Aktualitet

Një histori dashurie e rrallë, e jashtëzakonshme dhe tepër e veçantë për kohën/ Mposhtën Covid-19, cifti feston 73-vjetorin e martesës

Aktualitet / /

Programi “Dua të të bëj të lumtur” solli mbrëmjen e sotme një histori dashurie të rrallë, të jashtëzakonshme dhe tepër të veçantë për kohën.

Në studio, Kola ndau me publikun e gjerë historinë e tij dhe të Mrikës, gruas që i kishte dedikuar një jetë të tërë, të pandarë që nga fëmijëria kur edhe ishin njohur.

Kur Kola kishte qenë 4 vjeç kishte takuar për herë të parë në shtëpinë e kushërinjve të tij Mrikën. Me kalimin e viteve ata ishin njohur më shumë dhe kishin rënë në dashuri, një dashuri të cilën e kishin vënë re edhe prindërit e tyre.

Familjet e tyre kishin rënë dakord që Kola dhe Mrika të martoheshin, por kishte një problem. Ligji nuk i lejonte që të lidhnin kurorë, sepse Kola ishte 4 vite më i vogël se Mrika dhe ai nuk e kishte mbushur moshën madhore për të bërë një martesë.

Pas shumë vështirësive, Mrika dhe Kola arritën të krijonin familjen e tyre dhe të sillnin në jetë 8 fëmijë.

Tashmë Kola është 90 vjeç dhe ka zgjedhur programin “Dua të të bëj të lumtur” për të falënderuar Mrikën për mbështetjen, dashurinë dhe familjen që i ka dhënë, por dhe për të festuar 73-vjetorin e martesës së tyre.

“Kjo grua që shikoni ju, gjatë gjithë jetës sime është kujdesur për mua dhe kur na ra ky virusi ishte aty duke u kujdesur, pavarësisht se ishte e sëmurë. Pasqyra e një burri është gruaja dhe lumturia e fëmijëve janë dy prindërit. Të falënderoj për familjen që kemi krijuar dhe për përkujdesjen që u ke dhënë fëmijëve”, u shpreh Kola.

Nga ana tjetër Mrika rrëfeu se Kola kishte qenë një mbështetje e madhe në rritjen e fëmijëve dhe se e ka dashur gjithmonë përgjatë gjithë këtyre viteve.

Ajo tregoi se diferenca e moshës nuk kishte qenë asnjëherë një pengesë për dashurinë e tyre. Programi kishte rezervuar disa surpriza për çiftin, ku një ndër to ishte një video-mesazh nga fëmijët, nipërit dhe mbesat.

Një histori dashurie e rrallë, e jashtëzakonshme dhe tepër e veçantë për kohën/ Mposhtën Covid-19, cifti feston 73-vjetorin e martesës Read More »

Ja 20 ide efektive si ta shtyni ditën në shtëpi

Aktualitet / /

Shpesh herë nuk kemi me çfarë të mbushim ditën e mbushur me monotoni.

Ndonjëherë, idetë nuk duan shumë kohë për t’u gjetur.

Nëse keni nevojë për ide, më poshtë keni një listë se si të mbushni ditën tuaj në mënyrë të dobishme dhe efektive.

Lista, vijon si më poshtë:

1. Filloni mësoni një gjuhë të huaj online

2. Bëni yoga

3. Meditoni

4. Kërkoni për kërcime zumba dhe realizojini në shtëpi

5. Bëni ushtrime fitness-i

6. Mësoni receta të reja

7. Shihni një film/dokumentar

8. Karaoke

9. Telefononi një mik dhe ftojeni në shtëpi

10. Pikturoni

11. Rimodeloni shtëpinë

12. Pastroni me themel shtëpinë

13. Dedikojani ditën kujdesit për veten

14. Bëni një ecje (jashtë shtëpisë)

15. Rishikoni buxhetin e muajit dhe listën e gjërave për të bërë/blerë

16. Lexoni një libër

17. Sistemoni dollapët

18. Shihni TED Talks në YouTube

19. Telefononi miq, të afërm me të cilët keni kohë që nuk flisni

20. Sistemoni aplikacionet, fotografitë dhe videot në smartphone-n tuaj.

Ja 20 ide efektive si ta shtyni ditën në shtëpi Read More »

Kryemadhi: Rezultatet e LSI-së janë rezultate që do të jenë surprizë për mediat dhe opinionin publik, por nuk do të jenë surprizë për LSI-në dhe socialistët

Aktualitet, Politike / /

Kryetarja e partisë Lëvizja Socialiste për Integrim, Monika Kryemadhi pohoi sot se ajo po bën fushatë vetëm në strukturat e Partisë Socialiste.

