Aktualitet

I riu që neutralizoi 32-vjeçarin që hyri me makinë mes përmes sheshit ‘Skënderbej’, nderohet me titullin ‘Mirënjohja e Qytetit’

Aktualitet / /

Klodian Elqeni, i riu që neutralizoi një 32-vjeçar që hyri me makinë mes përmes sheshit “Skënderbej” duke rrezikuar jetën e qytetarëve më 25 prill nga sot do të jetë mirënjohja e Tiranës.

I riu është nderuar sot nga kryetari i Bashkisë së Tiranës, Erion Veliaj, me titullin “Mirënjohja e Qytetit”. Duke i shprehur mirënjohjen e thellë për gjestin e tij prej një heroi modern, duke shpëtuar disa dhjetëra qytetarë mes të cilëve edhe mjaft fëmijë që ndodheshin në shesh, Veliaj tha se të tillë heronj na bëjnë krenarë dhe meritojnë vlerësim prej të gjithëve ne.

“Do të doja shumë që edhe në emër të qytetit të të falënderoja! Mund të kishte ndodhur edhe hataja me aq shumë qytetarë e fëmijë që po loznin, por na shpëtoi Zoti, se ndonjëherë Zoti çon një njeri të mirë që të shpëtojë të tjerët. Ndaj të falenderoj shumë dhe dua që në emër të qytetit të të jap këtë medalje të mirënjohjes, me shpresë që të kthehet në shembull edhe për të tjerët. Unë besoj që asnjë prej nesh nuk e merr me përshkrim pune gjënë e mirë që duhet të bëjë. Disa njerëzve iu vjen nga brenda dhe instiktive, ndaj shpesh them, mos prisni që të jetë shteti kudo.

Çdo njeri që sheh një nevojë, mund të jetë në një lagje, në komunitet, mund të jetë në një shkollë, apo në një shesh, mos prit të të vijë urdhri nga shteti të reagosh, shihe atë nevojë dhe plotësoje. Pastaj mirënjohja dhe falenderimi sigurisht që do të vijnë. Shpresoj shumë që djem dhe vajza të rinj e kanë marrë këtë mesazh dhe të kanë parë si frymëzim”, tha ndër të tjera Veliaj.

“Nuk e kisha menduar kurrë! Është diçka vërtet e çuditshme në një kohë kaq të shkurtër për mua, por ndjehem shumë mirë dhe shumë i vlerësuar nga shqiptarët anembanë dhe posaçërisht nga Lali Eri, kryetari ynë dhe nga të gjithë absolutisht. Ju falenderoj shumë të gjithëve”, u shpreh Klodiani gjatë marrjes së titullit.

Ngjarja e ndodhur mesditën e së dielës në sheshin “Skënderbej” në Tiranë, ku një automjet tip “Citroen” vuri në rrezik jetën e njerëzve, u mbyll pa persona të lë nduar, vetëm se në atë moment të shesh ndodhej i riu Klodian Elqeni, vetëm 22 vjec, i cili, me një veprim tejet të guximshëm, duke u future nga dritarja e makinës, arriti të neutralizonte drejtuesin e makinës që ishte nën efektin e lëndëve narkotike./NOA.al

I riu që neutralizoi 32-vjeçarin që hyri me makinë mes përmes sheshit ‘Skënderbej’, nderohet me titullin ‘Mirënjohja e Qytetit’ Read More »

Kryeministri Edi Rama vizitë në Firence, i shoqëruar nga bashkëshortja Linda dhe kardinali shqiptar, Ernest Troshani

Aktualitet / /

Kryeministri Edi Rama ndodhet ditën e sotme në Firence të Italisë ku ka vizituar edhe muzeun Uffizzi.

Kreun e qeverisë e shoqëron bashkëshortja Linda dhe kardinali shqiptar, Ernest Troshani. Siç shkruan Rama në një postim në Twitter, në Firence ndodhen me ftesë të kryebashkiakut Dario Nardella.

“Firenze, Itali – Në muzeun e famshëm Uffizzi, së bashku me kardinalin shqiptar, Ernest Troshani, me ftesë të kryebashkiakut Dario Nardella”, shkruan Rama. /NOA.al

Kryeministri Edi Rama vizitë në Firence, i shoqëruar nga bashkëshortja Linda dhe kardinali shqiptar, Ernest Troshani Read More »

Celibashi: Do hetojmë kush ka vendosur gishtin më shumë se një herë

Aktualitet, Votime Sondazhe / /

Komisioneri Shtetëror i Zgjedhjeve Ilirjan Celibashi në një deklaratë për mediat ditën e sotme ka reaguar lidhur me pretendimet e ngritura për votim të pa rregullt për sa i përket votimit elektronik që u aplikua në njësinë nr.10 në kryeqytet.

