Mes dhjetëra ish-deputëteve të mbetur jashtë listës së kandidatëve të Partisë Demokratike për t’u zgjedhur në 25 prill, është edhe Genc Pollo.
Mungesa e emrit të tij në listën e nënshkruar nga kryetari Lulzim Basha nuk ka kaluar pa u vënë re.
Megjithatë, një nga “pionerët” e Partisë Demokratike që në fillimet e saj në vitet ’90, është tërhequr me stil dhe me sa duket pa polemika.
Në një postim të shkurtër në Facebook, Pollo thotë se ka vendosur vetë të mos kandidojë në zgjedhjet parlamentare të 25 prillit.
“Të dashur miq! Unë vendosa të mos kandidoj për deputet në listat e Partisë Demokratike mbasi mundësitë e rrethanat e ofruara nuk i gjykova të përshtatshme. Megjithatë unë uroj që PD dhe aleatët të realizojnë në 25 prill rotacionin politik që mbetet absolutisht i domosdoshëm. GP”, – shkruan ish-deputeti demokrat. /noa.al/
Kryetari i grupit parlamentar të Partisë Socialiste Taulant Balla prezantoi mbrëmjen e të hënës 8 mars emrat e kandidatëve për deputetë të PS-së në zgjedhjet e 25 prillit.
Në një dalje për mediet pas mbledhjes së kryesisë së PS-së, Balla tha se “kemi arritur të konkludojmë me një votim konsensual në mbledhjen e kryesisë listat e PS”.
Lëvizja Socialiste për Integrim ka qenë ndër partitë e para që ka dorëzuar në KQZ listat e kandidatëve për 12 qarqet që do të garojnë në zgjedhjet e 25 prillit.
Kryetarja e LSI, Monika Kryemadhi do të kryesojë listën në 3 qarqe, atë të Tiranës, Fierit dhe Elbasanit.
Emrat në listë kryesojnë drejtuesit politikë të qarqeve, të cilët janë vendosur të gjithë në zonë të sigurt.
LSI dhe PD do të bashkëpunojnë në qarkun e Dibrës dhe të Kukësit, për të mbështetur kandidatët e PD dhe kjo është vënë re me emërimin në krye të listës së LSI persona që nuk janë të njohur në mënyrë që votat të shkojnë tek kandidati i PD-së.
Në qarkun e Kukësit i pari në listë është Erblin Bulica, ndërsa në Dibër i pari në listë është Hajri Laçi.
Prezantimi i listës është bërë nga vetë Kryemadhi e cila tha se këto emra kanë bashkuar persona me vlera shoqërore, profesionale dhe morale që sipas saj do i sjellin fitoren partisë.
‘Jam shumë e lumtur që ky proces ishte një proces shumë i shëndetshëm, shumë transparent dhe që krijoji një moment bashkimi të jashtëzakonshëm vlerash shoqërore, profesionale dhe morale. Kjo skuadër e madhe, që do të përfaqësojë Lëvizjen Socialiste për Integrim në të gjithë vendin, do të drejtojë shqiptarët drejt ndryshimit që të gjithë presim me padurim, për përmbysjen e një klike qeveritare antipopull, antishtet dhe antivlera. Këta të rinj dhe të reja, burra dhe gra plot vullnet e të palodhur, janë garanci për një garë fituese dhe të shkëlqyer si dhe për një qeverisje të mirë dhe të drejtë për qytetarët dhe për vendin.’- tha Kryemadhi.
Kryesuesit në 12 qarqe
Në Shkodër i pari i listës është Agron Çela
Në Vlorë i pari në listë është Luan Rama
Në Tiranë e para në listë është Monika Kryemadhi e pasuar nga Erisa Xhixho djhe Petrit Vasili
Në Lezhë i pari në listë është Viktor Tushaj
Në Kukës i pari në listë është Erblin Bulica
Në Gjirokastër i pari në listë është Vangjel Tavo
Në Korçë i pari në listë Endrit Braumllari
Në Elbasan e para në listë është sërish Monika Kryemadhi e ndjekur nga Altin Toska dhe Ermir Gjinishi
Në Dibër i pari në listë është Hajri Laçi
Në Fier sërish Monika Kryemadhi kryeson duke u ndjekur nga Kejdi Mehmetaj dhe Klajdi Bodganaj
Në Berat i pari në listë është Ardit Çela
Në Durrës e para në listë është Elona Guri
LISTA E PLOTË
Kandidatët e Lëvizjes Socialiste Për Integrim për parlamentin e ardhshëm pas fitores së 25 Prillit 2021:
Një ditë pas shpalljes zyrtare të listave të PS për zgjedhjet paramentare të 25 prillit, kryeministri Edi Rama ka sulmuar kundërshtarët e tij politikë, PD dhe LSI.