Zonja Kryemadhi theksoi se po lobon tek socialistët, pasi siç tha ajo, e kanë mbyllur punën me përkrahësit e LSI dhe votat që presin prej tyre.

“Takimet e mija janë vetëm me strukturat e Partisë Socialiste, për hir të së vërtetës sepse strukturat e LSI e kanë mbaruar të gjithë evidentimin e votave të pritshme”, tha zonja Kryemadhi.

Në intervistën për News24, kryetarja e LSI theksoi se socialistët janë të sfrustruar sikurse ka konstatuar ajo dhe shtoi se ata janë përballur me mosmbajtje premtimesh nga qeveria e kryeministrit Edi Rama i cili sipas saj e ka shuar PS duke e zëvendësuar me Rilindjen e tij.

Duke folur për rezultatin e LSI në zgjedhjet e 25 prillit, kryetarja e LSI, Monika Kryemadhi u shpreh se ai do të jetë një surprizë për mediat dhe opinionin publik duke shtuar se për vetë LSI rezultati nuk do të jetë surprizë por është i pritshëm.

‘Rezultatet e LSI-së janë rezultate që do të jenë surprizë për mediat dhe opinionin publik, por nuk do të jenë surprizë për LSI-në dhe socialistët.

Sepse ajo që dua të theksoj është që pavarësisht se imponohet dhe instrumentalizohen dhe paguhen jashtëzakonisht shumë televizione, apo edhe individë që për hir të pandemisë dhe kr izës ekonomike e kanë shumë të vështirë që të ndryshojnë standardin e jetesës së familjeve të tyre, atëherë e shesin veten e tyre shumë lirë po themi, në rastin e prezantimeve të sondazheve të Edi Ramës për të çorientuar në njëfarë mënyrë opinionin publik.

Por në fakt ndodh e kundërta, sepse frika që njerëzit kanë prej Edi Ramës dhe menaxhimi që ai i bën situatave të krizave, që jo vetëm që nuk zgjidh kriza, por e rivendos krizë mbi kr izën, i bën njerëzit që të shkojnë me vrap në qendrat e votimit dhe të votojnë kundër tij’. /noa.al

Kryemadhi: Rezultatet e LSI-së janë rezultate që do të jenë surprizë për mediat dhe opinionin publik, por nuk do të jenë surprizë për LSI-në dhe socialistët Read More »

Rama/ ‘Ja sa personel do të ketë në spitalin e Fierit’

Aktualitet, Shendetesi / /

Kryeministri Edi Rama, ka zbuluar detaje mbi mëyrën e funksionimit dhe të menaxhimit të spitalit të ri rajonal që po ndërtohet në Fier me financimin e qeverisë së Turqisë.

Rama u shpreh se tre vitet e para, spitali do menaxhohet nga turqit dhe pastaj do t’i kalojë autoriteteve shëndetësore shqiptare.

Kryeministri dha detaje edhe mbi shifrën e personelit, ku 50 prej tyre do jenë turq dhe 320 shqiptarë.

“Do ketë 50 persona personel turk dhe 320 persona personel shqiptar. Personeli turk do jetë në nivele drejtuese, por edhe në mjekë, – zbuloi Rama. – Do ketë një periudhë 3-vjeçare tranzicioni, që do finalizohet me kalimin nën menaxhimin 100% të personelit shqiptar. Do jetë spitali i parë ku do marrë formë reforma për autonominë spitalore. Spitali do të jetë publik, si të gjitha spitalet e tjera, pa pagesë, jo spital privat me faturë ekstra”, – deklaroi Rama.

Kryeministri shtoi se spitali “do të pajiset nga A-ja te ZH-ja nga Turqia dhe do të jetë një qëndër e transferimit të dijes”.

Shefi i qeverisë, i bëri këto deklarata gjatë një bashkëbisedimi ‘online’ me qytetarët në Fier.

Më herët, Ministrja e Shëndetësisë, Ogerta Manastirliu, ka nënvizuar se spitali i ri i Fierit do të ketë një kapacitet 150 shtretër dhe do të mundësojë shërbime ekselente dhe pranë vendbanimit për rajonin e Jugut.

Spitali i ri do të mundësojë shërbime të aksesueshme që përfshin 3 qarqet Fier, Vlorë dhe Gjirokastër, për 540 000 mijë banorë.