Sipas tij KQZ do të hetojë të gjithë rastet kur një person ka shënjuar gishtin më shumë se një herë në aparatin e indetifikimit elektronik. Celibashi ka thënë se kush kapet në këtë shkelje do të merren masa dhe do të nisin hetimet nga organet kompetente.

Celibashi shton se përjashtuar operatorëve, për të cilët e cilësoi si një problem teknik, përsa i përket rasteve të tjera, personat të cilët kanë vendosur shenjën e gishtit më shumë se një herë do të jenë të detyruar të japin shpjegime.

“Qëllimi i pajisjes ishte të regjistronte gjurmët e gishtave të votuesve, ata të cilët kanë dashur ta provojnë për sport e kanë vendosur gishtin disa herë në pajisje do të evidentohen qartësisht dhe do të japin llogari para organeve. Ata të cilët kanë thënë që pajisja nuk ka funksionuar pajisja ka funksionuar shumë mirë. Qëllimi ka qenë të evidentonte shenjat e gishtit të votuesve.

Duhet të shohim numrin total të personave që kanë shënuar më shumë se një herë në këto pajisje, ky numër në raport me raport me rezultatin do të ketë një shqyrtim nga KQZ.

Ata persona do të duhet të japin shpjegime, do hetohet dhe verifikohet. Ka pasur raste dhe shumica e rasteve i përket gjurmës së gishtave të operatorëve, ndoshta jo mirë të trajnuar kanë menduar se nuk do ishte problem nëse e vendosin gishtin disa herë. Nëse do të jetë kështu do të jemi të rastit të janë problem teknik, por me siguri absolute mundet të themi se në rastet kur dikush tjetër e ka vendosur gishtin në më shumë se 1 herë është i detyruar të japi shpjegime, sa më shumë video të tilla të shfaqen aq më shumë do të ndihmojnë hetimin”, tha Celibashi./NOA.al

Celibashi: Do hetojmë kush ka vendosur gishtin më shumë se një herë Read More »

Ndryshime në kabinetin e qeverisë Rama, ja kush janë dy lëvizjet e fundit

Aktualitet, Politike / /

Bora Muzhaqi është emëruar zv.ministre e Arsimit. Vendimi është marr sot nga Këshilli i Ministrave, ndërsa po ashtu i është besuar detyra e zv.ministres së Mbrojtjes, Dallandyshe Bicit.
Ndërkohë është liruar nga detyra e zv.ministres së Arsimit Aspajana Kongo.

Kujtojmë se Bora Muzhaqi ishte kandidate për deputete e PS në Tiranë, e renditur e 31-ta, ku nuk mundi të sigurojë vota të mjaftueshme për t’u zgjedhur, ndërsa po ashtu, gjatë fushatës Muzhaqit iu besua edhe pozicioni i zëdhënëses.

Po ashtu edhe Bici ishte kandidate për deputete në Qarkun e Tiranës, e cila, sikurse Muzhaqi, nuk siguroi vota të mjaftueshme për të marrë mandatin. Këto ndryshime në qeveri vijnë 10 ditë pas zgjedhjeve, ku PS fitoi duke marrë 74 mandate.

Ndryshime në kabinetin e qeverisë Rama, ja kush janë dy lëvizjet e fundit Read More »

Bujar Nishani: Basha të dorëhiqet, dështoi të sjellë ndryshimin

Aktualitet, Opinione, Politike / /

Ndryshe nga lideri i demokratëve Lulzim Basha që foli për arritje të demokratëve në 25 Prill, ish-Presidenti Bujar Nishani, që mban njëherazi edhe postin e Kryetarit të Këshillit Kombëtar në Partinë Demokratike e cilëson disfatë humbjen e opozitës në zgjedhje.

“Shqipëria humbi, Shqipëria nuk fitoi, për fatin e keq”.

Për këtë arsye thotë se nevojitet një analizë e thellë, duke e cilësuar të dështuar projektin politik të Lulzim Bashës.

“Fakti që ne nuk arritëm që të bindnim 1 milion shqiptarë të vinin në kutitë e votimit, që ta përmbysnin manipulimin e organizuar nga Edi Rama, tregoi që deri më tani nuk ka qenë një profil real, i vërtetë, por ka qenë një fasadë”, thotë Nishani për tv Klan.