Ai e konsideroi ‘zhgënjyese’ skuadrën e PD për zgjedhjet e 25 prillit, ndërsa tha se ky nuk ishte maksimumi që mund të bënte kjo forcë politike.
Në një konferencë për shtyp, Rama nuk i kurseu akuzat ndaj kreut të PD-së, Lulzim Bashës, të cilën e etiketoi si një lider “pa karakter, pa vizion e pa forcë”.
“Skuadra e PD është zhgënjyese dhe për mua. Nuk besoj që ky ishte maksimumi që mund të bënte PD, pavarësisht situatës së vështirë ku ndodhet për shkak të një lidershipi pa karakter, vizon e forcë. Nuk besoj që rrethi i influencës së PD të jetë aq i ngushtë dhe që PD mos të ketë mundësi të ofrojë më shumë se sa kaq. Lista e PD është afirmimi i fosilizimit”, tha Rama.
Më pas, ai u ndal te lista e LSI-së, duke theksuar se ajo është “listë për SPAK dhe OFL”. Sipas kryesocialistit, LSI është “katandisur si mos më keq”.
“Për listën e LSI-së, nuk dua të humbas kohë, është lista e SPAK-ut dhe OFL-s. Nuk kishte si të ishte ndryshe. Më vjen keq për shumë të rinj e të reja që nuk i përkasin këtij kategorizimi, por janë një enturazh, si mezet rreth karkalecave të tiganit të Monikës. Kurse karkalecat janë aty në qendër dhe është konfirmim i një katandie si mos më keq të një force politike që sot është një magazinë private që administrohet nga gruaja e presidentit dhe që shet dokrra dhe blen vota”, shtoi Rama. /noa.al/
Mjeku infeksionist, Tritan Kalo, ka su lmuar ashpër Partinë Socialiste, e cila sipas tij, pas ardhjes në pushtet është mbrojtëse e interesave të pasunarëve dhe është mavijosur nga ethet e parave të korrupsionit.
“PS e pas Qershorit 2013, është një parti mbrojtëse e interesave të pasunarëve, e “MAVIJOSUR” nga ethet e parave të korrupsionit”, shkruan Kalo në llogarinë e tij në Facebook.
E teksa ndjekësit në rrjetet sociale, komentonin në statusin e tij, mjeku i njohur ka replikuar duke thënë se:shumë-shumë pak shpresë për ndonjë reflektim të Rilindjes në zgjedhjet e ardhshme Parla-Pa-Mentare të 25 prillit, por paskam qenë i gabuar”.
Ndërsa dikush e pyet se çfarë duhet bërë, pasi të gjithë janë të korruptuar, Kalo ia kthen duke i thënë se “të mos vijojmë t’u shkojmë prapa e të mos grindemi mes nesh të verbuar nga militantizmi”.
Në 4 mars (2021) Tritan Kalo njoftoi largimin e tij nga Komiteti Teknik i Ekspertëve për pandeminë Covid-19.
Mes të tjerash, ai pohoi se politika edhe një herë ia arriti të përçajë mjekët. /noa.al/
Të dielën e 28 marsit pritet që të ndërrohet ora, që do të çojë para akrepat e ores. Por për vite me radhë është folur se ky ritual do ndalet dhe nuk dihet çfarë do ndodhë këtë vit.
Vendet e ndryshme të Bashkimit Evropian, do të duhet të vendosin se çfarë do të bëjnë. BE ka abroguar detyrimin për shumë vende anëtare që të kalojnë nga një orë në tjetrën. Çdo shtet do të vendosë nëse do të qëndrojë me orën diellore apo do të miratojë orën ligjore.
Brenda vitit 2021, shtetet duhet të zgjedhin. Bëhet fjalë sidoqoftë për një vendim paradoksal në disa aspekte, pasi mund të ketë një Evropë të ndarë në fasha orare të ndryshme. Mundësia për të pasur më shumë dritë në dispozicion është mbi të gjitha në avantazh të vendeve të Evropës Jugore, në Evropën Veriore, në të kundërt, ditët gjatë verës janë më të gjata për shkak të afërsisë me polin e veriut.
Në Finlandë, në ditët më të gjata, dielli lind para orës 4 të mëngjesit dhe perëndon thuajse në orën 23.00. Ndërkohë, Italia duket se e ka marrë një vendim dhe debatet janë ndezur. Italia i ka thënë jo qëndrimit në një fashë të caktuar orare dhe do të mbajë në fuqi ndryshimin e orës.
Qeveria italiane ka depozituar tashmë në Bruksel një kërkesë zyrtare për të mbajtur të paprekur situatën aktuale, pa ndryshime. Franca në anën tjetër ka vendosur të abrogojë kalimin nga ora ligjore në atë diellore dhe anasjelltas.
Por ndërkohë janë të shumta vendet e BE-së që ende nuk kanë vendosur se çfarë do të bëjnë. Ndryshimi i orës nga ajo diellore në ligjore është bërë për të kursyer energji gjatë Luftës së Parë dhe të Dytë Botërore, duke reduktuar kështu konsumin.
Drejtuesi poitik i qarkut Dibër Xhelal Mziu, përmes një statusi në facebook, ka komentuar largimin e Olta Xhaçkës nga Dibra dhe kandidimin e saj në rrethin e Korçës.
Mziu shprehet se paniku i humbjes e detyron Ramën të largojë ministren Xhaçka nga vendi i kr imit.
Ky largim sipas demokratit shënon dhe shpërbërjen e ban dës 184, pasi me Xhaçkën do të largohet dhe i shoqi i saj, Artan Gaçi, i përfshirë në blerjen dhe vje dhjen e votave, duke inti miduar votuesit.
Postimi i plotë: “Shka përderdhet” ba nda 184 e Dibrës!
Paniku i hum bjes detyron Ramën të “zhdukë” Xhaçkën nga vendi i “kr imit”.
Megjithëse ishte paralajmëruar largimi i saj që në fund të Janarit, kjo ndodhi sot dhe tregon qartë panikun e h umb jes.
Olta Xhaçka ishte jo vetëm pjesë e bandës së vj edhjes së votave të 2017, si e përfshirë vetë por edhe i shoqi Artan Gaçi në blerjen dhe vjed hjen e votave, duke k ërcënuar votuesit.
Olta Xhaçka si kordinatore e PS në Qarkut Dibër abu zoi me mjetet e MM, pasi në vetëm dy muaj përdori si “taksi” helikopterin Cougar të ushtrisë.
Si Ministre abuzoi me tenderat në kohë pandemie dhe sot po het ohet nga SPAK.
Edi Rama si hu mbësi i madh, i përdori ban dat dhe ban ditët, tani largoi shefat duke lënë “fillikat” pjestarët e bandës të mbledhin vota në Dibër.
Si drejtues politik i Qarkut Dibër do ti sigurojmë Edi Ramës, Xhaçkës, ban dave dhe banditëve të tij hum bjen dhe dis fatën më të thellë që ka njohur ndonjë herë PS në Dibër.
Në listën e publikuar nga Dosja.al me emrat e propozuar në Kryesinë e Partisë Demokratike për kandidatët për deputetë, u vu re mungesa e shumë figurave të selisë blu, që në vitin 2017, kanë qenë. Klevis Balliu ishte me pikëpyetje prej muajsh që prej mbylljes së prostestës së Astirit, sot u la jashtë listave.
Bujar Nishani, Luçiano Boçi, Enri Hasa, Genc Pollo, Gert Bogdani janë disa nga emrat e tjerë që nuk janë futur më në listën për kandidatë për deputetë.
Lista e plotë me emrat që nuk kandidojnë për deputetë:
Klevis Balliu
Bujar Nishani
Advertisements
Luçiano Boçi
Enri Hasa
Genc Pollo
Gert Bogdani
Florion Mima
Valentina Duka
Ligoraq Karamelo
Fatbardha Kadiu
Xhemal Gjunkshi
Por, Endri Hasa, Xhemal Gjunkshi e Fitim Zekthi janë vendosur koordinatorë. Zekthi është emëruar si koordinator kombëtar për komunikimin social dhe politik. Më herët është caktuar Xhemal Gjunkshi si koordinator për sigurinë dhe Enno Bozdo si koordinator kombëtar për energjinë.
Dosja.al ka zbardhur sot listën e plotë me emrat e zgjedhur nga Partia Demokratike për t’i kandiduar për deputetë. Emrat pritet të votohen në Këshillin Kombëtar të PD-së e më pas të publikohet zyrtarisht version përfundimtar. Mund të kemi edhe surpriza.