Projekti pilot i autonomisë spitalore, do të nisë të zbatohet me këtë spital dhe më pas do të shtrihet në spitalet e tjera.

Sipas premtimit të palës turke, spitali rajonal i Fierit, i cili ka thuajse një muaj që ka nisur nga ndërtimi, pritet të përfundojë para zgjedhjeve parlamentare të 25 prillit. /noa.al/

Rama/ ‘Ja sa personel do të ketë në spitalin e Fierit’ Read More »

Rama i përgjigjet Metës: Presidenti thoshte ndarje kl asore, dik taturë! Është di ktaturë të vaksinosh Anesti Kondilin për shembull?! Që i ka dhënë jetën mjekësisë. Është ndarje klasore që të vaksinosh Alfred Moisun?!

Aktualitet, Debat, Politike / /

Gjatë bashkëbisedimit të tij ‘online’ me qytetarët në Fier, kryeministri Rama i është përgjigjur sot presidentit Ilir Meta, i cili një ditë më parë, e konsideroi vendimin për vaksinim të “personaliteteve të moshuara” një ndarje klasore me tipare diktatoriale.

Duke sqaruar tezën e tij, Rama shprehet se bëhet fjalë për personalitete mbi 80 vjeç, duke përmendur emra si Anesti Kondili, Tinka Kurti, apo Alfred Moisiu.

“Brenda marsit mbarojmë të gjithë vaksinimin e mjekëve dhe infermierëve, mbarojmë brenda disa ditësh vaksinimin e të moshuarve. Të dielën fillojmë vaksinimin e moshës mbi 80 e lart, – tha ai. – Është bërë një zhurmë e madhe. Unë thashë do ta fillojmë vaksinimin me disa personalitete që i kanë dhënë shumë vendit tonë, dhe nuk duhet t’i kujtojmë vetëm kur marrim lajmin e hidhur që u ndanë nga jeta, por sot që kemi mundësinë të kujdesemi për ta. Flas për personalitete mbi 80 plus, nuk flas të marrim Bujar Nishanin hajde ta vaksinojmë. Një filozof që shfaqet me qëndrime të hatashme thoshte g enocid! Presidenti thoshte ndarje kl asore, dik taturë! Është di ktaturë të vaksinosh Anesti Kondilin për shembull?! Që i ka dhënë jetën mjekësisë. Është ndarje klasore që të vaksinosh Alfred Moisun?! Vaksinimi i tyre është edhe një ndihmë, për të kaluar mesazhin se duhet të vaksinohemi se është gjëja e duhur kur ka sharlatanë që flasin për çipa”, tha Rama.

Rama i përgjigjet Metës: Presidenti thoshte ndarje kl asore, dik taturë! Është di ktaturë të vaksinosh Anesti Kondilin për shembull?! Që i ka dhënë jetën mjekësisë. Është ndarje klasore që të vaksinosh Alfred Moisun?! Read More »

Rama flet mbi ko rrupsionin në shëndetësi: ‘Para 15 vitesh edhe Turqia ka pasur Tire dhe ja ku është sot’

Aktualitet / /

Kryeministri Edi Rama preku sërish sot çështjen e korrupsionit në sistemin e shëndetësisë duke deklaruar se një ose disa Tire nuk mund të hedhin hije mbi heroizmin e “bluzave të bardha” në Shqipëri.

Duke iu referuar përvojës së Turqisë në shëndetësi, Rama deklaroi se edhe ky vend ka pasur para 15 vitesh një situatë të vështirë. “Ka pasur Tire lart e poshtë, probleme të mëdha me transparencën dhe ja ku është sot”, theksoi kreu i qeverisë.
“Mjeket e Covid janë heronj, kanë punë përtej atyre që ne mund të kuptojmë. Është e dhi mbshme që një Tire ose disa Tire të hedhin hije mbi heroizmin e tyre. Sistemi ndërtohet nga reforma, reforma kërkon kohën e vet. Ne i japim sistemit një fuqi të re, marrim nga eksperienca e transferimit të dijes, njohurinë që na duhet që ta përhapim në të gjithë Shqipërinë. Për këtë eksperienca e Turqve do na ndihmojë se dhe ata e kanë kaluar këtë proces. Kush e njeh historinë e transformimit të Turqisë, i përket një periudhe më të afër, e dini që përpara 15 vitesh ka pasur një situatë të vështirë, ka pasur Tire lart e poshtë, probleme të mëdha me transparencën dhe ja ku është sot. Ka ndjekur hapat që po ndjekim ne. Shumë kush flet sot për spitalet sikur vjen nga hëna, kur ne kemi marrë detyrën ishte një kohë kur nuk ishte pandemia por ishin njerëzit që vareshin në kangjellat e QSUT se nuk kishin ilaçe, shkonin në spital me batanije me vete, ishte katastrofë më vetë”, tha Rama gjatë një bashkëbisedimi me qytetaret në Fier”, tha Rama.