Përgjegjësinë kryesore për hu mbjen ia faturon liderit të demokratëve, të cilit prej ditësh i kërkon të japë dorëheqjen.

“Refuzimi për ta bërë një gjë të tillë tregon që nuk e ka kulturën demokratike, nuk e ka modelin dhe civilizimin europian, përpiqet të imponojë modelin e Edi Ramës. Do të shkojmë drejt një k atastrofe tjetër, sepse mund të kemi një opozitë formale, por nuk do të kemi një alternativë qeverisje. Dhe kjo është një fatke qësi e madhe për të gjithë vendin, jo vetëm për demokratët”.

Nuk ka ambicie politike për t’u ulur në karrigen e Lulzim Bashës, por këtij të fundit i kujton që të lejojë hapjen e një procesi e gare të ndershme brenda selisë blu.

“Nuk jam unë që po ngre një kauzë, kam një ëndërr për një karrierë personale. Unë kam një ëndërr për PD. Ajo që është e pandryshueshme dhe që nuk do të ndryshojë asnjëherë, është që unë jam dhe do të mbetem një anëtar i PD. I vetmi mekanizëm për ta zgjidhur këtë krizë është reformimi dhe krijimi i një modeli krejt të ndryshëm i PD. I një modeli të një partie të hapur.

Me Lulzim Bashën bashkohen në një pikë, 25 Prillin e cilësojnë masa kër elektorale, por ndryshe nga kryetari i partisë thotë se dështoi në parandalimin e një fenomeni të ripërsëritur nga Kryeministri Rama.

“Jam i bindur që ka qenë një ma sakër elektorale, por masakër që nuk ndodhi më 25 Prill, masakër që ka ndodhur shumë më përpara se 25 Prilli. Dhe ti ke qenë i pazoti për ta deno ncuar këtë masa kër, ke qenë i pazoti për ta stopuar këtë masakër”.

Lulzim Bashën e akuzon për qëndrime kaotike ditët e fundit, që sipas Nishanit reflektojnë pasiguri dhe mungesën e guximit tek një lider.

“Ka një qëndrim për të gënjyer anëtarësinë. Nëse ti flet për një mas akër elektorale, ti nuk mund ta njohësh masakrën elektorale dhe nuk mund të bëhesh fasadë e ma sakrës elektorale”.

Be tejën e opozitës e sheh brenda institucioneve, por Nishani i druhet një loje të kryedemokratit që i shërben Kryeministrit Rama.

“Në radhë të parë duhet të bëhesh i besueshëm, duhet të marrësh përgjegjësitë politike dhe duhet të krijosh ekipin që be tejën institucionale mundet ta realizojë dhe mund ta përdorë këtë betejë institucionale në funksion të qëllimit kryesor, të qëllimit të rrëzimit të Edi Ramës”.

Bujar Nishani nuk është i vetmi zë brenda radhëve të demokratëve që kërkon dorëheqjen e Lulzim Bashës. Mes emrave të shumtë është edhe ai i njërit prej themeluesve të PD-së, Arben Imami dhe ish-Sekretari i Përgjithshëm, Arben Ristani.

Bujar Nishani: Basha të dorëhiqet, dështoi të sjellë ndryshimin Read More »

Spiropali: Nuk jemi kundër zgjedhjeve të parakohshme nëse e vendos Gjykata Kushtetuese

Aktualitet, Politike / /

Deputetja Elisa Spiropali, deklaroi se nuk janë kundër zgjedhjeve të parakohshme nëse vendoset nga Gjykata Kushtetuese.

Në një intervistë për ABC news ajo foli për zgjedhjet e 25 prillit, deklaratat e PD-së për shit-blerjen e votës si edhe kërkesës për hetim të këtij procesit të numërimit.

“Nuk jemi kundër zgjedhjeve të parakohshme nëse e vendos Gjykata Kushtetuese”, tha Spiropali.

Spiropali nuk hodhi akuza ndaj opozitës sikundër jemi mësuar ta dëgjojmë, por vlerësoi fushatën e bërë nga kjo forcë politike për zgjedhjet e 25 prillit.

“PD ka bërë një fushatë të mirë. Bash për hir të vërtetës ka qenë i arsyeshëm. PD është rritur ka marrë maksimumin që mund të merrte. Edhe ne do të bëjmë analizë edhe ata duhet të bëjnë analizë, por që PD të vrapojë drejt mosnjohjes së zgjedhjeve është rruga e sigurt e hu mbjes”, u shpreh Spiropali.

