Aktualitet

Kryeministri Edi Rama, në një takim me qytetarët në Shkodër përsëriti edhe një herë që është i gatshëm që të bashkëpunojë me liderin demokrat Lulzim Basha, pas zgjedhjeve të 25 prillit.

Rama shtoi se është gati të bashkëpunojë me çdo shqiptar që nuk është ish-kryeministri Sali Berisha dhe Presidenti Ilir Meta.

Pra, si kusht i kërkon Bashës të distancohet nga Berisha dhe Meta.

Kreu i qeverisë shtoi se Basha nuk pranoi ftesën e tij pasi kushti i tij ishte që “të largohet nga Berisha e Meta, e të bëhej për Shqipërinë Euripiane.”

Gjithashtu, Rama tha se është dakord edhe me deklaratën e Kishës Katolike, e ambasadores amerikane në lidhje me shit-blerjen e votës.

“Unë jam gati të bashkëpunoj me çdo shqiptar veç Sali Berishës dhe Ilir Metës. Nuk është personale fare. Sepse Saliu e Iliri janë pengmarrësit e PD-së dhe Bashës. Jam gati të bashkëpunoj me Bashën, sepse nëse politika i lë punët e vetë, sherret e veta dhe merret me si ta bëjmë Shqipërinë kampione të Ballkanit për agroturizëm, për shoqëri digjitale.Kjo është forca e bashkimit, politika për këtë është krijuar”, tha Rama nga Shkodra.

Kryeministri u shpreh se karta e Berishës që është përhapur në Shkodër se ai dhe socialistët janë komunistë, nuk funksionon më sot pas 30 vitesh.

Por kryesocialisti e quajti rivalin e tij ende një “kukull” në duart e Berishës dhe Metës.

Megjithatë, faktori ndërkombëtar, mësohet se si kusht i një bashkimi të mundshëm përveç zgjedhjeve që duhet të jenë të lira dhe të ndershme, është që palët të mbështesin Reformën në Drejtësi dhe të jenë pro anëtarësimit të Shqipërisë në BE.

“Jam shumë dakord me qeverinë amerikane dhe përfaqësuesen këtu, edhe ata të Kishës Katolike që adresuan një plagë të madhe këtu në Shkodër, shitjen-blerjen e votës. Jam dakord që të shesësh votën është mëkat, ta blesh është mëkat. Jam po kaq dakord që këto zgjedhje duhet të jenë ku njerëzit të mendojnë jo sa do marr nga vota, po çfarë vote do të jap për fëmijët e mi”, tha Rama.
/NOA.al

Kryetari i Partisë Demokratike, Lulzim Basha tha se Edi Rama e ka pranuar h umbjen.

Basha kështu iu përgjigj ftesës së radhës nga Rama, për bashkëpunim, gjatë një tu bimi sot në njësinë numër 4 të kryeqytetit, madje tha se nga hu mbje që po i vjen, kreu i qeverisë me dë shpërim kërkon që të bëhet pjesë e qeverisjes së Aleancës për Ndryshim.

Basha tha i bindur se koha e Ramës ka mbaruar.

“Vendimi për ndryshim është vendimi më i madh i cili ka kapërcyer kufijtë e përkatësive politike. E ndjej që mezi preni padurim, pasi këto 8 vite i kanë lënë vragat në trupin e vendit tonë. Na kanë shkulur të rijnë, bijtë dhe bijat, i kanë çuar në emigracion”, u shpreh Basha.

“Tetë vite pa mbajtur asnjë premtim dhe ka guxim që të vazhdojë edhe 4 vite të tjera? Sigurisht që jo, ju nuk do t’ja hapni derën dë shtimit. Ai e di fare mirë. E ka pranuar hu mbjen, prandaj edhe në dë shpërim e sipër kërkohet që të bëhet pjesë e qeverisjes së aleancës për ndyfshim. Sot i them nga kjo rrugë e mbushur me njerëz që duan ndryshim; Edi Rama koha jote ka mbaruar! Atë që nuk bërë në 8 vite, se bën dot më. Ke rënduar jetën e mijëra familjeve shqiptare. IK! Largohu”, tha Basha, pas ftesës së kryeministrit Rama, për një bashkëpunim mes PS-së dhe PD-së, por me kusht që kryetari i opozitës të distancohet nga Presidenti Ilir Meta dhe ish-kryeministri Sali Berisha.
/NOA.al

Presidenti Ilir Meta doli në komunikim për mediat për të deklaruar se i është drejtuar organeve të drejtësisë për një skandal ma fioz sipas tij, në kuadër të zgjedhjeve të 25 prillit.

Kreu i shtetit u shpreh se në qarkun e Korçës po përdoren persona me rekorde kr iminale dhe po pajisen me mjete identifikimi.

“Sot i jam drejtuar organeve të drejtësisë dhe institucioneve përgjegjëse për të he tuar për një skandal të radhës që ka marrë përmasa ndërkombëtare duke përfshirë edhe Shqipërinë.

Nga të dhënat e siguruara rezulton se në qarkuan e Korçës në disa zona që janë të banuara nga pakica kombëtare, shtetas me rekorde kr iminale janë pajisur me dokumente identifikimi, jo me të dhënat e tyre, por duke përdorur të dhëna me persona që nuk kanë probleme me ligjin”, tha Meta.

Ky i fundit komentoi edhe deklaratat e Kryeministrit Rama për të bashkëpunuar me kreun e PD-së, Lulzim Basha.

“Ftesa e Ramës e sinqertë, siç ishte ajo e 17 majit. Ka moral legjitimitet çdo qytetar para se të votojnë, do të bëjë koalicion PD-PS ta shpallin që tani, do ta bëjë LSI-PS, ta shpallin që tani, të jenë të sigurt që do i mundë Boikeni edhe i vetëm”, tha Meta. /noa.al/

“U befasova!” kështu është shprehur gazetari i njohur sportiv, Ervin Baku, i cili së fundi rezultoi të jetë patronazhisti i ish kryeministrit Sali Berisha, pas publikimit të të dhënave personale. I ftuar në emisionin “7pa5” në “Vizion Plus”, Baku theksoi se u befasua kur u informua nga mediat, duke e cilësuar një gjë absurde.

Baku tha mes të tjerash se nxjerrja e të dhënave është një shk elje e të drejtave të njeriut.

“E kam marrë me sportivitet këtë lajm që ka dalë këto ditë. Jemi në muajin prill dhe dihet me çfare feste fillon ky muaj. Me Berishën kam marrëdhënie shumë të mira që datojnë që nga koha ime në Strasburg, por nuk ndikojnë në bindjet e mia sportive, kulturore, artistike, apo edhe politike.

Unë nuk jam në dijeni, më duket shumë butaforike. Kjo është shk elje flagrante e të drejtave të njeriut. Jam kundër këtyre praktikave. Realisht jam kundër këtyre praktikave. Nuk duhet të ndodhin gjëra të tilla. Une e mora me shumë sportivitet”, tha Baku, që tani po njihet ndryshe edhe si patronazhisti i liderit historic të PD, Sali Berisha./NOA.al