Aktualitet

Youtube ka njoftuar se ka vendosur që të mbyllë llogarinë e Presidentit të Amerikës, Donald Trump.

Ky vendim ka ardhur pas pretendimeve se kreu i Shtëpisë së Bradhë shkeli politikat kundër nxitjes së dhunës, pas sulmit të javës së kaluar në Kapitol nga mbështetësit e presidentit.

Kompania tha se pezullimi pasoi komentet e presidentit Trump në një konferencë shtypi, e cila u transmetua në platformë të martën në mëngjes.

Veprimi i kompanisë u ndërmor pasi që grupet amerikane të të drejtave civile i thanë agjencisë së lajmeve Reuters se ishin vendosur të organizonin një bojkot reklamash ndaj kompanisë nëse ajo nuk heq llogarinë e presidentit Trump.

Më herët, rrjeti social Tuiter ka bllokuar përgjithmonë Donald Trump. /noa.al/

Shkodra po përballet me përmbytje të shumta, situatë të përsëritur sa herë ka reshje të dendura në vend, por një qytetar ka një hall tjetër.

Ai ka një kërkesë të veçantë për politikanët, një grua pasi ka 19 vite që është i vetëm.

Qytetari i moshuar mes të qeshurash thotë se nuk do as ujë e as bukë, por kërkon vetëm një partnere që të kalojë jetën.

Humori shkodran është ndër më të fismit në vendin tonë që në kohët më të hershme dhe qytetarët shkodranë shquhen për batutat e tyre epike, shkruan tch.

Dialogu humoristik:

Qytetari: Nuk dua as bukë as ujë, kam nevojë për një grua tashi, u bë 19 vjet që më ka vdek, kam nevojë për një grua a ma gjen nji?

Gazetari: Po të përmbytur a jeni?

Qytetari: Ca më duhet e përmbytura mua pak rëndësi ka, unë grua du.

Nënkryetari i Bashkisë së Tiranës, Arbian Mazniku, pjesë darkës së shumëkomentuar në media dhe rrjetet sociale në restorantin luksoz në Dubai bashkë me zyrtarë të tjerë të lartë të qeverisë, deklaroi se fatura u pagua nga një kompani private.

“Ne shkuam si pjesë e një tentative të qeverisë për të sjellë në Shqipëri një investitor, të quajtur EMAAR Group. Ajo është një palë e interesuar për rivitalizimin e portit të Durrësit. Po flasim për një investim që i kalon 2 miliardë euro. “Kompania ka interes të afrohet edhe në qytetin e Tiranës dhe po shqyrton disa mundësi investimi. Unë isha aty për të prezantuar disa projekte të mundshme në Tiranë.
Zoti Mohamed Alabbar ka shpenzuar një ditë e gjysmë të tërë me ne. Ai nuk ishte në darkën e famshme sepse iu desh të lëvizte. Ishin të gjitha të ofruara nga kompania. Nusretin e takuam. Menynë nuk e pamë dhe as e porositëm sepse ishte porosi e kompanisë,” tha Mazniku në Syri tv.

Po ashtu, Mazniku hodhi poshtë akuzat se ka një konflikt interesi që zyrtarët më të lartë të qeverisjes po darkonin në një restorant luksoz në Dubai me paratë e paguara nga një kompani private.

Ai tha se “duhen përdorur të gjitha mënyrat e mundshme të ligjshme që t’i joshim investitorët të vijnë në Shqipëri”.

Kryeministri Rama, në daljen për mediat, para fillimit të vaksinimit sot, tha se dozat që do të përdoren sot ia janë dhënë Shqipërisë nga një vend mik brenda BE. Rama tha se nuk është Greqia dhe se nuk është i autorizuar që t’ia thotë emrin.

“Kemi arritur në kushte jo pak të lehta të garantojmë 500 mijë dosjet e para të Pfizer por edhe të sigurojmë fillimin e vaksinimit para afatit falë marrëdhënieve bilaterale që sikundër e kam thënë janë kyçe në këtë proces të çuditshëm. Faktikisht strategjia dhe drejtimi i përcaktuar nga Bashkimi Evropian për tu investuar në skemën e COVAX ka rezultuar që të jetë ende sot që flasim një drejtim i papërcaktuar në kohë. Pra, pavarësisht angazhimti me COVAX të Shqipërisë dhe vendeve jashtë BE nëse do të qëndronim në pritje do të ishim ende në pritje dhe nuk dihet ende sot sa do të zgjaste kjo pritje.
Jemi angazhuar intensivisht me kanale të tjera. Ia kemi dalë të kontaktojmë drejtpërdrejtë në Nju Jork Pfizer. Njëkohësisht kemi hapur 4 kanale të tjera bilaterale në katër vende. Dhe vaksinimi sot është si rezultat i njërës prej vendeve të BE që nuk jam i autorizuar t’ia them emrin. Nuk është Greqia. Procese ndërveprimi për vaksinën që janë të llojeve të ndryshme. Ka proces ku një vend X është i gatshëm që të jap një pjesë se nuk i përdor dot të gjitha menjëherë dhe ato t’i shesë, për fat të mirë në gjithë kanalet ku tregtohet vaksina Pfizer çmimi është i njëjtë për të gjithë, ka kanale ku veprohet me këmbim, ku një vend kërkon më shumë doza në X kohë dhe një tjetër i garanton se këto doza do i marrë me shkëmbim, duke i kthyer pas. Është fakt që në një garë lypsash për vendin e tyre, unë jam pretendent për vendin e parë”, tha Rama.