Rama flet mbi ko rrupsionin në shëndetësi: ‘Para 15 vitesh edhe Turqia ka pasur Tire dhe ja ku është sot’ Read More »

Meta: Vlorën e kam në zemër si çdo shqiptar i ndershëm, ‘Zotërinjtë’ e tjerë e duan për ta futur në xhep

Aktualitet, Politike / /

Presidenti i Republikës Ilir Meta ka postuar një video në “Facebook”, përmes së cilës përcjell një mesazh të rëndësishëm.

Meta shprehet se Vlorën e ka në zemër dhe do ta ketë, si çdo shqiptar i ndershëm.

Ai shton se “zotërinjtë e tjerë e duan Vlorën për ta futur në xhepin e tyre, ngaqë u janë fryrë xhepat shumë dhe u duket Vlora e vogël”.
Postimi i presidentit të Republikës Ilir Meta:

Unë VLORËN🇦🇱 E KAM NË ❤️ dhe do ta kem në ❤️, siç e ka çdo shqiptar🇦🇱 i ndershëm.

“Zotërinjtë” e tjerë e duan VLORËN🇦🇱 për ta futur në xhepin e tyre, ngaqë u janë fryrë xhepat shumë dhe u duket VLORA🇦🇱 e vogël.

Meta: Vlorën e kam në zemër si çdo shqiptar i ndershëm, ‘Zotërinjtë’ e tjerë e duan për ta futur në xhep Read More »

Gjo biten 1181 persona/ Po licia e Shtetit bën ‘kërdinë’ me qytetarët

Aktualitet, Lajmi i fundit / /

Pol icia e Shtetit

Ndësh kohen me masë administrative 1181 shtetas që nuk zbatuan masat anticovid, 1173 prej tyre për mosvendosjen e maskës mbrojtëse. Strukturat e Policisë, krahas përmbushjes së detyrave funksionale për parandalimin, evidentimin dhe god itjen e pa ligjshmërisë, vijojnë kontrollet në të gjithë vendin, për të monitoruar zbatimin e masave për parandalimin e përhapjes së COVID-19.
Gjatë 24 orëve të fundit, Patrullat e Përgjithshme kanë evidentuar dhe ndë shkuar me masë administrative 3.000 lekë, 950 shtetas që janë konstatuar pa maskat mbrojtëse. Shërbimet e Pol icisë Rrugore kanë ndë shkuar me të njëjtën masë administrative, 223 shtetas që udhëtonin në mjete private me persona me të cilët nuk kishin lidhje familjare apo në mjetet e transportit publik, pa vendosur maskat mbrojtëse.

Gjatë këtyre kontrolleve janë shoqëruar në ambientet e Policisë, 8 shtetas që nuk kanë pranuar t’i tregojnë punonjësve të Policisë dokumentin e identifikimit, të cilët pasi kanë paraqitur dokumentin e identifikimit, janë ndë shkuar me masën administrative dhe janë lënë të lirë.

Gjatë kontrolleve në subjekte të ndryshme, shërbimet e Pol icisë kanë konstatuar një lokal që ushtronte aktivitetin në kundërshtim me protokollet e sigurisë. Për administratorin e këtij subjekti është vendosur masa administrative 1.000.000 lekë. Gjithashtu, në të gjithë vendin janë ndë shkuar me masë administrative 10.000 lekë, 7 shtetas që janë konstatuar duke lëvizur në këmbë pas orës 20:00.
Në zbatim të masave anticovid, Po licia e Shtetit apelon për të gjithë qytetarët dhe drejtuesit e mjeteve që të respektojnë orën po licore, të vendosin maskën dhe të ruajnë distancimin social, ndërsa subjektet tregtare, lokalet dhe restorantet të respektojnë protokollet e sigurisë dhe orarin e mbylljes, me qëllim parandalimin e përhapjes së COVID-19.

Gjo biten 1181 persona/ Po licia e Shtetit bën ‘kërdinë’ me qytetarët Read More »