Ndërsa u pyet për deklaratat e Kreut të Partisë Demokratike i cili i konsideroi zgjedhjet e 25 prillit, k rim zgjedhor, Spiropali u shpreh se duhet të ndiqen procedurat dhe se në asnjë moment qeveria nuk ka penguar autoritetet të h etojnë.

Sa i përket kërkesës së kryeministrit Edi Rama për bashkëpunim e me liderin e opozitës, ajo theksoi se tashmë në këtë mandat të tretë ka ardhur koha që partitë politike t’i lënë pas “llogoret” e së shkuarës, por për të ardhmen e vendit dhe për rrugën drejt Bashkimit Europian

Përsa i përket nismës për shkarkimin e Presidentit të Republikës Ilir Meta, Spiropali u shpreh se, nuk e meriton besimin e shqiptarëve ndërsa shtoi se ai është vetëshkarkuar dhe se në mënyrë të hapur ka marrë pjesë në fushatë duke krijuar përçarje.

“Presidenti është vetëshkarkuar ka marrë pjesë hapur në fushatë, ka shkaktuar përçarje. Ne duhet t’i japim vendin një President dinjitoz. Ky ka br aktisur detyrën nuk ka përfaqësuar asnjë moment unitetin e popullit, por është i anshëm, i dhu nshëm. Ne kemi nevojë për një President që të jetë i të gjithëve dhe jo që sheh vetëm interesin e familjes së tij politike”, tha Spiropali./NOA.al

Spiropali: Nuk jemi kundër zgjedhjeve të parakohshme nëse e vendos Gjykata Kushtetuese Read More »

Komiteti Teknik i Ekspertëve publikon vendimet e fundit, ja cfarë u vendos…

Aktualitet, Lajmi i fundit / /

Komiteti Teknik i Ekspertëve është mbledhur sërish sot, për të publikuar vendimet e radhës mbi situatën më të fundit në vendin tonë.

Në konferencën për shtyp doli ministrja e Shëndetësisë, Ogerta Manastirliu, e cila bëri të ditur vendimet e fundit.

Ministrja bëri fillimisht një bilanc të ecurisë epidemiologjike në vendin tonë.

Ajo fillimisht foli për rënien e dukshme të rasteve të reja si dhe të fataliteteve.

Kjo ka bërë që edhe në spitale, – tha Manastirliu, – të ketë më pak të shtruar gjatë ditëve të fundit, si dhe situata të jetë e stabilizuar.

“Situata është nën kontroll”, tha Manastirliu, duke publikuar edhe masat e reja pas rivlerësimit nga Komiteti Teknik i Ekspertëve.

Lidhur me karantinën që u aplikua në dy javët e fundit për dy vendet fqinje, Manastirliu tha: Kemi vendosur të heqim masën karantinore me Greqinë dhe Maqedoninë e Veriut, pasi situata në dy vendet fqinje vlerësohet më pozitive”.

Një vendim tjetër është lehtësimi i masave në universitete.

“Lejohet hapja e auditoreve në universitete për provime dhe konsultime”, tha Manastirliu.

Kufizimet e orarit do të mbeten të pandryshuara: 22:00 deri në 6:00. Po ashtu edhe masat e tjera mbeten në fuqi, si grumbullimet etj.

Komiteti Teknik i Ekspertëve publikon vendimet e fundit, ja cfarë u vendos… Read More »

Sot 5 maji, nostalgjikët nuk ‘dorëzohen’: Lavdi shqiptarit të madh, Enver Hoxha!

Aktualitet / /

Si çdo vit tjetër, sot në Ditën e Dëshmorëve, nuk mund të mungonin as nostalgjikët e Enver Hoxhës

Ata sipas “rregullores” së tyre kanë zhvilluar homazhe në Va rrezat e Dëshmorëve, duek mbajtur në duar portrete të ish-dik tatorit Enver Hoxha, grushtin lart, si dhe parullat, ku shkruhej: “Lavdi shqiptarit të madh, Enver Hoxha”.

Nostalgjikët e re gjimit di ktatorial kanë vendosur kurora me lule në Var rezat e Dëshmorëve.

Në va rrezat e Dëshmorëve zhvilluan edhe Presidenti i Republikës, Ilir Meta dhe kreu i PD, Lulzim Basha, kryebashkiaku i Tiranës, Erjon Veliaj, si dhe deputetë të Kuvendit të Shqipërisë.
/NOA.al

Sot 5 maji, nostalgjikët nuk ‘dorëzohen’: Lavdi shqiptarit të madh, Enver Hoxha! Read More »