Adriatiku dhe bashkëshortja e tij tek Mayer, (në prezencë të Allajbeut) i cili më pas i ka depozituar në bankë për të realizuar pagesat.
“Transferta bankare mund të jetë bërë nga llogaria e Hilmanit ose e bashkëshortes së tij Sabine Jaker-Meyer.”– thotë Allajbeu. Sipas dokumenteve të depozituara, rezulton se janë kryer nga kjo e fundit.
Të tjera detaje jepen mbi marrëdhënien e biznesmenit me familjen Llalla dhe ndihmën që ai u ka ofruar gjatë kohës së qëndrimit të tyre në Bremen.
Në Bremen, Allajbeu mbante automjete me qira të cilat i paguante me kartën e tij të kreditit, në shuma javore. Duke qenë se disa ditë ai vetë nuk ka qenë atje, thotë se: “Automjetin e ka përdorur bashkëshortja e Adriatikut”.
Allajbeu e ka ndihmuar Llallën përsëri më vonë me fëmijët, duke bërë një pagesë në vitin 2018 për shkollën e tyre tanimë në Angli. “Këtë pagesë ma ka kërkuar Adriatiku, pasi llogaritë i kishte të blllokuara”. Vlera ishte rreth 10 mijë euro për të cilën ka lidhur një kontratë borxhi me Adriatikun.
Allajbeu këmbëngul se gjatë periudhës që Llalla ka ushtruar funksionet e Prokurorit të Përgjithshëm nuk ka pasur asnjë rast që ai të ketë bërë ndonjë pagesë me fondet e veta për mikun dhe familjen e tij.
Lalla dhe Allajbeu thonë se njihen prej vitesh që kur ai ishte student në Turqi dhe kanë raporte të afërta familjare. Allajbeu ka qenë ndër të parët që e ka ndihmar familjen e tij në Bremen, më shumë me komunikimet me qiradhënësen për shkak se bashkëshortja e tij “nuk flet gjuhë të huaja”.
Në dosjen e Prokurorisë të poseduar nga Hashtag.al thuhet se gjatë periudhës që Adriatik Llalla ka qenë Prokuror i Përgjithshëm, Allajbeu nuk ka patur çështje penale, as ai vetë dhe as shoqëritë e tij tregtare “Spitali Amerikan” dhe “Ekma SHPK”. Por ky pohim në dosje neglizhon një ngjarje të rëndë të ndodhur në spitalin Amerikan në vitin 2016, ku në mjediset e këtij spitali një pacient i vuri flakën vetes dhe një pacienti tjetër. Si pasojë e zjarrit humbën jetën dhe dy paciente të tjera.
Ky pohim i Prokurorisë tregon se dhe për ngjarjen në Spitalin Amerikan, edhe për koncensionet në Shëndetësi të siguruara nga Allajbeu, ish-kryeprokurori Llalla nuk ka kryer asnjë hetim.
Mungesa e hetimit sipas dosjes së Prokurorisë tregon se nuk ka patur konflikt interesi midis Llallës dhe Allajbeut, por prokuroria ka neglizhuar faktin se mungesa e hetimeve në fakt mund të jetë dhe imunitet absolut që kanë pasur Allajbeu dhe bizneset e tij në raport me Prokurorinë e drejtuar nga Llalla.
Klodian Allajbeu edhe për shkak se ka ditur t’u vijë në ndihmë për probleme jetike shëndetësore politikanëve dhe pushtetarëve të rëndësishëm në vend, gëzon mbështetje në të gjithë krahët politikë. Ndonëse të gjitha mediet e posedojnë dosjen e hetimit të Adriatik Llallës dhe kanë raportuar mbi të, asnjë nuk ka guxuar të përmendë paragrafet e dosjes ku përmendet bosi i spitalit amerikan./Hashtag.al
Ne fshatin Dukat te Vlores, prej 35 vitesh Musa Ferruni, pasionin per kostumet popullore e vazhdon ende. Musai eshte 58 vjec dhe jeten e tij ai ja ka kushtuar veshjeve popullore. Musain e njohin te gjithe jo vetem ne fshatin e tij Dukatin por edhe jashte kufijve te vendit per veshjet tradicionale qe ai krijon.
Nje dhome te shtepise se tij ne Dukat Musai e ka kthyer ne punishte me dy makina qepese dhjetra vjecare. Musai tregon se profesionin e ka te trasheguar nga gjyshja dhe nena e tij por sot eshte i vetmi qe vijon te beje kostume popullore per grupet polifonike.
“Per fatin e mire kam tre vajza dhe te treja kane qepur dhe qendisur njesoj si une” – shprehet Musai. Per me shume ndiqni videon:
