Ai e nisi fjalën me një koment të një prej momenteve më të bukura të kësaj fushate, kur djali i tij i vogël, Zaho foli para gjithë simpatizantëve socialistë në Vlorë.
Rama është i ftuar mbrëmjen e sotme në emisionin “Open” në Top Channel ku tha se ai nuk kishte emocione dhe se i kishte kërkuar vetë ai që të merrte mikrofonin e të fliste.
“Aty poshtë kur ishim që e mbaja unë do të flas, do të flas dhe unë thoshte. Filloi të fliste, s’kishte emocione, nuk mu duk mua të paktën, e ka shumë fiksim Vlorën prandaj. Janë ato momente që duke i parë e kupton sa shumë i ke borxh atyre që janë afër teje”, tha Rama, ndërsa u prek kur shikonte momentet e fjalimit të Zahos në Vlorë./NOA.al
“Sot ju them ju vlonjatëve ju e keni në dorë, ju e vendosni nëse në 25 prill juve më jepni mua dhe Partisë Socialiste 9 mandate unë po ju them që në 4 vitet e ardhshme do të bëj 12 herë më shumë për Vlorën seç kam bërë dhe kemi bërë në këto 2 mandate që po mbyllim, 12 herë më shumë”.
Me këto fjalë iu drejtua sot qytetarëve të Vlorës Kryeministri Edi Rama gjatë takimit përmbyllës të fushatës elektorale.
“Kur të vij dita që të jenë zgjedhjet e pas katër viteve unë do të vij këtu dhe atje në ekran do pasqyrohet kjo që thashë sot dhe Vlora e pas 4 viteve do të jetë 12 herë më e mirë se kjo që është sot”, – tha Rama.
Kreu i qeverisë u shpreh se “Kur them Vlora jo vetëm bashkinë e Vlorës, kur them Vlora them Himara, Saranda, kur them Vlora them Labëria, Selenica, unë kur them Vlora them Shqipëria”.
“Vlora sot është padiskutim vendi më i bukur ku mund të nisen për të shkuar në Shqipëri. Deri dje a ju kujtohet si e lanë Vlorën edhe të majtët e të djathtët. Të majtët thoshin ata i kemi në xhep të djathtët thoshin ata me ne s’bëhen kurrë dhe te dyja palët ia kishin kthyer kurrizin këtij vendi që i jep kuptim shqiptarisë”, – theksoi Rama.
Kryeministri Rama tha se “sot Vlora flet me pamjen e saj, me ndryshimin e brendshëm të saj që vazhdon dita ditës, flet me numrin e kaq shumë sipërmarrjeve të vogla, që janë hapur dhe hapen javë pas jave, muaj pas muaji, flet me entuziazmin tuaj”.
Mjeku infeksionit Tritan Kalo u drejtohet qytetarëve para zgjedhjeve tw 25 prillit me një mesazh duke u kërkuar dy gjëra; e para që të “mos bien pre e pre e dasive partiake” dhe e dyta që “të votojmë dhe mënçurisht të shfrytëzojmë forcën e votës për ndryshim”.
“Kohë kovidiane…. 25.04.2021 dhe në vijimësi. POR tashmë në periudhën e pas-tranzicionin Demon-kratik….Ishim, jemi dhe përjetësisht të gjithë do të mbesim bijë e bija të këtyre Trevave Arbërore….Jemi SHQIPËTARË në gen, në shpirt, në frymë dhe në qëndrimet tona, për ardhmërinë e mbrothësimin e Nënlokes Shqipëri….KURRË mos bini pre e dasive partiake dhe mos u verboni nga mëria e urr ejtja ndaj njëri-tjetrit….”
“Me mëndjen e kthjellët e të ndriçuar nga drita e shpresës dhe me zemrën e mbushur plot dashuri e respekt për njëri-tjetrin e “baltën më të ëmbël se mjalta”, qetësisht të kryejmë detyrën tonë qytetare ndaj DEMOKRACISË, të votojmë dhe mënçurisht të shfr ytëzojmë forcën e votës për ndryshim, në një Shoqëri të plotë-vlertë demokratike pa asnjë reminishencë të së shkuarës sonë di ktatoriale në të…..”
“Dibranë, Elbasanlli, Shkodranë, Vlonjatë, Gjirokastritë, Tironsa, Korçarë, Myzeqarë, Krutanë, etj., ishim, jemi dhe në çdo kohë e rrethanë do të mbetemi motra e vëllezër…..Interesat e atdhedashurisë duhet të prevalojnë mbi interesat partiake….. KURRË të mos harojmë se Delezimi dhe Militantizmi i verbër, dhuna verbale e fizike do të sjellë edhe në vijimësi vetëm theqafjen e demon-kracisë…. Together forever!!!” shkruan Kalo.
/NOA.al
Dy ditë para zgjedhjeve vendimi që detyron emigrantët shqiptarë që vijnë nga Greqia dhe duhet të karantinohen për dy javë, do të mbetet në fuqi, pavarësisht ankesave të shumta kundër vendimit.
Presidenti i Republikës, Partia Demokratike dhe zyra e Avokatit të Popullit kanë kërkuar që vendimi të shfuqizohet pasi cenon të drejtën kushtetuese të votës.
KQZ është shprehur se nuk ka kompetenca lidhur me vendimin e Komitetit Teknik të Ekspertëve.
Kërkesa e opozitës pasi është depozituar në Komisionin Qendror të Zgjedhjeve, kreu i saj, Ilirjan Celibashi deklaroi se KQZ nuk mund të shqyrtojë një kërkesë të tillë.
“Çështja në fjalë është jashtë kompetencës sime. Është kompetencë e Ministrit të Shëndetësisë. Këtë kërkesë do t’ja përcjell menjëherë Ministrisë së Shëndetësisë dhe Çështjeve Sociale”, tha Celibashi.
/NOA.al
Mbrëmjen e sotme Lulzim Basha mbylli fushatën e zgjedhjeve në Tiranë. Lideri demokrat i ftoi të gjithë shqiptarët, “pa dallime politike” që të votojnë ndryshimin për një erë të re, “për Shqipërinë si gjithë Europa”.
Kryedemokrati ftoi të gjithë nëpunësit e administratës, mësues, mjekë dhe punonjës policie që të bashkohen për të votuar PD-në ditën e diel.
Kandidati demokrat për kryeministër kishte një thirrje edhe për socialistët e zhgënjyer në këto 8 vite qeverisje nga Edi Rama.
Mes demokratëve që ishin mbledhur në sheshin “Nënë Tereza” në takimin përmbyllës të fushatës së 25 Prillit ishte edhe ish-kryeministri Sali Berisha.
Lidhur me pritshmëritë e PD-së për ditën e diel, Sali Berisha u shpreh i bindur “Fitore e shkëlqyer, fitore”.
Kryeministri Edi Rama ka mbyllur fushatën elektorale në Vlorë, nga ku premtoi se në katër vitet e ardhshme do të bëjë 12 herë më shumë se çka bërë deri më sot, në Vlorë dhe pjesën tjetër të Shqipërisë.
“Vlora sot është pa diskutim dhe nuk e mohon askush vendi më i bukur ku mund të nisen për të shkuar në Shqipëri. Deri dje a ju kujtohet si e lanë Vlorën, edhe të majtët edhe të djathtë. Të majtët thoshin ata i kemi në xhep, të djathtët thoshin ata me ne s’bëjnë kurrë. Të dyja palët ja kishin kthyer kurrizin këtij vendi që i jep kuptim shqiptarisë. Sot, Vlora flet me pamjen e saj, flet me ndryshimin e brendshëm të saj që vazhdon dita ditës, flet me numrin e kaq shumë sipërmarrjeve të vogla që janë hapur dhe do hapen. Flet me entuziazmin tuaj, unë ju them sot, siç i thashë Kiarës tetë vite më parë, ju e keni në dorë, ju e vendosni, nëse ne 25 prill juve më jepni mua dhe PS 9 mandate unë po ju them që në 4 vitet e ardhshme do të bëj 12 herë më shumë për Vlorën se çfarë kanë bërë dhe çfarë kemi bërë në këto mandate, 12 herë më shumë. Kur të vij dita që të jenë zgjedhjet e pas katër viteve do vij këtu dhe atje në ekran do pasqyrohet kjo që thashë sot, Vlora e pas 4 viteve do jetë 12 herë më e mirë se kjo që është sot. Kur them Vlora them jo vetëm bashkia e Vlorës, them Himara, Saranda, Labëria, kur them Vlora them Selencia, them Shqipëria”, u shpreh Kryeministri.
Rama sulmoi kryepozitarin Basha dhe paralajmëroi shqiptarët se sipas tij, me Bashën kryeministër, do të mbesin pa lekë.
“Me Lulzimin nuk ka lekë, por vetëm kërkesë më jepni votën dhe takimin jua lë tek tramvaji i Tiranës. Në Vlorë mund të ketë të djathtë, pasardhës të Ballit Kombëtar, por ç’lidhje ka Mit’hat Frashëri me Lesko pijanecin o të marrë? Po ku lidhet Mit’hat Frashëri me Leskon me kanotierë e me barkun jashtë që rrihet lokaleve?
Atij do ja lini Vlorën, Labërinë, Sarandën, fëmijët tuaj? Ç’do ju mësojë Lesko? Bingot, bixhozin, rakinë, vje dhjet, hiletë, pa besinë? Ç’lidhje ka Mit’hat Frashëri me këta? Të jesh i djathtë, pasardhës i Ballit të kuptoj por të thuash do vesh me Leskon, përse do vesh për pula, raki apo ullinj?
Doni që Vlora të ngjitet më lart, që është gati të hapë një portë nga qielli e nga deti, të kthehet prap tek era e qofteve. Unë e di që ju mezi prisni të vijë e diela, e kam me të djathtët e Vlorës. Jam unë më i pakënaquri se po të isha i kënaqur nuk vija këtu, nuk e gjeja forcën t’i thoja zemrës po pl as, punë e madhe, t’i thoja mendjes, çfarë thua, pusho, në asnjë mënyrë se Shqipëria duhet të ngjitet në majën që Zoti e ka dashur kur e bëri.”
Rama nuk ka kursyer as s ulmet ironizuese ndaj opozitës dhe Sali Berishës e Monika Kryemadhit.
“Shqipëria përtej pandemisë, përtej Covidit duhet të jetë Shqipëria përtej politikës së infektuar të gjithë këtyre viteve, duhet të lemë pas politikën e infektuar, kaq shumë vite me kaq shumë energji të harxhuara për she rre, për ndasi. Imagjino sa shumë më shumë do kishim bërë, sikur në këto 30 vjet të mos kishim kaluar kohën duke u kac afytur. Ata nuk janë njerëz të zakonshëm por janë fantazmat e historisë shqiptare që në momente të ndryshme shfaqen të ndryshëm, me fytyra të ndryshme dhe që nga Hashi Qamili deri tek Rrapush Xhaferri bashkë me Saliun ju thonë shqiptarëve kemi një rrugë të shkurtër prandaj hajdeni dhe nëse të tjerët Rrapush Xhaferrin Suden Nebiun i kujtojnë, Vlora jo vetëm i kujton por nuk mundet ti harrojë asnjëherë, sepse ishte Vlora ajo që u përvë lua për ti shp orrur ato fan tazma dhe sot Basha është e njëjta gjë në një formë tjetër, i ri, i okllaisur me gojën që e ka mbushur me sheqer gjithë këto javë. U desh vetëm një ngjarje për ti parë dhe një herë që janë po ata, po ajo fa ntazmë, janë po ato forca që i thërrasin pjesës më të keqe të shqiptarit”, thotë më tej kryeministri në fjalën e tij.
Kryeministri Edi Rama në takimin përmbyllës të fushatës elektorale në qytetin e Vlorës shoqërohet nga familja e tij.
Në Lungomare ku po zhvillohet edhe mbyllja e fushatës elektorale, Kryeministri Rama ndodhet bashkë me bashkëshorten e tij dhe djalin e tyre 6 vjeçar, Zaho.
Pak më herët Kryeministri Rama përmbylli fushatën elektorale në Durrës, ndërsa ka zgjedhur qytetin bregdetar të Vlorës për të zhvilluar takimin e fundit para zgjedhjeve të 25 prillit.
Kryeministri Edi Rama u ka bërë sot thirrje tropojanëve që të zgjedhin kulturën e jo dasinë e punën në vend të dh unës.
Në një postim në Facebook, Rama bën thirrje gjithashtu që tropojanët të votojnë “Petritin e tyre dhe të Shqipërisë”, dhe jo ata, që sipas tij, në 30 vjet vetëm sherrin u kanë parë.
“Tropoja ka një mundësi të artë të zgjedhë kulturën, jo dasinë, ndershmërinë, jo dyfytyrësinë, punën, jo dhu nën!
O miq tropojanë që s’jeni tropojsa!
Votoni Petritin tuaj e të gjithë Shqipërisë, jo ata që i votuat 30 vjet dhe 30 vjet veç sherrin u keni parë” shkruan Rama./NOA.al
